1987 ஆம் ஆண்டு ஜுலை மாதம் 24 ஆம் திக­திய நடா­ளு­மன்ற அமர்வு கடும் வாதப் பிர­தி­வா­தங் கள் மத்­தி­யில் சூடு பிடித்திருந் தது. அந்த வேளைய அரச தலை­வர் ஜே.ஆரின் தலைமை யிலான ஐ.தே.கட்சி அரசு, இந்­தி­யா­வு­டன் செய்து கொள்ள விருந்த ஒப்­பந்­தம் குறித்த விவ ரங்­களை நாடா­ளு­மன்­றத்­துக்­குத் தெரி­விக்க வேண்­டு­மென எதிர்க்­கட்­சி­யி­னர் சபை­யில் கடும் வற்­பு­றுத்­தல் மேற்­கொண்­ட­னர். நில­மை­யைச் சமா­ளிக்­கும் நோக்­கில் அரசு நாடா­ளு­மன்ற அமர்வை ஓகஸ்ட் 18 ஆம் திக­தி­வரை ஒத்­தி­ வைத்து எதிர்க்­கட்­சி­யி­ன­ரது எதிர்ப்­பைத் தற்­கா­லி­க­மாக முறி­ய­டித்­தது.

நான்கு நாள்­கள் கழித்து ஜுலை 28 ஆம் திகதி பிர­பல பௌத்த தேரர்­கள் மற்­றும் எதிர்க்­கட்­சித் தலைவி சிறி­மாவோ தலை­மை­யி­லான எதிர்க்­கட்சி நாடா­ளு­மன்ற உறுப்­பி­னர்­கள் தலை­மை­யில் சுமார் 20 ஆயி­ரம் பேர் வரை­யி­லான சிங்­கள மக்­கள் கோட்டை அர­ச­ம­ரச் சந்­தி­யில் இந்­திய இலங்கை ஒப்­பந்­தம் கைச்­சாத்­தி­டப்­ப­டு­வ­தற்கு எதிர்ப்­புத் தெரி­வித்து அறப் போராட்­டத்தை ஆரம்­பித்­தி­ருந்­த­னர்.

அவர்­களை அங்­கி­ருந்து விரட்­டி­ ய­டிப்­ப­தற்­காக பொலி­ஸார் மேற்­கொண்ட துப்­பாக்­கிச் சூட்­டில் 21 பொது மக்­கள் அந்த இடத்­தி­லேயே உயி­ரி­ழந்­த­னர். அதை­ய­டுத்து நாடு­பூ­ரா­க­வும் தலை­தூக்­கிய குழப்­பத்­தில் பொலி­ஸார் மற்­றும் இரா­ணு­வத்­தி­ன­ரின் துப்­பாக்­கிப் பிர­யோ­கத்­தில் 132 பொது­மக்­கள் உயி­ரி­ழக்க நேர்ந்­தது.

குறித்த ஒப்­பந்­தத்­துக்­கான எதிர்ப்­புத் தொடர்­பாக அர­ச­த­ரப்­பின் சார்­பில் பதி­ல­ளித்த அந்த வேளைய நிதி அமைச்­சர் றொனி டிமெல், குறித்த இந்­திய இலங்கை ஒப்­பந்­தம் நாட்­டின் இறை­மைக்கு எந்த விதத்­தி­லும் பாதிப்பை ஏற்­ப­டுத்­தாது என உறு­தி­ய­ளித்­தார். இதற்கு அடுத்த நாள் அதா­வது 1987 ஆம் ஆண்டு ஜுலை மாதம் 29 ஆம் திக­தி­யன்று, இந்­திய –இலங்கை ஒப்­பந்­தம் கைச்­சாத்­தி­டப்­பட்­டது.

