வடக்கு கிழக்கு தமிழ் தாயகம் எனில் ஏனையவை சிங்களவர் மாநிலங்களா? அநுர குமார

நாட்டில் இனவாத அரசியல் தலைதூக்கியுள்ளது – ஜே.வி.பி.

வடக்கு கிழக்கு தமிழர்களின் தாயகம் என்று சொன்னால் ஏனைய ஏழு மாகாணங்களும் சிங்களவர்களின் தயகமா எனக் கேள்வி எழுப்பியுள்ளார் மக்கள் விடுதலை முன்னணியின் பாராளுமன்ற உறுப்பினர் அனுரகுமார திஸ்ஸநாயக்க. 

தமிழ் தேசியக் கூட்டமைப்பு அண்மையில் வெளியிட்ட தேர்தல் விஞ்ஞாபனம் தொடர்பில் மக்கள் விடுதலை முன்னணி ஊடகவியலாளர் மாநாடு ஒன்றை ஏற்பாடு செய்திருந்தது. 

வடக்கு கிழக்கு தமிழர்களின் தாயகம் என்று கூட்டமைப்பு தெரிவித்திருப்பது தமிழர்களின் பிரச்சினைக்கு தீர்வாகாது என்று தெரிவித்த அவர் நாட்டில் உள்ள தமிழர்களில் 51.2 வீதமானவர்கள் வடக்கு கிழக்கிற்கு வெளியில் உள்ளனர் என்றார். 

வடக்கு கிழக்கை தமிழர்களின் தாயகம் என்றால் ஏனைய பகுதி தமிழர்களுக்கு உரிமை இல்லை என்றல்லவா அமையும் என்று குறிப்பிட்ட அவர் அது தமிழ் மக்களுக்கு கூட்டமைப்பு செய்யும் அநீதி என்றும் தெரிவித்தார். 

அத்துடன் வடக்கு கிழக்கு தமிழ் மக்களின் தாயகம் என்றால் ஏனைய ஏழு மாகாணங்களும் சிங்களவர்களின் தாயமகமாகும் எனவும் தெரிவித்த அவர் இது தமிழ் மக்களின் பிரச்சினைக்கு தீர்வாகாது என்றும் தெரிவித்தார்.  

நாட்டில் இனவாத அரசியல் தலை தூக்கியுள்ளது – ஜே.வி.பி.