இணைந்ததன் நோக்கங்கள் நிறைவேறாததால் விலகுகிறோம்

சுற்றுலாத்துறை மற்றும் கிறிஸ்தவ விவகார பிரதி அமைச்சர் அருந்திக பெர்னாண்டோ தெரிவிப்பு

கேள்வி: நீங்­கள் கூட்­டாட்சி அரசை விட்டு வில­க­வுள்ளீர்கள் என்று கதை அடி­ப­டு­கி­றது. அது­பற்­றிய தங்­க­ளது கருத்­தென்ன?

பதில்: நாம் நீண்ட கால­மாக மகிந்த ராஜ­பக்­ச­வு­டன் இணைந்து அர­சி­யல் செய்­த­வர்­கள்.கடந்த அரச தலை­வர் தேர்­த­லில் மகிந்த தோல்­வி­ய­டைந்­த­தும், நாடா­ளு­மன்­றத் தேர்­தல் மூலம் அவரை தலைமை அமைச்­ச­ராக்­கி சுதந்­தி­ரக் கட்சி ஆட்­சியை அமைப்­ப­தற்கு நாம் முயற்­சித்­தோம்.அது சாத்­தி­யப்­ப­ட­வில்லை.

அதன் பின்­னர் அவரை எதிர்க்­கட்­சித் தலை­வ­ராக ஆக்­கு­வ­தற்கு முயற்சி செய்­தோம். அந்த முயற்­சி­யும் வெற்றி அளிக்­க­வில்லை. அதற்­குப் பின்­னரே நாம் அர­சு­டன் இணைந்து செய­லாற்­று­வ­தற்கு முடி­வெ­டுத்­தோம்.

நாம் ஏற்­க­னவே ஆரம்­பித்த அபி­வி­ருத்தி வேலை­க­ளைத் தொடர்­வ­தற்­கா­கவே அர­சில் இணைந்து செயற்­பட முடி­வெ­டுத்­தோம்.அர­சில் இணைந்த நோக்­கங்கள் நிறை­வே­றா­ த­தால், அர­சி­லி­ருந்த விலகி எதிர்க்­கட்­சி­யில் இருப்­ப­தற்கு விரும்­புகி­றோம்.

கே: மேற்­கு­றிப்­பிட்ட பத­வி­க­ள் ஒன்­றி­லா­வது மகிந்­தவை அமர்த்­த­மு­டி­யா­மல் போன­தால்­தான், மகிந்­தவை விட்டு விட்டு அர­சு­டன் இணைந்­தி­ருக்­கின்­றீர்­கள் என்று சொல்­ல­லாமா?
ப:முத­லில் எமது தரப்­பின் சிரேஷ்ட உறுப்­பி­னர்­களே அத்­த­கைய முடிவை எடுத்­த­னர்.

புத்­த­ளம் மாவட்ட மக்­கள் என்னை இரண்­டா­வது தட­வை­யாக நாடா­ளு­மன்­றத்­துக்கு அனுப்பி இருக்­கின்­ற­னர்.நாடா­ளு­மன்­றத்­தில் எதிர்க்­கட்சி வரி­சை­யில் இருப்பதா? அல்லது அர­சு­டன் இணைந்து மக்­க­ளுக்­குச் சேவை செய்­வதா? என்று முடி­வெ­டுக்க வேண்­டிய கட்­டத்­தில் நான் இருந்­தேன்.

மக்­க­ளி­டம் இது தொடர்­பில் நான் பேசி­ய­போது, அர­சு­டன் இணைந்து வேலை செய்­யு­மாறு கூறி­னார்­கள். அரசு விடுத்த அழைப்பை அடுத்தே அர­சு­டன் இணைந்­தோம். ஆனால், நாம் எதிர்­பார்த்த விதத்தில் இதுவரை எந்த அபி­வி­ருத்­தி­யும் இடம்­பெ­ற­வில்லை.

மகிந்த காலத்­தில் பசில் ராஜ­பக்ச எங்கள் மூல­மாக கிரா­ம­மட்­டத்­தில் மேற்­கொண்ட அபி­வி­ருத்­தி­கள் இப்­போது முற்­றாக நிறுத்­தப்­பட்­டு­ விட்­டன.இந்த அர­சின் ஒட்­டு­மொத்த செயற்­பா­டு­க­ளால் நாம் மன­மு­டைந்து போய் இருக்­கின்­றோம்.