குறித்த ஒப்­பந்­தம் நாட்­டின் இறை­மைக்கு எந்த வகை­யி­லும் பாதிப்­பாக அமை­யாது எனத் தெரி­வித்த ரொனி டி – மெல் கூட குறித்த ஒப்­பந்­தம் குறித்து வாசித்­த­றிந்­தி­ருப்­பாரோ தெரி­யாது. அந்த வேளை­யில் இந்­திய உயர் ஸ்தானி­க­ரா­லய அர­சி­யல் செய­லா­ளர் ஹர்­தீப் சின் பூரி இந்­திய அர­சின் தேவைக்கு ஏற்ற விதத்­தில் தயா­ரித்த அந்த ஒப்­பந்­தம் இலங்­கைக்­குப் பாதிப்பு எத­னை­யும் ஏற்­ப­டுத்­தாது எனத் தெரி­விக்­கப்­பட்ட கருத்து கேலிக்கு உரி­ய­தொன்றே.

குறித்த ஒப்­பந்­தம் இலங்­கை­யின் இறை­மைக்­குப் பாதிப் பா­ன­தொன்று என்­ப­தைத் தெளி­வா­கக் கணிப்­பிட்­டி­ருந்த அந்த வேளை­யில் இலங்­கை­யில் இந்­திய அர­சின் தூது­வ­ரா­கச் செயற்­பட்ட ஜே. என்.டிக்­சிற், வெளி­நாட்­டுத் தலை­வர்­க­ளுக்­கான மரி­யாதை அணிவ­குப்­பில் கலந்து கொள்­வ­தைத் தவிர்க்­கு­மாறு இந்­தி­யத் தலைமை அமைச்­சர் ராஜீவ் காந்­திக்கு ஆலோ­சனை வழங்­கி­யி­ருந்­தார்.

இருப்­பி­னும் இலங்­கைக்­கான இந்­தி­யத்­தூ­து­வ­ரது அந்த ஆலோ ­ச­னை­யைப் புறக்­க­ணித்து மரி­யாதை அணி­வ­குப்பை ஏற்­றுக் கொண்ட இந்­தி­யத் தலைமை அமைச்­சர் ராஜிவ் காந்தி அணி­வ­குப்­பில் ஒரு இரா­ணுவ வீர­ரா­கக் கலந்து கொண்ட விஜித ரோகண என்ற சிங்­கள இரா­ணுவ வீர­ரது ‘ரைபிள்’ தாக்­கு­த­லுக்கு உட்­பட நேர்ந்­தது.

இலங்­கை­யில் கால்­ப­தித்த இந்­திய இரா­ணு­வம்

இந்­திய இலங்கை ஒப்­பந்­தம் கைச்­சாத்­தி­டப்­பட்­ட­தை­ய­டுத்து உட­ன­டி­யா­கவே இந்­திய அமை ­தி­ காக்­கும் படை­யி­னர் என அடை­யா­ளப்­ப­டுத்­தப்­பட்ட இந்­திய இரா­ணு­வத்­தி­னர் பலாலி வானூர்தி நிலை­யத்­தில் தரை­யி­றக்­கும்­வரை பலா­லி­யில் கட­மை­யி­லி­ருந்த இலங்கை அர­சின் இரா­ணு­வக் கட்­ட­ளை­யி­டும் அதிகாாி அது குறித்து அறிந்­தி­ருக்­க­வில்லை.

இந்­திய அமைதி காக்­கும் படை­யி­னரை மாலை அணி­வித்து வர­வேற்ற எம்­ம­வர்­க­ளில் பலர், ஓரிரு வாரங்­க­ளில் நிலை­மை­யின் தீவிர பாதிப்­புக்­கு­றித்­துப் புரிந்து கொண்­ட­னர். இந்­திய அமைதி காக்­கும் படை­யி­ன­ரது பிர­சன்­னத்தை விரும்­பாத விடு­த­லைப் புலி­கள் இந்­திய இரா­ணு­வத்­தி­ன­ருக்கு எதி­ராக ஒழிந்­தி­ருந்து தாக்­கும் செயற்­பாட்டை முன்­னெ­டுக்க முயன்­ற­தால் நாட்­டின் தமி­ழர் பிர­தே­சம் குருதி ஆறு ஓடும் பிர­தே­ச­மாக மாறும் நிலை உரு­வா­கி­யது. வடக்­கும் தெற்­கும் பற்­றி­யெ­ரி­யும் நிலை ஏற்­பட்­டது.

