பிரதமரும் ஜே.வி..பியினரும் சர்வதேச சமூகத்தையுமும் நாட்டுமக்களையும் முட்டாள்களாக்கப் பார்க்கின்றனர். உண்மைகள் வௌளிப்படும் போது இவர்களுக்கு உதறல் எடுத்து விடுகின்றது எனச் சாடுகின்றார் த.தே.கூட்டமைப்பின் யாழ். மாவட்ட நாடாளுமன்ற உறுப்பினர் சுரேஷ் பிரேமச்சந்திரன்.

ஐ.நா உயரதிகாரி ஜோன ஹோம்ஸ் தெரிவித்த கருத்துகளைக் கண்டித்து நேற்று நாடாளுமன்றத்தில் பிரதமர் ரட்ணசிறியும், ஜே.வி.பியினரும் ஆற்றிய உரைகளை ஆட்சேபிக்கும் விதத்தில் சுரேஷ் பிரேமச்சந்திரனின் உரை அமைந்தது.

நாடாளுமன்றம் புனிதமானது. களங்கமற்றது. ஆனால் பிரதமர் ரட்ணசிறி உண்மைக்கு மாறான கருத்துக்களை இங்கு வெளியிடுகின்றார். ஐ.நா உதவிச் செயலர் ஜோன் ஹோம்ஸ் ஊடகங்களுக்கு வெளியிட்ட கருத்து இலங்கையின் கௌரவத்தைப் பாதிப்பதாகவும் ஐ.நாவுக்கும் இலங்கையிக்கும இடையிலான உறவைப் பாதிப்படையச் செய்யும் என்றும் பிரதமர் எச்சரிக்கின்றார்.

ஜோன் ஹோம்ஸ் அப்படி என்ன கூறிவிட்டார்? இங்கு மனிதாபிமானப் பணிகளில் ஈடுபட்டுள்ள தொண்டு நிறுவனங்களில் பணிபுரிபவர்களுக்கு பாதுகாப்பு இல்லை என்ற உண்மையைத் தானே கூறியுள்ளார்.

இதில் தவறு ஒன்றும் இல்லை. அண்மைக்காலத்தில் செஞ்சிலுவைப் பாணியாளர்கள் இருவர் அதி உயர் பாதுகாப்பு நிறைந்த கொழும்பிலிருந்து கடத்திச் செல்லப்பட்டு கொலை செய்யப்பட்டனர்.

அதே வேளை, மூதூர் அலுவலகத்தில் கடமையாற்றிய 17 தொண்டுப் பணியாளர்கள் சுட்டுக் கொல்லப்பட்டனர்.

மேலும் டென்மார் நிறுவனம் ஒன்றின் தொடண்டர்கள் மூவரும் கொல்லப்பட்டுள்ளனர். இந்த மனிதாபிமான சேவையாளர்களுக்கு என்ன பாதுகாப்பு வழங்கப்பட்டது?

இந்த உண்மைகள் வெளிப்படுத்தப்படும் போது இவர்களுக்கு உதறல் எடுத்து விடுகின்றது.

பிரதமரின் கூற்றுக்கு ஜே.வி.வி உறுப்பினர் வக்காலத்து வாங்குகின்றர். அதாவது மூதூரில் 17 தொண்டுப் பணியாளர்களும் புலிகளால் சுட்டுக் கொல்லப்படனர் என்றும் இராணுவத்தினருக்கும் புலிகளுக்கும் இடையிலான சமரின் போது இடையில் சிக்கி உயிரிழந்தனர் என்றும் கூறுகின்றனர்.

இவர்களுடைய கூற்று வேடிக்கையானது. தொண்டு நிறுவனப் பணியாளர்களின் கொலை தொடர்பாக முறையாக விசாரணை நடத்தப்படவில்லை என்று சர்வதேச சமூகம் குற்றம் சுமத்தி உள்ளது.

இப்படியான ஒரு நிலையில் பிரதமரும் ஜே.வி.வியினரும் உண்மைக்கு மாறான விடயங்களைக் கூறி நாட்டு மக்களையும் சர்வதேசத்தையும் முட்டாள்களாக்கப் பார்க்கின்றனர். என்றார் சுரேஷ் பிரேமச்சந்திரன்.

நன்றி : சுடர் ஒளி

கண்ணை மூடிக்கொண்டு இருண்டு விட்டதாகச் சொல்லும் பூனைகள். தலையை மண்ணுக்குள் மறைத்து தான் ஒழிந்து கொண்டதாக நினைக்கும் தீக்கோழிகள்.

ஒரு சிறு திருத்தம் சர்வதேசத்தை முட்டாளாக்க சிங்கள இனம் முயலும்