ஊனமுற்ற 2 குழந்தைகளுக்கான சக்கரநாற்காலி தேவை.

[shanthy]

ஊனமுற்ற 2 குழந்தைகளுக்கான சக்கரநாற்காலி தேவை.

ஏற்கனவே யுத்தத்தால் பாதிக்கப்பட்டு இடம்பெயர்ந்து சொந்த வீடு நிலங்களை இழந்து அலைந்து மீண்டும் தமது ஊரில் குடியேறியுள்ள ராணமடு , மாதிரி கிராமம் , மண்டுரைச் சேர்ந்த சிவபாலன் தம்பதிகளின் பிள்ளைகளான பவாதாஸ் 12வயது , விருத்திகா 7வயது ஆகிய இருவரும் எவ்வித குறைபாடுகளும் இல்லாது உலவிக் கொண்டிருந்தனர். திடீரென இருபிள்ளைகளும் நடக்க முடியாது மனவளர்ச்சி குன்றியவர்களாகிவிட்டனர்.

கூலித்தொழில் செய்து குடும்பத்தைக் கவனிக்கும் சிவபாலன் அவர்களால் ஊனமுற்ற குழந்தைகள் இருவரையும் பராமரிக்கும் வசதியின்றி இருக்கிறார்கள். யுத்தத்தின் தாக்கத்திலிருந்து மீண்ட குடும்பத்தின் அன்றாடத் தேவைகளைச் சமாளிக்கவே மிகவும் அவதியுறுகின்றனர்.

 

பல அரச அரசசார்பற்ற தொண்டு நிறுவனங்கள் இக்குடும்பத்தை பார்வையிட்டுச் சென்றுள்ளனர். தம்மால் பிள்ளைகளுக்கான வசதிகளைச் செய்து தர முடியுமென்று வாக்குறுதியளித்தும் சென்றுள்ளனர். ஆயினும் பார்வையிட்டுச் சென்றவர்கள் திரும்பி எதனையும் செய்யவுமில்லை பார்க்கவுமில்லை.

கிராம உத்தியோகத்தர் அரச உதவிக்கு விண்ணப்பித்தும் இதுவரை எவ்வித உதவிகளும் கிடைக்கவில்லையென்பதனை கிராம உத்தியோகத்தர் உறுப்படுத்திய கடிதத்தையும் எமக்கு வழங்கியுள்ளார்.

 

பிள்ளைகள் இயற்கைக் கடன்களை கழிக்க வேண்டிய வசதிகளோ அல்லது அவர்களது மனவளத்தை மேம்படுத்தக்கூடிய மருத்துவமோ செய்ய முடியாது துயரமுற்றிருக்கும் குடும்பத்தினர் தங்கள் பிள்ளைகளுக்கு சக்கரநாற்காலியொன்றும்மேலும் சில உதவிகளையும் வேண்டியுள்ளனர்.

இந்தப் பிள்ளைகளுக்கு சகல வசதிகளோடும் கூடிய ஒரு சக்கரநாற்காலியினை வாங்குவதற்கு  28ஆயிரம் ரூபா (175€) தேவைப்படுகிறது. ஒவ்வொரு அம்மாவும் அப்பாவும் தங்கள் பிள்ளைகள் ஊனமுற்று முடங்கிப்போனால் மனசால் அடைகிற உழைச்சல் கவலையை ஒவ்வொரு பெற்றோராலுமே புரிந்து கொள்ள முடியும்.

இந்தப் பிள்ளைகளுக்கு ஒரு சக்கர நாற்காலியை வழங்க கருணையுள்ளம் படைத்த பெற்றோர்களை வேண்டுகிறோம்.

 

தந்தை சிவபாலன் அவர்கள் எழுதிய கடிதமும் கிராம உத்தியோகத்தரின் உறுப்படுத்தலும்:-

 

தொடர்பு கொள்ளுங்கள் :-

 

Nesakkaram e.V.

Hauptstrasse 210

55743 Idar-Oberstein

Germany

 

Telephone: +49 (0)6781 70723 /Mobile – 0049 (0) 1628037418

 

nesakkaram@gmail.com

Skype – Shanthyramesh

http://nesakkaram.org/ta/%E0%AE%8A%E0%AE%A9%E0%AE%AE%E0%AF%81%E0%AE%B1%E0%AF%8D%E0%AE%B1-2-%E0%AE%95%E0%AF%81%E0%AE%B4%E0%AE%A8%E0%AF%8D%E0%AE%A4%E0%AF%88%E0%AE%95%E0%AE%B3%E0%AF%81%E0%AE%95%E0%AF%8D%E0%AE%95%E0%AE%BE/

 

 

[shanthy]

இந்தக் குழந்தைகளுக்கான சக்கரநாற்காலிக்கான உதவியை கள உறவு ஒருவர் உதவ முன்வந்து தனிமடலிட்டுள்ளார். தனது பெயரைக் குறிப்பிட வேண்டாமென கேட்டுள்ளார். எனினும் அந்த உறவுக்கு இதயம் நிறைந்த நன்றிகளைத் தெரிவித்துக் கொள்கிறேன். இதுவரையிலும் சக்கரநாற்காலி இல்லாமல் சிரமப்பட்ட அந்தக் குழந்தைகள் இனி சக்கர நாற்காலியில் தங்கள் இயற்கைக்கடன்களை கழிக்கவும் உலவித்திரியவும் இந்த உதவி பேருதவியாக அமையும்.

உதவ முன்வந்த உறவே உங்கள் உதவியை என்றென்றும் அந்தக் குடும்பம் மறக்காது.

 

[shanthy]

ஊனமுற்ற பிள்ளைகளுக்கான சக்கரநாற்காலி வழங்கல்

 

மண்டுரைச் சேர்ந்த சிவபாலன் தம்பதிகளின் பிள்ளைகளான பவாதாஸ் 12வயது , விருத்திகா 7வயது ஆகிய இருவரும் எவ்வித குறைபாடுகளும் இல்லாது உலவிக் கொண்டிருந்தனர். திடீரென இருபிள்ளைகளும் நடக்க முடியாது மனவளர்ச்சி குன்றியவர்களாகிவிட்டனர்.

 

இக்குழந்தைகளுக்கான சக்கரநாற்காலிக்காக எம்மிடம் குழந்தைகளின் தகப்பன் விண்ணப்பித்திருந்தார். அவர்களுக்காக பெயர் குறிப்பிடாத உறவு முன்வந்து உதவியிருந்தார்.

 

உதவி வழங்கப்பட்டதற்கான படங்கள் :

நன்றிக்கடிதம் :-

சக்கரநாற்காலி கொள்வனவுச் சிட்டை :-

தொடர்பு கொள்ளுங்கள் :-

Nesakkaram e.V.
Hauptstrasse 210
55743 Idar-Oberstein
Germany

 

Telephone: +49 (0)6781 70723 /Mobile – 0049 (0) 1628037418

 

nesakkaram@gmail.com
Skype – Shanthyramesh

தொடர்புபட்ட செய்தி:-http://nesakkaram.or…குழந்தைகளுக்கா/