நோர்வேயில் வெளிநாட்டவர்களுக்கும் நோர்வேஜியர்களுக்கும் இடையேயான இடைவெளி கூடுகின்றதா?

குடியேற்றப் பின்னணி கொண்டவர்களுடன் நோர்வேயின் சொந்தக் குடிமக்களில், பாதிக்கும் சற்று கூடியவர்கள் மட்டுமே நெருங்கிப் பழகுவதாக சமீபத்திய ஆய்வொன்று தெரிவித்துள்ளது.

நோர்வே அரச ஊடகமான NRK இன்அனுசரணையில்   “Norsk Nok” (நோர்வேஜியர்கள்போதுமா?) எனும் தொலைக்காட்சித் தொடர்சார்பாக இடம்பெற்ற நோர்ஸ்டற் (Norstat) வாக்களிப்பு, இதனை 56% என்றுகாட்டியுள்ளது.

குறித்த நோர்வே ஒலிபரப்பு நிகழ்ச்சியில், தாயக நோர்வேஜியன்களும் குடியேற்றப் பின்னணி கொண்ட நோர்வேஜியன்களும், சமகாலத்தில், "நோர்வேஜியன்" என்றபதம் எதைக் குறிக்கிறது என்பது பற்றி ஆராய்ந்தனர்.

நண்பர், உறவினர்,அயலாருடன் தொடர்புகளைப் பேணுவதே, "நெருங்கிப்பழகுதல்" என்று அங்கு வரையறுக்கப்பட்டிருந்தது. பஃபோ ஆராய்ச்சி நிறுவனத்தைச் சேர்ந்த (Fafo Research Foundation) ஆய்வாளர் ஜொன்றொக்ஸ்டட் (Jon Rogstad) இந்த பெறுபேறுகள் குறித்து ஏமாற்றம் தெரிவித்தார்.

குடியேறியோருடன் நெருக்கமான மக்களின் எண்ணிக்கை அதிகமாக இருக்கவேண்டும் என்று விரும்புகிறேன்." முக்கியமான தொடர்பைமக்கள் இழக்கிறார்கள் என்பதில் எனக்கு வருத்தம் தான்!" என்றார் அவர்.

மேலும் வேலைப் பிரச்சனைகளைப் பொறுத்தவரை, நோர்வே ஒன்றிணைந்த கொள்கை பாராமுகமான ஒன்றாக மாறிவிட்டது என்பது அவரது கருத்தாக இருக்கிறது.

ஒருங்கிணைந்திருத்தல் என்பது நோர்வேயைப் பொறுத்தவரை, எல்லாவிதத்திலும் முக்கியமான வேலையொன்றைப் பெறுதல் என்றளவிலேயே உள்ளது. நாளாந்த வாழ்வில் அவர்களை உள்ளீர்த்துக் கொண்டால் மட்டுமே, அவர்கள் "நோர்வேஜியன்"களாக இருப்பார்கள் என்பதை நாம் மறந்துவிட்டோம். ஆனால், நோர்வேஜியன்கள் விரும்பாத பல வேலைகளை குடியேற்றப் பின்னணி கொண்ட பலர் ஏற்றுக்கொள்கின்றனர். மேலும் தம்நாளாந்த வேலைகளை ஏனைய சிறுபான்மையினருடன் பகிர்ந்துகொள்கின்றனர்.

தம்மைத்தாமே பல் கலாசார நிறுவனங்களாக அழைத்துக் கொள்ளும் நிறுவனங்கள் கூட தவறாகவே வழிநடத்துகின்றன. 14 வெவ்வேறு நாடுகளை ஒரே கூரையின் கீழ், ஆனால் வெவ்வேறு தளங்களில் வைத்தால் அது என்ன பல்கலாசாரத்துவம்?" என்கின்றார் திரு.றொக்ஸ்டட்.

