அரச தலை­வ­ருக்கு  மக்­கள் சொன்ன செய்தி

தமது எதிர்­பார்ப்பு என்ன என்­பதை மீண்­டும் ஒரு தடவை அரச தலை­வர் மைத்­தி­ரி­பால சிறி­சே­ன­வுக்கு நேர­டி­யா­கவே தெளி­வாக எடுத்­துக்­காட்­டி­யி­ருக்­கி­றார்­கள் தமிழ் மக்­கள்.

வலி­கா­மம் வடக்­கில் அமைந்­துள்ள முக்­கிய மீன்­பி­டித்துறையான மயி­லிட்­டி­யில் புதிய இறங்­கு­துறை ஒன்றை அமைப்­ப­தற்­கான அடிக்­கல் நடும் விழா­வில் உரை­யாற்­றிய தமிழ்த் தேசி­யக் கூட்­ட­மைப்­பின் நாடா­ளு­மன்ற உறுப்­பி­னர் மாவை சோ.சேனா­தி­ரா­சா­வின் உரை­யின் இடை­யி­டையே பலத்த கர­கோ­சத்தை எழுப்­பி­ய­தன் மூலம் தமது எண்­ணம், நோக்­கம் என்ன என்­பதை அவர்­கள் தெளி­வு­ப­டுத்தி யுள்­ளார்­கள்.

மைத்­தி­ரிக்­கும் தமிழ் மக்­க­ளுக்­கும் இடை­யி­லான உற­வில் மயி­லிட்டி துறை மிக­வும் முக்­கி­ய­மா­னது. அந்த வகை­யில் அரச தலை­வ­ரின் செய­லை­யும் வாக்­கு­று­தி­யைக் காக்­கும் மாண்­பை­யும் நிச்­ச­யம் பாராட்­டி­யா­க­வேண்­டும். ஏனெ­னில் மயி­லிட்­டித் துறை­மு­கம் படை­யி­ன­ரின் பிடி­யில் இருந்து விடு­விக்­கப்­ப­டவே போவ­தில்லை என்று தமி­ழர்­கள் நம்­பிய காலம் ஒன்­றி­ருந்­தது.

அதனை விடு­விப்­ப­தற்­கான தீவிர போராட்­டங்­களை நடத்­தி­ய­போ­தும் அதன் விடு­விப்பு மீது நிச்­ச­ய­மற்ற தன்மை ஒன்றை தமி­ழர்­கள் உறு­தி­யாக உணர்ந்­தார்­கள். ஆட்சி மாற்­றத்­தால் அத­னைச் சரிப்­ப­டுத்த முடி­யும் என்று நம்­பித்­தான் மைத்­தி­ரி­பா­ல­வுக்கு வாக்­க­ளித்­தார்­கள்.

அந்த நம்­பிக்­கையை சாக­டிக்­கா­மல் மைத்­தி­ரி­பா­ல­வும் 2015ஆம் ஆண் டு இறு­தி­யில் யாழ்ப்­பா­ணம் வந்­தி­ருந்த போது, மயி­லிட்­டித் துறை­மு­கம் 6 மாதங்­க­ளில் விடு­விக்­கப்ப டும் என்று, இடைத் தங்­கல் முகா­மில் தங்­கி­யி­ருந்த அந்­தப் பகுதி மக்­க­ளுக்கு வாக்­கு­று­தி­ய­ளித்­தார். அந்த வாக்­கு­றுதி அவர் குறிப்­பிட்ட காலப்­ப­கு­தி­யில் நிறை­வேற்­றப்ப டவில்லை.

வரு­டங்­கள் கடந்த பின்­னர் என்­றா­லும் அது நிறை­வேற்­றப்­பட்­டமை மகிழ்ச்­சி­தான். அத்­தோடு அந்­தத் துறையை மீண்­டும் 80களின் நில­மையை நோக்கி அபி­வி­ருத்தி செய்­வ­தற்கு எடுக்­கப்­பட்­டி­ருக்­கும் முயற்சி களும் பாராட்­டப்­ப­ட­வேண்­டி­ய­வையே!

