கானல் நீராக காணப்படும் தமிழர்களுக்கான தீர்வு வர­லாற்­றுத்­துறை தகைசார் பேரா­சி­ரியர் எஸ்.சத்தி­ய­சீலன்

கானல் நீராக காணப்படும் தமிழர்களுக்கான தீர்வு

 

வர­லாற்­றுத்­துறை தகைசார் பேரா­சி­ரியர் எஸ்.சத்தி­ய­சீலன்  கேசரிக்கு  பேட்டி

நேர்காணல்:  சு.கமலேஸ்வரன்

 

இலங்­கை­யி­னு­டைய சுதந்­தி­ரத்­திற்கு பின்­ன­ரான காலப்­ப­கு­தியை பார்க்­கின்­ற­பொ­ழுது. பத­விக்கு வந்த எந்­த­வொரு அர­சாங்­கமும் தமிழ் மக்­களை ஏமாற்றும் செயற்­பாட்டில் இருந்து முரண்­பட்­டி­ருக்­கவில்லை. மாறி­மாறி அதி­கா­ரத்­தினைப் பெற்­றுக்கொண்டவர்கள் தங்­க­ளு­டைய இருப்பை தக்­க­வைத்துக் கொள்­வ­தற்­காக பேரி­ன­வா­தத்­தினை முன்­வைத்­துள்­ளனர். தமி­ழர்­க­ளு­க்­கான தீர்வு என்­பது கானல் நீரா­கவே காணப்­ப­டு­கின்­றது. இதனால் தமிழ் மக்­களின் எதிர்­கால நிலை கேள்வி குறி­யா­கவே அமையும் என வர­லாற்­றுத்­துறை தகைசார் பேரா­சி­ரியர் எஸ்.சத்தி­ய­சீலன் தெரி­வித்தார்

தற்­கா­லத்தின் அர­சியல் நிலை தொடர்­பா­கவும், தமி­ழர்­களின் வர­லாற்று ஆதா­ரங்கள் தொடர்பாக அவர் வழங்­கிய செவ்­வி­யிலே அவர் இவ்­வாறு தெரி­வித்தார். அவர் இதன்­போது தெரி­வித்த கருத்­துக்கள் பின்­வ­ரு­மாறு 

கேள்வி: வர­லாற்றுத் துறையில் பல காலம் சேவை­யாற்றி இருக்­கின்­றீர்கள் இத்­து­றை­சார்ந்த  உங்­க­ளது அனு­ப­வங்­களை பற்றி கூறுங்கள்?

பதில்: பேரா­தனை யாழ்.பல்­கலைக் கழ­கத்தில் வர­லாற்­றுத்­து­றையில் சிறப்­பு­க்கலை கற்­கை­யினை  முடித்துக் கொண்டு 1975 ஆம் ஆண்டு யாழ்.பல்­க­லைக்­க­ழ­கத்தில் உதவி விரி­வு­ரை­யா­ள­ராக எனது சேவையை ஆரம்­பித்த நான் படிப்­ப­டி­யாக பதவி உயர்­வு­களைப் பெற்று பேரா­சி­ரி­ய­ராக பின்னர் தகைசார் பேரா­சி­ரி­ய­ராக உயர்வு பெற்று 44 வரு­டங்கள் பல்­க­லைக்­க­ழ­கத்தில் வரலாற்றுத் துறையில் சேவை­யாற்றி தற்­போது ஓய்வு பெற்­றி­ருக்­கின்றேன். இந்த காலப்­ப­கு­தி­யிலே எனது துறை­சார்ந்து நவீன வர­லாற்றை 1000க் கணக்­கான மாண­வர்­க­ளுக்கு போதித்து முது­க­லை­மாணி, தத்­து­வ­மாணி பட்­டங்­களை மேற்­பார்வை செய்து ஆய்­வா­ள­ராக இருந்து கட­மை­களை ஆற்­றி­யுள்ளேன். 15ற்கு மேற்­பட்ட நூல்­க­ளையும் நூற்­றுக்கு மேற்­பட்ட கட்­டு­ரை­க­ளையும் எழு­தி­யுள்ளேன். 

மற்றும் யாழ்.­பல்­க­லைக்­க­ழக வர­லா­ற்றுத்­துறை தலை­வ­ரா­கவும் இருந்து  பல்­க­லைக்­க­ழக உயர்­பட்­ட­ப­டிப்­பு­க­ளுக்­கு­ரிய பீடா­தி­ப­தி­யாக 6 ஆண்­டு­களும் கடமை­யாற்­றி­யுள்ளேன். வர­லாற்­றிலே என்­னு­டைய துறை­யாக நவீன வர­லாற்­றி­னையும் தென்­ஆ­சிய நவீன வர­லாற்­றி­னையும்  உல­க­ளா­விய அர­சியல் சம்­பந்­த­மான விட­யங்­க­ளிலும் ஆர்வம் கொண்­டுள்­ள­வ­னாக இருப்­ப­தோடு சர்­வ­தேச விவ­கா­ரங்­க­ளிலும் எனது ஈடு­பா­டு­களை காட்­டி­வ­ரு­கின்றேன்.

