இராணுவத்தினர் ஷெல்வீச்சு தாக்குதல்களை நடத்திவிட்டு எம்மீது குற்றஞ்சாட்டுகின்றனர் மட்டக்களப்பு மாவட்ட துணை அரசியில் துறைப்பொறுப்பாளர் சீராழன் கருத்து

மட்டக்களப்பு மாவட்டத்தில் சித்தாண்டி, முறக்கொட்டாஞ்சேனை போன்ற பகுதிகளின் மீது இலங்கை இராணுவத்தினர் ஷெல்வீச்சு தாக்குதல்களை நடத்தி விட்டு எம்மீது குற்றஞ்சாட்டுகின்றனர் என்று விடுதலைப்புலிகள் தெரிவித்துள்ளனர். இந்த சம்பவம் தொடர்பாக விடுதலைப்புலிகளின் மட்டக்களப்பு மாவட்ட துணை அரசியில் துறைப்பொறுப்பாளர் சீராழன் கருத்து

மேலும் கூறியதாவது:

இராணுவத்தினர் மக்களின் குடியிருப்பு பகுதிகளின் மீது கடந்த சில தினங்களாகவே தாக்குதல்களை மேற்கொண்டு வருகின்றனர்.அந்த ஒரு கட்டமாகவே நேற்றைய தாக்குதலும் இடம்பெற்றுள்ளது. இவ்வாறான தாக்குதல்கள் மேற்கொள்ளப்படுகின்ற போதெல்லாம் இலங்கை படையினர் எம்மீது குற்றஞ்சாட்டுவது வழமையானது.

இராணுவத்தினர் எம்மீது முதல் முதலாக குற்றஞ்சாட்டவில்லை. கரடிக்குளம் மற்றும் கும்புறுமூளை பகுதிகளிலிருந்து இலங்கை படையினர் மேற்கொண்ட ஷெல்வீச்சு தாக்குதல்களின் போது மாணவர்கள் உட்பட அப்பாவி பொது மக்கள் கொல்லப்பட்டதுடன் பலர் காயமடைந்தும் உள்ளனர். பொது மக்கள் மீது விடுதலைப்புலிகளே தாக்குதல்களை மேற்கொண்டனர் என்று பொய்ப் பிரசாரத்தில் ஈடுபட்டு வருகின்றனர்.

உண்மையிலேயே இந்த தாக்குதல்களை படையினரே மேற்கொண்டனர் என்று அங்குள்ள மக்கள் தெரிவித்ததையடுத்து அங்குள்ள மக்களை படையினர் ஒன்று திரட்டி விசேட கூட்டத்தை நடத்தி எங்களுக்கு எதிரான பொய்ப்பிரசார நடவடிக்கைகளில் ஈடுபட்டுள்ளனர்.

தமிழ்வின்