7 அடி கமல் அன்னார்ந்து பார்த்த ரஜினி

7 அடி கமல் அன்னார்ந்து பார்த்த ரஜினி

ஹைடெம்ப்பரேச்சரில் தமிழ்நாட்டையே ‘சிவாஜி’ ஃபீவர் புரட்டிப் போட்டுக் கொண்டிருக்க, சிவாஜி the boss ஐ அண்ணாந்து பார்க்க வைத்து அசர வைத்திருக்கிறது கமல்ஹாசனின் அசத்தல் அவதாரம்.

தற்போதைய சூழ்நிலையில் தமிழ் சினிமாவின் இரு துருவங்கள் என்றால் அது ரஜினிகாந்த், கமல்ஹாசன் மட்டுமே.

ரஜினி casual. கமல் unusual. அதிகம் மெனக்கெடாமல் ஸ்டைலில் அசத்துவது ரஜினி ஃபார்முலா. வித்தியாசமாக இருந்தே ஆக வேண்டுமென்பதற்காக மெனக்கெடுவது கமல் பாணி. இப்படி ரஜினிக்கும் கமலுக்கும் இடையில் பட்டியலிட நிறைய வித்தியாசங்கள் இருந்தாலும் இவர்கள் இருவருக்கும் இடையில் ஒருவரையருவர் தட்டிக் கொடுக்கிற நட்பு இருக்கிறது. இந்த ஆரோக்கியமான நட்பின் அடிப்படையில்தான் ரஜினி - கமல் சந்திப்பு மீண்டுமொருமுறை சமீபத்தில் நடந்திருக்கிறது.

இவர்களது சந்திப்பு நடந்தது எப்படி? அங்கே நிகழ்ந்த விஷயங்கள் என்ன?

ஏ.வி.எம். ஸ்டூடியோ. வழக்கத்திற்கு மாறாக ஏக கெடுபிடி. காரணம், ஒருபக்கம் ‘சிவாஜி’ ஷ¨ட்டிங். மறுபக்கம், ‘தசாவதாரம்’ ஷ¨ட்டிங். சிவாஜி படத்தின் பேட்ச் வொர்க் ஷ¨ட்டிங் என்பதால், ரஜினி காலையிலேயே ஸ்பாட்டில் ஆஜர்.

ஷ¨ட்டிங் ஸ்பாட்டில் ரிலாக்ஸாக உட்கார்ந்தபடி யோசிக்கும் பழக்கமுள்ள ரஜினி, அன்றைய தினம் அங்குள்ள லைட்மேனிடம், ‘‘அண்ணே என்ன விஷயம்? பரபரப்பாக இருக்கீங்க? அடுத்த பிளாக்ல என்ன ஷ¨ட்டிங்?’ யார் இருக்காங்க?’’ என்று விசாரித்திருக்கிறார்.

‘‘தசாவதாரம் ஷ¨ட்டிங் சார். கமல் சாரை பார்த்தால் அடையாளமே தெரியல’’ என்று லைட்மேன் பதில் சொல்ல,

‘‘அப்படியா?’’ என்று ஆச்சர்யப்பட்ட ரஜினி, உடனே எழுந்தார். நடந்தார்.

அவர் சென்ற இடம் தசாவதாரம் ஷ¨ட்டிங்! மெதுவாக உள்ளே வந்த ரஜினியை ‘‘ஹலோ’’ என்று வரவேற்றார் ஏழடி மனிதர் ஒருவர். பதிலுக்கு மரியாதையுடன் ‘‘ஹலோ’’ என்ற ரஜினி ஆச்சர்யத்துடன் பார்த்துவிட்டுத் திரும்ப, ‘‘ஹலோ’’ என்று மீண்டும் ரஜினியை அழைத்தார் அந்த ஏழடி மனிதர். ஏதோ பரிச்சயமான குரல் என்று திரும்பிய ரஜினி, அண்ணாந்து பார்க்க, ‘நான்தான் கமல்’ என்றார் அந்த உயர்ந்த மனிதர். ரஜினி முகத்தில் மீண்டும் ஆச்சர்யம்.

பின்னர் இருவரும் உட்கார்ந்து பேசினார்கள். அப்பொழுது கமல் படத்தில் தான் போட்டிருக்கும் கெட்டப்புகளைப் பற்றிச் சொல்லச் சொல்ல, வழக்கம் போல தனது கன்னத்தில் கைவைத்தபடியே உன்னிப்பாகக் கேட்டார் ரஜினி. தனது கெட்டப்புகளின் புகைப்படங்களை கமல் காண்பிக்க, ‘சூப்பர்’ என்று அசந்துபோன சூப்பர்ஸ்டார், ‘‘கமல், உங்களை மாதிரி ரிஸ்க் எடுத்து பொறுமையா நடிக்க நமக்கு எல்லாம் வராது. என் கேரக்டர் பத்திதான் உங்களுக்குத் தெரியுமே! ஜாலியா ஸ்பீடா பண்ணிட்டுப் போய்ட்டே இருப்பேன். ஆனா நீங்க அப்படி இல்ல. ரியலி கிரேட்’’ என்று புகழ, ‘‘இந்த தன்னடக்கம்தான் உங்களை ரொம்ப உயரத்துல வச்சிருக்கு’’ என்று கமலும் புகழ, இருவரும் மனம்விட்டு ரொம்ப நேரம் பேசினார்கள்.

இப்படி ரஜினியை அண்ணாந்து பார்க்க வைத்த கமலின் இந்த ஏழடி கெட்டப் சம்பந்தப்பட்ட காட்சிகளை ஒரு நாளைக்கு ஒரு மணி நேரம் மட்டுமே ஷ¨ட் செய்ய முடியுமாம். இதனால் மிகவும் திட்டமிட்டு, அதிக நேரம் எடுக்காமல் ஷ¨ட் செய்து வருகிறார்கள். தொழில்நுட்ப ரீதியாக வசதிகள் இல்லாதபோதே ‘அபூர்வ சகோதரர்கள்’ படத்தில் குள்ளராக நடித்த, கமல், தொழில்நுட்ப உதவியுடன் உயரமானவராக நடித்து வருகிறார். கமலின் பார்வையில் இடம்பெறும் காட்சிகளில் அவருக்கு எதிரே உள்ளவர்கள் எறும்புகள் போல மிகவும் சிறியதாகத் தெரியும்படி ஸ்பெஷல் எஃபெக்ட்ஸில் கலக்கத் திட்டமிட்டு இருக்கிறார்களாம்.

குமுதம்.