கேள்வி: தற்­கா­லத்தில்  வர­லாற்று பாடம் முக்­கி­ய­மா­ன­தொன்­றாக கரு­து­கின்­றீர்­களா? அவ்­வா­றெனில் அதனை மாண­வர்கள் கற்­க­வேண்­டி­யதன் அவ­சியம் என்ன?

பதில் :இன்று உலகில் உள்ள பல நாடு­களில் தோன்­றி­யி­ருக்கும் அடிப்­ப­டைக்­கா­ரணம் என்­ன­வென்றால் உண்­மை­யான வர­லாறு தெரி­யாமல் வர­லாறு பற்றி கதைப்­ப­தாகும் அல்­லது கூறு­வ­தாகும். அந்த வகை­யிலே ஒரு மனி­த­னுக்கு தன்­னைப்­பற்­றிய வர­லாறும்  தனது சமூ­கத்தை பற்­றிய வர­லாறும், உல­கத்­தைப்­பற்­றிய வர­லாறும், அறிந்­தி­ருக்க வேண்­டி­யது தெரிந்­தி­ருக்­க­வேண்­டி­யது மிகவும் முக்­கி­ய­மா­ன­தொன்­றாகும். இன்று வர­லாற்றை கற்­ற­வர்கள் வர­லாற்றை பேசாமல் இருக்க வர­லாறு கற்­கா­த­வர்கள் வர­லாற்றில் பல விட­யங்கள் பற்றி உள­றிக்­கொண்டு இருக்கின்­றனர். இன்று இலங்­கை­யிலும் நடை­பெற்றுக் கொண்­டி­ருக்­கின்ற பிரச்­சி­னை­களை இந்த அடிப்­ப­டை­யிலே கொள்­ள­வேண்டும். அந்த வகையில் வர­லாற்­றினை முறை­யாக கற்­ப­தென்­பது தற்­கா­லத்தில் இன்­றி­ய­மை­யா­த­தொன்­றாகும்.

கேள்வி:வடக்கு கிழக்கில் காணப்­ப­டு­கின்ற வர­லாற்று தட­யங்கள் தமி­ழரின் பூர்­வீக வர­லாற்றில் செல்­வாக்கு செலுத்­து­வ­தாக அமைந்­துள்­ளதா?

பதில்: நீண்­ட­கா­ல­மா­கவே இலங்­கையில் ஏற்­பட்ட குடி­யேற்­றங்கள் தென்­னிந்­தி­யாவில் இருந்து இடம்­பெற்ற குடி­யேற்­றங்­க­ளா­கத்தான் கரு­தப்­ப­டு­கின்­றது. வடக்கு கிழக்­கு தென்­னிந்­தி­யா­வுக்கு அண்­மை­யாக அமைந்­துள்­ளதன் கார­ண­மாக தென்­னிந்­தி­யா­விலே ஏற்­பட்ட அர­சியல், பொரு­ளா­தார, சமூக, கலா­சார செல்­வாக்­குகள் இந்த பிர­தே­சங்­களில் ஏற்­பட்டு இருந்­தன.

 எனவே தமி­ழ­கத்தின் செல்­வாக்கு இப்­பி­ர­தே­சங்­களில் ஏற்­பட்டு இருப்­ப­தற்­கான தட­யங்கள் இங்கு அதி­க­மாக காணப்­ப­டு­கின்­றன. அந்த வகையில் வட­கி­ழக்கு பிர­தே­சங்­களில் நீண்­ட­கா­ல­மாக தமி­ழ­ரு­டைய செல்­வாக்கு உட்­ப­ட்டி­ருந்­தது. அந்த வகையில் போத்­துக்­கேயர் இலங்­கையை கைப்­பற்­றிய காலத்தில் இருந்து பின்னர் ஒல்­லாந்­தரின் ஆட்­சி­ ஈறாக வடக்கு கிழக்கு பிர­தே­சங்கள் தமி­ழ­ரு­டைய அடை­யா­ளங்­களை கொண்­டி­ருந்த பிர­தே­சங்­க­ளாக காணப்­ப­டு­கின்­றன.

ஆரம்ப காலத்தில் இலங்­கையில் பௌத்தம் பர­விய பொழுது தமிழ் பௌத்­தர்கள் வட­, கி­ழக்­கிலே வாழ்ந்­தி­ருக்­கின்றனர் அவர்கள் ஆரம்­பத்தில் இந்­து­மதத்தில் இருந்து பௌத்த மதத்­திற்கு உட்­பட்­ட­வர்­க­ளாக இருந்­தி­ருக்­கின்­றார்கள். ஆனால் காலப்­போக்கில் இந்த நில­மை­மாறி மீண்டும் இந்­துக்­க­ளு­டைய செல்­வாக்கு இந்த பகு­தி­க­ளிலே ஏற்­பட்டு இருக்­கின்­றது. இதனை காட்­டு­வ­தற்­கான ஆதா­ரங்கள் இங்கு நிலை­பெற்று இருக்­கின்­றது.

