`முதலிரவுக்குப் பிறகும் இருக்கு ஆயிரம் இரவுகள்'

இப்போ காலையில கல்யாணம், சாயங்காலம் ரிசப்ஷன், அன்னிக்கு நைட்டே முதலிரவுன்னா, மணமக்களுக்கு பதற்றம்தான் மிஞ்சும். அதனாலதான் என்கிட்ட கவுன்சலிங்குக்கு வர்ற பலபேர், `ரூமுக்குள்ள போற வரைக்கும் நார்மலாத்தான் இருந்தேன் டாக்டர். அதுக்கப்புறம்தான் பதற்றமாயிட்டேன்'னு சொல்றாங்க. இது லவ் மேரேஜ் செஞ்சுகிட்ட தம்பதிகளுக்கும் பொருந்தும். கல்யாணத்துக்கு முன்னாடி மணிக்கணக்கா போன்ல பேசுன ஜோடிகளுக்கும் பொருந்தும்.

காதல் கல்யாணமே ஆனாலும், முதலிரவு அன்னிக்கே முழுமையான தாம்பத்திய உறவு கிடைக்கணும்னு அவசியமில்லை. `அந்தப் பொண்ணுக்கிட்ட உடல்ரீதியா இணையுற விருப்பம் தெரியுற வரைக்கும் தொடாதே'ன்னுதான் காமசூத்திரம் சொல்லுது. உங்க மனசே உங்க உடம்பை தாம்பத்திய உறவுக்கு ரெடியாக்கும். அதை யாரும் யாருக்கும் சொல்லிக்கொடுக்க வேண்டிய அவசியமில்லை. தானா நிகழும்.

முதலிரவைப் பொறுத்தவரைக்கும், `அன்னிக்கு நடக்கலைன்னா தனக்கு ஆண்மையில்லையோ'ன்னு பயந்துடுறான் ஆண். பெண்ணோ, `அச்சச்சோ வலிக்குமே'ன்னு பயப்படுறா. அவங்க நண்பர்களோட அரைகுறை செக்ஸ் ஞானம்தான் இதுக்கு காரணம். திருமணமான ஒரு தம்பதியின் மனங்கள் உறவு வைச்சுக்கணும்னு ஆசைப்படற அந்த நொடிதான் முதலிரவுக்கான மிகச் சரியான தருணம். அந்த நேரத்துல வலியிருக்காது; ஆனந்தம் மட்டுமே இருக்கும்'' என்ற டாக்டர் நாராயண ரெட்டி, இளம் தம்பதிகளுக்கு சில சஜஷன்களும் தருகிறார்.

``பாலுறுப்புகள் இணையுறதுதான் செக்ஸ்னு நினைச்சுக்க வேணாம். திருமணத்தன்னிக்கு நாள்பூரா நடந்த சடங்குகளால் ஏற்பட்ட அசதியில் நாலு முத்தத்தோட உங்க முதலிரவு முடிஞ்சாலும் ஓகேதான். ஒருவேளை முயற்சி செஞ்சு முழுசா நடக்கலைன்னாலும் அதுவும் நார்மல்தான். `தோத்துட்டோமோ', `ஆண்மையில்லையோ'ன்னு மனசைப்போட்டு குழப்பிக்க வேணாம். நான் ஏற்கெனவே சொன்ன மாதிரி முதலிரவுக்குப் பிறகும் ஆயிரம் இரவுகள் வரத்தான் போகுது'' என்கிறார்.

`முதலிரவுக்குப் பிறகும் இருக்கு ஆயிரம் இரவுகள்!' - இதெல்லாம் நினைச்சு கவலைப்படாதீங்க - 3 | couple need not worry about sex during first night says doctor - kamathuku mariyadhai - Vikatan