தமிழீழ தேசிய விடுதலைப் போராட்டத்தின் அரசியல் தூணாக விளங்கிய தமிழீழ விடுதலைப் புலிகளின் அரசியல் ஆலோசகரும் தத்துவாசிரியருமான "தேசத்தின் குரல்" அன்ரன் பாலசிங்கத்திற்கு கண்ணீர் வணக்க நிகழ்வு நோர்வேயில் நடைபெற்றது.

இந்நிகழ்வு நோர்வே தலைநகர் ஒஸ்லோவில் நேற்று வெள்ளிக்கிழமை மாலை 7 மணிமுதல் 9 மணிவரை நடைபெற்றது.

நோர்வே வாழ் தமிழீழ உறவுகள் பல நூற்றுக்கணக்கானோர் கனத்த நெஞ்சங்களோடு "தேசத்தின் குரலுக்கு" தமது கண்ணீர் வணக்கத்தை செலுத்துவதற்காக திரண்டிருந்தனர். நோர்வே பிரதிநிதிகளும் இந்நிகழ்வில் பங்கேற்றிருந்தனர்.

நோர்வேயின் சிறப்பு சமாதானத் தூதுவர் ஹன்சன் பெளயர், 1998 ஆம் ஆண்டு மதியுரைஞருக்கு நோர்வேயில் சிறுநீரக மாற்றீட்டுக்குரிய சத்திர சிகிச்சையை செய்த மருத்துவர் பேர் பௌக்கால்ட் மற்றும் நோர்வே தொழிற்கட்சியின் ஒஸ்லோ பிரதேசத் துணைத்தலைவர் ஈவார் கிறிஸ்தியான்ஸன் ஆகியோர் கலந்து கொண்டு மதியுரைஞரின் இழப்பையிட்டு தமிழ் மக்களுக்கும் மதியுரைஞரின் துணைவியார் அவர்களுக்கும் தமது ஆழ்ந்த கவலையைத் தெரிவித்து நினைவுரை ஆற்றியிருந்தனர்

அகவணக்கத்துடன் ஆரம்பமான நிகழ்வில் ஹன்சன் பௌயர் ஈகைச்சுடரினை ஏற்றிவைத்தார்.

தொடர்ந்து மக்கள் அனைவரும் "தேசத்தின் குரல்" அன்ரன் பாலசிங்கத்தின் திருவுருவப்படத்தற்கு மலர்வணக்கம் செலுத்தினர். மலர்வணக்க நிகழ்வைத் தொடர்ந்து தமிழ் உணர்வாளர்கள், செயற்பாட்டாளர்கள் மற்றும் நோர்வே பிரதிநிதிகளின் நினைவுப்பகிர்வுகளும், கருத்துரைகளும் இடம்பெற்றன.

நோர்வே அரசாங்கத்தின் வெளியுறவு அமைச்சகத்தின் சார்பாக கலந்து கொண்ட ஹன்சன் பௌயர் நினைவுரை ஆற்றுகையில், அன்ரன் பாலசிங்கத்தின் இழப்பு தமிழ் மக்களுக்கு பேரிழப்பு நோர்வே தனது நண்பனை இழந்து விட்டது. தமிழ் மக்களின் பிரச்சினைகளை, உரிமைகளை, சமாதானத்தின் மீதான அவாவை எடுத்துச் சொன்ன முதன்மைக் குரலை இழந்துள்ளனர் என்று தெரித்தார்.

நான் சமாதானப் பணியைப் பொறுப்பேற்ற பின்னர் அன்ரன் பாலசிங்கத்தை சந்திக்கக் கிடைத்த வாய்ப்பில் ஐரோப்பாவின் முதன்மைச் சிந்தனையாளர்கள் பற்றி விவாதித்தமையும் அவர்களுடைய தத்துவார்த்த சிந்தனைகளை இலங்கைத் தீவின் சமாதான முயற்சிகளுக்கு எவ்வாறு பயன்படுத்தலாமென ஆராய்ந்த நிகழ்வு எனக்கு பெருமகிழ்ச்சியாய் அமைந்தது என்றும் ஹன்சன் பௌயர் தெரிவித்தார்.

