இலண்டன் ஈலிங் கனகதுர்க்கை அம்மன் ஆலயத்தினரால் விதைதானியங்கள் அன்பளிப்பு

பளை மாசார் பகுதி மக்களுக்கு விதை தானியங்கள் வழங்கிவைக்கும் நிகழ்வு மாசர் கிராம அபிவிருத்தச்சங்கத்தலைவர் செல்வரத்தினம் தலைமையில் இடம்பெற்றது.

புலம் பெயர்ந்து வாழுகின்ற எம் தமிழ் உறவுகளின் மகத்தான உதவிகள் வாயிலாகத்தான் எங்களால் இயன்ற வரை எம்மக்களுக்கான தேவைகளை ஓரளவேனும் பூர்த்தி செய்து வந்திருக்கிறோம்.

கொட்டும் பனிக்குள்ளும் தங்களை வருத்தி உழைத்து அதில் கிடைக்கப்படும் நிதியைக் கொண்டு எம் உறவுகளுக்கு உதவிக்கரம் நீட்டி வருகிறார்கள். கடந்த காலங்களில் யுத்தத்தால் பாதிக்கப்பட்ட எம்மக்களுக்கான வாழ்வாதாரத்தை உயர்த்துவதிலும் சரி எம்மாணவர்களுக்கு கற்றலுக்கான உதவிகளை வழங்குவதிலும் சரி தாயகத்தின் புலம் பெயர்ந்து வாழும் உறவுகளின் பணி போற்றத்தக்கது.

போரின் வடுக்களால் அனைத்தையும் இழந்து நிர்க்கதியான நிலைக்குள் எம்மக்கள் தள்ளப்பட்டபோது எம்மக்களுக்கு உதவிக்கரம் நீட்டியவர்கள் புலம்பெயர் உறவுகள். என வருகை தந்த மக்களிடம் என்னால் கூற முடிந்தது

இந்நிகழ்வில் என்னுடன் பச்சிலைப்பள்ளி தமிழ்த்தேசியக்கூட்டமைப்பின் அமைப்பாளர் சாந்தன் வடமராட்சிக்கிழக்கு தமிழ்த்தேசியக்கூட்டமைப்பின் அமைப்பாளர் சூரியகாந் மாசார் கமக்கார அமைப்பின் தலைவர் தங்கராசா, மாசார் கிராம அபிவிருத்திச் சங்கத்தலைவர் செல்வரத்தினம் எனப்பலரும் கலந்து கொண்டனர்.

 

Shritharan Sivagnanam, 

 

 

Edited January 27, 201510 yr by BLUE BIRD

நல்லவிடயம்......