மக்­கள் இந்த அரசை வெறுக்­கும் நிலை ஏற்­பட்­டுள்­ளது.பல பிரச்­சி­னை­கள் தீர்க்­கப்­ப­ட­ வில்லை.அரச தலை­வ­ரைச் சந்­திக்­கின்ற ஒவ்­வொரு தட­வை­யும் நாம் எல்­லாத் துறை­க­ளி­லும் பொரு­ளா­தா­ரம் வீழ்ச்­சி­ய­டைந்­து­கொண்டு செல்­கின்­றது என்­ப­தைச் சுட்டிக் காட்டி இருக்­கின்­றோம்.

தேரர்­க­ளு­டன் தேவை­யற்ற பிரச்­சி­னை­கள்

ஏற்­ப­டுத்­தப்­பட்­டுள்­ளன.தம்­புள்ள விகாரை பிரச்­சினை இதற்கு நல்ல உதா­ர­ணம். அரசு அடுத்த தேர்­த­லில் வெல்­ல­மு­டி­யுமா என்ற கேள்வி எழு­கின்­றது.என்னை அர­சு­டன் இணை­யு­மாறு கூறிய மக்­கள், இப்­போது வில­கு­மாறு கூறுகின்­ற­னர். நாம் ஏற்­க­னவே ஆரம்­பித்த மக்­கள் நலத்­திட்­டங்­களை பூர்த்தி செய்­தற்­கா­கவே அர­சில் இணைந்­தோம்

கே:நீங்­கள் அர­சில் இருந்து வில­கு­தென உறு­தி­யா­கத் தீர்­மா­னித்­து­விட்­டீர்­களா?

ப:இந்த அர­சு­டன் நாங்­கள் இணைந்­த­தன் நோக்­கத்தை அடைய முடி­ய­வில்லை.இத­னால் இந்த அர­சில் தொடர்ந்­தும் இருப்­ப­தில் அர்த்­த­மில்லை. எதிர்க்­கட்­சி­யில் இருப்­பது மேல் என்று நாங்­கள் கரு­து­கி­றோம்.

அரச தலை­வ­ரைச் சந்­தித்து இது­பற்­றிப் பேசி­ய­போது டிெசம்­பர் மாதம் வரை பொறு­மை­யாக இருக்­கு­மாறு கூறி­னார்.

இந்­தத் தேசிய அர­சுக்கு முடிவு கட்ட வேண்­டும்.ஒன்று ஐக்­கிய தேசி­ யக் கட்­சி­யி­டம் ஆட்­சிப் பொறுப்பை ஒப்­ப­டைத்­து­விட வேண்­டும் அல்­லது மகிந்­தவைத் தலைமை அமைச்­ச­ராகக் கொண்டு சுதந்­தி­ரக் கட்சி ஆட்சி அமைக்க வேண்­டும்.

இந்­தக் கோரிக்­கையை நாம் அரச தலை­வ­ரி­டம் முன்­வைக்­கவுள்­ளோம்.இதை அவர் ஏற்­றால், அர­சு­டன் இருப்­போம்.இல்­லை­யேல் எதிர்க்­கட்­சி­யில் இருப்­போம். இரண்டு கட்­சி­க­ளும் சேர்ந்து அரசை நிர்­வ­கிப்­ப­தில் எவ­ருக்­கும் எந்­தப் பிர­யோ­ச­ன­மும் இல்லை.

மகிந்­த­வை­யும் மைத்­தி­ரி­பா­ல­வை­யும் இணைந்து செயற்­பட வைக்­கவே நாங்­கள் விரும்­பு­கி­றோம்

கே:மகிந்­தவை தலைமை அமைச்­ச­ராக்­கு­வ­தற்கு மைத்­திரி விரும்­பு­வாரா?

ப:மகிந்­த­வைத் தலைமை அமைச்­ச­ராக நிய­மித்து ஆட்­சி­யைக் கொண்டு செல்ல வேண்­டு­மென்­றால் , மகிந்­த­வுக்­கும் மைத்­தி­ரிக்­கும் இடை­யில் நல்­லு­ற­வொன்று ஏற்­பட வேண்­டும்.அதற்­கான வேலைத் திட்­டங்­கள் முன்­வைக்­கப்­பட வேண்­டும்.நாம் அரச தலை­வ­ருக்கு நிபந்­த­னை­கள் முன்­வைப்­ப­து ­போல், மைத்­திரி தரப்­பும் இது தொடர்­பில் நிபந்­த­னை­களை முன்­வைத்து எம்­மு­டன் பேச்சு நடத்­த­லாம்.