அவர் தொடர்ந்து பேசுகையில், வார்த்தைகளால் வர்ணிக்க முடியாத பேராற்றலும் நிறைந்த பட்டறிவும் கொண்ட யதார்த்த மனிதர் அன்ரன் பாலசிங்கம். தமிழ் மக்கள் மட்டுமல்ல, நான் சந்தித்த பல சிங்களப் பிரதிநிதிகள் மற்றும் உலக மட்டத்திலும் பலர் அன்ரன் பாலசிங்கத்தின் மீது பெருமதிப்புக் கொண்டுள்ளனர். மதிப்பிட முடியாத அவருடைய ஆளுமையும் அறிவாற்றலுமே பல மட்டங்களிலும் அவருக்கு அத்தகைய மதிப்பினை ஏற்படுத்தியது.

1987 இல் திம்புப் பேச்சு வார்த்தையிலிருந்து தொடர்ச்சியாக இற்றைவரை பல்வேறு சமாதான முன்னெடுப்புக்களில் பங்கேற்று வந்தவர் என்ற வகையில் சமாதான முயற்சிகள் தொடர்பான ஆழமான பட்டறிவு அவரிடமிருந்தது என்று ஹன்சன் பௌயர் தனதுரையில் மேலும் தெரிவித்தார்.

அன்ரன் பாலசிங்கம் சமாதானத்திற்காக உறுதியுடன் உழைத்தவர். ஆனால் சிங்கள கடும்போக்காளர்களின் விட்டுக்கொடுப்பற்ற நிலைப்பாடுகளால் சமாதானம் தோற்றுப் போய்விட்டது என கண்ணீர் வணக்க நிகழ்வில் நினைவுரை ஆற்றிய தொழிற்கட்சியின் ஒஸ்லோ பிரதேச துணைத்தலைவர் ஈவார் கிறிஸ்தியான்சன் தெரிவித்தமை குறிப்பிடத்தக்கது.

அவர் தொடர்ந்து பேசுகையில், சந்திரிகா குமாரதுங்காவும் அவரைத் தொடர்ந்து பதவியேற்றுள்ள மகிந்த ராஜபக்கவும் தமிழ் மக்களினுடைய தாயக உரிமை, சுயநிர்ணய உரிமையை மறுதலித்துள்ளனர். அன்ரன் பாலசிங்கம் பிரபாகரனின் முழு நம்பிக்கைக்குப் பாத்திரமாக விளங்கியவர் என்றும் ஈவார் கிறிஸ்தியான்சன் மேலும் தெரிவித்தார்.

ஓஸ்லோ பல்கலைக்கழகத்தில் சமூகவியல்துறையில் ஆய்வுக்கற்கையை மேற்கொண்டு வரும் சர்வேந்திரா தர்மலிங்கம், தாயகப் பணிகளை மேற்கொண்ட காலத்தில் தேசத்தின் குரலோடு தனக்கிருந்த நட்புறவு பற்றியும், தேசப்பணிகள், தத்துவார்த்த விடயங்களில் அவரோடு ஏற்பட்ட அனுபவங்களையும் பகிர்ந்து கொண்டார்.

ஓஸ்லோ நகர சபை உறுப்பினரும் தமிழ் அமைப்புக்களின் ஒன்றிய இணைப்பாளருமான யோகராஜா பாலசிங்கம் அவர்களும் நினைவுரை ஆற்றினார்.

