யாழ்.மாவட்டத்தில் உயிரியல் பிரிவில் தோற்றும் மாணவர்களின் பெறுபேறுகளில் வீழ்ச்சி'

யாழ்.மாவட்டத்தில் உயிரியல் பிரிவில் தோற்றும் மாணவர்களின் பெறுபேறுகளில் வீழ்ச்சி'

[14 - March - 2008]

யாழ். மாவட்டத்தில் கல்விப் பொதுத்தராதர உயர்தர பரீட்சைக்கு கணிதபாடப் பிரிவில் தோற்றும் மாணவர்கள் தேசிய மட்டத்திலும் மாவட்ட மட்டத்திலும் சிறந்த பெறுபேறுகளைப் பெறுவதால் அதிக எண்ணிக்கையானவர்கள் பொறியியல் பீடத்துக்கு தெரிவாகும் நிலை இருந்துவருகின்றது. இதேவேளை, உயிரியல் பாடப் பிரிவில் தோற்றும் மாணவர்களின் பெறுபேறுகள் பெருமளவு வீழ்ச்சியடைந்துவருகின்றது. இதனால், எதிர்காலங்களில் மருத்துவபீடத்துக்கு தெரிவாகும் மாணவர் எண்ணிக்கை குறைவடைவதுடன் மாவட்டத்தில் சேவையாற்ற மருத்துவர்கள் இல்லாமல் போகும் நிலையும் உருவாகிவருகின்றது. கல்வித்துறை சார்ந்தவர்கள் இதுவிடயத்தில் கவனமெடுத்து, இந்நிலையைப் போக்க பாடுபட வேண்டும்.

இவ்வாறு வடமராட்சி கல்வி வலயப் பணிப்பாளர் வி.செல்வராசா தெரிவித்தார்.

அண்மையில் பருத்தித்துறை மக்கள் வங்கிக்கிளை பருத்தித்துறை சிவன் கோவில் பர்வதவர்த்தனி மண்டபத்தில் வடமராட்சி கல்வி வலயப் பாடசாலைகளில் கடந்தவருடம் நடைபெற்ற கல்விப் பொதுத்தராதர உயர்தரப் பரீட்சையில் மூன்று பாடங்களிலும் அதிவிசேட சித்தி பெற்ற இருபத்துமூன்று மாணவர்களை கௌரவித்து விருது, சான்றிதழ் வழங்கும் நிகழ்வுகளும் மக்கள் வங்கியால் அறிவிக்கப்பட்ட மாணவர் இருவருக்கான புலமைப்பரிசில் கொடுப்பனவு வழங்கும் நிகழ்விலும் கலந்துகொண்டு உரையாற்றுகையிலேயே அவர் மேற்கண்டவாறு தெரிவித்தார்.

இந்நிகழ்வுக்கு பருத்தித்துறை மக்கள் வங்கிக்கிளை முகாமையாளர் எம்.சிவநேசன் தலைமை தாங்கினார். இவ்விழாவில் கடந்தாண்டு கல்விப் பொதுத்தராதர உயர் தரப்பரீட்சையில் கணிதபாடப் பிரிவில் யாழ். மாவட்டத்தில் முதலாம் இடத்தையும் தேசிய மட்டத்தில் மூன்றாம் இடத்தையும் பெற்ற ஹாட்லிக்கல்லூரி மாணவன் விமலநாதன் ரஜீவன், 2008 ஆம் ஆண்டு கல்விப் பொதுத்தராதர சாதாரணதர பரீட்சையில் தேசிய மட்டத்தில் 19 இடத்தைப் பெற்ற யாழ்.இந்துக் கல்லூரி மாணவர் கனகசபை எழில்வேல், மக்கள் வங்கியின் தேசிய மட்டத்திலான சிசுஉதான புலமைப்பரிசில் பெற்ற உடுப்பிட்டி அமெரிக்கமிஷன் கல்லூரி மாணவர் சித்திரவேல் சஞ்சய் ஆகியோர் உயர் விருதுகளையும் புலமைப்பரிசில் பணத்தையும் பெற்றுக் கொண்டனர்.

மேலும், வட இந்து மகளிர் கல்லூரி மாணவர்களான எஸ்.வர்ணசிவா, எஸ்.நிசானி உடுப்பிட்டி அமெரிக்க மிஷன் கல்லூரி மாணவர்களான ரி.செல்வமலை,எஸ்.பிரசாந், ஜி.சுகிர்தா, தேவரையாணி, இந்துக் கல்லூரி மாணவியான எஸ்.சுகாசினி, புற்றளை மகாவித்தியாலய மாணவன் எஸ்.நிலோசன், விக்னேஸ்வராக் கல்லூரி மாணவன் வி.ரமணன், வேலாயுதம் மகாவித்தியாலய மாணவன் எஸ்.பிரசாத், ஹாட்லிக்கல்லூரி மாணவர்களான எஸ்.நிமலன், எஸ்.சாரங்கன், எஸ்.அர்ச்சன், ஆர் நிரூபன், எஸ்.கௌசிகன், எஸ்.சங்கநாதன் ஆகியோர் கௌரவிக்கப்பட்டனர்.

மற்றும் பருத்தித்துறை மெதடிஸ்த உயர்தர பெண்கள் பாடசாலை மாணவர்களான ரி.திருமகள், ஆர்.ராஜரங்கா, ஆர். தர்சினி, ஆர்.கோகிலவாணி, ஞானசாரியார் கல்லூரி மாணவியான ரி.அனிதா, விக்னேஸ்வரா கல்லூரி ஜே.மேரிரூபனா ஆகியோரும் மக்கள் வங்கியால் விருது வழங்கி கௌரவிக்கப்பட்டனர்.

இவர்களுக்கான விருதுகளையும் சான்றிதழ்களையும் பிரதம விருந்தினராகக் கலந்து கொண்ட யாழ்.மாவட்ட அரசாங்க அதிபர் கே.கணேஷ், கௌரவ விருந்தினராகக் கலந்துகொண்ட மக்கள் வங்கி வடபிராந்திய உதவிப் பொதுமுகாமையாளர் ரி.கே.ஆனந்தராஜா, மாவட்ட மக்கள் வங்கி முகாமையாளர் எஸ்.ஹென்சி,வடமராட்சி கல்வி வலயப் பணிப்பாளர் வி.செல்வராஜா,யாழ்.மாவட்ட மேலதிக அரசாங்க அதிபர், ஏ.சிவசுவாமி பருத்தித்துறை பிரதேச செயலர் ஆர். வரதீஸ்வரன், கரவெட்டி பிரதேச செயலர் எஸ்.சத்தியசீலன் உட்பட வங்கி வாடிக்கையாளர்கள்,கல்வியதிகா