இந்­திய இலங்கை ஒப்­பந்­தம் கைச்­சாத்­தான வேளை­யில் தலைமை அமைச்­சர் பிரே­ம­தாச நாட்­டில் இருக்­க­வில்லை. அத்­தோடு அர­சில் அமைச்­ச­ரா­கச் செயற்­பட்ட லலித் அது­லத் முதலி ஒப்­பந்த விட­யத்­தில் தமது வாயை இறுக மூடிக் கொண்­டார். குறித்த ஒப்­பந்­தத்­துக்கு ஆத­ர­வா­கக் குரல் கொடுத்­த­வர் அமைச்­சர் காமினி திச­நா­யக மட்­டுமே. கடை­சி­யில் ஒப்­பந்­தத்தை நிறை­வேற்றி முடித்­த­தோடு இலங்கை அரசு தான் நினைத்த விதத்­தி­லேயே அதனை நடை­மு­றைப்­ப­டுத்­த­வும் செய்­தது.

பின்­னர் ஒரு சந்­தர்ப்­பத்­தில் இந்­திய அமை­தி­காக்­கும் படை­யி­னர் இலங்­கை­யில் செயற்­பட்ட விதம் குறித்து இந்­திய போர் விமர்­ச­க­ரான ஆர்.ஹரி­க­ரன் கருத்து வெளி­யி­டு­கை­யில், இந்­தி­யா­வின் பலம் குறித்து பங்­க­ளா­தே­ஷில் இந்­தியா பெற்ற வெற்­றியை வேறு எத­னு­ட­னும் ஒப்­பிட இய­லாது. கிழக்கு பாகிஸ்­தா­னில் இந்­திய இரா­ணு­வம் பாகிஸ்­தான் இரா­ணு­வத்­து­டன் கடும் போரில் ஈடு­பட நேர்ந்­தது.

இந்­தியா பாகிஸ்­தா­னு­டன் மோத வேண்டி ஏற்­பட்­டமை வங்­காளி இனத்­த­வர்­க­ளுக்கு நாடொன்றை உரு­வாக்­கிக் கொடுப்­ப­தற்கே ஆகும். அதே­போன்று இலங்­கை­யில் தமிழ் மக்­க­ளுக்­கா­கவே அமை­திப்­படை நட­வ­டிக்­கை­களை மேற்­கொண்­டி­ருந்­தது. இறு­தி­யில் குழப்­பம் நிறைந்த நாடாக இலங்கை ஆன­மையே கண்ட மிச்­ச­மா­கும் எனத் தெரிவித்தி ருந்தார்.

வர­லாற்­றுப் பெரும்
திருப்­பம் அரங்­கேற்­றம்

இந்­திய இலங்கை ஒப்­பந்­தம் இடம்­பெற்று 30 ஆண்­டு­கள் காலம் கழிந்த நிலை­யில், தற்போது வர­லாற்­றில் முக்­கிய திருப்­ப ­மொன்று ஏற்­பட்­டுள்­ளது. இலங்கை இந்­திய ஒப்­பந்­தம் கைச்­சாத்­தா­ன­தன் முப்­ப­தா­வது ஆண்­டுப் பூர்த்­தித் தினத்­தன்று, சீன – இலங்கை ஒப்­பந்­தம் கைச்­சாத்­தி­டப்­பட்­டுள்­ளது. இவற்­றில் சம்­பந்­தப்­பட்ட முக்­கிய புள்­ளி­க­ளில்­கூட, ஒரு ஒற்­றுமை இருந்­துள்­ளது. அன்று ஜே.ஆர். இலங்­கை­யின் அரச தலை­வ­ராக இருந்­தார். இன்று அவ­ரது மரு­ம­கன் முறையான ரணில் விக்­கி­ரம சிங்க தலைமை அமைச்­ச­ரா­கச் செயற்­ப­டு­கின்­றார்.

