முதியவர்கள் பராமரிப்பு, வைத்தியசாலைத் தாதிகள் போன்ற வேலைகளில் யேர்மனியர்கள் இப்பொழுது ஏனோ அதிகம்அக்கறை காட்டுவதில்லை. 

ஏறக்குறைய 2000 மருத்துவமனைகளில் 76 வீதமான இடங்களில் 17,000 தாதிகளுக்கான பற்றாக்குறைகள்கண்டறியப்பட்டிருக்கின்றன. இரவு நேர வேலை, வேலை நேர மாற்றங்கள், இத்தனை மணிக்குத்தான் வேலை முடியும்என்ற நிச்சயமற்ற தன்மை, நோயாளர்களுடன் வேலை செய்ய வேண்டிய கட்டாயம் அத்துடன் குறைந்த சம்பளம்என்பன காரணங்களாக தெரிவிக்கப்படுகின்றன.

இந்தத் துறையில் வேலையாட்களின் பற்றாக்குறையால் மூன்றில் ஒரு வைத்தியசாலைகளில் தீவிர சிகிச்சைப் பகுதியைமூட வேண்டிய நிலை இப்பொழுது வந்திருக்கின்றது.

இந்த வேலைகளுக்கு விருப்பங்களுடன் ஆட்கள் வருவதற்கான சகல ஏற்பாடுகளையும் அரசியல்வாதிகள் உடனடியாகசெய்ய வேண்டும் என்று யேர்மன் மருத்துவச் சங்கத் தலைவர் Gerald Gass வேண்டுகோள் விடுத்திருக்கின்றார்.

உள் நாட்டில் இந்த வேலைகளுக்கு மக்கள் அதிகம் நாட்டம் கொள்ளவில்லை என்றால் யேர்மன் மொழி அறிவும், தாதிகளுக்கான படிப்பும், பயிற்சியும் உள்ள வெளிநாட்டினரை வேலைக்கு அமர்த்திக் கொள்ளலாம். இதற்கானஅறிவித்தல் வரும் மார்ச் மாதம் வெளிவரும் என அரசாங்கம் அறிவித்திருக்கிறது.

பல  தாதிகள்....  சுவிற்சலாந்தில் அதிக ஊதியம் கொடுக்கிறார்கள் என்று... 
அங்கு சென்று விட்டார்கள்.  நான் இருக்கும் நகரத்தில் இருந்து அங்கு மூன்று மணித்தியாலத்தில் சென்று விடலாம். அவர்களுக்கு கிடைக்கும்  வார  விடுமுறையில்...  வீட்டிற்கு வந்து செல்லலாம் என்பதால்,  அவர்களில் பலர், அங்கு செல்ல விரும்புகின்றார்கள்.

Edited December 28, 20196 yr by தமிழ் சிறி

சுகாதார தொழிலாளர்களுக்கு ஏற்பட்டுள்ள பெரும் பிரச்சினை: பிரித்தானிய மருத்துவ சங்கம் எச்சரிக்கை!

ஸ்கொற்லாந்தில் வளங்களின் பற்றாக்குறை மற்றும் பணி வெற்றிடங்களின் அதிகரிப்பு காரணமாக தேசிய சுகாதார தொழிலாளர்கள் (National Health Service) மீது அதிக அழுத்தம் கொடுக்கப்படுவதாக மருத்துவர்கள் மற்றும் மருத்துவர் அமைப்பின் தலைவர்கள் எச்சரித்துள்ளனர்.

தேசிய சுகாதார தொழிலாளர்களில் நான்கில் மூன்று பங்கினருக்கு, பணி அழுத்தம் காரணமாக அவர்களது ஆரோக்கியத்தில் எதிர்மறையான தாக்கத்தை ஏற்படுத்துவதாக பிரித்தானிய மருத்துவ சங்கம் குறிப்பிட்டுள்ளது. இது அண்மையில் முன்னெடுக்கப்பட்ட நேர்சிங் கணக்கெடுப்பின் அடிப்படையில் தெரிவிக்கப்பட்டுள்ளது.

இந்நிலையில், மருத்துவர்களின் நலன் மிக முக்கியமானது என்றும் அந்த நிலைமைகளை மேம்படுத்துவதற்காக செயற்படுவதாகவும் ஸ்கொற்றிஷ் அரசாங்கம் கூறியுள்ளது.

இதனிடையே, British Medical Association மேற்கொண்ட கணக்கெடுப்பில் பதிலளித்த சுகாதார தொழிலாளர்கள் 800 பேரில் 77% பேர் தங்கள் பணிகள் கடந்த ஆண்டில் தங்கள் உடல்நலம் மற்றும் நல்வாழ்வுக்கு தீங்கு விளைவித்ததாக தெரிவித்துள்ளனர்.

மேலும், பதிலளித்தவர்களில் 83% பேர் தங்கள் பணிச்சுமை அதிகரிப்பபை உணர்வதாகவும் 80% பேர் அநேக சந்தர்ப்பங்களில் பணி நேரத்திற்கு அப்பால் நீண்டநேரம் பணியாற்றுவதாகவும் தெரிவித்தனர்.

எனவே, மருத்துவர்களுக்கான நிலைமைகளை மேம்படுத்த நாடு முழுவதும் உள்ள தேசிய சுகாதார சேவை அமைப்புக்களை இணைந்து பணியாற்றுவதற்கு நடவடிக்கை எடுக்குமாறு ஸ்கொற்லாந்து அரசாங்கத்திற்கு British Medical Association கோரிக்கை விடுத்துள்ளது.

இதுகுறித்து பிரித்தானிய மருத்துவ சங்கம் (BMA)  தலைவர் வைத்தியர் லூயிஸ் மொரிசன் கூறுகையில், “எங்கள் கணக்கெடுப்பில் மூன்றில் இரண்டு பங்கு மருத்துவர்கள் தங்கள் முதலாளி, ஊழியர்களின் நல்வாழ்வுக்கு போதுமான ஆதரவை அளிப்பதாக நம்பவில்லை என்று தெரிவித்துள்ளமை கண்டறியப்பட்டுள்ளது. இது மாற வேண்டும்.

ஸ்கொஙற்லாந்து மக்களைப் பராமரிப்பவர்களை கவனித்துக்கொள்வது முன்னுரிமையாக்கப்பட வேண்டும் என்பது தெளிவாகிறது. எனவே இது குறித்து இணைந்து செயற்பட வேண்டும்” என்று குறிப்பிட்டுள்ளார்.

http://athavannews.com/ஸ்கொற்லாந்தில்-சுகாதார-த/