காணாமல் போனோரை எங்கு சென்று தேடுவது அமைச்சரவை பேச்சாளர் கேள்வி

காணாமல் போனோரை எங்கு சென்று தேடு­வது

அமைச்­ச­ரவை பேச்­சாளர் கேள்வி
 (ரொபட் அன்­டனி)

காணாமல்போன­வர்­களை எங்கு சென்று  தேடு­வது? காணாமல்போன­வர்கள் தொடரபில் உள்ள ஒரே தீர்வு அவர்கள் குறித்து தேடிப்­பார்ப்­ப­தாகும். ஒரு சில நாட்­களில் இந்தப் பிரச்­சி­னைக்கு தீர்­வு­காண முடி­யாது. காணாமல்போன­வர்­களை தேடவும் முடி­யாது. அனை­வரும் இறந்­து­விட்­ட­தாக சான்­றிதழ் வழங்­கவும் முடி­யாது என்று அமைச்­ச­ரவைப் பேச்­சா­ளரும் அமைச்­ச­ரு­மான ராஜித சேனா­ரட்ண தெரி­வித்தார்.  

அர­சாங்க தகவல் திணைக்­க­ளத்தில் நேற்று நடை­பெற்ற வாராந்த அமைச்­ச­ரவை முடி­வு­களை அறி­விக்கும் செய்­தி­யாளர் சந்­திப்பின் பின்னர் தமிழ் ஊட­க­வி­ய­லா­ளர்­களை சந்­தித்­த போது

எழுப்­பப்­பட்ட கேள்­வி­க­ளுக்குப் பதி­ல­ளிக்­கை­யி­லேயே அவர் மேற்­கண்­ட­வாறு குறிப்­பிட்டார்.

அதா­வது வவு­னி­யாவில் காணாமல் போனோரின் உற­வி­னர்கள் காணாமல் போன தமது அன்­புக்­கு­ரி­ய­வர்­களை மீட்டுத் தரு­மாறு கோரி சாகும் வரை­யி­லான உண்­ணா­வி­ரதப் போராட்­டத்தை ஆரம்­பித்­துள்­ளமை குறித்து தமிழ் ஊட­க­வி­ய­லா­ளர்கள் கேள்வி எழுப்­பி­யி­ருந்­தனர்.

அமைச்சர் அங்கு மேலும் குறிப்­பி­டு­கையில்

காணாமல் போன­வர்­களை எங்கு சென்று தேடு­வது? காணாமல் போன­வர்கள் தொடர்பில் உள்ள ஒரே தீர்வு அவர்கள் குறித்து தேடிப்­பார்ப்­ப­தாகும். ஆனால் தேட­வேண்டும் என்­ப­தற்­காக வித்­தி­யா­ச­மாக ஒன்றும் செய்ய முடி­யாது.

காணாமல் போனோர் குறித்து பல முறைப்­பா­டுகள் உள்­ளன. அவற்றில் தேட முடி­யு­மா­னவை தொடர்பில் நட­வ­டிக்கை எடுக்­கப்­ப­டலாம். ஏனை­யவை குறித்து ஒன்றும் கூறவோ செய்­யவோ முடி­யாது.

1971 ஆம் ஆண்­டி­லி­ருந்து காணாமல் போன சம்­ப­வங்கள் உள்­ளன. அந்த நேரத்தில் காணாமல் போன­வர்­க­ளுக்கும் இன்னும் சான்­றிதழ் வழங்­கப்­ப­ட­வில்லை. அதன் பின்னர் 1988 ஆம் ஆண்டும் நாட்டில் ஒரு புரட்சி நடை­பெற்­றது. அதில் காணாமல் போன­வர்­க­ளுக்கும் சான்­றிதழ் வழங்­கப்­ப­ட­வில்லை.

இதன்­போது காணாமல் போன­வர்கள் தொடர்பில் மரண சான்­றிதழ் வழங்­கு­மாறு கோரப்­ப­டு­கின்­றது. ஆனால் அவ்­வாறு வழங்க முடி­யாது. அதற்­கான முறைமை இலங்­கையில் இல்லை. அவ்­வா­றான முறை செய்­யப்­ப­ட­வில்லை.

எனவே இது தொடர்­பான முறைமை ஒன்று குறித்து ஆராய்ந்­து­வ­ரு­கின்றோம். அதா­வது 1971 ஆம் ஆண்­டி­லி­ருந்து காணாமல் போன­வர்கள் தொடர்பில் என்ன செய்­யலாம் என்று தேடி­வ­ரு­கின்றோம். அது குறித்து ஆராய்ந்­து­வ­ரு­கின்றோம்.

ஆனால் ஒரு சில நாட்­களில் இந்தப் பிரச்­சி­னைக்கு தீர்­வு­காண முடி­யாது. காணாமல் போன­வர்­களை தேடவும் முடி­யாது. அனை­வரும் இறந்­து­விட்­ட­தாக சான்­றிதழ் வழங்­கவும் முடி­யாது.

இதற்கு சிறந்த உதா­ரணம் ஒன்றை பார்க்­கலாம். அதா­வது 1988 இறந்­து­விட்­ட­தாக கரு­தப்­பட்ட ஒருவர் தற்போது உயிருடன் வந்துள்ளார். அவருக்கு மரண சான்றிதழ் வழங்கியிருந்தால் என்ன நடந்திருக்கும்? அப்படியானால் அவரை மீண்டும் பிறக்க வைக்க பிறப்பு சான்றிதழ் கொடுக்கவேண்டியேற்பட்டிருக்கும். அதுதான் பிரச்சினையாகும் என்றார்.