அன்று தலைமை அமைச்­சர் பிரே­ம­தாச அர­சுத்­த­லை­வ­ரான ஜே.ஆரின் இந்­திய இலங்கை ஒப்­பந்­தத்­துக்கு ஆத­ர­வ­ளிக்­காது ஒதுங்­கிக் கொண்­டார். அதே­போன்ற இன்­றைய அர­ச தலை­வர் மைத்­தி­ரி­பால சிறி­சே­ன­வும், இலங்கை – சீன ஒப்­பந்­தத்­துக்கு முழு ஆத­ரவு வழங்­கு­வ­தா­கக் கூறிக் கொள்ள இய­ல­வில்லை. அன்று பதில் பாது­காப்பு அமைச்­சர் லலித் அது­லத்­மு­தலி இலங்கை இந்­திய ஒப்­பந்­தத்தை ஆத­ரிக்­க­வில்லை. அதே­போன்று இன்று துறை­மு­கங்­கள் தொடர்­பான அமைச்­சர் மகிந்த சம­ர­சிங்க இந்­திய சீன ஒப்­பந்­தத்­துக்கு முழு ஆத­ரவு வழங்­கு­வ­தா­கக் குறிப்பிட­மு­டி­ய­வில்லை.

அன்று இலங்கை இந்­திய ஒப்­பந்­தம் கைச்­சாத்­தான தினத்­துக்கு முந்­திய தினம் நாடா­ளு­மன்­றத்­தில் கூச்­ச­லும் குழப்­ப­மும் இடம்­பெற்­றன. இன்­றும் நிலைமை அதே­தான். அன்­றும் இன்­றும் நாடா­ளு­மன்­றத்­தில் பெரும் எதிர்ப்பை வெளிப்­ப­டுத்­தி­ய­வர் தினேஸ் குண­வர்த்­த­னவே. அன்று போல் இன்­றும் மேற்­கு­றித்த ஒப்­பந்­தங்­கள் குறித்து நாட்டு மக்­கள் எத­னை­யும் தெளி­வாக அறிந்து கொண்­டி­ருக்­க­வில்லை. அன்று ஒப்­பந்­தம் இந்­தி­யா­வுக்­குச் சாத­க­மான விதத்­தில் அமைந்­தி­ருந்­த­து­டன் தற்­போ­தைய ஒப்­பந்­த­மும் சீனா­வுக்­குப் சாத­க­மா­ன­தொன்­றா­கவே உரு­வாக்­கப்­பட்­டுள்­ளது.

இன்­றைய கூட்­டாட்சி அர­சின் வரவு செல­வுத்­திட்­டத்­தின்­படி அர­சுக்கு முக்­கி­யத்­து­வ­மற்ற நிறு­வ­னங்­கள் முதல், கடும் முக்­கி­யத்­து­வம் வாய்ந்த நுரைச் சோலை அனல்­மின் நிலை­யம் போன்ற பெரிய நிறு­வ­னங்­க­ளை­யும் வெளி­நா­டு­க­ளுக்கு குத்­த­கைக்கு விடவோ விற்­பனை செய்­யவோ அரசு திட்­ட­மிட்டு வரு­வ­தா­கத் தெரிய வரு­கின்­றது. அம்­பாந்­தோட்டை துறை­முக விவ­கா­ரம் இதில் ஒரு ஆரம்­பம் மட்­டுமே.

அடுத்­த­தாக மத்­தள வானூர்தி நிலை­யம் வெளி­நா­டொன்­றுக்கு வழங்­கப்­ப­ட­வுள்­ள­தாக தலைமை அமைச்­சர் இப்­போதே பச்­சைக் கொடி காட்­டி­யுள்­ளார். அதேபோன்று கொழும்பு கட்­டு­நா­யக்க அதி­வே­கப்­பாதை, தெற்கு அதி­வே­கப் பாதை, மின்­சா­ர­சபை என்­ப­வற்­றைத் தனி­யார் மயப்­ப­டுத்த அல்­லது வெளி­நா­டு­க­ளுக்­குக் குத்­த­கைக்கு வழங்­க­வும் அரசு தயா­ராகி வரு­வ­தா­கத் தெரி­ய­வ­ரு­கின்­றது.

இந்த விதம் அரச நிறு­வ­னங்­களை வெளி­நா­டு­க­ளுக்­குக் குத்­த­கைக்கு வழங்­கு­வதை நியா­யப்­ப­டுத்த அவை நட்­டத்­தில் இயங்­கு­வ­தா­கக் காட்­டிக் கொள்ள அரசு நட­வ­டிக்கை மேற்­கொள்ள முயல்­வ­தா­கத் தோன்­று­கி­றது. அம்­பாந்­தோட்டை துறை­ மு­கத்­துக்கு வரும் கப்­பல்­க­ளுக்கு எரி­பொ­ருள் விநி­யோ­கத்தை அரசு நிறுத்­திக் கொண்­ட­மைக்­கான கார­ணம் இதுவே.

