யாழ்ப்பாணத்தில் கடந்த 5 நாட்களில் 8 வெள்ளைவான் கடத்தல்கள்.

யாழ்ப்பாணத்தில் கடந்த 5 நாட்களில் 8 வெள்ளைவான் கடத்தல்கள்.

யாழ்ப்பாணத்தில் கடந்த 5 நாட்களில் சிறீலங்கா இராணுத்துடன் சேர்ந்தியங்கும் ஒட்டுக்கூலிக் குழுக்களால் இரு மாணவர்கள் உட்பட 8 கடத்தல் சம்பவங்கள் இடம்பெற்றுள்ளதாக யாழ்ப்பாண மனித உரிமைகள் மையத்தில் முறைப்பாடு செய்யப்பட்டுள்ளது.

இது தொடர்பில் மேலும் தெரியவருகையில்....

1)கடந்த வெள்ளிக்கிழமை ஊர்காவற்துறையை சேர்ந்த 31 அகவையுடைய செபஸ்ரியான்பிள்ளை என்பவர் உள்ளுர் கடை ஒன்றில் பொருட்கள் வாங்க செல்லும் போது காணாமல் போயுள்ளார்.

2)முளாய் வட்டுக்கோட்டையில் 20 அகவையுடைய கந்தையா லதீசன் அவர்கள் யாழ்பாணம் கன்னாதிட்டிக்கு தனியார் கல்வி நிலையம் ஒன்றுக்கு செல்லும் வழியல் கடந்த வெள்ளிக்கிழமை காணாமல் போயுள்ளார்.

3)கடந்த வெள்ளி இரவு பவல் கவச வாகனம் மற்றும் வெள்ளைவானில் சென்றவர்கள் 17 அகவையுடைய விஜயதாச அரவிந்தன் எனும் வல்வெட்டித்துறையை சேர்த மாணவனை வலுக்கட்டாயமாக இழுத்துச் சென்றுள்ளார்கள்.

4)கடந்த சனிக்கிழமை காலை 33 அகவையுடைய சுப்பிரமணியம் ரூபன்தாஸ் எனும் குடும்பஸ்தர் சாவகச்சேரி பகுதியல் அவரது வீட்டை விட்டு சென்ற பின் காணவில்லை

5)கடந்த ஞாயிற்றுக்கிழமை 22 அகவையுடைய அப்பாத்துரை இன்சாம் இளைஞர் கோவிலுக்கு வழிபடச் சென்றபின் காணவில்லை

6)சுன்னாகத்தை சேர்ந்த 29 அகவையுடைய வர்த்தகர் ஒருவர் மருதனாமடம் சந்தை பகுதியில் வைத்து காணாமல் போயுள்ளார்.

7)அரியாலைப் பகுதியை சேர்ந்த 22 அகவையுடைய சிறி அஜந்தன், 25 அகவையுடைய ராஜேந்திரம் தவசீலன் ஆகிய இரு இளைஞர்கள் கடந்த திங்கட்கிழமை முதல் காணவில்லை என முறையிடப்ப்டுள்ளது.

இதேவேளை அநேக இளைஞர்கள் பாதுகாப்பு காரணங்களுக்காக மனித உரிமைகள் மையத்தில் சரணடைந்து, அவர்களை நீதிமன்றில் கையளித்து பின் அவர்கள் யாழ் சிறைச்சாலையில் பாதுகாப்பாக உள்ளமை யாவரும் அறிந்ததே.

www.pathivu.com