இஸ்ரேல் ஓர் அசைக்க முடியாத நாடா?

இஸ்ரேல் ஓர் அசைக்க முடியாத நாடா?

வேல் தர்மா

இஸ்­ரேலின் விருப்­பத்­திற்கு ஏற்ப அ­மெ­ரிக்கா செயற்­ப­டு­கின்­றது. இஸ்­ரேலின் செயற்­பா­டு­க­ளுக்கு ரஷ்யா எதிர்ப்புக் காட்­டாமல் அனு­ச­ரித்துப் போகின்­றது. இஸ்­ரேலை எதிர்த்து நின்ற இந்­தியா பல துறை­க­ளிலும் அத­னுடன் இணைந்து செயற்­ப­டு­கின்­றது. சவூதி அரே­பியா உட்­பட பல அரபு நாடுகள் இஸ்­ரே­லுடன் இர­க­சி­ய­மாக ஒத்­து­ழைக்­கின்­றன. இஸ்­ரேலில் தன்­னிலும் பார்க்க பல மடங்கு மக்கள் தொகையைக் கொண்ட அயல் நாடு­க­ளுடன் பகை­யான நாடாக இருக்­கின்­றது. அவற்றில் நிலங்­களை அப­க­ரித்து வைத்­தி­ருக்­கின்­றது. அயல்­நா­டு­க­ளிலும் பார்க்க இஸ்­ரேலில் வித்­தி­யா­ச­மான கலா­சாரம், வித்­தி­யா­ச­மான ஆட்சி முறை இருந்தும் இஸ்ரேல் தன் அயல்­நா­டு­க­ளுக்கு அஞ்­சாமல் இருக்­கின்­றது. உலக அரங்கில் இஸ்ரேல் ஓர் அசைக்க முடி­யாத நாடாக மாறி­வ­ரு­கின்­றதா?

இஸ்­ரே­லுக்கு வேண்­டி­யவர்  சிரி­யாவில் ஆட்­சியில்  

ஈரா­னுடன் P5+1 என்னும் பெயர்­கொண்ட அமெ­ரிக்கா, ரஷ்யா, சீனா, பிரித்­தா­னியா, பிரான்ஸ் என்ற ஐந்து வல்­ல­ரசு நாடு­க­ளுடன் ஜேர்­ம­னியும் இணைந்த குழு யூரே­னியம் பதப்­ப­டுத்­துதல் தொடர்­பான ஒப்­பந்­தத்தை அமெ­ரிக்கா ஒரு தலைப்­பட்­ச­மாக இரத்து செய்­ததன் பின்­ன­ணியில் இஸ்ரேல் நின்று செயற்­பட்டு வெற்றி பெற்­றது. இஸ்­ரே­லுடன் சவூதி அரே­பியா, ஐக்­கிய அமீ­ரகம் போன்ற வளை­குடா நாடு­களும் இணைந்து செயற்­பட்­டன. 2011ஆம் ஆண்டு "சிரி­யாவில் அரபு வசந்தம்" என்னும் பெயரில் ஆரம்­பித்த போது பஷார் அல்- அசாத் ஆட்­சி­யி­லி­ருந்து அகற்­றப்­படக் கூடாது என்­பது இஸ்­ரேலின் நிலைப்­பா­டாகும். அதுதான் இன்­று­வரை நடக்­கின்­றது.