முன்­ன­ரெல்­லாம் தென்­னா­சிய வட்­ட­கை­யின் பல­வான் இந்­தி­யாவே. அத­னால் இந்­தியா தனக்கு விருப்­ப­மான விதத்­தி­லேயே செயற்­பட்டு வந்­தது. இன்று ஆசிய வட்­ட­கை­யின் பல­வான் சீனாவே. எனவே இன்று சீனா­வும் தனக்கு விருப்­ப­மான விதத்­தி­லேயே செயற்­பட்டு வரு­கின்­றது. முன்­ன­ ரெல்­லாம் இந்­திய ஆதிக்க முயற்சி குறித்து விமர்­ச­னங்­கள் வெளி­யி­டப்­பட்­டன. அது இன்று சீனா­வின் தலை­யில் சுமத்­தப்­பட்டு வரு­கின்­றது.

தென்­னா­சிய வட்­ட­கை­யின்
பொலி­ஸ்கா­ர­னாக
ஆக முய­லும் சீனா

தற்­போது சீனா தாய்­லாந்­தி­னூ­டாக சுரங்­கப் பாதை அமைத்து வரு­வ­தன் நோக்­கம், எதிர்­கா­லத்­தில் அம்­பாந்­தோட்­டைத் துறை­மு­கத்­தைத் தமது எல்­லைக்­குள் கொண்டு வர­வி­ருப்­பதே எனப் பலர் கூறி­வ­ரு­கின்­ற­னர். அவ்­வாறு இடம்­பெ­று­மா­னால், கொழும்­புத் துறை­மு­கத்­தி­னூ­டான அர­சின் வரு­மா­னம் பெரு­ம­ள­வில் குறை­வ­டை­யும். சீனா, அம்­பாந்­தோட்­டைத் துறை­மு­கத்­தைத் தாம் கைப்­பற்றி உலக வர்த்­த­கத்­து­றை­யைத் தனது கைக­ளில் எடுத்­துக் கொள்­ளும். மேற்­கு­றிப்­பிட்ட வகை­யி­லான கதை தற்­போது பர­வ­லாக உலா வரு­கி­றது.

அம்­பாந்­தோட்­டைத் துறை­மு­கத்தை முன்­னைய அரசு நிர்­மா­ணித்த போது ஐ.தே.கட்­சிக்­கா­ரர்­கள் ‘‘அம்­பாந்­தோட்­டைத் துறை­மு­கத்­தில் பெரிய கற்­பா­றை­யொன்று இருக்­கி­றது; வரும் எனக்­கூ­றிய கப்­பல்­கள் எங்கே? உல­கி­லேயே பெரிய நீச்­சல் தடா­கம் போன்ற வார்த்­தை­க­ளால் கேலி செய்­தமை பல­ரும் அறிந்­த­தொன்றே. ஆனால் இந்­தக் கூட்­ட­ரசு பத­விக்கு வந்து அம்­பாந்­தோட்­டை் து­றை­ மு­கத்தை சீனா­வுக்­குக் குத்­த­கைக்கு வழங்­கி­யுள்­ள­தல்­லவா? அதே­போன்று கொழும்­புத்­து­றை­மு­க­ந­கர்த் திட்­ட­மும் முன்­னர் எதிர்த்­த­ரப்­பி­ன­ரது விமர்­ச­னங்­க­ ளுக்கு உள்­ளா­கி­யி­ருந்­தது. ஆனால் கூட்­டாட்சி அரசு பத­வி­யேற்­ற­தும் அந்­தத் திட்­டத்தை அதே விதத்­தில் முன்­னெ­டுக்க முன்­வந்­தது.

