06 - March - 2007

அமெரிக்காவும் இலங்கையும் தத்தமது படையினருக்கு பரஸ்பரம் இராணுவத்தினர் மற்றும் இராணுவத் தளபாடங்களை வழங்குவதற்கான உடன்படிக்கையில் நேற்று திங்கட்கிழமை கைச்சாத்திட்டுள்ளன.

இந்த உடன்படிக்கை 10 ஆண்டு காலப் பகுதிக்கு மேற்கொள்ளப்பட்டுள்ளது.

"பெற்றுக்கொள்ளுதலும் பரஸ்பரம் பகிர்ந்து கொள்ளுதலும்" என்ற இந்த உடன்படிக்கையில் பாதுகாப்பமைச்சின் செயலாளர் கோதாபய ராஜபக்ஷவும் அமெரிக்கத் தூதுவர் ரொபேர்ட் பிளாக்கும்

நேற்று கைச்சாத்திட்டிருப்பதாக அமெரிக்கத் தூதரகம் நேற்று விடுத்த அறிக்கையில் தெரிவித்துள்ளது.

விநியோகம், ஆதரவு, எரிபொருள் நிரப்புதல் போன்றவற்றை அமெரிக்காவும் இலங்கையும் பரஸ்பரம் மேற்கொள்ள இந்த உடன்படிக்கை வழியமைத்திருப்பதாகவும் தூதரக அறிக்கையில் தெரிவிக்கப்பட்டுள்ளது.

அனர்த்த நிவாரணம் மற்றும் அமைதி காக்கும் நடவடிக்கைகள் என்பவற்றுக்கு ஒவ்வொரு நாட்டினதும் படைகளும் மற்றைய நாட்டுக்கு உதவ வேண்டிய தேவைகளை இந்த உடன்படிக்கை குறைக்கும். ஏனெனில், பரஸ்பரம் ஒத்துழைப்புடன் செயற்படுவதன் மூலம் இருதரப்பினரதும் குறிப்பிடப்பட்ட தேவைகளை குறைத்துக் கொள்ள முடியும்.

இதேவேளை, ஐந்து வருடங்களுக்கு முன்னர் மேற்கொள்ளப்பட வேண்டிய இந்த ஒப்பந்தமானது நேற்றே செய்யப்பட்டுள்ளது. தாமதத்துக்கான காரணம் தெரியவில்லையெனினும் தற்போது ஆட்சி மாற்றத்தின் பின்னரே மேற்கொள்ளப்பட்டுள்ளது.

இலங்கைத் தமிழ் புலிகளை அக்டோபர் 1997 முதல் நாடுகடத்துவதற்கு அமெரிக்கா உடன்பட்டுள்ளதுடன் விடுதலைப் புலிகளுடன் சமாதான பேச்சுவார்த்தையை கொழும்பு மேற்கொள்ளுமாறு வாஷிங்டன் தற்போது வலியுறுத்துகின்றது.

http://www.thinakkural.com/news/2007/3/6/i...s_page22752.htm

பொருட்கள் சேவைகள் மற்றும் படைக்கல விநியோகம்தொடர்பில் அமெரிக்கா இலங்கைக்கிடையில் ஒப்பந்தம்

இலங்கையும் அமெரிக்காவும் பொருட்கள் சேவைகள் மற்றும் படைக்கல விநியோகம் தொடர்பான ஒப்பந்தமொன்றினை செய்துள்ளன. பாதுகாப்பு அமைச்சின் செயலாளர் கோத்தபாய ராஜபக்ஷவும் இலங்கைக்கான அமெரிக்க தூதுவர் றொபட் பிளேக்கும் நேற்று ஒப்பந்தத்தில் கைச்சாத்திட்டுள்ளனர்.

ஒப்பந்தத்தின்மூலம் இருநாடுகளும் அமைதிகாக்கும் பணி மனிதாபிமான நடவடிக்கைகள் கூட்டுப்பயிற்சிகள் போன்றவற்றின்போது பொருட்கள் சேவைகள் படைக்கலங்கள் போன்றவற்றை பரஸ்பரம் பரிமாற்றிக்கொள்ள முடிவதோடு மீள் எரிபொருள் நிரப்பு சேவைகளையும் இருதரப்பும் பரிமாற்றிக்கொள்ளலாம்.,

அமெரிக்கா இதேபோன்ற ஒப்பந்தத்தை உலகின் 89 நாடுகளுடன் செய்து கொண்டுள்ளமை குறிப்பிடத்தக்கது.,

இவ்வொப்பந்தமானது உணவு பெற்றோலியம் போன்ற பொருட்களையும் போக்குவரத்து உள்ளிட்ட சேவைகளையுமே பரிமாற்றிக்கொள்ள அனுமதிக்கின்றது. அதேவேளை ஆயுதங்களையும் வெடிபொருடகளையும் பரிமாற்றிக்கொள்வதற்கு இவ்வொப்பந்தம் அனுமதிக்கவில்லை என்பது குறிப்பிடத்தக்கது.,

மேலும் அனர்த்த நிவாரண மற்றும் மீட்புப்பணிகள் அமைதிகாக்கும் பணி போன்ற வேளைகளில் படையினரின் உதவிகளை வழங்குவதற்கும் தேவையான விநியோகங்ளை மேற்கொள்வதற்கும் இவ்வொப்பந்தம் வழிசெய்கின்றது. ,

பத்து வருடங்களுக்கு வலிதான இவ்வொப்பந்தத்தின் கீழ் விநியோகத்தை பெற்ற தரப்பு வழங்கிய தரப்பின் அனுமதியின்றி அவற்றை வேறு நோக்கங்களுக்கு பயன்படுத்த முடியாது. அத்தோடு இவ்வொப்பந்தத்தின்கீழ் மேற்கொள்ளப்படும் ஒவ்வொரு பரிமாற்றமும் செய்யப்படுவதற்கு முன்னர் இருதரப்பும் அதுதொடர்பான இணக்கப்பாட்டை கண்டிருக்கவேண்டும். ஒப்பந்தம் குறித்து கருத்துத்தெரிவித்த அமெரிக்க தூதுவர் றொபட் பிளேக் இவ் ஒப்பந்தத்தின் மூலம் இலகு ரக உபகரணங்களை பரிமாற்றிக் கொள்வதற்கு முடிவதோடு இருநாடுகளும் ஒன்றிணைந்து செயற்படுவதும் அதிகரிக்கும். உதாரணமாக பாகிஸ்தானில் இடம்பெற்ற பூமியதிர்ச்சியினால் பாதிக்கப்பட்ட பகுதிகளில் மீட்புப்பணியில் ஈடுபட இலங்கை இராணுவத்தை அனுப்புகிறது. அங்கு கடும் பனிகாலம் நிலவுகிறது.எனவே இலங்கை துருப்புகளுக்கான குளிருக்கான உடையை அமெரிக்கா விநிகோகிக்கும். அதற்கு பதிலாக கொழும்பு துறைமுகத்தக்கு செல்லும் அமெரிக்க கப்பலுக்கான எரிபொருளை இலங்கை வழங்கும். இவ்வொப்பந்தமானது இருநாடுகளுக்ககும் நன்மை பயக்கும் என தெரிவித்தார்.,