இஸ்ரேல் நினைப்­பதை அமெ­ரிக்கா செய்­கின்­றது 

ஐக்­கிய நாடுகள் சபை ஜெரு­சலேம் எந்த நாட்­டுக்கும் சொந்­த­மில்லை, அது ஒரு பன்­னாட்டு நகரம் என்ற நிலைப்­பாட்டில் உள்­ளது. 1947ஆம் ஆண்டு ஜெரு­சலேம் நகர் தொடர்­பாக ஐ.நா. சபையில் தீர்­மானம் -181 நிறை­வேற்­றப்­பட்­டது. 1967ஆம் ஆண்டு நடந்த ஆறுநாட் போரில் இஸ்ரேல் கிழக்கு ஜெரு­ச­லேத்தை ஆக்­கி­ர­மித்துக் கொண்­டது. அதன் பின்னர் 1980ஆம் ஆண்டு இஸ்ரேல் ஜெரு­சலேம் சட்டம் 1980 ஐ தனது பாரா­ளு­மன்­றத்தில் நிறை­வேற்றி முழு ஜெரு­ச­லேமும் தனது என்ற நிலைப்­பாட்டை எடுத்­தது. இதற்கு எதி­ராக ஐ.நா. சபையில் தீர்­மானம்- 478 நிறை­வேற்­றப்­பட்­டது. ஜெரு­சே­லம்தான் இஸ்­ரேலின் தலை­நகர் அங்­குதான் அமெ­ரிக்­காவின் இஸ்­ரே­லுக்­கான தூது­வ­ரகம் அமைக்­கப்­பட வேண்டும் எனச்­சொல்லும் ஜெரு­சலேம் தூது­வ­ரகச் சட்டம் (Jerusalem Embassy Act) 1995ஆம் ஆண்டு அமெ­ரிக்கப் பாரா­ளு­மன்­றத்தில் நிறை­வேற்­றப்­பட்­டாலும் அதை 23 ஆண்­டு­க­ளுக்குப் பின்னர் நடை முறைப்­ப­டுத்­தப்­பட்­டமை இஸ்­ரே­லுக்குக் கிடைத்த பெரு வெற்­றி­யாகும்.

ஈராக்கில் இஸ்­ரே­லுக்குப் பாதகம் இல்லை 

ஈராக்­கியத் தேர்­தலில் 329 பாரா­ளு­மன்றத் தொகு­தி­க­ளுக்கு 87 கட்­சிகள் 6,990 வேட்­பா­ளர்­களைக் கள­மி­றக்­கின. மொத்தத் தொகு­தி­களில் 25 சதவீதம் பெண்­க­ளுக்கு ஒதுக்­கப்­பட்­டன. சுனி முஸ்­லிம்கள் சார்பில் இரண்டு அணி­யி­னரும், சியா முஸ்­லிம்கள் சார்பில் 5 அணி­யி­னரும் குர்திஷ் மக்கள் சார்பில் 4 அணி­யி­னரும் தேர்­தலில் போட்­டி­யிட்­டனர். 2005ஆம் ஆண்­டி­லி­ருந்து அமெ­ரிக்க ஆத­ரவு சியா முஸ்­லிம்கள் ஈராக்கில் ஆதிக்கம் செலுத்­து­கின்­றனர். 2018 மே மாதம் நடந்த தேர்­தலில் அமெ­ரிக்க ஆத­ரவு சியா முஸ்­லிம்கள், ஈரான் ஆத­ரவு சியா முஸ்­லிம்கள், ஈராக்கை ஈராக்­கி­யர்­களே ஆள­வேண்டும் அமெ­ரிக்­கர்­களோ ஈரா­னி­யர்­களோ அல்ல என்ற கொள்­கை­யு­டைய சியா முஸ்­லிம்கள் என மூன்று பிரி­வாகப் பிரிந்­து­போட்­டி­யிட்­டனர் . அதில் மூன்றாம் வகை சியாக்கள் வெற்றி பெற்­றனர். இஸ்­ரேலைப் பொறுத்­த­வரை ஈரா­னுக்கு சார்­பா­ன­வர்கள் ஈராக்கில் ஆட்­சியைக் கைப்­பற்­றா­தது ஒரு வெற்­றியே.

பிரித்­தா­னிய ஆணைக்­குட்­பட்ட பலஸ்­தீனம் என்ற நாட்டின் 72 சதவீத நிலப்­ப­ரப்பை யூதர்கள் தமது நாடு என 1948ஆம் ஆண்டு பிர­க­டனப்படுத்­தி­ய­போது அதை முதலில் அங்­கீ­க­ரித்­தது ரஷ்யா தலை­மை­யி­லான சோவியத் ஒன்­றி­ய­மாகும். ஜோசேப் ஸ்டாலின் இஸ்ரேல் என்ற நாடு உரு­வா­வதைத் தீவி­ர­மாக ஆத­ரித்தார். அப்­போது இஸ்ரேல் பொது­வு­ட­மை­வா­தத்தை மேற்­கா­சி­யாவில் முன்­னெ­டுக்கும் என்ற நம்­பிக்­கையில் அப்­படி செய்­த­தா­கவும் சொல்­லப்­பட்­டது.