இந்த இரண்டு தலை­வர்­க­ளுக்­கி­டை­யில் நில­வும் முரண்­பா­டு­களை நீக்கி இவர்­களை ஒன்று சேர்க்க வேண்­டும் என்றே நாங்­கள் விரும்­பு­கின்­றோம்.மக்­க­ளின் விருப்­ப­மும் அதுவே.
மகிந்­தவை மைத்­திரி தலைமை அமைச்­ச­ ராக நிய­மித்­தால், அடுத்த நிமி­டமே மைத்­திரி -மக்­கள் அனை­வ­ரும் விரும்­பும் ஒரு தலை­வ­ராக மாறி­வி­டு­வார்.ஆனால் அவ்­வாறு செய்­தால் ராஜ­பக்ச குடும்­பத்­தால் தனக்கு ஆபத்து வந்­து­வி­டும் என்று மைத்­திரி அஞ்­சு­கி­றார்.

நாம் கூறு­வ­து­போல் மகிந்­தவை மைத்­திரி தலைமை அமைச்­ச­ராக நிய­ மித்­தால், அடுத்த அரச தலை­வர் தேர்­த­லில் நாம் மைத்­தி­ரியை அரச தலை­வ­ராக்­கு­வோம். மகிந்த புதிய கட்சி ஒன்­றின் ஊடாக ஆட்­சி­யைப் பிடிப்­ப­தற்கு எதிர்­பார்த்­துக்­கொண்­டி­ருக்­கின்ற சந்­தர்ப்­பம் இது.அதைத் தடுப்­ப­தென்­றால் அவர் தலைமை அமைச்­ச­ராக நிய­மிக்­கப்­பட வேண்­டும். அடுத்த அரச தலை­வ­ருக்­கான தேர்­த­லில் ஐக்­கிய தேசி­யக் கட்சி மைத்­தி­ரியை ஆத­ரிக்­காது.

அவர்­கள் தனி வேட்­பா­ளரை நிறுத்­து­வார்­கள்.ஆகவே மைத்­திரி அணி­யும், மகிந்த அணி­யும் ஒன்­றி­ணை­யா­விட்­டால், அடுத்த அரச தலை­வர் தேர்­த­லில் மைத்­தி­ரி­பால வெற்­றி­யீட்­டு­வது சிர­மமே.

மகிந்­த­வால் அரச தலை­வர் தேர்­த­லில் போட்­டி­யிட முடி­யா­விட்­டா­லும், மாற்று ஏற்­பா­டாக கோத்­த­பாய ராஜ­பக்­சவை அவர்­கள் வேட்­பா­ள­ராக்­க­லாம்.

இது மைத்­தி­ரிக்­குத்­தான் சிக்­கலை ஏற்­ப­டுத்­தும்.இதை­யெல்­லாம் உணர்ந்து மைத்­திரி முடி­வெ­டுக்க வேண்­டும்.எமது நிபந்­த­னை­களை ஏற்க வேண்­டும். அவ­ரால் அது இய­லா­விட்­டால், இந்த அரசு தொடர்ந்து ஆட்­சியை நடத்­தட்­டும். எதிர்க்­கட்­சி­யில் அமர்­வ­தற்கு எமக்­குச் சந்­தர்ப்­பத்தை வழங்­குங்­கள்.இல்­லா­விட்­டால் எங்­க­ளால் மக்­கள் முன்­னி­லை­யில் செல்ல முடி­யாது.

கே:நீங்­கள் [18பேர்] மகிந்­த­வைச் சந்­தித்­தது உண்­மையா?

ப:ஆம்; மகிந்தவை நாம் சந்தித்தது உண்மையே. ஆனால் 18 பேர் அல்ல.நானும் டி.பி.ஏக்­க­நா­ய­க­வும், துலிப் விஜ­ய­சே­க­ர­வுமே சந்­தித்­தோம்.இது திருட்­டுத்­த­ன­ மாக இடம்­பெ­ற­வில்லை.அவ­ரது நிலைப்­பாடு-, அவ­ரது வேலைத் திட்­டம் தொடர்­பில் அறிய வேண்­டிய தேவை எமக்கு இருந்தது.

