அது கடந்த மார்ச் மாதத்தின் நடுப்­ப­கு­திக்கு உட்­பட்ட ஒரு நாள். மாலை­தீவின் பிர­பல கோடீஸ்­வரர் ஹசீம் (பெயர் மாற்­றப்­பட்­டுள்­ளது) இலங்­கையின் பொலிஸ் தலை­மை­ய­கத்­துக்கு அழைப்­பொன்றை ஏற்­ப­டுத்­தி­யுள்ளார். அவரின் அழைப்­புக்கு பதி­ல­ளித்­துள்ள பொலிஸ் தலை­மை­ய­கத்தின் தொலை­பேசி அலு­வ­லர்கள் "வணக்கம்…. இது இலங்கை பொலிஸ் திணைக்­களம்" என தம்மை அறி­முகம் செய்­யவே ஹசீமும் பதி­லுக்கு காலை வணக்கம் கூறி தமது பிரச்­சி­னையை கூறியுள்ளார்.

ஹசீம் ஏதோ பெரும் சிக்கல் ஒன்று தொடர்பில் முறைப்­பா­ட­ளிக்­கவே தடு­மா­று­கிறார் என்­பதை புரிந்­து­கொண்ட பொலிஸ் தலை­மை­ய­கத்தின் தொலை­பேசி அலு­வலர் அவரின் அழைப்பை பொலிஸ் மா அதிபர் உத­விப்­பி­ரி­வுக்கு மாற்­றி­யுள்ளார்.

இந்­நி­லையில் அப்­போது பொலிஸ் மா அதிபர் உதவி பிரிவில் கட­மையில் இருந்­தவர் ஒரு உதவி பொலிஸ் அத்­தி­யட்­சகர். குறித்த உதவி பொலிஸ் அத்­தி­யட்­சகர் ஹசீமின் பிரச்­சி­னை­களை வின­வினார்.

"சேர்…. என்னை ஏமாற்றி எனது நிர்­வாண புகைப்­ப­டங்­களை எடுத்த யாரோ அதனை இணை­யத்தில் பதி­வேற்றப் போவ­தாக அச்­சு­றுத்தி கப்பம் கேட்­கின்­றனர். அது தொடர்பில் நான் தனிப்­பட்ட ரீதியில் தேடிய போது அவர்கள் இலங்­கையில் இருந்தே செயற்­ப­டு­கின்­றமை தெரிந்­தது. அவர்­களை கண்­டு­பி­டிக்க வேண்டும் சேர்…" என தனது நோக்­கத்தை கூறி­யுள்ளார் ஹசீம்.

"மிஸ்டர் ஹசீம்….. உங்கள் பிரச்­சினை புரி­கி­றது. நீங்கள் இலங்­கைக்கு வந்து குற்­றப்­பு­ல­னாய்வுப் பிரிவில் ஒரு முறைப்­பாட்டைக் கொடுங்கள். விசா­ர­ணை­களை ஆரம்­பிக்­கலாம்" என உதவி பொலிஸ் அத்­தி­யட்­சகர் ஹசீ­முக்கு பதி­ல­ளித்­துள்ளார்.

ஹசீம் மாலை­தீ­வுக்கு வாக­னங்கள் இறக்­கு­மதி செய்து விநி­யோ­கிக்கும் பிர­ப­ல­மான வர்த்­தகர். சுமார் 30 வய­து­டைய அவர் திரு­ம­ண­மா­னவர். ஒரு பிள்­ளையின் தந்­தையும் கூட. சமூக வலைத்­த­ளங்­க­ளுடன் நெருங்­கிய தொடர்பை கொண்­டி­ருந்த ஹசீ­முக்கு 'பேஸ்­புக்கில்' ஒரு கணக்கும் இருந்­தது. தனது பேஸ்புக் கணக்கை மிகக் கவ­ன­மாக ஹசீம் கையாண்­டவர் எனலாம். ஏனெனில் தான் தேர்ந்­தெ­டுத்த மிகக் குறை­வான எண்­ணிக்­கை­யி­லேயே அவ­ரது பேஸ்புக் நண்­பர்கள் பட்­டியல் அமைந்­தி­ருந்­தது. சமூ­கத்தின் உயர் நிலையில் இருந்த சுமார் 40க்கு உட்­பட்ட நண்­பர்­களே அவ­ரது பேஸ்புக் நண்பர் பட்­டியல் எனக் கூறினால் அது இன்னும் சரி­யாக இருக்கும்.