ஈராக்­கிலும் சிரி­யா­விலும் பாத் கட்­சி­யினர் இட­து­சாரிக் கொள்­கை­யு­டைய படைத்­து­றை­யினர் புரட்சி செய்து ஆட்­சியைக் கைப்­பற்­றிய பின்னர் அந்த நாடு­க­ளுடன் நட்­பு­றவை சோவியத் ஒன்­றியம் வளர்த்­தாலும் இஸ்­ரே­லு­ட­னான உறவைத் தொடர்ந்து பேணி வந்­தது. 1967ஆம் ஆண்டு நடந்த போரில் எகிப்து தலை­மை­யி­லான அரபு நாடு­களின் பக்கம் ரஷ்யா நின்­றது. பின்னர் ரஷ்யா பெரு­ம­ளவு படைக்­க­லன்­களை அரபு நாடு­க­ளுக்கு விற்­பனை செய்­தது. 1972ஆம் ஆண்டு நடந்த அரபு –இஸ்­ரே­லியப் போரின் ஆரம்­பத்தில் எகிப்­தி­டமும் சிரி­யா­வி­டமும் இருந்த ரஷ்­யாவின் ஏவு­க­ணைகள் இஸ்­ரே­லியப் போர்­வி­மா­னங்­களைச் செயற்­ப­டாமல் செய்­தன. பின்னர் இஸ்ரேல் அந்த ஏவு­கணை நிலை­களை அழித்த பின்­னர்தான் இஸ்­ரே­லியப் போர்­வி­மா­னங்கள் செயற்­பட்டு போரில் இஸ்ரேல் வெற்றி பெற்­றது.

இஸ்­ரே­லுக்கு ஏற்ப மாறி­யது ரஷ்யா

சோவியத் ஒன்­றி­யத்தின் வீழ்ச்­சியின் பின்னர் உலக விவ­கா­ரங்­களில் இருந்து ஒதுங்­கி­யி­ருந்த ரஷ்­யாவை புட்டீன் மீண்டும் உலக ஆதிக்க நாடாக மாற்றத் தொடங்­கிய பின்னர் இஸ்­ரே­லுக்கு எதி­ராக ரஷ்யா செயற்­ப­ட­வில்லை. சிரி­யாவில் ரஷ்யா தலை­யிடத் தொடங்­கி­யதில் இருந்து இஸ்­ரேலும் ரஷ்­யாவும் பல­வ­கை­களில் ஒத்­து­ழைத்து வரு­கின்­றன. சிரியப் படை­யி­னரும் ரஷ்யப் படை­யி­னரும் ஒரே வகை­யான போர் விமா­னங்­களைப் பாவித்­தன. வேக­மாகப் பறக்கும் போது ரஷ்யப் போர்­வி­மா­னங்கள் அவ்­வப்­போது இஸ்­ரே­லிய வான்­ப­ரப்­புக்குள் பறப்­ப­துண்டு. அவற்றின் மீது இஸ்ரேல் எந்­த­வித நட­வ­டிக்­கையும் எடுக்­காமல் இருக்க இரு நாடு­களும் இர­க­சி­ய­மாக சம­ரசம் செய்து கொண்­டன. ஈரான் இஸ்­ரேலைத் தாக்­கினால் ரஷ்யா இஸ்­ரேலின் பக்கம் நிற்கும் என இஸ்­ரே­லுக்­கான ரஷ்யத் தூதுவர் கருத்து வெளி­யிட்­டமை மேற்­கா­சி­யாவின் படைத்­துறைச் சம­நி­லையில் பெரும் பாதிப்பை ஏற்­ப­டுத்­தி­யுள்­ளது.