கேள்வி:இவ்­வாறு காணப்­ப­டு­கின்ற பெறு­ம­தி­மிக்க வர­லாற்று தடை­யங்கள் தற்­கா­லத்தில் பாது­காக்­கப்­பட்டு வரு­கின்­ற­னவா? 

பதில்: வட­கி­ழக்­கிலே பல இடங்கள் தொல்­லியல் வர­லாற்­றினை வைத்து முக்­கி­ய­மான இடங்­க­ளாக நாங்கள் கொள்­ளலாம். பௌத்த மதத்­தி­னு­டைய வரு­கை­யோடு இலங்கை வர­லாறு தொடங்­கு­வ­தாக பௌத்த நூல்கள் கூற, அதற்கு முற்­பட்ட காலத்தில் இலங்­கை­யிலே இந்து மதத்­தி­னு­டைய செல்­வாக்கு இருந்­தி­ருக்­கின்­றது என்­ப­தற்கு நிறைய ஆதா­ரங்கள் கிடைக்­கின்­றன. புத்தர் இலங்­கைக்கு மூன்று முறை வருகை தந்த­தா­கவும் ஒரு­முறை நாக­தீ­பத்­திற்கு வருகை தந்­த­தாக பாளி இலக்­கி­யங்கள் குறிப்­பி­டு­கின்­றது. அவ்­வாறு புத்தர் வருகை தந்­ததன் நோக்கம் இலங்­கையில் நாக­தீ­பத்தில் இருந்த அர­சர்­களின் பிரச்­சி­னை­களை தீர்த்து வைப்­ப­தற்­காக என்று மகா­வம்சம் குறிப்­பி­டு­கின்­றது. இதனை உற்­று­நோக்கும் போது பௌத்தம் வரு­வ­தற்கு முன்பே இங்கு அரச இருக்­கையும் நாக­ரி­கமும் சிறப்­புற்று இருந்­ததை எடுத்­துக்­காட்­டு­கின்­றது. 

 அது­மட்­டு­மல்ல இங்கு நாகர்கள் இந்த பிர­தே­சத்­தி­னு­டைய பூர்­வீக குடி­க­ளாக வாழ்ந்­தி­ருக்­கின்­றனர். பெளத்தம் இலங்­கைக்கு வந்த பிற்­பாடு நாகர்­க­ளு­டைய அடை­யா­ளங்கள் அழிக்­கப்­பட்டு புத்­த­ருக்கு பாது­காப்பை வழங்­கு­கின்ற சின்­னங்­க­ளாக நாகர் சின்­னங்கள் மாற்­றப்­பட்­டுள்­ளன. பௌத்த சிற்­ப­ம­ரபை எடுத்து பார்த்தால் நாக­தே­வ­தையின் பாது­காப்பின் கீழே புத்­தரும் நாக­தே­வ­தையும் இருப்­ப­தான சிற்­பங்­களை நாங்கள் கண்டு கொள்­ளலாம். இது நாக­ரு­டைய வர­லாற்றை பௌத்­தர்­க­ளுக்­குள்ளே உள்­வாங்­கப்­ப­டு­வ­தற்­கான ஒரு வெளிப்­பா­டா­கத்தான் இதனை பார்க்க முடியும். 

இத­னை­விட பௌத்­தர்­க­ளு­டைய வரு­கைக்கு முன்­பாக இங்கு பெருங்­கற்­கா­லத்­தைச் சேர்ந்த பல்­வேறு தொல்­லியல் முக்­கி­யத்­துவம் வாய்ந்த பிர­தே­சங்கள் காணப்­ப­டு­கின்­றன. வட­கி­ழக்­கிலே இவை நிறை­யவே காணப்­ப­டு­கின்­றது. ஆனைக்­கோட்டை, காரை­நகர், வேல­ணை­யில்­சாட்டி, மட்­டக்க­ளப்பு,திரு­கோ­ண­மலை ஆகிய பிர­தே­சங்­களில் இவ்­வா­றான நிறைய அடை­யா­ளங்கள் காணப்­ப­டு­கின்­றன. ஆனால் தொல்­லியல் துறை­யிலே ஆய்­வு­களை மேற் கொள்­வ­தற்கு இலங்கை அர­சி­னு­டைய இறுக்­க­மான சட்­ட­திட்­டங்கள் தடை விதிப்­ப­த­னாலே இவற்றை ஆழ­மான ஆய்­வுக்கு உட்­ப­டுத்த முடி­யாத நிலை காணப்­ப­டு­கின்­றது. பௌத்த வழி­பாட்டு இடங்­க­ளு­டைய அழி­பா­டுகள் கிடைக்­கின்ற இடத்து அவற்றை பௌத்த மதத்­தோடும் சிங்­கள இனத்­தோடும் இணைத்து பார்க்­கின்ற ஒரு தவ­றான போக்கு இலங்கை அர­சினால் முன்­னெ­டுக்­கப்­ப­டு­கின்­றது. கந்­த­ரோ­டை­யிலே,நாக­தீ­பத்­திலே,சம்­பூ­ரிலே போன்ற இடங்­க­ளிலே அவ்­வா­றான அடை­யா­ளங்­களை காட்டக் கூடி­ய­தாக இருக்­கின்­றது. இதுதான் தற்­போ­தைய நிலைப்­பா­டாக உள்­ளது.