இந்­நி­லை­யில்தான் கடந்த 2015 ஆம் ஆண்டின் நவம்பர் மாதத்தில் ஒரு நாள் யுவதி ஒரு­வ­ரி­ட­மி­ருந்து தன்­னையும் நண்பர் பட்­டி­யலில் சேர்க்­கு­மாறு ஹசீ­முக்கு கோரிக்­கை­யொன்று (Friend request) பேஸ்­புக்கில் அனுப்­பப்­பட்­டி­ருந்­தது. பேஸ்புக் தக­வல்­களின் பிர­காரம் அவள் பெயர் லாரா. ஹசீ­முக்கு லாரா தனிப்­பட்ட ரீதி­யிலோ அல்­லது வேறு அடிப்­ப­டை­யிலோ அறி­மு­க­மற்­றவர்.

இந்­நி­லையில் தனது பேஸ்புக் நண்­பர்கள் தொடர்பில் மிக்க அவ­தானம் செலுத்தும் ஹசீம் லாராவின் கணக்­கையும் ஆராய தவ­ற­வில்லை. லாராவின் முகப் புத்­தக கணக்கு உயர்­த­ர­மான நிலையில் பேணப்­ப­டு­வதை கணக்கை ஆராயும் போது ஹசீ­முக்கு விளங்­கி­யது. ஏனெனில் அவ­ளது நட்புப் பட்­டி­யலில் தேவை­யற்­ற­வர்­களோ அல்­லது அவ­ளது பதி­வு­களில் அநா­வ­சி­ய­மான புகைப்­ப­டங்­களோ பதி­வு­களோ காணப்­ப­ட­வில்லை. தன்னை அடை­யா­ளப்­ப­டுத்தும் புகைப்­ப­ட­மொன்றும் (Profile picture) பதி­வேற்­றப்­பட்­டி­ருந்­தது. அதன்­படி லாரா வெள்ளை நிற சரு­மத்தைக் கொண்ட கறுப்பு நீண்ட கூந்­தலை உடைய ஒரு அழ­கிய யுவதி.

இந்­நி­லையில் லாராவின் நட்புக் கோரிக்­கையை பேஸ்­புக்கில் ஏற்­றுக்­கொண்ட (Accept) ஹசீம் ஏனைய முகப்­புத்­தக நண்­பர்­களைப் போன்றே நேரம் கிடைக்கும் போதெல்லாம் ‘செட்’ செய்ய ஆரம்­பித்தார். இந்த ஆரம்பம் குறு­கிய நாட்­க­ளுக்­குள்­ளேயே வலு­வ­டைந்­தது. லாரா ஹசீமின் முக்­கிய நண்­ப­ரானார். லாரா­வுடன் ‘செட்’ செய்­யாது ஹசீமால் இருக்க முடி­ய­வில்லை. இந்த நெருக்கம் லாரா, ஹசீ­முக்கு இடையே காத­லாக மாறி­யது. அந்த காதல் காமத்தை அடிப்­ப­டை­யாகக் கொண்­டது.

ஒரு நாள் ''எனக்கு உன்னை பார்க்க வேண்டும்…''. ஹசீம் லாரா­வுக்கு பேஸ்­புக்கில் தகவல் அனுப்­பினான்.

பேஸ்புக் அடை­யா­ளப்­ப­டத்தில் (Profile picture) மட்­டுமே லாராவை கண்­டி­ருந்த ஹசீம் இப்­படி தகவல் அனுப்­பி­யதும் லாராவும் பதில் அனுப்­பி­யுள்ளார்.

"எனக்கும் உன்னை பார்க்க ஆவ­லாக உள்­ளது" என லாராவின் பதில் அமைந்­தி­ருந்­தது. இந்த உரை­யா­ட­லுடன் ஹசீ­முக்கும் லாரா­வுக்கும் இடை­யி­லான நெருக்கம் மேலும் அதி­க­ரித்­தது. இந்­நி­லையில் நாட்கள் சில கடந்­தன.

அது கடந்த பெப்­ர­வரி மாதத்தின் ஒரு நாள். "என்னைப் பார்க்க வேண்­டு­மானால் ‘ஸ்கைப்’ ஊடாக வாருங்கள்" லாரா ஹசீ­முக்கு தனது ‘ஸ்கைப்’ முக­வ­ரி­யையும் கொடுத்து தகவல் அனுப்­பினாள்.

இதனைத் தொடர்ந்து இரு­வரும் தீர்­மா­னித்த அடுத்த சில நாட்­க­ளி­லேயே ஸ்கைப்பில் ‘வெப் கமரா’ தொழில்­நுட்பம் ஊடாக இரு­வரும் ஒரு­வரை ஒருவர் பார்த்­துக்­கொள்ள ஏற்­பா­டுகள் ஆயின.