நாம் 18 பேர் இணை­வ­தன் ஊடாக ஆட்­சி­யைக் கைப்­பற்­றும் திட்­டம் அவ­ரி­டம் உண்டா அல்­லது இப்­ப­டியே எதிர்க்­கட்­சி­யில் இருந்­து­விட்டு அடுத்த தேர்­த­லில் அதி­கா­ரத்­தைக் கைப்­பற்­றும் திட்­டத்­தில் இருக்­கின்­றாரா என்று அறி­யவே அவ­ரைச் சந்­தித்­தோம்.

மைத்­தி­ரி­கூட அவ­ரைச் சந்­திக்க வேண்­டாம் என்று எமக்கு ஒரு­போ­தும் சொல்­ல­வில்லை. மகிந்­த­வை­யும் மைத்­தி­ரி­யை­யும் ஒன்­றி­ணைக்க இய­லா­விட்­டால், புதிய கட்­சி­யொன்றை உரு­வாக்­கு­வதே மாற்­றீடு.

கே:உங்­க­ளது நிபந்­த­னை­களை அரச தலை­வர் ஏற்­கா­விட்­டால், நீங்­கள் அரசை விட்டு வில­கு­வது உறுதி என்று சொல்­கி­றீர்­கள். அப்­ப­டி­யென்­றால் மகிந்த அணி­யு­டன் இணை­வீர்­களா அல்­லது தனித்து இயங்­கு­வீர்­களா?

ப:எதிர்க்­கட்சி என்று வரும்­போது மகிந்த அணி­யு­டன்­தான் இணை­வோம்.சுயா­தீ­ன­மா­கச் செயற்­ப­டு­வ­திலோ அல்­லது புதிய கட்­சியொன்றை உரு­வாக்­கு­வ­திலோ எனக்கு உடன்­பாடு இல்லை.சுதந்­தி­ரக் கட்­சி­யின் ஊடா­கவே ஆட்­சி­யைப் பிடிக்க வேண்­டும் என்­பதே எனது விருப்­பம்.அதற்­கா­கவே நாங்­கள் மைத்­திரி தரப்­பை­யும் மகிந்த தரப்­பை­யும் ஒன்­றி­ணைப்­ப­தற்­குப் போரா­டு­கி­றோம்.

ஆனால்,கடைசி வரைக்­கும் இந்­த இரு கட்­சிகளையும் ஒன்­றி­ணைய வைக்க முடி­ய­வில்­லை­யென்­றால், புதிய கட்­சி­யொன்றை உரு­வாக்­கு­வ­தைத் தவிர வேறு வழி­யில்லை.சுதந்­தி­ரக் கட்­சியை ஒற்­று­மைப்­ப­டுத்த முடி­யாத இறு­தித் தரு­ணத்­தில் மாற்­றீ­டா­கவே புதிய கட்சி என்ற முடிவு இருக்க முடி­யும்.

கே:உங்­க­ளது நிபந்­த­னை­கள் ஏற்­றுக்­கொள்­ளப்­ப­டா­விட்­டால் நீங்­கள் வில­கு­வ­தற்கு டிெசம்­பர் வரை பார்த்­துக்­கொண்டு இருப்­பீர்­களா?

ப:இல்லை.நான் அதற்­கு­ முன்னர் வௌி யே­றி­வி­டு­வேன். எவர் கூட வந்­தா­லும் சரி, வரா­விட்­டா­லும் சரி நான் தனி­யே­யா­வது வில­கிச்­சென்று விடு­வேன்.

கே:நீங்­கள் மகிந்­த­வை­யும் மைத்­தி­ரி­யை­யும் ஒற்­று­மைப்­ப­டுத்­து­வ­தற்கு முயற்சி செய்­கி­றீர்­கள்.ஆனால்,சுதந்­தி­ரக் கட்­சி­யின் செய­லா­ளர் துமிந்த திஸா­நா­யக்க, இனி­வ­ரும் தேர்­தல்­க­ளில் மகிந்­த­வுக்கு கட்­சி­யால் வேட்­பா­ளர் நிய­ம­னம் வழங்­கப்­ப­ட­மாட்­டாது என்று சொல்­கி­றாரே?