கேள்வி:தற்­போது வர­லாற்று ஆதா­ரங்­களை பாது­காப்­பதில் அரசு கொண்­டுள்ள ஈடு­பாடு பற்றி கூற­மு­டி­யுமா?

பதில்: இதில் அடிப்படை உண்மை இருக்­கின்­றது. தொல்­லியல் ஆதா­ரங்கள் பாது­காக்­கப்­பட வேண்டும். மனி­த­கு­லத்தினுடைய கடந்த கால­வ­ர­லாற்றை எடுத்­தி­யம்­பு­கின்ற சான்­று­க­ளாக இருக்­கின்­றன. ஆனால் தற்­போ­தைய ஆட்­சி­யா­ளர்கள் இவ்­வா­றான ஆதா­ரங்­களை ஒரு இனத்­துடன் மாத்­திரம் தொடர்­பு­ப­டுத்தி கூறு­வது வேத­னை­யான விட­ய­மாகும். உங்­க­ளுக்குத் தெரியும் தமி­ழி­லே தோற்றம் பெற்ற பௌத்த காப்­பி­ய­மாக மணி­மே­கலை காணப்­ப­டு­கின்­றது. ஆனால் இலங்­கையில் வட­கி­ழக்கில் காணப்­ப­டு­கின்ற பௌத்த சின்­னங்­களை கண்­ட­வுடன் அவை சிங்­கள பௌத்­தத்­தோடு தொடர்­பு­ப­டுத்தி அரசு அதனை தங்­க­ளது கட்­டுப்­பாட்­டுக்­குள்ளே கொண்டு வரு­கின்­றது. மிகச்­சி­றந்த உதா­ரணம் யாழ்ப்­பா­ணத்தில் கந்­த­ரோ­டையில் காணப்­ப­டு­கின்ற வர­லாற்று சின்­னங்­களை இவ்­வாறு அடை­யா­ளப்­ப­டுத்தி பாது­காத்து வரு­கின்­றனர். 

வட­கி­ழக்கு பிர­தே­சத்தில் இரா­ணு­வத்தின் மேலா­திக்­கத்­தி­னூ­டாக தனியார் காணி­க­ளிலே பௌத்த விகா­ரைகள் அமைக்­கப்­பட்­டுள்­ளன. பழம்­பெரும் திருக்­கே­தீச்­ச­ரத்தின் முன்­பாக அதே­போல கோணேஸ்­வர கோயிலின் கீழ் மட்­டத்­திலே, ஏ9 வீதி ஓரங்­க­ளிலே இவ்­வா­றாக பல இடங்­களில் அமைக்­கப்­பட்டு இருக்­கின்­றன. பௌத்த மதத்­தினை தமி­ழர்கள் எவரும் எதிர்க்­க­வில்லை பௌத்த மதம் இந்து மதத்தில் இருந்துதான் தோற்றம் பெற்­றது. ஆனால் இரா­ணுவத்தின் பாது­காப்­போடு தனி­யா­ரு­டைய காணி­க­ளிலே இந்த விகா­ரைகள் அமைக்­கப்­ப­டு­வது ஒரு இனத்தினுடைய நட­வ­டிக்­கை­யாக அமைகின்­றது. இந் நிலை மாற்­றப்­பட்டு சகல ஆதா­ரங்­களும் சம­னாக பாது­காக்­கப்­பட வேண்டும்.

கேள்வி:வட­கி­ழக்கு பிர­தே­ச­ங்­களை தவிர இலங்­கையின் ஏனைய பிர­தே­சங்­களில் காணப்­படும் தமி­ழர்கள் வர­லாறு தொடர்­பான தொல்­லியல் ஆதா­ரங்கள் பற்றி கூறுங்கள்  

பதில்: பௌத்த மதத்தின் வரு­கைக்கு முன்­பாக இலங்கை முழு­வ­தி­லுமே  பெருங்­கற்­கால பண்­பாடு காணப்­பட்­டது. இது திரா­விட நாக­ரி­கத்­தோடு தொடர்பு கொண்­டது. விவ­சாயம்,குள­நநீர்ப்பா­சனம்,மீன்­பிடி,மட்­பாண்­டங்கள் இத­னு­டைய அடை­யா­ளங்­க­ளாகும். இந்த அடை­யா­ளங்கள் கரை­யோ­ரங்­களை அண்­டி­ய­தாக புத்­த­ளத்­திலே, சிலா­பத்­திலே, கதி­ர­வெ­ளி­யிலே, மட்­டக்­க­ளப்­பிலே, அம்­பாந்­தோட்­டை­யிலே  பர­வ­லாக காணப்­ப­டு­கின்­றன. இவ்­வாறு காணப்­ப­டு­கின்­ற­வற்றை வெளிப்­ப­டு­த்தாது உள்­ளனர். அவ்­வாறு வெளிப்­ப­டுத்­தினால் பௌத்தம் இலங்­கைக்கு வரு­வ­தற்கு முன்னர் இலங்­கையில் நாக­ரி­க­மான சமுதாயம் இருந்­தமை வெளிப்­ப­டுத்­தப்­பட்­டு­விடும் என்ற அச்­சத்தில் அவற்றை  இலங்கை அர­சாங்கம் வெளிப்­ப­டுத்­தாது உள்­ளது.

