கடும் குடிநீர் பஞ்சத்தை எதிர்நோக்குகிறது பிரேஸில்

நீர் மின் நிலையங்களில் தண்ணீர் குறைந்திருப்பதால், மின் உற்பத்தியும் பாதிக்கப்பட்டுள்ளது.

 

கோடைக் காலம் நெருங்குவதால் மின்சாரத் தேவை அதிகரித்திருக்கும் நிலையில் இந்த உற்பத்தி பாதிப்பு ஏற்பட்டுள்ளது.

 

 

பிரேசிலின் தென் கிழக்கு பிராந்தியத்தின் பருவநிலைப் பதிவேடுகள் 84 ஆண்டுகளுக்கு முன்பு உருவாக்கப்பட்டு பராமரிக்கப்பட்டுவருகின்றன. அப்போதிருந்து, இவ்வளவு மோசமான நிலை ஏற்பட்டதில்லை என டெய்க்ஸெரியா தெரிவித்துள்ளார்.

 

சா பாலோ நகரில்தான் பிரச்சனை முதலில் துவங்கியது. குடிநீர் இணைப்பு அடிக்கடி துண்டிக்கப்பட்டதால், லட்சக்கணக்கான மக்கள் பாதிக்கப்பட்டனர்.

 

இதையடுத்து ஆளுநர் ஜெரால்டோ ஆல்க்மின் பல்வேறு நடவடிக்கைகளை எடுத்தார். அதிக அளவு தண்ணீரைப் பயன்படுத்துபவர்களுக்கு கூடுதல் கட்டணம், குறைந்த அளவு நீரைப் பயன்படுத்துபவர்களுக்கு தள்ளுபடி, தொழில்துறையினரும் விவசாயத் துறையினரும் ஆறுகளில் இருந்து தண்ணீர் எடுப்பதற்குக் கட்டுப்பாடு போன்ற நடவடிக்கைகள் மேற்கொள்ளப்பட்டன.

 

மோசமான திட்டமிடலும் அரசியலும்தான் நிலைமை மோசமானதற்குக் காரணம் என விமர்சகர்கள் தெரிவித்துள்ளனர்.

இந்தப் பிரச்சனை தொடர்பாக அதிகாரிகள் உடனடியாக செயலில் இறங்கவில்லை என எதிர்க்கட்சிகள் குற்றம்சாட்டியுள்ளன.

 

ரியோ டி ஜெனிரோ மாநிலத்தில் முக்கிய நீர்த்தேக்கத்தில் தண்ணீர் சுத்தமாக இல்லாமல் போய்விட்டது. இந்த நீர்த்தேக்கம் கட்டப்பட்டதிலிருந்து இந்த நிலை ஏற்பட்டதில்லை. வேறு சில நீர்த்தக்கங்களில் இருந்து தண்ணீர் இங்கே விநியோகிக்கப்படுகிறது.