ப:உண்­மை­யில் இது ஒரு முட்­டாள்த் த­ன­மான கூற்று.மகிந்­த­வுக்கு வேட்­பா­ளர் நிய­ம­னம் வழங்­கா­விட்­டால் ஜீ.எல்.பீரி­ஸால் உரு­வாக்­கப்­பட்­டி­ருக்­கும் புதிய கட்­சி­யின் ஊடாக அவர் போட்­டி­யி­டு­வார்.அது சுதந்­தி­ரக் கட்­சி­யையே பாதிக்­கும்.

கட்­சி­யின் செய­லா­ளர் என்ற அப்­ப­டை­யில் அவர் கட்­சியை எவ்­வாறு வெற்­றிப் பாதை­யில் இட்­டுச் செல்ல முடி­யும் என்றே யோசிக்க வேண்­டும்.அப்­படி யோசித்­தால் அதற்கு ஒரே முடிவு மீண்­டும் மகிந்­தவை கட்­சியில் இணைப்­ப­து­தான்.

அரச தலை­வர் தேர்­த­லில் மகிந்த தோல்­வி­ய­டைந்­த­தும், அவர் அர­சி­ய­லில் இருந்து ஓய்வு பெறு­வ­தற்கே திட்­ட­ மிட்­டி­ருந்­தார்.ஆனால்,மக்­கள் அவரை விட­வில்லை.இந்த அரசு ஆரம்­பம் முதலே பிழை­யான பாதை­யில் செல்­லத் தொடங்­கி­ய­தால், மக்­க­ளின் வேண்­டு­கோ­ளுக்கு இணங்க இந்த நாட்­டைக் காப்­பாற்­று­வ­தற்­காக அவர் மீண்­டும் அர­சி­ய­லில் இறங்க வேண்­டி­யேற்­பட்­டது.

இந்த அரசு 2020ஆம் ஆண்டு வரை நீடிக்­கும் என உறு­தி­கூற முடி­யாது

கே:இந்த அர­சின் ஆயுட்காலம் எவ்­வ­ளவுவரை நீடிக்கும் என்று நீங்­கள் நினைக்­கி­றீர்­கள்?

ப:அரசு அர­சி­யல் அமைப்­பால் தப்­பி­யுள்­ளது.நான்­கரை வரு­டங்­க­ளுக்­குப் பிற­கு­தான் தேர்­தல் நடத்த முடி­யும் என்று 19ஆவது திருத்­தச் சட்­டம் சொல்­வ­தால், அரசு 2020 வரை­யும் பய­ணிக்­கும்.

ஆனால்,நாடா­ளு­மன்­றுக்­குள் கட்­சித் தாவல்­கள் இடம்­பெற்­றால் அர­சின் கதை முடிந்­து­வி­டும்.இன்று ஐக்­கிய தேசி­யக் கட்­சி­யின் நாடா­ளு­மன்ற உறுப்­பி­னர்­கள்கூட, இந்த ஆட்சி மாற வேண்­டும் என்றே விரும்­பு­ கின்­ற­னர்.ஆட்சி மாற்­றத்­துக்­குப் பெரி­தும் பங்­க­ளிப்­புச் செய்த கிழக்கு மாகாண முஸ்­லிம் அர­சி­யல்­வா­தி­கள்­கூட இந்த அரசை வெறுக்­கின்­ற­னர்.அந்த அள­வுக்கு நிலைமை மாறி­விட்­டது.

அர­சில் இருந்து நாங்­கள் வில­கு­வ­தால் ஆட்சி மாற்­றம் ஏற்­ப­டா­விட்­டா­லும், எதிர்க்­கட்சி நாடா­ளு­மன்ற உறுப்­பி­னர்­க­ளது எண்­ணிக்கை அதி­க­ரிக்­கும்; எதிர்க்­கட்­சி­யின் பலம் கூடும்.இது இறு­தி­யில் ஆட்சி மாற்­றத்­துக்கு கார­ண­மாக அமை­ய­லாம்.

கே:எதிர்­வ­ரும் செப்­ரெம்­பர் மாதத்­தில் நீங்­கள் வெளி­யே­றக்­கூ­டுமா?

ப:நாங்­கள் அனை­வ­ரும் செப்­டம்­ப­ருக்­குள் வெளி­யேற வேண்­டு­மென்­று­தான் விரும்­பு­கி­றோம் .இருப்­பி­னும்,நான் எப்­ப­டி­யும் தனித்­தா­வது செப்ரெம்பருக்குள் ஒரு முடிவை எடுத்­து­வி­டு­வேன், என்­றார்.