 உதா­ர­ண­மாக பென்­சில்வே­னியா பல்­க­லைக்­க­ழ­கத்தில் இருந்­து­வந்த லுவ­லா­வேட்ளி தலை­மையில்  கந்­த­ரோ­டையில்  மேற்­கொள்­ளப்­பட்ட ஆய்வின் முடி­வுகள் நீண்­ட­கா­ல­மா­கவே வெளிப்­ப­டுத்­தப்­ப­டாமல் இருக்­கின்றன இவ்­வாறு இலங்­கை­யி­னு­டைய பல பாகங்­க­ளிலும் ஐரோப்­பிய அறி­ஞர்­க­ளினால் மேற்­கொள்­ளப்­பட்ட ஆய்வு விட­யங்­கள்­வெ­ளிப்­ப­டுத்­தப்­ப­டாமல் இருப்­ப­தற்கு ஒரே காரணம் இலங்கைத் தீவு தங்­க­ளுக்கு உரி­யது என்ற நிலைப்­பாடு மாறி­விடும் என்ற அச்­சமே கார­ண­மாகும்.

கேள்வி: வர­லாற்று ரீதி­யாக இலங்கை இந்­திய உறவு பேணப்­பட்­டுள்­ள­தா­கவும் இந்­தி­யாவின் ஆதிக்கம் இலங்­கையை பிர­தி­ப­லித்­த­தா­கவும் கூறப்­ப­ட­வ­துடன் தற்­போதும் அந் நிலை தொடர்­ப­தாக கூறப்­ப­டு­கின்­றது. இது தொடர்பில் உங்கள் கருத்து என்ன?

 பதில்:  பண்­டைய கால நிலை­மை­க­ளோடு இன்­றைய கால நிலைமை­களை ஒப்­பிட்டு பார்ப்பது தவ­றா­ன­தாகும். இப்­பொழுது இந்­தியா ஒரு தனி­நா­டாக காணப்­ப­டு­கின்­றது. ஆதி­கா­லத்­திலே இந்த சிந்­தனை இந்­திய தீப­கற்பத்­திலே இருந்த மக்­க­ளுக்கு இருக்­க­வில்லை. தனி­யான இராச்­சி­யங்­களும் மொழி அடை­யா­ளங்­களும், தனி­யான மத அடை­யா­ளங்­களும் பல கூறு­க­ளா­கவும் பிரிந்­தி­ருந்­தது. இதனால் தென்­னிந்­தி­யாவில் எற்­பட்ட மாற்­றங்கள் எல்லாம் இலங்­கையில் செல்­வாக்­குக்கு உட்­பட்­டி­ருந்­தது ஆனால் தற்­போ­தைய இந்­தி­யாவின் நிலைமை வேறா­க­வுள்­ளது. 

இப்­போது இந்­தியா ஒரு­மித்த இந்­தியா ஒட்­டு­மொத்த இந்­தி­யாவின் நலன்­களை கொண்­டுதான் தனது வெளி­நாட்டு கொள்­கையை உரு­வாக்கி இருக்­கின்­றது. அத­னாலே  வர­லாற்று காலங்­களில் ஏற்­பட்ட மாற்­றங்­களை அது கவ­னித்துக் கொள்­வ­தில்லை அத­னால்தான் இன்று இந்­தி­யாவின் வெளி­நாட்டு கொள்­கை­யிலே இலங்கை வாழ் தமிழ் மக்­க­ளு­டைய பிரச்­சி­னை­களை பெரி­தாக கொள்­வ­தான தன்மை காணப்­ப­டு­வ­தில்லை 

கேள்வி: இலங்­கையில் நீண்­ட­கா­ல­மாக நிலவி வரு­கின்ற பிரச்­சி­னைகள் தொடர்பாக தங்­க­ளது நிலைப்­பாடு என்ன?

பதில்: இலங்­கையில் இருக்­கின்ற ஆட்­சி­யா­ளர்கள் தூர­நோக்­கோடு செயற்­ப­டு­வ­தாக இருக்­க­வில்லை. அவர்கள் தேர்தல் மூலம் அதி­கா­ரத்­தினைக் கைப்­பற்­று­வ­தற்­கு­ரிய நட­வ­டிக்­கை­யில்தான் ஈடு­பட்டுக் கொண்டு இருக்­கின்­றார்கள். இதற்­காக பெரும்­பான்மை மக்­க­ளி­டையே பௌத்த சிங்­கள அடை­யா­ளங்­களை பாது­காக்­கின்­ற­வர்­க­ளாக காட்­டிக்­கொள்ள வேண்­டிய தேவை அவர்­க­ளுக்கு இருக்­கின்­றது. 

