கடன் வழங்கியவர்களுடன் தொடர்ந்தும் பேச்சுவார்த்தைகளில் ஈடுபடுங்கள்- இலங்கைக்கு உலக வங்கி அறிவுரை

கடன் மறுசீரமைப்பு குறித்து இலங்கையின் உத்தியோகபூர்வ  இரு தரப்பு மற்றும் தனியார் கடன்வழங்குநர்கள் இணக்கப்பாட்டிற்கு வருவதை உறுதி செய்வதற்காக அவர்களுடன் தொடர்ந்தும் பேச்சுவார்த்தைகளில் ஈடுபடுமாறு உலக வங்கியின் தலைவர்  டேவிட் மல்பெஸ் ஜனாதிபதி ரணில்விக்கிரமசிங்கவை கேட்டுக்கொண்டுள்ளார்.

ஜனாதிபதிக்கும் உலக வங்கி தலைவருக்கும் இடையில் இடம்பெற்ற சந்திப்பின் பின்னர் உலக வங்கி விடுத்துள்ள அறிக்கையில் இது குறித்து தெரிவிக்கப்பட்டுள்ளது.

இலங்கை ஜனாதிபதியும் உலகவங்கி தலைவரும் இலங்கையின் பொருளாதார நிலைமை சமூக நிலைமை இலங்கை பொருளாதாரத்தை துரிதமாக ஸ்திரப்படுத்தவேண்டிய நிலைமை குறித்து ஆராய்ந்தனர் என  உலக வங்கி தெரிவித்துள்ளது.

தற்போதைய கடன்நெருக்கடிக்கு உரிய தருணத்தில் பயனளிக்ககூடிய தீர்வை காணவேண்டியதன் அவசியத்தை வலியுறுத்தியுள்ள உலக வங்கியின் தலைவர் கடன் மறுசீரமைப்பு குறித்து இலங்கையின் உத்தியோகபூர்வ  இரு தரப்பு மற்றும் தனியார் கடன்வழங்குநர்கள் இணக்கப்பாட்டிற்கு வருவதை உறுதி செய்வதற்காக அவர்களுடன் தொடர்ந்தும் பேச்சுவார்த்தைகளில் ஈடுபடுமாறு கேட்டுக்கொண்டுள்ளார் என உலக வங்கி தெரிவித்துள்ளது.

உலக வங்கியின் தலைவரும் ஜனாதிபதியும் பொதுச்செலவீனங்களின் வினைத்திறனை மேம்படுத்துவதற்கான வழிகள் மற்றும் அரச நிறுவனங்களிற்கு தேவையான சீர்திருத்தங்கள் குறித்து கலந்துரையாடினர் என உலக வங்கி தெரிவித்துள்ளது.

இலங்கையின் அரசதுறையின் பாரிய அளவை கருத்தில்கொண்டே இருவரும் இது குறித்து கலந்துரையாடியுள்ளனர்.

https://www.virakesari.lk/article/139603