காவிரி நதிநீர் வழக்கு

காவிரி நதிநீர் வழக்கு விசாரணையின்போது, 'நீர் சேகரிப்பில் கவனம் செலுத்தாதது ஏன்' என, தமிழக அரசைக் கண்டித்துள்ள உச்ச நீதி மன்றம், அடுக்கடுக்காக, சரவெடி கேள்விகளை எழுப்பியுள்ளது. 'நதிநீர் பங்கீடு தொடர்பான விபரங்கள் குறித்து விளக்குவதற்கு, வல்லுனர் குழுவை அழைத்து வர வேண்டும்' என, தமிழகம் உள்ளிட்ட மூன்று மாநிலங்களுக்கு உத்தரவிடப்பட்டுள்ளது.

காவிரி நதிநீரைப் பங்கிடுவது தொடர்பாக, காவிரி நடுவர் மன்றம் அளித்த தீர்ப்பை எதிர்த்து, தமிழகம், கர்நாடகா, கேரளா மற்றும் புதுச்சேரி மாநில அரசுகள், உச்ச நீதிமன்றத்தில் வழக்கு தொடர்ந்துள்ளன.

இந்த வழக்குகளை, நீதிபதிகள், தீபக் மிஸ்ரா, அமிதவ ராய், ஏ.எம்.கன்வில்கர் அமர்வு
விசாரித்து வருகிறது. முதல்வர் சித்தராமையா தலைமையிலான காங்கிரஸ் அரசு அமைந் துள்ள கர்நாடகாவின் வாதம் முடிந்தது. அதைத் தொடர்ந்து, தமிழக அரசின் வாதம்துவங்கி உள்ளது.
 

குடிநீர் பஞ்சம்:

தமிழக அரசின் சார்பில்
 

மூத்த வழக்கறிஞர்கள், சேகர் நபாடே, ஜி.உமாபதி, நேற்று வாதிட்டனர். அப்போது குறுக்கிட்ட உச்ச நீதிமன்ற நீதிபதிகள் எழுப்பிய கேள்விகள்:

குடிநீர், விவசாயம் உள்ளிட்ட நீர் தேவைகளுக் காக, பிற மாநிலத்துடன் போராட வேண்டிய
நிலையில் உள்ள தமிழகம், நீர் சேகரிப்பில் ஏன் கவனம் செலுத்தவில்லை.

வழக்குகளைமட்டும் தொடர்ந்தால் போதுமா? தற்போது தமிழகத்தில் குடிநீர் பஞ்சம் உள்ளது. நீர் மேலாண்மை திட்டங்களில் கவனம் செலுத் தியிருந்தால், இந்த நிலையை தவிர்த்திருக்கலாமே?
'மற்ற மாநிலங்களைப் போல், தமிழகத்தில் பெரிய நதிகள் ஓடவில்லை. மிகப் பெரிய அணைகள் இல்லை' என்கிறீர்கள். மேட்டூர் அணை போன்ற நீர் தேக்கங்கள் இருக்கும் போது, அதில் அதிக அளவில் நீரை தேக்கி வைக்க ஏன் முயற்சி எடுக்கவில்லை. கவனம் செலுத்தவில்லை.கிடைக்கும் நீரை சேமித்து வைத்திருந்தால், வறட்சி காலத்தில் பயன் படுத்த முடியும் என்பதில் தமிழக அரசு, ஏன் கவனம் செலுத்தவில்லை?இவ்வாறு நீதிபதி கள் பல்வேறு கேள்விகளை எழுப்பினர்.
 

நதிநீர் பங்கீடு

தொடர்பான தொழில்நுட்ப விபரங்களை அளிக்கக் கூடிய வல்லுனர் குழுவை, தமிழகம், கர்நாடகா, கேரளா உள்ளிட்ட மாநில அரசுகள் அழைத்து வர வேண்டும் என்றும் அமர்வு