மற்­றைய நாடு­க­ளிலே அர­சியல்,பொரு­ளா­தாரம் போன்ற பிரச்­சி­னைகள் முக்­கியம் பெற்­றி­ருக்க இலங்­கை­ போன்ற மூன்றாம் உலக நாடுகள் சில­வற்­றி­டையே மதத்­தையும் மொழி­யையும் அடிப்­ப­டை­யாகக் கொண்டு ஒரு பேரி­ன­வாத உணர்வை மக்­க­ளி­டையே கொடுத்து அதன்­மூலம் அதி­கா­ரத்­தினை கைப்­பற்றி கொள்ளும் நோக்கு காணப்­ப­டு­கின்­றது. 

 இலங்­கை­யி­னு­டைய சுதந்­தி­ரத்­திற்கு பின்­ன­ரான காலப்­ப­கு­தியை பார்க்­கின்­ற­பொ­ழுது. பத­விக்கு வந்த எந்­த­வொரு அர­சாங்­கமும் மேற்­கு­றித்த செயற்­பாட்டில் இருந்து முரண்­பட்­டி­ருக்­வில்லை. மாறி­மாறி அதி­கா­ரத்­தினைப் பெற்­றுக்கொண்;டவர்கள் தங்­க­ளு­டைய இருப்பை தக்­க­வைத்துக் கொள்­வ­தற்­காக பேரி­ன­வா­தத்­தினை முன்­வைத்­துள்­ளனர். தற்­பொ­ழுது கூட பௌத்த சங்­கங்கள் பிக்­குகள் அர­சி­ய­லிலே வேண்­டத்­த­காத வகையில் தலை­யிட்டு இந்த நாட்­டி­னு­டைய எதிர்­கால முன்­னேற்­றத்தை தடை­செய்­ப­வர்­க­ளாக காணப்­ப­டு­கின்­றனர். தோல்வி அடைந்­த­வர்­களும் இந்த கயிற்றை இறு­கப்­பி­டித்துக் கொண்டு மீண்டும் அர­சி­ய­லுக்கு வர­மு­யற்­சிக்­கின்­றனர். பெரு­ம்­பான்மை இன­மாக சிங்­கள பௌத்­தர்கள் இருப்­ப­தாலே சிறு­பான்மை இன­மா­கிய தமிழர்­களோ அல்­லது முஸ்­லிம்­களோ அவர்­க­ளுக்கு எதி­ராக போராடி வெற்­றி­பெ­று­வ­தென்­பது இய­லாத காரி­ய­மாக இருக்­கின்­றது

கேள்வி: தமிழ் மக்­களின் தீர்வு விடயம் தொடர்பில் தற்­போ­தைய தமிழ்த் தலை­மை­க­ளி­டையே  மாறு­பட்ட கருத்­துக்கள் நிலவி வரு­கின்­றன இது தொடர்­பாக உங்கள் கருத்து என்ன?

பதில்:-­சு­தந்­தி­ரத்­திற்கு பின்­பாக தமிழ்க் கட்­சிகள் அமை­தி­யான முறை­யிலே மக்­களின் நலன்­களை பாது­காக்க முற்­பட்­டனர். சமஷ்டி கோரிக்­கையை முன்­வைத்து அவர்கள் அகிம்சை வழி­யிலே போரா­டி­னார்கள். அந்த நோக்கை பௌத்த சிங்­கள பெரும்­பான்மை மக்கள் ஏற்­றுக்­கொள்­ள­வில்லை. சமஷ்டி என்­ப­தனை அவர்கள் தனி­நா­டா­கத்தான் கரு­தி­னார்கள். பல­த­ரப்­பட்ட பேச்­சு­வார்த்­தைகள் நடை­பெற்­றன தோல்வி அடைந்­தன. 1989 இலங்கை இந்­திய ஒப்­பந்தம் ஒன்று இடம்­பெற்­றது. அதனை நடை­மு­றைப்­ப­டுத்­து­வதில் இலங்கை அரசு அக்­கறை காட்­ட­வில்லை இதன் அடிப்­ப­டையில் அமை­திப்­படை வெளி­யே­றிய பிற்பாடு  மீண்டும் இரா­ணு­வ­ரீ­தி­யான போராட்டம் ஒன்று தமிழ் அர­சி­ய­லிலே ஆரம்­பித்­தது. 