வெப்­க­மரா இயங்­கி­யது. எனினும் லாரா மட்­டுமே பேசினாள். ஹசீம் பார்க்கும் வித­மாக அவள் தனது அந்­த­ரங்க உறுப்­புக்­களை ஸ்பர்ஷம் செய்­து­கொண்டே வலிந்து பேச­லானாள். தனது ஆடை­களை சற்று உயர்த்தி ஹசீமின் உணர்­வு­களை தூண்டும் வித­மாக வலிந்த லாரா ஒரு கட்­டத்தில் ஆடை­களை தளர்த்தி காமத்தை தூண்டும் ஆட்­டத்தில் ஈடு­ப­ட­லானாள்.

இதனை ஏற்றுக் கொண்ட ஹசீம் பதி­லுக்கு தானும் பிறந்த மேனிக்கு மாறி பல்­வேறு பாலியல் செயற்­பா­டு­களில் ஈடு­பட்­டுள்ளான். இவை ‘ஸ்கைப்’ வெப்­க­மரா முன் காட்­டப்­பட்ட லாராவின் படங்­க­ளுக்குள் கட்­டுண்டு புரி­யப்­பட்­டது என்றால் அது மிகை­யா­காது. இந்த காமக்­க­ளி­யாட்டம் சுமார் 20 முதல் 30 நிமி­டங்­க­ளுக்கு நீடித்­தி­ருக்கும்.

அதன்­பின்னர் மீண்டும் பேஸ்புக் ஊடாக இரு­வரும் ‘செட்’ செய்ய ஆரம்­பித்­தனர். அதில் அவர்கள் பிறி­தொரு தினத்தில் இரு­வரும் ஐரோப்­பிய நாடொன்றில் உல்­லாசம் அனு­ப­விப்­பது குறித்து கருத்­துக்­களை பறி­மா­றிக்­கொண்­டனர்.

அடுத்து சில நாட்கள் கடந்­தன. ஹசீமின் மின்­னஞ்­ச­லுக்கு அடை­யாளம் தெரி­யாத ஒரு­வரின் முக­வ­ரி­யி­லி­ருந்து மின்­னஞ்சல் ஒன்று அனுப்­பப்­பட்­டி­ருந்­தது. அதில் "உனது நிர்­வாண புகைப்­ப­டங்கள் என்­னிடம் உள்­ளன. அதனை உனது மனை­விக்கு கொடுக்­கா­மலும் பேஸ்­புக்கில் பதி­வேற்­றா­மலும் இருக்க வேண்­டு­மானால் எனக்கு ஒரு மில்­லியன் ரூபா வேண்டும்" என குறிப்­பி­டப்­பட்­டி­ருந்­தது. ஒரு மில்­லியன் ரூபா என்­பது மாலை­தீவு பெறு­ம­தி­யி­லாகும். அதன் இலங்கை பெறு­மதி கிட்­டத்­தட்ட ஒரு கோடி ரூபாவை எட்டும்.

இதனை ஹசீம் கணக்­கி­லெ­டுக்­க­வில்லை. யாரோ தன்­னுடன் விளை­யா­டு­வ­தா­கவும் தன்னை ஏமாற்றி பணம் பறிக்க முயற்­சிக்­கின்­றனர் எனவும் நினைத்து அதனை அலட்டிக் கொள்­ள­வில்லை.

இந்­நி­லையில் அதே அடை­யாளம் தெரி­யாத நப­ரி­ட­மி­ருந்து இரண்­டா­வது மின்­னஞ்­சலும் வந்­தது. அதில் லாரா­வுடன் ஸ்கைப்பில் ஹசீம் செய்த திரு­வி­ளை­யா­டல்­களின் புகைப்­ப­டங்கள் இணைக்­கப்­பட்­டி­ருந்­தன. அதனை பார்த்த போதே ஹசீ­முக்கு தனது தவ­றிய நிமி­டங்கள் ஞாப­கத்­துக்கு வர­லா­னது.

பிர­பல வர்த்­த­க­ரான ஹசீ­முக்கு தனது ஆபாச புகைப்­ப­டங்கள் வெளி­யானால் அதனால் ஏற்­படப் போகும் சமூக பாதிப்பை நினைத்­துப்­பார்க்க முடி­ய­வில்லை. லாரா தன்னை திட்­ட­மிட்டு ஏமாற்­றி­யுள்ளார் என்­பதை மட்டும் ஹசீம் புரிந்து கொண்டார்.