சிரி­யாவில் 2011ஆம் ஆண்டு உள்­நாட்டுப் போர் ஆரம்­ப­மா­னதில் இருந்தே ரஷ்­யா­விற்கும் இஸ்­ரே­லுக்கும் இடையில் ஓர் ஒற்­றுமை இருந்­தது. பஷார் அல் - அசாத் பத­வியில் தொடர வேண்டும் என்­ப­தி­லேயே அந்த ஒற்­றுமை நில­வி­யது. ஈரா­னியப் படைகள் சிரி­யாவில் நேர­டி­யாகத் தலை­யி­டு­வதை இஸ்ரேல் கடு­மை­யாக எதிர்த்­தது. அசாத்தைப் பத­வியில் தக்க வைப்­ப­தற்கு ஈரானின் உதவி அவ­சியம் என்­பதை ரஷ்யா நன்­கு­ணர்ந்து ஈரா­னுடன் இணைந்து செயற்­பட்­டது. சிரியப் போரைச் சாக்­காக வைத்துக் கொண்டு லெப­னா­னுக்குள் பெரு­ம­ளவு படைக்­க­லன்­களை சிரி­யாவில் இருந்து ஹிஸ்­புல்லா அமைப்பு எடுத்துச் செல்­லாமல் தடுப்­பதில் இஸ்ரேல் கண்ணும் கருத்­து­மாக இருந்­தது. இதற்­காக நூற்­றுக்­க­ணக்­கான தடவை சிரி­யா­வி­னுள்ளும் லெப­னா­னிற்­குள்ளும் இஸ்­ரே­லியப் போர் விமா­னங்கள் அத்துமீறிப் பறந்து சென்று தாக்­கு­தல்­களை நடத்­தின. ஈரான் சிரி­யா­வையும் இஸ்­ரே­லுக்கு எதி­ரான ஒரு முன்­ன­ரங்க நிலை­யாக மாற்­று­வதை இஸ்ரேல் கடு­மை­யாக எதிர்த்­தது. இஸ்­ரே­லியப் போர்­வி­மா­னங்கள் ஈரான் மீது தாக்­குதல் நடத்­து­வ­தற்கு ரஷ்யா எந்­த­வித ஆட்­சே­ப­னையும் தெரி­விக்­காமல் இருந்­தது. இர­க­சி­ய­மாக இஸ்­ரே­லுக்கு சிரி­யா­வினுள் எப்­போதும் நுழைந்து விமானத் தாக்­குதல் நடத்த ரஷ்யா அனு­மதி வழங்­கி­யி­ருந்­தது.

ஐரோப்­பியப் பாட்டுப் போட்­டியில் இஸ்ரேல் வெற்றி

ஐரோப்­பிய நாடுகள் இணைந்து நடத்தும் யூரோ­விஷன் என்னும் பாடல் போட்­டியில் இஸ்­ரேலும் பல ஆண்­டு­க­ளாகக் கலந்து கொள்­கின்­றது. 2018இற்­கான பாடல் போட்­டியில் மக்­களின் வாக்­க­ளிப்­பாலும் நிபு­ணர்­களின் வாக்­க­ளிப்­பாலும் இஸ்­ரே­லியக் கலை­ஞர்கள் பாடிய பாடல் முதலாம் இடத்தைப் பெற்றுக்கொண்­டது. இஸ்ரேல் வெற்றி பெற்­றது முத­லா­வது தட­வை­யாகும். ஐரோப்­பிய நாடு­களில் இஸ்­லா­மியத் தீவி­ர­வா­தத்­திற்கு எதி­ராக மக்­க­ளி­டையே உரு­வான எதிர்ப்பு இஸ்­ரே­லுக்­கான ஆத­ர­வாகத் திரும்பிக் கொண்­டி­ருக்­கின்­றது என்­பதை இது எடுத்துக் காட்­டு­கின்­றது. ஆசிய நாடா­கிய இஸ்ரேல் ஐரோப்­பியப் பாடல் போட்­டியில் பங்­கு­பெறக் கூடாது என்ற எதிர்ப்பு ஒரு காலத்தில் தீவி­ர­ம­டைந்­தி­ருந்­தது. போட்­டியில் வெற்றி பெறும் நாட்டில் அடுத்த யூரோ­விஷன் பாடல் போட்டி நடை­பெறும். போட்­டியில் வெற்றி பெற்ற இஸ்­ரே­லியப் பெண்­மணி தனது வெற்றி உரையில், அடுத்து ஜெரு­ச­லேத்தில் சந்­திப்போம் எனச் சொன்­னது அர­சியல் மய­மா­னது. ஜெருச­லேத்தை இஸ்­ரே­லியத் தலை­ந­க­ராகப் பரப்­புரை செய்யும் வகையில் அவ­ரது உரை அமைந்­தி­ருந்­தது. அவர் அப்­படிச் சொன்­ன­மைக்­காக அவ­ரது வெற்­றியைப் பறி­முதல் செய்ய வேண்டும் என்ற கோரிக்­கை­களும் முன்­வைக்­கப்­பட்­டன.