அந்த போராட்­ட­மா­னது முப்­­பது வரு­ட­மாக தொடர்ந்­தது. இறு­தியில்  முள்­ளி­வாய்க்­கா­லிலே சர்­வ­தேச வல்­ல­ர­சு­களின் செயற்­பா­டு­க­ளினால் மௌனிக்­கப்­பட்­டது. இந்த 2009 ஆம் ஆண்டில் இருந்து 2017 ஆம் ஆண்டு முடி­கின்ற கட்­டத்தில் இருக்­கின்­றது. எந்­த­வி­த­மான முன்­னேற்­றங்­களும் தமிழ் மக்­களின் அர­சி­ய­லிலே ஏற்­ப­ட­வில்லை. சர்­வ­தேச  நாடு­களும் தங்­க­ளது நலன்­க­ளுக்­காக தங்­க­ளது ஆதிக்­கத்தை நிலை­நி­றுத்திக் கொள்­வ­தற்­காக செயற்­பட்டு வரு­கின்­றார்கள். ஐக்­கி­ய­நா­டுகள் சபையும் ஜெனிவா தீர்­மா­னங்­களும் செயற்­ப­டாத விட­யங்­க­ளாக போய்க்­கொண்டு இருக்­கின்­றது. இலங்­கையில் இருக்­கின்ற தமிழ்த் தலை­வர்கள் பலர் களைத்­து­போய்­விட்­டார்கள். வயது வந்­து­விட்­டது. இந்த தோல்­வி­களை அவர்­களால் ஏற்­றுக்­கொள்ள முடி­யாத நிலைமை வந்­து­விட்­டது.

 தற்­பொ­ழுது எதிர்க்­கட்சி தலைவர் போது­மென்ற அடிப்­ப­டையில் செயற்­பா­டுகள் போய்க்­கொண்டு இருக்­கின்­றது. அர­சியல் தலை­மைகள் தவறு விட்­ட­த­னா­லேயே மக்கள் வீதியில் இறங்கி போராட்­டங்­களை நடத்தி வரு­கின்­றனர். காணாமல் ஆக்­கப்­பட்­டோர், நில­மி­ழந்தோர், சிறை­யில்­வா­டுவோர் என பல­த­ரப்­பட்­ட­வர்கள் நீதி­கோரி பல­த­ரப்­பட்ட போராட்­டங்­களை நடத்தி வரு­கின்­றனர். ஆனால் இவற்­றிலே தமிழ்த் தலை­மைகள் பெரி­தாக அக்­கறை காட்­டு­வ­தாக தெரி­ய­வில்லை. தீர்­வுத்­திட்டம் வரப்­போ­கின்­றது அவற்­றி­னையே மேற்­கொண்டு வரு­கின்றோம் இச்­சந்­தர்ப்­பத்தில் இவ் விட­யங்­களை நாங்கள் பெரி­து­ப­டுத்­தாது இருக்­க­வேண்டும் என்று கூறு­கின்­றனர். பின்னர் தீபா­வளி, பொங்கல் விழாக்­க­ளின்­போது அடுத்­த­வ­ருடம் எமக்கு தீர்வு கிடைத்­து­விடும் என்று கூறி அர­சாங்­கத்­திற்கு தாலாட்டு பாடிக்­கொண்டு இருக்­கின்­றார்கள். 

அர­சாங்கம் ஒரு தூர­நோக்­கு­டைய அர­சாங்­க­மாக இருந்­தி­ருந்தால் இந்த பிரச்­சி­னையை தீர்ப்­பது இல­கு­வான விடயம். இலங்­கையில் இரண்டு மொழி பேசு­கின்ற மக்கள், மூன்று மதங்கள் உள்­ளன. உல­கிலே எத்­த­னையோ மொழிகள் எத்­த­னையோ மதங்­களை கொண்ட நாடுகள் தங்கள் பிரச்­சி­னை­களை இல­கு­வாக தீர்த்­தி­ருக்­கின்­றது.  மனம் இருந்தால் இடம் உண்டு. ஆனால் மனமும் இல்லை இடமும் இல்லை. அத­னாலேயே இப்­பி­ரச்­சினை தொடர்ந்து இழு­பட்டுக் கொண்டே செல்­கின்­றது. அரசி­ய­லிலே குறிப்­பிட்ட வய­தெல்­லையை கொண்­டு­வ­ர­வேண்டும். அல்­லா­த­வி­டத்து நடக்­க­மு­டி­யா­தர்கள் எழும்­ப­மு­டி­யா­த­வர்கள் தலை­மைத்­து­வத்தை கொண்­டி­ருந்தால் அது பலம் கொண்­ட­தாக இருக்­க­மு­டி­யாது மற்றும் தமிழ் மக்­களின் பிரச்­சி­னை­களை கொஞ்சம் கூட அறிந்­தி­ரா­த­வர்கள் தமிழ்த்­த­லை­மை­க­ளாக கொழும்­புக்கு ஆத­ரவு வழங்­கு­கின்­ற­வர்­க­ளாக காணப்­ப­டு­கின்­றனர். எனவே தமிழ் மக்­களின் அனைத்து பிரச்­சி­னை­க­ளையும் நன்கு அறிந்­து­கொண்டு, புரிந்து கொண்டு செயற்­படக் கூடிய தலை­மையே இன்­றைய காலத்தின் தேவை­யாக உள்­ளது.