பணம் கொடுத்­தேனும் புகைப்­ப­டங்­களை வெளிப்­ப­டுத்­து­வதை தவிர்க்க தீர்­மா­னித்த ஹசீம் குறித்த அடை­யாளம் தெரி­யாத மின்­னஞ்சல் முக­வ­ரி­யுடன் தக­வல்­களை பரி­மா­றினார்.

அதன்­படி நம்­பிக்­கையை ஏற்­ப­டுத்த முதல்­கட்­ட­மாக 5500 மாலை­தீவு ரூபாவை (சுமார் 4 இலட்சம் ரூபா இலங்கை பெறு­மதி) ஹசீம் தனக்கு வழங்­கப்­பட்ட கணக்­கொன்றில் வைப்­பி­லிட்டார். அந்த கணக்கு ஒரு இணைய வழி கணக்­காகும். அதனால் பணம் பெறு­பவர் அல்­லது கணக்­கு­ரி­மை­யா­ளரை கண்­ட­றி­வது என்­பது கடி­ன­மான விட­ய­மாகும்.

இந்­நி­லையில் தன்னை இவ்­வாறு சூட்­சு­ம­மாக செயற்­பட்டு சிக்­க­வைத்­த­வர்கள் யார் என்­பதை அறிய ஹசீமின் மனது துடித்­தது. தகவல் தொழில்­நுட்­பத்தில் அனு­பவம் கொண்ட சில நண்­பர்­களின் உத­வி­யையும் இதற்­காக வேண்டி ஹசீம் பெற்றுக் கொண்டான். இதன்­போதே கப்பம் பெறுவோர் இலங்­கையில் உள்ள பிர­தான தொலை­பேசி வலை­ய­மைப்பின் இணைய கட்­ட­மைப்பு ஊடாக செயற்­ப­டு­வது தெரி­ய­வந்­தது. இத­னை­ய­டுத்தே கப்­பக்­கா­ரர்கள் இலங்­கையில் இருந்­த­வாறே இவ்­வாறு தன்னை அச்­சு­றுத்­து­வ­தாக அனு­மா­னித்தே இலங்­கையின் பொலிஸ் தலை­மை­ய­கத்தின் உத­வியை ஹசீம் நாடி­யி­ருந்தார்.

இலங்­கைக்கு பல தடவை வந்து சென்ற அனு­பவம் உள்ள ஹசீம் பொலிஸ் மா அதிபர் உத­விப்­பி­ரிவின் உதவி பொலிஸ் அத்­தி­யட்­சகர் தொலை­பே­சி­யூடே வழங்­கிய ஆலோ­ச­னைக்கு அமை­வாக கடந்த மார்ச் மாதத்தில் ஒரு நாள் இலங்கை வந்தார். வந்­தவர் நேர­டி­யாக கோட்­டையில் உள்ள குற்­றப்­பு­ல­னாய்வுப் பிரிவில் தன்­னி­ட­மி­ருந்த ஆதா­ரங்­க­ளுடன் முறை­யிட்டார்.

இத­னை­ய­டுத்தே இது தொடர்பில் குற்­றப்­பு­ல­னாய்வுப் பிரி­வுக்கு பொறுப்­பான சிரேஷ்ட பிரதிப் பொலிஸ் மா அதிபர் ரவி சென­வி­ரத்ன, அதன் பணிப்­பாளர் சிரேஷ்ட பொலிஸ் அத்­தி­யட்­சகர் சுதத் நாக­ஹ­முல்ல ஆகி­யோரின் மேற்­பார்­வையில் உதவி பொலிஸ் அத்­தி­யட்­சகர் லக்­சிறி ஸ்ரீதாவின் ஆலோ­ச­னைக்கு அமைய குற்­றப்­பு­ல­னாய்வுப் பிரிவின் கணனி குற்­றங்கள் தொடர்­பி­லான விசா­ரணைப் பிரிவின் பொறுப்­ப­தி­காரி பிர­தான பொலிஸ் பரி­சோ­தகர் பீ.என்.ஏ.எஸ்.கே.சேனா­ரத்ன தலை­மை­யி­லான பொலிஸ் குழு விசா­ர­ணை­களை ஆரம்­பித்­தது.

கணனி குற்ற விசா­ர­ணையில் இலங்­கையில் உள்ள மிகத்­தி­றமை வாய்ந்­த­வர்­களில் ஒரு­வ­ராக கரு­தப்­படும் பிர­தான பொலிஸ் பரி­சோ­தகர் சேனா­ரத்ன கப்பக் காரர்கள் தெஹி­வளை ஹில்­வீதி பகு­தியில் இருந்தே செயற்­ப­டு­வதை இணை­ய­வ­லை­ய­மைப்பு சோதனை விசா­ர­ணையில் உறு­திப்­ப­டுத்திக் கொண்­டுள்ளார்.

