சிக்கல்

குட்கா விவகாரத்தில் சிக்கிய, தமிழக சுகாதார துறை அமைச்சர் விஜயபாஸ்கரின் சொத்துக் களை, வருமான வரித்துறை முடக்கியதால், அவரது அமைச்சர் பதவிக்கு, மீண்டும் சிக்கல் ஏற்பட்டுள்ளது.

இதற்கு முன், சென்னை ஆர்.கே.நகர் தொகுதி யில் பணம் வினியோகம் நடந்ததாகக் கூறி, வருமான வரித் துறையினர் அவர் வீட்டில், 'ரெய்டு' நடத்தியபோதும், அவரை பதவி நீக்கம் செய்ய வேண்டும் என, எதிர்க்கட்சியினர் வலியுறுத்தினர். இப்போது, அவரை அமைச்சர வையில் இருந்து வெளியேற்றும்படி, கட்சி யினரிடமிருந்தே, முதல்வருக்கு நெருக்கடி அதிகரித்துள்ளது. அரசியல் குழப்பங்கள் தீர்ந்த பின், முதல்வர் முக்கிய முடிவு எடுக்க உள்ளதாக, தகவல் வெளியாகி உள்ளது.

முதல்வர் பழனிசாமி தலைமையிலான அமைச்சரவையில், சுகாதாரத்துறை அமைச்ச ராக, விஜயபாஸ்கர் உள்ளார். இவரது நடவடிக்கையால், அரசுக்கு அவ்வப்போது சிக்கல் ஏற்பட்டு வருகிறது.
 

இடைத்தேர்தல்

ஆர்.கே.நகர் இடைத்தேர்தல் அறிவிக்கப்பட்ட

போது, அ.தி.மு.க., சசிகலா அணி சார்பில், தினகரன் போட்டியிட்டார்; தான் எப்படியும் வெற்றி பெற வேண்டும் என்பதற்காக, பணத்தை வாரி இறைத்தார். ஒவ்வொரு வாக்காளருக்கும், தலா, 5,000 ரூபாய் வரை வழங்கப்பட்டது.பணம் வினியோகம், அமைச் சர் விஜயபாஸ்கர் மூலம் நடந்தது. இதைய றிந்த வருமான வரித்துறை அதிகாரிகள், அமைச்சர் விஜயபாஸ்கர் வீட்டில், அதிரடி சோதனை நடத்தினர்.

அப்போது, வாக்காளர்களுக்கு பணம் கொடுத்த தற்கானஆதாரங்கள் சிக்கின. அதை தொடர்ந்து, தேர்தல் ரத்து செய்யப்பட்டது. அப்போதே, 'விஜயபாஸ்கரை, அமைச்சர் பதவியில் இருந்து நீக்க வேண்டும்' என, எதிர்க்கட்சிகள் வலியுறுத்தின; ஆனால், முதல்வர் கண்டு கொள்ளவில்லை.

அடுத்ததாக, தடை செய்யப்பட்ட, குட்கா, பான் மசாலா போன்றவற்றை விற்பனை செய்ய, அதன் உற்பத்தியாளர்களிடம், லஞ்சம் வாங்கி யவர்கள் பட்டியல், வருமான வரித் துறை சோதனையில் சிக்கியது. அதில், அமைச்சர் விஜயபாஸ்கர் பெயர் இடம் பெற்றிருந்தது. 'அவர் மீது நடவடிக்கை எடுக்க வேண்டும்; அமைச்சர் பதவியில் இருந்து நீக்க வேண்டும்' என, எதிர்க்கட்சிகள் குரல் கொடுத்தன. வழக்கம் போல், முதல்வர் அமைதியாக இருந்து விட்டார்.

இந்நிலையில், வருமான வரிதுறை, தற்போது, அமைச்சர் விஜயபாஸ்கரின் சொத்துகளை முடக்கி உத்தரவிட்டுள்ளது. இது, அரசுக்கு பெரும் தலைகுனிவை ஏற்படுத்தி உள்ளது. தொடர்ந்து குற்றச்சாட்டுக் குள்ளாகி வரும்