பொது இடத்தில் அமெரிக்கப் பெண்ணிடம் கேவலமான அத்துமீறல்

அமெரிக்கப் பெண்ணை குறிவைத்து மிருகத்தைவிட கேவலமாக பொது இடத்தில் பாலியல் அத்துமீறலில் ஈடுபட்ட வாலிபனை மும்பை போலீசார் இன்று கைது செய்துள்ளனர்.

அமெரிக்காவைச் சேர்ந்த பெண்ணான மர்யான்னா அப்டோ என்பவர் மும்பையில் உள்ள ஒரு பிரபல கணக்கு ஆடிட்டிங் நிறுவனத்தில் பணியாற்றியபடி, மும்பையில் வசித்து வருகிறார். வழக்கம்போல் நேற்று முன்தினம் (திங்கட்கிழமை) காலை 8 மணியளவில் அவர் ’கேட் வே ஆப் இந்தியா’ பகுதியில் நடைபயிற்சி செய்துகொண்டிருந்தபோது, சுமார் 20 வயது மதிக்கத்தக்க ஒரு வாலிபன் அவரது பார்வையில் படும்படி ஆபாசமாகவும், அநாகரிகமாகவும் நடந்து கொண்டான்.

அவனது எண்ணத்தின் வக்கிரத்தை இவ்வாறு வெளிப்படுத்திய அந்த காட்டுமிராண்டி, அந்த வக்கிரத்தின் வடிகாலை அந்த அமெரிக்க பெண்ணின் மீது பாய்ச்சியுள்ளான். இதைக் கண்டு பதறிப்போன அந்தப் பெண் அவனை பிடிக்க முயன்றபோது, அவன் அங்கிருந்து தப்பியோட முயன்றான்.

அப்பகுதியில் இளநீர் விற்றுக் கொண்டிருந்தவர் மற்றும் இன்னொருவரின் உடவியுடன் அவனை மடக்கி பிடித்து, போலீஸ் நிலையத்துக்கு அழைத்து சென்று கொண்டிருந்தபோது அவர்களின் பிடியில் இருந்து நழுவிய அவன் தப்பியோ விட்டான். பிடிபட்டபோது, அவனது முகத்தை தனது செல்போனால் படம்பிடித்த அந்தப் பெண், அவனது புகைப்படத்தை சமூக வலைத்தளத்தில் பதிவு செய்து நடந்த சம்பவத்தையும் விளக்கி, எழுதியிருந்தார்.

இந்த விரும்பத்தகாத சம்பவம் கடந்த இருதினங்களாக சமூக வலைத்தளங்களில் பரவலாக பகிரப்பட்டதையடுத்து, மராட்டிய மாநில முதல் மந்திரி மற்றும் பல்வேறு தரப்பு அரசு அதிகாரிகளின் கவனத்தை ஈர்த்தது. மும்பை போலீசாரின் சமூக வலைத்தள பக்கத்துக்கும் அந்த செய்தியுடன் இந்த மிருகத்தனமான செயலை செய்த வாலிபனின் புகைப்படமும் சென்றடைந்தது.

இதையடுத்து, மர்யான்னா அப்டோவை அவரது டுவிட்டர் மூலம் தொடர்பு கொண்ட மும்பை கொலாபா பகுதி போலீசார் நடந்த சம்பவத்தை எழுத்து மூலமாக புகார் மனுவாக அளிக்கும்படி அவரை கேட்டுக் கொண்டனர். அவரும் புகார் அளித்தார். அந்த புகாரின் மீது முதல் தகவல் அறிக்கை பதிவு செய்த போலீசார், கோபால் வால்மீகி என்ற அந்த வாலிபனை இன்று அதிகாலை கைது செய்துள்ளனர்.

- See more at: http://www.canadamirror.com/canada/47756.html#sthash.jJRtqZRF.dpuf