புலிகளை யுத்தத்தில் தோல்வியுறச் செய்தாலும் இறுதித் தீர்வுகாண அரசியல் தீர்வு தேவை

புலிகளை யுத்தத்தில் தோல்வியுறச் செய்தாலும் இறுதித் தீர்வுகாண அரசியல் தீர்வு தேவை

வீரகேசரி நாளேடு

இலங்கை இனப்பிரச்சினைக்கு தீர்வு காணப்பட வேண்டுமாயின் அரசாங்கம் உடனடியாக அரசியல் தீர்வொன்றை முன்வைக்க வேண்டும். அரசியல் தீர்வொன்றை முன்வைக்காத நிலையில் பிரச்சினைக்கு ஒருபோதும்தீர்வுகாண முடியாது. புலிகளை யுத்தத்தின் மூலம் தோல்வியுறச்செய்தாலும் இனப்பிரச்சினைக்கு தீர்வுகாணும் பொழுது இறுதியில் அரசியல் தீர்வொன்றை முன்வைக்க வேண்டிய நிலை ஏற்படும் என்று ஐக்கிய தேசிய கட்சியின் கண்டி மாவட்ட பாராளுமன்ற உறுப்பினர் லக்ஷ்மன் கிரியெல்ல தெரிவித்தார்.

ஜே.வி.பி.யின் பாராளுமன்ற

உறுப்பினர் இராமலிங்கம் சந்திரசேகரன் பாராளுமன்றத்தில் நேற்று முன்வைத்த ஒத்திவைப்பு பிரேரணையில் கலந்து கொண்டு ஐக்கிய தேசியக் கட்சி சார்பாக உரையாற்றும் போதே அவர் மேற்கண்டவாறு தெரிவித்தார்.

அவர் தொடர்ந்து தெரிவித்ததாவது:

ருந்து தொழில் நிமித்தம் காரணமாக வடக்கு கிழக்கு மாகாணங்களுக்கு சென்றிருந்த போது 1983 ஆம் ஆண்டிற்கு பின்னர் நாட்டில் இடம்பெற்ற கலவரங்கள் மற்றும் குழப்பங்கள் காரணமாக இந்தியாவிற்கு இடம்பெயர்ந்து அகதிகளாகியுள்ளவர்களுக்கு பிரஜாவுரிமை பெற்றுக்கொடுக்க வேண்டும் என்ற யோசனைக்கு ஐக்கிய தேசிய கட்சி முழுமையான ஆதரவையும் வழங்கும்

இலங்கை அகதிகளில் இந்தியாவில் அகதி முகாம்களில் இருந்து கொண்டு இலங்கை குறித்து சிந்திக்கின்றனர் என்பதனால் இலங்கை பிரச்சினைக்கு தீர்வு காணப்பட வேண்டுமாயின் அரசியல் தீர்வொன்று முன்வைக்கப்படவேண்டும் அதனை இந்த அரசாங்கம் உடனடியாக மேற்கொள்ள வேண்டும்.

இனப்பிரச்சினைக்கு தீர்வு காண்பதற்கான தீர்வுத்திட்டத்தை தயாரிப்பதற்காக நிறுவனப்பட்டுள்ள சர்வகட்சி ஆலோசனைக்குழுவின் தலைவரும் அமைச்சருமான திஸ்ஸ விதாரணவினõல் முன்வைக்கப்பட்ட தீர்வு திட்டத்திற்கு ஏற்ப பேச்சுவார்த்தை நடத்துவதற்கு ஐக்கிய தேசியக்கட்சி தயாராகவே இருக்கிறது. எனினும் அரசாங்கம் அந்த யோசனையை கலந்துரையாடுவதற்கு எடுத்துக்கொள்ள வில்லை.