இந்­தி­யா­வால் 2011 ஆம் ஆண்­டில் புதி­தாக உரு­வாக்­கப்­பட்ட வல்­ல­ப­டம் என்ற துறை­மு­கம் இரண்டு ஆண்­டு­கள் கால­மாக கப்­பல்­கள் எது­வும் செல்­லா­த­தால் பெரும் நட்­டத்தை ஏற்­ப­டுத்­தி­யது. ஆனால் 2014 ஆம் ஆண்டு ஏப்­ரல் மாதத்­தில் மட்­டும் அம்பாந் தோட்டை மாகம்­புர துறை­மு­கத்­துக்கு வந்த கப்­பல்­கள் 204 ஆகும். அந்த ஆண்­டில் அந்­தத் துறை­மு­கம் 5 ஆயி­ரத்து 396 மில்­லி­யன் ரூபாவை அர­சுக்கு இலா­ப­மாக ஈட்­டிக் கொடுத்­தி­ருந்­தது.

கொழும்­புத்­து­றை­மு­கம் பன்­னாட்டு கடல் மார்க்­கத்­தில் வெகு­தூ­ரத்­தில் இருப்­ப­து­டன் கிழக்­குத் திசை­யி­லி­ருந்து பய­ணிக்­கும் கப்­பல்­கள் இலங்­கைக்கு ஏதா­வது பொருள் வழங்­கல்­களை மேற்­கொள்­வ­தற்கு கொழும்­புத்­து­றை­மு­கத்­துக்கு வரு­வ­தற்கு அதிக செல­வீ­னத்தை எதிர்­கொள்ள நேர்­கி­றது. திரு­கோ­ண­ம­லைத் துறை­மு­கத்தை எடுத்­துக் கொண்­டால், மேற்­குத் திசை­யி­லி­ருந்து பய­ணிக்­கும் கப்­பல்­கள் திரு­கோண மலைக்கு வர­வேண்­டு­மா­னால் நீண்ட தூரம் பய­ணித்­த­தாக வேண்­டும்.

அந்த வகை­யில் அமை­வி­டம் தொடர்­பில் பன்னாட்டு கடல் மார்க்­கத்­தில் பய­ணிக்­கும் கப்­பல்­க­ளுக்கு இலங்­கை­யலி வச­தி­யான துறை­மு­க­மாக அமை­வது அம்­பாந்­தோட்டை துறை­மு­கமே. அந்த வகை­யில் தற்­போது எதி­ர­ணித்­த­ரப்­பின் குற்­றச்­சாட்­டின்­படி இலங்­கை­யின் மிகப்­பெ­ரும் சொத்து சீனாவுக்கு ஏல­மி­டப்­பட்­டுள்­ளது.
இதில் ஆச்­ச­ரி­யம் என்­ன­வெ­னில் வர­லாற்­றில் இடம்­பெற்ற சம்­ப­வங்­கள் மீண்­டும் அதே விதத்­தில் இடம்­பெ­று­வ­து­தான்.

மகிந்த உரு­வாக்­கி­யதை
மைத்­திரி திறந்து வைக்க
ரணிலோ சீனா­வுக்­கு
தாரை வார்த்­தார்

மகிந்த துறை­மு­கத்தை உரு­வாக்கி வைத்­தார்; மைத்­திரி திறந்து வைத்­தார்; ரணிலோ அத­னைச் சீனா­வுக்­குத் தாரை வார்த்து விட்­டுள்­ளார். மேற்­கு­றித்த குறிப்பு இந்த நாள்­க­ளில் சமூக வலைத்­த­ளங்­க­ளில் உலா வரு­கின்­றன.
இந்தக் கூட்­டாட்சி அர­சின் ஏலம் போடும் போக்கு, இத்­தோடு முடிந்து விட­வில்லை. அடுத்து மத்­தள வானூர்தி நிலை­யம், அதற்­க­டுத்து சூரிய வெவ விளை­யாட்டு மைதா­னம் அதற்­குப் பின்­னர் நாட்­டைச் சுற்­றி­யுள்ள கடல் ஏலம் விடப்­ப­டும், அது­வும் நிறை­வே­றி­னால் நாட்­டின் மனி­தர்­கள் தான் ஏலம் விடப்­ப­டு­வர்.

