களமுனைகளில் பாரிய மாற்றத்தை ஏற்படுத்தி, மக்கள் எதிர்பார்க்கும் வெற்றியை பெற்றுக்கொடுப்போம் - தளபதி கீர்த்தி

களமுனைகளில் பாரிய மாற்றத்தை ஏற்படுத்தி, மக்கள் எதிர்பார்க்கும் வெற்றியை பெற்றுக்கொடுப்போம் - தளபதி கீர்த்தி

களமுனைகளில் பாரிய மாற்றத்தை ஏற்படுத்தி மக்கள் எதிர்பார்க்கும் வெற்றியை தலைவரின் காலத்தில் விரைவாகப் பெற்றுக் கொடுப்போம் என மணலாறு களமுனைத் தாக்குதல் தளபதிகளில் ஒருவரான கீர்த்தி தெரிவித்துள்ளார்.

முல்லைத் தீவு மாவட்ட தமிழீழ நிர்வாக சேவையினரின் ஒழுங்கு படுத்தலில் முல்லைத் தீவு மாவட்ட அரச திணைக்கள ஊழியர்களால் சேகரிக்கப்பட்ட உலர் உணவுப் பொருட்கள் மணலாறு களமுனைப் போராளிகளுக்கு வழங்கப்பட்ட போதே அவர் இவ்வாறு தெரிவித்தார்.

உலர் உணவு வழங்கும் நிகழ்வானது கடந்த ஞாயிற்றுக் கிழமை மணலாறு களமுனையில் போராளிகளின் பாசறைகளில் இடம் பெற்றது. இவ் உலர் உணவுப் பொதிகளைப் பெற்றுக் கொண்டு கருத்துரை நிகழ்த்தும் போது அவர் இவ்வாறு தெரிவித்துள்ளார்.

எங்கள் மக்கள் அனுபவித்துக் கொண்டிருக்கிற துன்பங்கள் எங்களுக்குத் தெரியும். களமுனைகளில் எங்கள் போராளிகள் அனுபவிக்கின்ற துன்பத்திற்கும் மேலான துன்பத்தை எங்கள் மக்கள் அனுபவித்துக் கொண்டிருக்கின்றனர்.

அதிலும் சிறிலங்கா அரசின் பொருளாதார தடைகளுக்கு மத்தியிலும் பொருளாதார ரீதியாக கஸ்டத்திற்குள்ளான நிலையிலும் மக்கள் தங்களின் சேமிப்புக்களில் இருந்து இந்த உலர் உணவுப் பொருட்களை அனுப்பி வைத்தது எங்களை ஊக்குவிக்கின்றனர். இதனால் நாங்கள் மகிழ்ச்சி அடைகின்றோம். எங்களுடைய மக்களின் எதிர்பார்ப்பு வீண்போகாது என அவர் மேலும் தெரிவித்துள்ளார்.

http://www.pathivu.com/index.php?subaction...amp;ucat=2&