சிறுநீரக மாற்றீடு மேற்கொண்ட போதும் அதன் பின்னரும் மதியுரைஞருடன் தனக்கு ஏற்பட்ட அனுபவங்களை பகிர்ந்து கொண்ட மருத்துவர் பேர் பௌக்கால்ட் மதியுரைஞரின் வியத்தகு ஆளுமை, அவரது நற்பண்புகள் தொடர்பாகவும் தனது ஈரநினைவுகளைப் பகிர்ந்து கொண்டார். தொடர்ந்து தமிழீழ விடுதலை உணர்வாளர்கள், செயற்பாட்டாளர்களின் மற்றும் தமிழ் அமைப்புக்களின் பிரதிநிதிகளின் நினைவுரைகள் இடம்பெற்றன.

தேசத்தின் குரலின் பிரிவால் துயரத்தில் ஆழ்ந்திருக்கும் மக்கள், தமது கனத்த உணர்வுகளையும் நினைவுகளையும் நிகழ்வு மண்டபத்தில் வைக்கப்பட்டிருந்த பதிவேட்டில் பதிவாக்கிச் சென்றமையும் குறிப்பிடத்தக்கது.

தமிழ் மக்களின் சுதந்திர வாழ்வுக்காகவே சிந்தித்தவர், பேசியவர், எழுதியவர், தன்னை வருத்தி உழைத்தவர். மதியுரைஞர் அன்ரன் பாலசிங்கம். அரசியல் ஆற்றலாய் இயங்கித் தமிழீழ விடுதலைப் போராட்டத்தை சர்வதேச அரங்கிற்கு நகர்த்திய் "தேசத்தின் குரல்" மதியுரைஞர் அன்ரன் பாலசிங்கம் அவர்கள் வரித்து நின்ற உன்னத இலட்சியத்தை வென்றெடுப்போம் என்ற உறுதியெடுத்தலுடன் கண்ணீர் வணக்க நிகழ்வு நிறைவு பெற்றது.

http://www.eelampage.com/?cn=30149

நிகழ்வுகளின் ஒலி ஒளிக்காட்சியை பார்வையிட

http://www.tamilnet.com/art.html?catid=13&artid=20632

We've lost a friend, says Norway

Norwegian special envoy for the peace process in Sri Lanka Jon Hansen-Bauer praised late Anton Balasingam for his invaluable contribution to the peace efforts, and said Norway will miss a much valued friend. Speaking at a memorial meeting in Oslo arranged at the Tamil Resource and Consultation Centre in Oslo Friday, the Norwegian Special Envoy said that it is through Mr. Balasingham he learned much about the plight of the Tamils in Sri Lanka.

Mr. Hanssen-Bauer represented the Norwegian Ministry of Foreign Affairs at the meeting where Tamils in Oslo paid their homage to Balasingham whom they became familiar through his many visits to Norway. Mr. Bauer said that Balasingham's personality and practical approach for a common understanding at the negotiation table and the peace process as a whole was very helpful for Norwegian facilitators.

"He has many friends, and I have not met a person, both among Tamils and Singhalese, who did not respect him for his steadfastness."

The Norwegian Special Envoy also stated that during his visit soon after he was appointed as the special envoy, he had the opportunity to listen to Balasingham`s insights as a theoretician, and noted his vast knowledge in the peace processes in central European history.

"Anton Balasingham was a theoretician. I had great pleasure discussing with him the key thinkers in Europe and relate their philosophy and approach to the peace process in Sri Lanka," Baur said.

"He could draw the lines back to 1970's, 80's and to the first talks in Thimpu, to the five rounds of talks that did not work, and tell us the focus needed in the sixth and the new rounds of talks. He was not only a experienced man; he was also a negotiation practitioner.

"With the demise of Mr. Balasingham, the LTTE has lost its Chief negotiator; the Tamil people have lost one of their most important spokesman; an unbeatable power standing for the Tamil people, forcefully articulating their rights.

"And, Norway will miss a trusted friend and a central wall in the building of "Peace" constructed painstakingly block-by-block, has fallen," Baur said.

Many Tamils from different organisations read poetry and spoke on the respect they had for man who, they said, steadfastly represented Tamils interest, and carried Tamils trust in all peace processes.