கூட்­டாட்சி அர­சின் போக்­குக் குறித்த மனக் கொதிப்­பில் எவரோ ஒரு­வர் வெளி­யிட்ட கருத்தே மேற்­கண்ட வாக்­கி­யங்­க­ளா­கும். இந்­திய மாக­ட­லின் பெரிய அண்­ண­னாக ஆவ­தற்கு முய­லும் சீனா இலங்­கை­யின் அம்­பாந்­தோட்­டைத் துறை­மு­கத்தை குத்தகைக்கு எடுத்­த­தைப் பார்த்­துக் கொண்டு இந்­தியா மௌன­மாய் இருக்­கு­மென எவ­ரா­வது எண்­ணி­னால் அதை­விட வேடிக்கை வேறு எது­வும் இருக்­க­மாட்­டாது.

அப்­ப­டி­யா­னால் இந்­தி­யா­வுக்கு நாம் செலுத்த வேண்­டிய நட்­ட­ஈடு ஏதா­வது உண்டா என இன்­ன­மும் கூற இய­லா­துள்­ளது. ஒரு சிலர் கூறு­கி­றார்­கள், இலங்கை திரு­கோ­ண­மலை எண்­ணெய்க் குதத் தொகு­தியை இந்­தி­யா­வுக்கு வழங்க வேண்டி ஏற்­ப­டக்­கூ­டு­மென்று. மற்­றொரு புறம் சேது சமுத்­தி­ரத்­திட்­டம் அரங்­குக்கு வரா­தென எவ­ரா­லும் உறு­தி­யா­கக் கூற இய­லாது; போக் ஜல­சந்­தி­யூ­டாக கப்­பல் போக்­கு­வ­ரத்து மேற்­கொள்­ளத்­தக்க வகை­யில் அத­னைச் ஆழப்­ப­டுத்தி அத­னூ­டாக பன்­னாட்டு பெரும் வர்த்­த­கக் கப்­பல்­கள் பய­ணிக்க வழி செல்­வதே சேது சமுத்­தி­ரத்­திட்­ட­மா­கும்.

அது சாத்­தி­ய­மா­னால் பன்­னாட்டு வர்த்­த­கக் கப்­பல்­கள் அவற்­றின் தேவை­களை இந்­தி­யத் துறை­மு­கங்­க­ளில் நிறை­வேற்­று­வது இரு தரப்­பு­க­ளுக்­கும் இலா­ப­க­ர­மாக அமை­யும்.அத்­த­கை­ய­தொரு நிலை ஏற்­ப­டு­மா­னால், இந்­தி­யா­வும் சீனா­வும் இந்­தி­ய­மா­க­ட­லின் ஆத்­தி­கத்­துக்­குப் போட்டி போடும் நிலை உரு­வா­கும்.

இத­னால் குழப்­ப­ம­டை­யப் போவது உல­க­வ­ரை­ப­டத்­தில் வெறும் கோழி முட்டை போன்ற அள­வில் காணப்­ப­டும் இலங்கை நாடே. தற்­போது இந்­தி­யப் பொருள்­கள் ஏற்­று­ம­தி­யில் 80 வீத­மா­ன­தைக் கையாள்­வது கொழும்­புத்­து­றை­மு­கமே. மீதி 20 வீதம் சிங்­கப்­பூர் துறை­மு­க­மூ­டா­கக் கையா­ளப்­ப­டு­கி­றது.

சேது சமுத்­தி­ரத்­திட்­டம் நிறை­வே­றி­னால், இந்­தியா தனது வெளி­நா­டு­க­ளுக்­கான ஏற்­று­ம­தி­க­ளுக்­குக் கொழும்­புத்­து­றை­மு­கத்தை நம்­பி­யி­ருக்­கத் தேவை­யில்லை. அம்­பாந்­தோட்­டைத் துறை­மு­கத்­தைத் தமது எதி­ரா­ளி­யான சீனா­வுக்­கு இலங்கை அரசு குத்­த­கைக்கு வழங்­கி­ய­தால் கவ­லை­யுற்­றி­ருக்­கும் இந்­தியா எதிர்­கா­லத்­தில் எந்த விதத்­தில் செயற்­ப­டும் என்­பதை ஆண்­ட­வன் மட்­டுமே அறி­வான்.

சிங்கள மூலம்: ஆதிபாத (மவ்பிம)
தமிழில் : வீஎஸ் ரீ