ஏழைக்கிராமமொன்றின் வளர்ச்சி வெற்றியை நோக்கிச் செல்கிறது

 

வறுமையாலும் கல்வி நிலமையாலும் பின்தங்கி யாராலும் கவனிக்கப்படாதிருந்த மட்டக்களப்பு கரடியன்குளம் (குசேலன்மலை) கிராமம் இவ்வருடம் வெள்ள அனர்த்தத்தின் போது எமது அமைப்பால் இனங்காணப்பட்டது. அவசர உதவியாக இக்கிராமத்து மக்களுக்கான வெள்ள நிவாரணத்தை இவ்வருடம் தைமாதம் வழங்கியிருந்தோம்.

 

இக்கிராமத்தின் புவியியல் அமைவு வாழ்வாதார உயர்வுக்கான வழிமுறைகள் கல்வித் தகைமை போன்றவற்றை ஆராய்ந்து அவர்களை உயர்த்தும் நோக்கில் நேசக்கரம் களக்குழுவினர் நீண்ட நாட்கள் இந்தக் கிராமத்தின் குழந்தைகளோடும் குடும்பங்களோடும் கூடியிருந்து அவர்களது தேவைகள் பிரச்சனைகள் போன்றவற்றை ஆராய்ந்து அறிக்கையினை சமர்ப்பித்திருந்தனர்.

 

இக்கிராமத்தின் தேவைகள் பெரிதாக இருந்தாலும் முதலில் இக்கிராமத்தில் வாழும் 27குடும்பங்களின் குழந்தைகளுக்கான கல்வியை வழங்க முடிவு செய்து கல்விவழங்கலுக்கான உதவியினைக் கோரியிருந்தோம். உதவுவதாக வாக்களித்தவர்களின் வார்த்தைகள் பொய்யாகி உதவி கிடைக்காது தாமதமானது.

 

எங்களால் தங்கள் பிள்ளைகளுக்கு கல்வி கிடைக்குமென்ற நம்பிக்கையிலிருந்த மக்களையும் அவர்களது குழந்தைகளையும் கைவிடாமல் காக்கவும் கல்வியை ஊட்டுவதன் மூலம் சிறந்த சமூகத்தை உருவாக்க முடியுமென்ற எமது எமது நம்பிக்கையை கைவிடாமல் தொடர்ந்து உதவிக்காக முயற்சித்தோம்.

 

மெரிக்காவிலிருந்து திரு.தவேந்திரராசா ஐயா அவர்கள் தானாகவே முன்வந்து கரடியன்குளம் (குசேலன்மலை) கிராமத்தின் குழந்தைகளுக்கான கல்வியறிவை மேம்படுத்த இவ்வருடம் ஆனிமாதம் முதல் உதவி வருகிறார்.

தவேந்திரராசா ஐயா அவர்கள் தன்னை அடையாளப்படுத்தாமல் நேசக்கரத்தின் பணிகளோடு இணைந்திருக்கும் ஒருவர். இவர் நாடுகடந்த தமிழீழ அரசில் அங்கம் வகிக்கிறார். தனது பணிகளோடு எங்களது மனிதாபிமானப் பணிகளுக்கு ஆதரவை வழங்கி தான் பிறந்த மண்ணுக்கான சேவையை சத்தமில்லாமல் செய்து கொண்டிருக்கிறார்.

 

ஏற்கனவே இலவச கணணிக் கற்பித்தலுக்காக கணணிகளைப் பெற்றுத் தந்து தனது ஆதரவை தந்ததோடு நின்று விடாமல் நேசம் இலவச கல்வித்திட்டத்தின் 5ம் ஆண்டு புலமைப்பரிசில் கையேடு பயிற்சி வகுப்புகளுக்கும் தனது பங்களிப்பை வழங்கியுள்ளார்.

 

தற்போது எமது உப அமைப்பான அரவணைப்பு அமைப்பின் கவனிப்போடும் ஒருங்கிணைப்போடும் நடைபெற்று வரும் கல்விப் பயிற்சியில் தனது ஆதரவைத் தந்து எங்களது குழந்தைகளின் எதிர்காலத்திற்கு ஒளியேற்றிய பெருமைக்குரியவராக எங்கள் நன்றிக்கும் அன்புக்கும் உரிய தவேந்திரராசா ஐயா எங்கள் அமைப்பிற்கு தனது ஆதரவை வழங்கிக் கொண்டிருக்கிறார்.

 

சித்திரம் வரைதல் , விளையாட்டு , கைவேலைகள் என ஆரம்பமான எமது முயற்சியானது மாணவர்களின் ஆர்வம் விருப்பை உள்வாங்கி தற்போது எழுத்துப் பயிற்சியை ஆரம்பித்துள்ளோம்.

 

இங்கு வரும் போது பேசவே அச்சப்பட்ட குழந்தைகள் தற்போது எல்லோருடனும் தயக்கமின்றிப் பேசவும் எழுதவும் ஆரம்பித்துள்ளார்கள். இந்தக் குழந்தைகளின் முன்னேற்றம் யாவுக்குமான நன்றிக்குரிய திரு.தவேந்திரராசா ஐயா அவர்களுக்கு மீளவும் எங்கள் நன்றிகள்.

