வடக்கில் திட்மிட்டு சீரழிக்கப்படும் கலாச்சாரமும் அழிக்கப்படும் யுவதிகளும்!

முல்லைத்தீவு மாங்குளம் பகுதியில் சிறீலங்கா காவல்துறையினரின் திட்டமிட்ட செயற்பாட்டினால் யுவதிஒருவரின் உயிர் பறிக்கப்பட்டுள்ளது தமிழர்களின் கலாச்சாரத்தை சிரழிக்கும் வகையில் படையினரும் படைபுலனாய்வாளர்களும் ஈடுபட்டுக் கொண்டிருக்கின்றார்கள்.

யுவதி ஒருவர் தன்னை மானபங்கப்படுத்தும் முயற்சிக்கு எதிராக காவல் நிலையத்தில் முறைப்பாடு செய்தும் காவல்துறையினரின் எவ்வித நடவடிக்கையும் மேற்கொள்ளாததன் காரணமாக குறித்த யுவதி தற்கொலை செய்துகொண்ட சம்பவமொன்று மாங்குளம் பிரதேசத்தில் இடம்பெற்றுள்ளது.

இது குறித்து தெரியவருவதாவது..

மாங்குளம் காவல்துறையினரும் படை புலனாய்வாளர்களும் சேர்ந்து இயங்குகின்ற கூட்டு நடவடிக்கை மூலம் தமிழர்களுடைய கலாசாரங்களுக்கும் இயல்பு வாழ்க்கைக்கும் ஒரு சில தமிழ் இளைஞர்களூடாக வன்முறைகளை கட்டவிழ்த்து விடப்பட்டுள்ளது.

மாங்குளம் பிரதேசங்களில் மீள்குடியேற்றம் செய்யப்பட்ட மக்களின் வீடு கிணறு மற்றும் அத்தியாவசிய புனர்நிர்மாணம் செய்கின்ற நடவடிக்கைக்கு அனைத்து வகையிலும் தடைகளை ஏற்படுத்துவதும் மணல் கிரவல் போன்றவற்றை பெறமுடியாமல் தடை ஏற்படுத்துவதுமாக இருக்கின்ற வேளையில் சமூக சீரழிவுகளுக்கும் ஊக்குவிப்பதாக அமைகின்றது.

இந்த நிலையில் மாங்குளம் பிரதேசத்தில் வசிக்கும் யுவதியினை மானபங்கப்படுத்தும் முயற்சிக்கு எதிராக காவல் நிலையத்தில் முறைப்பாடு செய்யப்பட்டும் காவல்துறையினரின் நடவடிக்கையின்மை காரணமாக செல்வி இராஜா துளசி என்ற யுவதி தற்கொலை செய்துகொண்டுள்ளார்.

இதன் பின்னர்தான் இவ்முயற்சிக்கு உறுதுணையாக இருந்த ஒரு சில நபர்கள் மட்டும் காவல்துறையினரால் கைது செய்யப்பட்டுள்ளதாக அறியமுடிகிறது.

மாகாணசபை தேர்தலில் தமிழ் தேசிய கூட்டமைப்புக்கு ஆதரவளித்ததாக கூறி மல்லாவி – மாங்குளம் காவல்துறையினரும் படையினரும் பொதுமக்கள் மீது அடாவடிமுல்லைத்தீவு மாவட்டம் மாங்குளம் மல்லாவி காவல் நிலையங்களுக்கு உட்பட்ட பகுதிகளில் மாகாணசபை தேர்தல் முடிவுகளுக்கு பிற்பாடு வீட்டுத்திட்ட தேவைகளுக்காக மணல் மரம் போன்றவற்றை கொண்டுவருபவர்கள் மீதும் இவற்றை வீடுகளில் வைத்திருப்பவர்கள் மீதும் சட்டவிரோத நடவடிக்கை எனக் கூறி பொருட்களை கையகப்படுத்துவதும் வாகனங்களை பறிப்பதுமான முயற்சியில் பொலிஸார் இறங்கியுள்ளனர்.

தேர்தல் முடிவுகளில் அரசதரப்புக்கு சாதகம் ஏற்படாத நிலையிலே இந்நடவடிக்கை நடைபெறுவதாக பொதுமக்கள் சந்தேகிக்கின்றனர்.பாலிநகர் கிராமத்தில் வீட்டுத்திட்ட வேலைகளைச் செய்யும் நாதன் என்பவரின் தச்சுவேலை இயந்திரத்தினை அனுமதி பெறாமல் வைத்திருந்ததாக குற்றஞ்சாட்டி பதினைந்துக்கு மேற்பட்ட காவல்துறையினர் ஒன்று சேர்ந்து வந்து கைது செய்து இயந்திரங்களையும் ஏற்றிச்செல்லப்பட்டுள்ளது.

பாலிநகர் பிரதேசத்தில் வியாழன் இரவு இனந்தெரியாத நபர்களினால் கூட்டமைப்பிற்கு வாக்களித்தீர்களா? எனக் கேட்கப்பட்டு தாக்கப்பட்டுள்ளனர்.இதேபோல் வீட்டுத்திட்டத்திற்கான மணல் ஏற்ற வவுனிக்குளம் சென்ற உழவு இயந்திர சாரதி இராணுவத்தினரால் தாக்கப்பட்டு திருப்பி அனுப்பப்பட்டதாக அறியமுடிகின'றது .

http://www.sankathi24.com/news/33770/64//d,fullart.aspx