கரடியனாறு பொலிஸ் பிரிவுக்குட்பட்ட கணித்தீவு வீதி இலுப்படிச்சேனை பிரதேசத்தில் ஈன்ற குழந்தையை நிலத்தில் அடித்து புதைத்த சம்பவம் நேற்றுமுன்தினம் (07) நடைபெற்றதாக பொலிஸார் தெரிவித்துள்ளனர்.

மேலும் சம்பவம் பற்றி தெரியவருவதாவது, பெண்ணெருவர் சுகயீனம் காரணமாக சிகிச்சை பெறுவதற்காக மட்டக்களப்பு போதனா வைத்தியசாலைக்கு சென்றுள்ளார்.

அங்கு நோயாளி பரிசோதிக்கப்பட்டபோது குழந்தையொன்றை பிரசவித்திருப்பது தெரரியவந்தது. பின்னர் பெண்ணின் தடுமாற்றத்தை அவதானித்த வைத்தியர்கள் பொலிஸாருக்கு இது பற்றி தெரிவித்தனர்.

குறித்த பெண்ணை கரடியநாறு பொலிஸார் விசாரணைக்குட்படுத்திய பொழுது தானும் தனது சகோதரியும் சேர்ந்து குழந்தையை அடித்து நிலத்தில் புதைத்த சம்பவம் தெரியவந்திருக்கிறது. அதன் பிரகாரம் குழந்தையின் தாய், மற்றும் பெரியதாய் ஆகிய இருவரும் கைது செய்யப்பட்டுள்ளனர்.

சம்பவம் தொடர்பாக கரடியநாறு பொலிஸார் மேலதிக விசாரணைகளை மேற்கொண்டு வருவதாக தெரிவித்துள்ளனர்.

 

http://www.colombomirror.com/tamil/?p=5353

 

 

Edited August 8, 201510 yr by Athavan CH