இத­னை­ய­டுத்து தெஹி­வளை ஹில் வீதியில் உள்ள ஹோட்டல் ஒன்றை சுற்­றி­வ­ளைத்த குற்­றப்­பு­ல­னாய்வுப் பிரிவு அதன் அறை­யொன்றில் இருந்த இரு மாலைத் தீவு பிர­ஜை­களை அங்­கி­ருந்த மடிக்­க­ணனி ஒன்­றுடன் கைது செய்­தனர். கைதான ஒருவர் அஸ்மின். மற்­றை­யவர் அப்துல். அஸ்­மி­னுக்கு 23 வயது. 2012 முதல் இலங்­கைக்கு வந்து செல்லும் அவனின் தந்தை மாலே விமான நிலை­யத்தில் கட­மை­யாற்றும் ஒரு விமான பொறி­யி­ய­லாளர். அஸ்­மி­னுக்கு ஒரே ஒரு சகோ­தரன். அவனும் போதைப் பொருள் கடத்தல் குற்­றச்­சாட்டில் சிறையில் அடைக்­கப்­பட்­டுள்ளான்.

அப்­து­லுக்கும் வயது 23 மட்­டும்தான். அவனின் தந்தை கூட மாலே துறை­மு­கத்தில் கட­மை­யாற்றும் ஒரு பொறி­யி­ய­லாளர். அப்துல் இங்கு தனியார் கல்வி நிறு­வனம் ஒன்றில் உயர் கல்வி பயின்று வந்தான்.

இவ்­விரு சந்­தேக நபர்­க­ளிடம் மேற்­கொண்ட விசா­ர­ணை­களில் பல அதிர்ச்சித் தக­வல்­களை பொலிஸார் அறிந்துகொண்டனர்.

உண்­மையில் லாரா என்ற ஒரு யுவதி சந்­தேக நபர்­க­ளுடன் இல்லை. லாரா என்ற யுவதி ஒரு கற்­ப­னையே. எனினும் அப்­பெ­யரில் ஆரம்­பிக்­கப்­பட்ட முகப்­புத்­தக கணக்கை இயக்­கி­ய­வர்கள் இவ்­விரு சந்­தேக நபர்­களே.

அத்­துடன் ஸ்கைப்பில் இவர்கள் நடத்­திய காம நாடகம் ஒரு கம்­பி­யூட்டர் ஜில்மார்ட். அந்த ஏமாற்று வித்தையில் ஹசீம் வசமாக சிக்கிக்கொண்டுள்ளார்.

ஹசீம் ஸ்கைப்பில் பார்த்த லாராவின் ஆபாசம், காமம் என்பன வெறும் வீடியோ பதிவே. அதற்கு ஹசீம் கொடுத்த பிரதிபலிப்பு மட்டுமே உண்மை. அதனை பதிவுசெய்து கொண்ட நடவடிக்கையே இரு சந்தேக நபர்களாலும் செய்யப்பட்டுள்ளது.

இந்நிலையில் குற்றப் புலனாய்வுப் பிரிவினர் கைப்பற்றப்பட்ட குற்றத்துக்கு பயன்படுத்தப்பட்ட மடிக்கணனியை ஆராய்ந்த போது ஹசீம் மட்டும் அந்த வலையில் சிக்கவில்லையென்பதும் மேலும் பலர் சிக்கியுள்ளதும் தெளிவானது.

அந்த மடிக்கணனியில் சுமார் 50இற்கும் மேட்பட்டோரின் நிர்வாண புகைப்படங்கள் இருந்தன. அதில் 5 பேர் மாலைத் தீவு அமைச்சர்களுக்குரியது. ஏனையவை அந்நாட்டு பிரபல வர்த்தகர்களினுடையது.

எனினும் வெட்கம் காரணமாக இதுவரை அவர்கள் முறைப்பாடளிக்காத நிலையில் ஹசீமின் முறைப்பாட்டினால் மாலைதீவு முழு செல்வந்த வர்த்தகத்தையும் தொற்றாதிருந்த இந்த 'நிர்வாண புகைப்பட கப்பம்' எனும் புற்றுநோயை புலனாய்வுப் பிரிவினர் கட்டுப்படுத்தியுள்ளனர்.

http://www.virakesari.lk/article/4772