அதிகாரப் பகிர்வு ஊடான அரசியல் தீர்வின் மூலம் மாத்திரமே இலங்கையில் நிரந்தர சமாதானத்தை ஏற்படுத்தமுடியும் - இந்திய செய்தியாளர்களிடம் எதிர்க்கட்சித் தலைவர் கருத்து

சகல சமூகத்தினரிற்குமான நம்பகத்தன்மை மிக்க அவர்களால் ஏற்றுக்கொள்ளப்படக்கூடிய அதிகாரப் பகிர்வு ஊடான அரசியல் தீர்வின் மூலம் மாத்திரமே நிரந்தர சமாதானத்தை இலங்கையில் ஏற்படுத்த முடியும் என எதிர்க்கட்சித் தலைவர் ரணில் விக்கிரமசிங்க சென்னையில் கருத்துத் தெரிவித்துள்ளார்.

கேரளாவின் குருவாயூர் ஐயப்பன் கோவிலுக்கு விசேட வழிபாட்டுக்காகச் சென்ற பின்னர் புதுடில்லிக்குத் திரும்பும் சமயம் இலங்கை எதிர்க்கட்சித் தலைவர் இக்கருத்தைத் தெரிவித்துள்ளார்.

மேலும் தெரிவித்துள்ள அவர்இ எனினும் மஹிந்த ராஜபக்ஷ அரசினால் இவ்வாறான தீர்வைக் காண முடியாது என்றும் குறிப்பிட்டுள்ளார்.

ஜனாதிபதி மஹிந்த ராஜபக்ஷஇ விடுதலைப்புலிகளுக்கு எதிராக வட போர்முனையில் தமது படைகள் வெற்றிகளைப் பெற்று வருகின்றன எனத் தெரிவிக்கின்ற போதிலும்இ பொதுமக்களை இலக்குவைத்து மேற்கொள்ளப்படும் தாக்குதல்கள்இ இந்த அரசு பயங்கரவாதத்திற்கு எதிரான போரில் தோல்வி அடைந்துள்ளமையையே புலப்படுத்தி நிற்கின்றன.

இலங்கையின் பல பகுதிகளில் பொதுமக்களுக்கு எதிராகத் தொடர்ச்சியாக இடம்பெறும் குண்டுவெடிப்புகளைச் சுட்டிக்காட்டியுள்ள ரணில்விக்கிரமசிங்கஇ செயல்திறன் வாய்ந்த அரசினால் இத்தகைய செயற்பாடுகளைக் கட்டுப்படுத்த முடியும் என்றும்இ எனினும் மஹிந்த ராஜபக்ஷ அரசு இந்தச் சவாலை எதிர்கொள்ளத் தவறியுள்ளது என்றும் குறிப்பிட்டுள்ளார்.

பயங்கரவாதம் எங்கிருந்தாலும் அதனை எதிர்கொள்ள வேண்டும். அதற்கு எதிராக உரிய நடவடிக்கை எடுக்க வேண்டும். எனினும் இலங்கையில் அது இடம் பெறவில்லை.'' எனச் செய்தியாளர்களுக்குத் தெரிவித்துள்ள ரணில் விக்கிரமசிங்கஇ இந்திய அரசின் சில முக்கிய பிரமுகர்களைத் தாம் சந்திக்கவுள்ளார் என்றும் குறிப்பிட்டுள்ளார்.

இலங்கையில் சட்டமும் ஒழுங்கும் மிகவும் மோசமடைந்துள்ளன எனவும். தம்மாற் கூட வீட்டிலிருந்து வெளியே வரமுடியாத நிலை உள்ளதாகவும் ரணில் விக்கிரமசிங்க தெரிவித்துள்ளார்.

கடந்த வியாழக்கிழமை நாடாளுமன்றம் செல்லவிடாமல் தான் தடுக்கப்பட்டார் எனவும்இ ஊடகவியலாளர்கள் கடும் அழுத்தத்திற்கு உட்படுத்தப்பட்டுள்ளனர் எனவும் அவர் தெரிவித்துள்ளார்.

பயங்கரவாதத்தினால் இலக்கு வைக்கப்பட்டுள்ள மக்களுக்கு அதிகரித்துவரும் வாழ்க்கைச் செலவு மேலும் நெருக்கடியாக அமைந்துள்ளது.

அரசு இதற்குத் தீர்வு காண்பதற்குப் பல நடவடிக்கைகளைத் தான் எடுத்துள்ளதாகத் தெரிவிக்கின்ற போதிலும்இ அவற்றால் பயன் எதுவும் ஏற்படவில்லை.

இதனால் எதிர்க்கட்சி இதற்கு எதிராகப் பாரிய போராட்டத்தை மேற்கொள்ளவுள்ளது என்றும் அவர் தெரிவித்துள்ளார்.

http://www.tamilwin.com/

மீண்டும் ஒரு ஏமாற்று வேலையில் இறங்கும் நரி.

ஓடுமீன் ஓட உறுமீன் வரும்வரை காத்திருந்துதாம் கொக்கு......