இத்­த­கைய பின்­ன­ணி­யைக் கொண்ட மயி­லிட்­டி­யின் அபி­வி­ருத்தி நிகழ்­வில்­தான் தமது எதிர்­பார்க்­கை­கள் என்ன என்­ப­தைத் தமிழ் மக்­கள் ஆணித்­த­ர­மாக மீண்­டும் மைத்­தி­ரி­பா­ல­வுக்கு எடுத்­தி­யம்­பி­யி­ருக்­கி­றார்­கள்.

“புதிய அர­ச­மைப்பை நிறை­வேற்­று­வ­தற்கு நாடா­ளு­மன்­றத்­தில் மூன்­றி­லி­ரண்டு பெரும்­பான்­மைப் பலம் கிடைக்­கும், எனவே அரச தலை­வர் மைத்­தி­ரி­பால சிறி­சேன தைரி­ய­மாக முடிவு எடுத்து இந்த ஆண்டு இறு­திக்­குள் இனப்­பி­ரச்­சி­னைக்­குத் தீர்வு காண­வேண்­டும்” என்று நாடா­ளு­மன்ற உறுப்­பி­ன­ரும் தமிழ் அர­சுக் கட்­சித் தலை­வ­ரு­மான மாவை சேனா­தி­ராசா கூறி­ய­போது பலத்த கர­கோ­சத்தை எழுப்பி அதனை ஆமோதி த்தது அங்கே திரண்­டி­ருந்த சனக்­கூட்­டம், இந்­தக் கூட்­டம் மைத்­தி­ரி­யின் கட்­சி­யின் ஏற்­பாடு மற்­றும் ஒழுங்­க­மைப்­பின் கீழ் நிகழ்­வுக்க அழைத்து வரப்­பட்­டி­ருந்­தது என்­ப­தை­யும் கவ­னத்­தில் கொள்­ள­வேண்­டும். இருந்­த­போ­தும் மாவை­யின் உரைக்கு அழுத்­த­மான ஆத­ரவை வழங்­கி­ய­தன் மூலம் மைத்­தி­ரிக்கு தமது எண்­ணக் கிடக்­கையை வெளிப்­ப­டுத்த அவர்­கள் தவ­ற­வில்லை.

அரச படை­க­ளின் ஆக்­கி­ர­மிப்­பின் கீழ் உள்ள காணி­க­ளை­யும் ஆண்­டி­று­திக்­குள் விடு­விக்­க­வேண்­டும் என்று மாவை கூறி­ய­போது அதற்­கும் பலத்த ஆத­ரவு தெரி­வித்து தமது எதிர்­பார்ப்பை அவர்­கள் வெளிப்­ப­டுத்­தி­னர்.

மக்­க­ளின் அழுத்­த­மான இந்­தச் செய்­தியை மைத்­தி­ரி­பால சிறி­சேன புரிந்­து­கொண்­டாரோ இல்­லையோ தெரி­யாது. ஆனால் அவர் மிக முக்­கி­ய­மா­கப் புரிந்­து­கொள்ள வேண்­டிய விட­யம் இது.
அபி­வி­ருத்தி, உதவி எல்­லா­வற்­றுக்­கும் முத­லில் அர­சி­யல் தீர்­வையே தாம் எதிர்­பார்க்­கி­றார்­கள் என்­ப­தை­யும் அதை­நோக்­கித் துணிந்து அரச தலை­வர் முன்­னேற வேண்­டும் என்­ப­தை­யும் அதற்­குத் தாம் ஆத­ர­வாக இருப்­பார்­கள் என்­ப­தை­யும் மக்­கள் தமது செயல் மூல­மா­கத் தெளி­வு­ப­டுத்­தியி ருக்­கி­றார்­கள்.

அவர்­க­ளின் செய்­திக்கு பதில் சொல்­லா­மல் அரச தலை­வர் நழு­வி­விட்­டார் என்­கி­ற­போ­தும் மயி­லிட்டி துறையை விடு­வித்­தது போன்று பல காலம் தாழ்த்தி தீர்­வைக் கொண்­டு­வர முடி­யாது. அதற்­கி­டை­யில் அவ­ரது பதவி இந்­தக் கார­ணத்­திற்­கா­க­வே­கூட பறி­போய்­வி­ட­லாம் என்­ப­தால் தீர்வை எட்­டு­வ­தற்கு துணி­வோடு முன்வ ரவேண்­டும் அரச தலை­வர்.