வசாவிளான் ஞானவைரவர் ஆலயத்தில் 25 வருடங்களின் பின்னர் விசாக மடை

வலி.வடக்கு உயர்பாதுகாப்பு வலயத்துக்குள் அமைந்துள்ள வசாவிளான் தெற்கு ஞானவைரவர் ஆலயத்தில் வைகாசி விசாக மடை உற்சவத்தை மேற்கொள்ள பலாலி பாதுகாப்புப் படைத்தலைமையகம் அனுமதி வழங்கியுள்ளது.

 

.   

மேலும்  வைகாசி  விசாக தினத்தை முன்னிட்டு  பொதுமக்கள் ஞானவைரவர் ஆலயத்தில் இன்று  காலை 8 மணிக்கு பொங்கல் பொங்கி மடை பரவி தமது  வழிபாடுகளை நிறைவேற்றினர்.

 

மேற்படி பகுதியிலிருந்து பொதுமக்கள் இடம்பெயர்ந்த பின்னர் உயர்பாதுகாப்பு வலயமாக மாற்றப்பட்டு கடந்த 25 வருடங்களாக இந்த ஆலயத்துக்கு பொதுமக்கள் செல்ல இராணுவத்தினர் அனுமதிக்கவில்லை.

 

இந்த நிலையில் இவ்வாண்டு நீண்ட இடைவெளிக்குப் பின்னர்  இராணுவத்தினர் அனுமதி வழங்கியதை தொடர்ந்து மக்கள் மிகவும் மகிழ்ச்சியாக தமது வழிபாடுகளில் ஈடுபட்டனர்.