 

இதுவரை காலமும் இக்கிராமத்தில் பிள்ளைகளை வைத்து கற்பிக்க இடவசதியின்றி மரங்களின் கீழேயே கற்பித்தல் வகுப்புகளை எங்கள் குழுவினர் நடாத்தி வந்தனர். தற்போது எமது சேவையின் தேவையைப் புரிந்த கிராமிய சங்கம் கட்டடம் ஒன்றினை வழங்க முன்வந்துள்ளது.

 

இனிவரும் காலங்களில் இக்கிராமத்தின் குடும்பங்களுக்கான வாழ்வாதாரத்தினை மேம்படுத்தும் வேலைகளைச் செய்ய வேண்டிய கட்டாயத்தை உணர்ந்துள்ளோம். விவசாய நிலங்களையும் நீர் வளத்தையும் கொண்டுள்ள இக்கிராமத்தின் அடுத்த கட்ட மாற்றத்துக்கான ஆதரவினை கருணையாளர்களிடம் வேண்டி நிற்கிறோம்.

ஏழைக்கிராமமொன்றின் வளர்ச்சியின் அடுத்த படி வெற்றியை நோக்கியே செல்வதை பிள்ளைகளின் கல்வியறிவூட்டல் மூலம் அச்சமூகம் பெற்று வருவதை அவதானிக்கத் தொடங்கியுள்ளீர்கள். இனி உங்கள் உதவிகள் இக்கிராமத்தை மேம்படுத்தும் என நம்புகிறோம்.

 

08.06.2013 தொடக்கம் நடைபெற்று வரும் கல்வி ஊக்குவிப்பு அறிக்கையின் தொகுப்பினை உங்களுடன் பகிர்ந்து கொள்கிறோம்.

தொடர்புபட்ட செய்தியிணைப்பு :-

குசேலன்மலை குழந்தைகளுக்கு கல்வியுதவி செய்யுங்கள்.

http://nesakkaram.org/ta/%E0%AE%95%E0%AF%81%E0%AE%9A%E0%AF%87%E0%AE%B2%E0%AE%A9%E0%AF%8D%E0%AE%AE%E0%AE%B2%E0%AF%88-%E0%AE%95%E0%AF%81%E0%AE%B4%E0%AE%A8%E0%AF%8D%E0%AE%A4%E0%AF%88%E0%AE%95%E0%AE%B3%E0%AF%81%E0%AE%95%E0%AF%8D/

ஏழைக்கிராமமொன்றின் வளர்ச்சியை நோக்கிய பாதையில் நேசக்கரம்.

http://nesakkaram.org/ta/%E0%AE%8F%E0%AE%B4%E0%AF%88%E0%AE%95%E0%AF%8D%E0%AE%95%E0%AE%BF%E0%AE%B0%E0%AE%BE%E0%AE%AE%E0%AE%AE%E0%AF%8A%E0%AE%A9%E0%AF%8D%E0%AE%B1%E0%AE%BF%E0%AE%B2%E0%AF%8D-%E0%AE%B5%E0%AE%B3%E0%AE%B0%E0%AF%8D/

 

உதவி வழங்க விரும்புவோர் தொடர்பு கொள்ளுங்கள். தொடர்பு கொள்ள வேண்டிய விபரங்கள் :-

 

முகவரி:

Nesakkaram e.V

Hauptstr – 210

55743 Idar-Oberstein

Germany.

 

Skype ID – Shanthyramesh

Telephone: +49 (0)6781 70723 /Mobile – 0049 1628037418

 

Vereinsregister:

AZ- VR 20302

Amtsgericht 55543 Bad Kreuznach

Finanzamt Idar-Oberstein,Steuer-Nr. 09/665/1338/8

 

Bank information

 

Germany:

NESAKKARAM e.V.55743 Idar-Oberstein

Konto-Nr. 0404446706

BLZ 60010070

Postbank Stuttgart

 

Other countrys:

 

NESAKKARAM E.V

A/C 0404446706

Bank code – 60010070

IBAN DE31 6001 0070 0404 4467 06

Swift code – PBNKDEFF

Postbank Stuttgart

Germany

 

Paypal Account – nesakkaram@gmail.com

 

nesakkaram@gmail.com

Skype – Shanthyramesh

www.nesakkaram.org

 

http://nesakkaram.org/ta/%E0%AE%8F%E0%AE%B4%E0%AF%88%E0%AE%95%E0%AF%8D%E0%AE%95%E0%AE%BF%E0%AE%B0%E0%AE%BE%E0%AE%AE%E0%AE%AE%E0%AF%8A%E0%AE%A9%E0%AF%8D%E0%AE%B1%E0%AE%BF%E0%AE%A9%E0%AF%8D-%E0%AE%B5%E0%AE%B3%E0%AE%B0%E0%AF%8D/

 

இதுவரை காலமும் பிள்ளைகள் மர நிழலில் தான் படித்து வருகிறார்கள். எமது அமைப்பின் சேவைக்கு கிடைத்த வெற்றியாக அடுத்த மாதம் மேற்படி குழந்தைகளை படிப்பிக்க கட்டடம் ஒன்று எமக்கு கிடைக்கவுள்ளது.