படை­க்கல உற்­பத்­தியில் இஸ்ரேல்

2014ஆம் ஆண்டின் பின்னர் இஸ்ரேல் தனது படைத்­துறை ஏற்­று­ம­தியை நான்கு மடங்­காக அதி­க­ரித்­துள்­ளது. 2017ஆம் ஆண்டில் இஸ்­ரேலின் படைத்­துறை ஏற்­று­மதி 9.2பில்­லியன் அமெ­ரிக்க டொலர்­க­ளாக இருந்­தது. இதில் ஆசிய– பசுபிக் பிராந்­திய நாடு­க­ளுக்­கான ஏற்­று­மதி 58 வீத­மாகும். இந்­தி­யா­விற்கு இஸ்ரேல் செய்த ஏற்­று­மதி இரண்டு பில்­லியன் டொலர்கள் பெறு­ம­தி­யா­னது. அமெ­ரிக்க ஜனா­தி­ப­தியின் நிர்ப்­பந்­தத்­தினால் மேற்கு ஐரோப்­பிய நாடுகள் தமது படைத்­துறைச் செலவை அதி­க­ரிப்­பதால் இஸ்­ரேலின் படைத்­துறை ஏற்­று­மதி அதி­க­ரித்­துள்­ளது.

Oligarch எனப்­படும் பெரும் பணக்­கா­ரர்கள் ரஷ்ய ஜனாதிபதி புட்­டீனைச் சூழ்ந்­தி­ருக்­கின்­றார்கள். அவர்­களில் யூதர்­களும் இடம்­பெ­று­கின்­றனர். ரஷ்­யாவில் உள்ள யூதச் செல்­வந்­தர்கள் புட்­டீனின் செயற்­பா­டு­களில் அதிக செல்­வாக்குச் செலுத்தக் கூடி­ய­வர்­க­ளாக இருக்­கின்­றனர். ரஷ்யா 2016 நவம்­பரில் நடந்த அமெ­ரிக்க ஜனா­தி­பதித் தேர்­தலில் தலை­யிட்டு டொனால்ட் ட்ரம்பை வெற்­றி­ய­டையச் செய்­த­மைக்கு இந்த யூதர்­கள்தான் பின்­ன­ணியில் நின்று செயற்­பட்­டனர் என நம்­பப்­ப­டு­கின்­றது. ஈரா­னுக்கு எதி­ரான இஸ்­ரேலின் செயற்­பா­டு­க­ளுக்கு ரஷ்யா மறை­முக ஆத­ரவு கொடுப்­ப­தற்கும் புட்­டீனைச் சூழ­வுள்ள யூதர்­களே காரணம் எனவும் சொல்­லப்­ப­டு­கின்­றது.

டொனால்ட் ட்ரம்பின் மகளின் கணவர் ஒரு யூத­ராவார். யூத மதத்தை ஒழுங்­காகக் கடைப்பிடிக்கும் ஜெரார்ட் குஷ்னரைக் திருமணம் செய்வதற்காக ட்ரம்பின் மகள் இவங்கா யூத மதத்திற்கு மாறினார். மருமகன் ஜெரார்ட் குஷ்னர் ட்ரம்பிற்கு தேர்தல் பரப்புரையின் போது பேருதவியாக இருந்து ஆலோசனைகள் வழங்கியவர். அவர் ட்ரம்பின் ஆட்சியிலும் முக்கிய பங்கு வகிப்பார். அவர் வெள்ளை மாளிகையில் பணி புரிவதை பெரிதும் விரும்புகின்றார். ரஷ்ய யூதச் செல்வந்தர்கள் ஜெரார்ட் குஷ்னரின் மாமனாரை தேர்தலில் வெற்றி பெறச் செய்து அதன் மூலம் இஸ்ரேலுக்கு சாதகமாக ட்ரம்பை செயற்படச் செய்கின்றனர் எனவும் சிலர் கருதுகின்றனர்.

தற்போது இஸ்ரேலை எதிர்க்கக் கூடிய வலிமையான ஒரே நாடாக ஈரான் மட்டுமே இருக்கின்றது. அதனால் ஈரானுக்கு எதிராக அமெரிக்கா பல அரசுறவியல் நகர்வுகளை மேற்கொள்கின்றது. ஈரானுக்கு எதிராக இஸ்ரேல் செய்யும் தாக்குதல்களுக்கு ரஷ்யா மறைமுக ஆதரவு வழங்குகின்றது. இந்த வல்லரசுகளை யூத செல்வந்தர்கள் வசப்படுத்தி வைத்திருப்பதால் இஸ்ரேல் ஓர் அசைக்க முடியாத நாடாக உருவெடுத்துக் கொண்டிருக்கின்றது.