ஆயிரம் தாயக நோர்வேஜியன்கள் NRK நோர்ஸ்டட் வாக்கெடுப்பில் பங்குபற்றினர்.வெளிநாட்டுப் பின்னணி கொண்டதாகப் பதிலளித்தசிலர், முறையே 48% மற்றும் 25% அளவில், மேற்கு நோர்டிக் அல்லது வடஐரோப்பியன் நாடுகளிலிருந்து வந்திருந்ததாக தெரிவித்திருந்தனர்.

ஆசிய, ஆபிரிக்க, மத்திய கிழக்கு தோற்றம் கொண்டவர்கள் 19, 17, 13 சதவீதங்களாக இருந்தனர். இதனிடையே, தலைநகரில் வேலை வாய்ப்பு வீதம் குறைந்து வருவதாக சில அறிக்கைகள் தெரிவிக்கின்றன.

அண்மைய நோர்வே புள்ளி விபரக் கற்கையொன்று குடிபெயர் தொழிலாளிகள் ஒஸ்லோவை விட்டு நீங்கி, பணமும் தேவையும் அதிகமுள்ள மேற்கு நோர்வேயின் எண்ணெய்க் கைத்தொழில் போன்ற இடங்களில், வேலைக்குச் செல்வதாகத் தெரிவித்துள்ளது.

அதேவேளை நோர்வே தொழில் வழங்குநர்களின் வெளிநாட்டினர் மீதான நம்பிக்கையீனம் தொடர்கிறது. இவ்வாண்டின் ஆரம்பத்தில், அகெர்சொலியூசன் (Aker Solutions) எண்ணெய்ச் சேவை நிறுவனம் 84 வேறுபட்ட நிறுவனங்களைச் சேர்ந்த 1400 பேரை பணிக்கமர்த்தியிருந்ததாக ஸ்டாவங்கர் மாலையிதழான "Stavanger Aftenblad" தெரிவித்திருந்தது.

Norske Shell, Conocophillips, Maersk,Dong கூட முதலான பழைய எண்ணெய் நிறுவனங்கள், தேவையான நிபுணத்துவம் மிக்கவர்களை பெற, அவ்வபோது வெளிநாடு செல்கின்றன. Statoil நிறுவனத்தின் வெளிநாட்டினர் எண்ணிக்கையும் கூட கூடிவருகிறது.

பஃபோறொக்ஸ்டட்டின் கருத்துப்படி, நோர்வேஜியன்கள் பண்பாட்டு சகிப்புத்தன்மை கொண்டவர்களாக தம்மைக் காட்டிக் கொள்ள விரும்புபவர்கள். ஏனைய நாடுகளின் கவர்ச்சியையும் பல்வகைமையையும் இரசிப்பவர்கள். எனினும் தம் சொந்த நாட்டின் பாரம்பரிய விதிமுறைகள் மீறப்படும் போது சற்று அச்சுறுத்தலுக்குள்ளானது போல் உணர்கின்றனர்.

நோர்வே சமத்துவ சமுதாயத்தைக் கொண்ட நாடு.ஆனால், இங்கு ஒருசங்கடம் இருக்கிறது.தாம் விரும்பியபடி வேறுபட்டிருக்கலாம்.
இருப்பினும், பல்வகைப்பட்டநோர்வே, சில நல்ல, அல்லது சற்றுக் குறைந்த பல பொருட்களை ஒரேபையில் வைத்திருப்பதற்கு ஒப்பானது. உங்களுக்குத் தேவையான பகுதிகளை மட்டும் நீங்கள் பெற முடியாது. தாய்லாந்துஉணவைப் பெறமுடியாது, ஆனால் அந்த மக்களைப் பெறலாம்." என்று முடித்து வைத்தார் றொக்ஸ்டட்.
 
...
http://tamilnorsk.com/index.php/welcome/item/308-நோர்வேயில்-வெளிநாட்டவர்களுக்கும்-நோர்வேஜியர்களுக்கும்-இடையேயான-இடைவெளி-கூடுகின்றதா?

நியானி: செய்தி முழுமையாக இணைக்கப்பட்டுள்ளது.

Edited November 9, 201312 yr by நியானி