Chief physician Dr. Per Fauchald, from the Government general hospital in Oslo, who performed the kidney transplantation to Mr. Balasingham in 2000, and who had later become a family friend was also among the speakers.

"I first met him seven years ago in his residence in London. Over the years I got to know him as a very kind and soft spoken man. He was an ideal patient and had unbelievable patience. He almost never complained. He always asked the right questions and quickly drew the logical and right conclusions.

"It was of course, a part of his highly advanced analytical mind which made him a perfect negotiator for the Tamil people. Personally I remember him as man with great kindness, a man on whom you instantly post confidence, and a man who impressed you with his knowledge, his integrity, intelligence and also his sense of humor," Dr Fauchald said.

Sarvendra Tharmalingam, a PhD fellow at the University of Oslo and who was one of the Tamil activists who stood close to Balasingham during the kidney transplant in Oslo, shared his past organisational and theoretical experiences with Anton Balasingham, whom the LTTE leader Pirapaharan has honoured as the 'Voice of the Nation.'

The deputy leader for the Oslo labour party Mr. Ivar Christiansen was also among the speakers.

"Tamils trusted Balasingham with their destiny in the peace process. But due to the hard core sinhalese the peace deal failed and only a shakey ceasefire continues. Sri Lanka's President Kumaratunge and her successor Rajapakse rejected the concept of a Tamil homeland and self-determination.

"Balasingham had the full confidence of Pirabakaran. Although he lived in London with his wife for many years, he was continually in contact with the homeland. Unfortunately he died before he could experience peace in Sri Lanka," Christiansen said.

Yogarajah Balasingham, the Municipality Council member elected on ruling Labour Party's ticket, also spoke at the event.

The participants paid their last respect with flowers, and wrote condolence messages at the end of the event.

Edited December 16, 200619 yr by ஈழவன்85

தேசத்தின் குரல் பாலாவுக்கு யாழ். பல்கலைக்கழகத்தில் துக்கம் அனுஷ்டிப்பு

தமிழீழ விடுதலைப் புலிகளின் மதியுரைஞரும் தத்துவாசிரியருமான தேசத்தின் குரல் அன்ரன் பாலசிங்கத்தின் மறைவையொட்டி யாழ்ப்பாணப் பல்கலைக்கழக வளாகத்தில் நேற்றுத் துக்கம் அனுஷ்டிக்கப்பட்டது.

நேற்று யாழ்ப்பாணப் பல்கலைக்கழக பிரதான வாயிலில் கறுப்புக் கொடிகள் தொங்கவிடப்பட்டிருந்ததுடன், வாழை மரங்களும் கட்டப்பட்டிருந்தன.

அத்துடன், மதியுரைஞரின் மறைவுக்கு இரங்கல் தெரிவிக்கும் சுலோக அட்டைகளும் பல்கலைக்கழக வளாகத்துக்குள் தொங்கவிடப்பட்டிருந்தன.

"மதியுரைஞர் பாலாவுக்கு தமிழினத்தின் அஞ்சலிகள் தேசத்தின் குரல் அன்ரன் பாலசிங்கத்துக்கு எமது கண்ணீர்க் காணிக்கைகள்' போன்ற அஞ்சலி வாசகங்கள் சுலோக அட்டைகளில் எழுதப்பட்டிருந்தன.

இதேவேளை, பல்கலைக்கழக மாணவர்கள் அமரரின் மறைவையொட்டி அஞ்சலி அறிக்கைகளையும் வெளியிட்டுள்ளார்கள்.

அத்துடன், யாழ்ப்பாணக் குடாநாட்டு மக்களிடத்தில் நேற்றையதினம் சோக உணர்வுடன் கூடிய அடக்கம் நிறைந்த நிலையை அவதானிக்க முடிந்தது.

குறிப்பாக மக்களின் நடமாட்டம் நகரப் பகுதியில் மிகவும் குறைவாகவே காணப்பட்டது.

http://www.sankathi.org/news/index.php?opt...62&Itemid=1