கேள்வி: தற்­போது அர­சினால் முன்­னெ­டுக்­கப்­பட்டு வரும் தீர்வு திட்டம் தொடர்பில் தமிழ்த் தலை­மையில் ஒரு­சாரார் மிகுந்த நம்­பிக்கை கொண்டு செயற்­ப­டு­கின்றனர் இது தொடர்பில் உங்கள் கருத்து என்ன?

  பதில்: இடைக்­கால அறிக்­கை­யிலே தமிழ்த் தலை­மை­கள்தான் மிகுந்த நம்­பிக்கை கொண்­டுள்­ளன. அதுவும் மிக­முக்­கி­ய­மாக கடந்த காலங்­க­ளிலே ஏமாற்­றப்­பட்ட தலை­வர்­கள்தான் இதில் நம்­பிக்கை கொண்­டுள்­ளனர். இடைக்­கால தீர்வு பற்றி ஒரு அள­விற்கு நம்­பிக்கை காணப்­பட்­டது. ஆனால் பெரும்­பான்மை மக்­க­ளு­டைய அர­சி­யல்­வா­தி­க­ளு­டைய நட­வ­டிக்­கைi­யினை கடந்து எழு­பது ஆண்­டு­க­ளாக நாங்கள் பார்க்­கின்­ற­பொ­ழுது அவர்கள் தமிழ் மக்­களை ஏமாற்­று­வ­தைத்தான் தங்­க­ளு­டைய கொள்­கை­யாக கொண்­டுள்­ளனர். எழு­பது ஆண்­டுகள் சேர்பொன். அரு­ணாச்­சலம் இலங்கை தேசிய காங்­கி­ரசை விட்டு விலகி தமிழர் மகா­ச­பையை உரு­வாக்­கிய காலத்தில் இருந்தே தமி­ழர்கள் இவ்­வாறு ஏமாற்­றப்­பட்­டுள்­ளனர். யாழ்ப்­பாண காங்­கிர­சி­னு­டைய வளர்ச்­சியின்­போது கூட சுதந்­தி­ரத்­திற்­காக ஒன்­றா­க­போ­ராடி பின்னர் சிங்­கள பௌத்த நட­வ­டிக்­கைக்கு ஆட்­பட்­டு­கொண்­டனர். அந்த வகையில் தமி­ழர்­களை ஏமாற்­று­வது சிங்­கள தலை­வர்­களின் கொள்­கை­யாக காணப்­ப­டு­கின்­றது.  இந்­தி­யா­வினால் இலங்கை கைப்­பற்­றப்­பட்ட வர­லாற்றை வைத்துக் கொண்டு தற்­கா­லத்தில் பெரும்­பான்­மை­யினர் சிறு­பான்­மை­யி­ன­ரி­டத்தில் அச்சம் கொண்­டுள்­ளனர். 

அந்த வகை­யிலே என்­னு­டைய கருத்­துப்­ப­டியும் நீண்­ட­கால அனு­ப­வத்­தின்­ப­டியும்  தமி­ழ­ருக்கு அர­சியல் அதி­கா­ரங்­களை வழங்­கு­வ­தற்கு சிங்­கள தலை­வர்கள் முன்­வ­ரப்­போ­வ­தில்லை. சில தலை­வர்கள் தமிழ் மக்­க­ளுக்கு தீர்வு வழங்­கப்­பட வேண்டும் என்ற நல்­லெண்­ணத்தில் இருக்­கின்­றனர். இவர்கள் குறை­வா­கவே இருக்­கின்­றனர். ஏனை­ய­வர்கள் மாறாக செயற்­ப­டு­வ­தையே இலங்கை அர­சி­யல்­காட்டி நிற்­கின்­றது.

எனவே தூர நோக்­கோடு இந்த இலங்­கையை வளர்க்க­வேண்­டு­மாக இருந்தால் அர­சி­யல்­வா­தி­க­ளி­டையே மன மாற்றம் ஏற்­ப­ட­வேண்டும். என்­பது எனது கருத்­தாகும். சமஷ்டி என்­ப­தனை கூடாத விட­ய­மாக பார்க்­க­வேண்டாம் உல­கிலே முன்­னே­றிய நாடுகள் பல பிரச்­சி­னை­களை சமஷ்டி முறை மூலம் தீர்த்­தி­ருக்­கின்­றது.  தற்­பொ­ழுது முன்னாள் ஜனா­தி­பதி தற்­போது துவேஷத்தை கக்­கி­வ­ரு­கின்றார், அது­மாத்­தி­ர­மின்றி பௌத்த அமைப்­புக்கள் பலவும், இதற்கு எதி­ரான கருத்­தினை வெளி­யிட்டு வரு­கின்­றனர் எனவே இது ஒரு சிக்­க­லான விட­ய­மாகும். ­ இதனால் அர­சாங்கம் தீர்வு விட­யத்தில் தற்­போது பின்­னோக்கி செல்வதனை அவதானிக்க முடிகின்றது.