''சுனாமி'' என்பது வதந்தி : அனர்த்த முகாமைத்துவ மத்திய நிலையம்

நாட்டில் சுனாமி எச்சரிக்கை என்ற வதந்தியொன்று பரப்பப்பட்டுள்ளதாக அனர்த்த முகாமைத்துவ அமைச்சு தெரிவித்துள்ளது.

மட்டக்களப்பில் சுனாமி எச்சரிக்கை விடுக்கப்பட்டமை உண்மையாவென அனர்த்த முகாமைத்துவ மத்திய நிலையத்திடம் வீரகேசரி இணையத்தளம் வினவியபோதே, இது தொடர்பில் அதிகாரியொருவர் மேற்கண்டவாறு தெரிவித்தார்.

 

இது தொடர்பில் அவர் மேலும் தெரிவிக்கையில்,

சுனாமி தொடர்பான வதந்தியொன்று இன்று மொரட்டுவை பகுதியில் ஆரம்பத்தில் பரவியது. அது தற்போது நாட்டின் ஏனைய பாகங்களுக்கும் பரவியுள்ளது.

 

இந்நிலையில் இது தொடர்பில் வளிமண்டலவியல் திணைக்களம் எவ்வித சுனாமி எச்சரிக்கையும் விடுக்கவில்லை.

 

இவ்வாறான தவறான செய்திகள் வட்ஸ்அப் மூலம் மக்கள் மத்தியில் பரப்பப்படுவதால் மக்கள் பீதியடைந்துள்ளனர்.

 

தற்போது கடல் பகுதியில் மணித்தியாலத்திற்கு 80 முதல் 100 கிலோமீற்றர் வேகத்தில் காற்று வீசுமென்றே வளிமண்டலவியல் திணைக்களம் அறிவித்துள்ளது எனத் தெரிவித்தார்.

http://www.virakesari.lk/article/27876

உஷ்ண மாறு­பாடு கார­ண­மா­கவே கடல் உயி­ரி­னங்கள் கரை ஒதுங்­கு­கின்­றன

 

 சுனாமி எச்­ச­ரிக்­கை­யில்லை; வதந்­தி­களை நம்ப வேண்டாம் அனர்த்த முகாமைத்துவ மத்திய நிலையம் அறிவிப்பு
(இரோஷா வேலு)

இலங்­கையில் பல்­வேறு பகு­தி­களில் கடல் உயி­ரி­னங்கள் கரை­யொ­துங்­கு­வதால் சுனாமி எச்­ச­ரிக்கை உள்­ள தாக பொய்­யான வதந்­திகள் பரப்­பப்­ப­டு­கின்­றன. ஆனால்  அவ்­வா­றான ஒரு நிலைமை இல்லை. இதனால் பொது மக்கள் வீணாக அச்­ச­ம­டையத் தேவை­யில்லை என அனர்த்த முகா­மைத்­துவ நிலைய பணிப்­பாளர் நாயகம் பிரேமலால் தெரி­வித்தார்.   

இலங்­கையை சுற்றி வீச­வுள்ள கடுங்­காற்­றினால் எதிர்­வரும் நாட்­களில் ஏற்­படப் போகும்

அசா­தா­ரண நிலை­மையை எதிர்­கொள்ள அவ­ச­ர­கால அவ­தான நட­வ­டிக்­கைகள் குறித்து ஊட­க­வி­ய­லா­ளர்­களை தெளி­வுப்­ப­டுத்தும் ஊட­க­வி­ய­லாளர் சந்­திப்­பொன்று நேற்று அனர்த்த முகா­மைத்­துவ மத்­திய நிலை­யத்தில் நடை­பெற்­றது.

இதில் கலந்து கொண்டு கருத்து தெரி­விக்­கை­யி­லேயே அவர் மேற்­கண்­ட­வாறு தெரி­வித்தார்.

அவர் அங்கு மேலும் தெரி­விக்­கையில்,

சுனாமி எச்­ச­ரிக்கை குறித்து இந்து சமுத்­திர சுனாமி எச்­ச­ரிக்கை அமைப்பு இது வரையில் எது­வித எச்­ச­ரிக்கை அறிக்­கையும் விட­வில்லை. கடல்­உ­யி­ரி­னங்­களில் கரை­யொ­துங்கள் குறித்து நாரா அமைப்பு ஆய்­வு­களை மேற்­கொண்­டுள்­ளது. கடல்வாழ் உயி­ரி­னங்கள் மிகவும் மென்மைத் தன்மைக் கொண்­டவை, அவை கடலில் ஏற்­படும் உஷ்ண மாறு­பாட்­டினால் மற்றும் இயற்கை மாறு­தல்­க­ளா­லேயே கரை­யொ­துங்­கி­யுள்­ளன.

இலங்­கைக்கு சுனா­மி­யொன்று ஏற்­ப­டு­வ­தாயின் இந்­தோ­னே­சிய கடற்­ப­ரப்பில் அல்­லது பூமித் தகட்டில் நில­அ­திர்­வொன்று 7 ரிச்­ச­ட­ருக்கு அதி­க­ள­வாக பதி­வாக வேண்டும். அவ்­வே­ளை­யி­லேயே சுனா­மி­யொன்று உரு­வாக வாய்ப்­புள்­ளது.

ஆனால் இது வரையில் அவ்­வா­றான எது­வித நில­அ­திர்­வு­களும் பதி­வா­க­வில்லை. அப்­ப­டி­யான சம்­ப­வங்கள் ஏற்­ப­டு­மாயின் ஒரு மணி­நே­ரத்­திற்குள் மக்­க­ளுக்கு அறி­வு­றுத்­தல்கள் வழங்­கப்­பட்டு பாது­காப்­பான இடங்­க­ளுக்கு அனுப்பி வைக்­கப்­ப­டுவர். இதற்­காக அனர்த்­த­மு­கா­மைத்­துவ நிலையம் மிக­அ­வ­தா­னத்­து­ட­னேயே உள்­ளன.

வங்­காள விரி­கு­டாவில் ஏற்­படும் காற்றின் வேக அதி­க­ரிப்பால் கடல் கொந்­த­ளிப்­புடன் காணப்­படும். இதனால் இடியுடன் கூடிய மழைவீழ்ச்சி எதிர்பார்க்கப்படுகின்றதே தவிற வேறு ஆபத்துக்கள் இலங்கைக்கு இதனால் ஏற்படவாய்ப்பில்லை.

எனவே இதனால் வீண் வதந்திகளை பரப்ப வேண்டாம். அவற்றை பொது மக்கள் நம்பவும் அவசியமில்லை என அவர் மேலும் தெரிவித்தார். 

http://epaper.virakesari.lk/newspaper/Daily/main/2017-12-06