குசேலன் படத்தில் ரஜினி அரசியலுக்கு வருவாரா, மாட்டாரா என்பது குறித்த கேள்வி-பதில் வசனத்தை ரசிகர்களின் உணர்வுகளுக்கு மதிப்பளித்து நீக்க முடிவு செய்துள்ளனராம்.

ரஜினிகாந்த்-நயனதாரா நடிப்பில் திரைக்கு வந்து ஓடிக் கொண்டிருக்கும் குசேலன் படத்தில் ஆர்.சுந்தரராஜன் ரஜினியிடம் கேள்விகள் கேட்பது போலவும், அதற்கு ரஜினி பதிலளிப்பது போலவும் ஒரு பகுதி உள்ளது.

அதில், நீங்கள் அரசியலுக்கு வருவீர்களா, மாட்டீர்களா என்று சுந்தரராஜன் கேட்பார். அதற்கு ரஜினி, நான் அரசியலுக்கு வருவது தொடர்பாக பேசிய வசனங்களை வசனகர்த்தா எழுதினார். அதை நான் பேசினேன். அதை ஏன் பெரிதாக எடுத்துக் கொள்கிறீர்கள் என்று பதிலளிப்பார்.

இந்த வசனம் ரஜினி ரசிகர்களுக்கு மனத்தாங்கலை ஏற்படுத்தியதாக கூறப்படுகிறது. இதைத் தொடர்ந்து இந்த கேள்வி, பதிலை படத்திலிருந்து நீக்கி விட முடிவு செய்யப்பட்டுள்ளதாம்.

தனது விமர்சகர்களுக்கு ரஜினி பதிலளிக்கும் தொணியில் இந்த கேள்வி - பதில் வைக்கப்பட்டது. ஆனால் ரஜினியின் பொத்தாம் பொதுவான பதிலாக இதை மீடியாக்கள் கொண்டு சேர்த்து விட்டதால், இந்த வசனத்தை நீக்க முடிவு செய்யப்பட்டிருப்பதாக ரஜினி ரசிகர் மன்றத் தலைவர் சத்யநாராயணன் வெளியிட்ட பேக்ஸ் செய்தியில் தெரிவித்துள்ளார்.

கேரளாவில் 'தப்பித்த' குசேலன்:

தமிழகத்தில் ரஜினியின் குசேலன் பற்றி பலவிதமான தகவல்கள் வந்தாலும் கேரளாவில் இந்தப் படம் நல்ல லாபம் சம்பாதித்துக் கொடுத்துள்ளதாக வினியோகஸ்தர்கள் தெரிவித்துள்ளனர்.

கேரளாவில் இந்தப் படம் 85 திரையரங்குகளில் வெளியானது. இரண்டாவது வார முடிவில் இந்தப் படத்தின் வினியோகஸ்தர்களுக்கு கணிசமான லாபம் கிடைத்திருப்பதாக தகவல்கள் வருகி்ன்றன.

முதல் வார நிலவரப்படி இந்தப் படம் கேரளாவின் அனைத்து சென்டர்களிலும் ரூ. 2.16 கோடி வசூலித்துள்ளது.

பத்திரிகைகளின் விமர்சனங்கள் இந்தப் படத்தின் கேரள வசூலை எந்த விதத்திலும் பாதிக்கவில்லை. உண்மையில் கேரள மீடியாவில் இந்தப் படத்துக்கு நல்ல விமர்சனங்கள் கிடைத்துள்ளன என்கிறார் பிரமிட் சாய்மிரா இயக்குனர்.

இதே போல இந்தப் படத்தின் வெளிநாட்டு விநியோகஸ்தர்களில் நாக்ரவி தவிர, மற்றவர்கள் நல்ல லாபம் கிடைத்துள்ளதாகத் தெரிவித்துள்ளனர்.

அமெரிக்காவிலும், இங்கிலாந்திலும் இன்னமும் இந்தப் படம் ஓடிக் கொண்டுள்ளது.

ஆனால் தமிழகம், ஆந்திரா, கர்நாடகத்தில் படத்தின் வசூல் சொல்லிக் கொள்ளும்படி இல்லை.

thatstamil.com

ரஜினி திடீர் உத்தரவு குசேலனில் அரசியல் வசனங்கள் நீக்கம்

குசேலன் படத்தில் இடம்பெற்ற அரசியல் வசனங்களை நீக்குமாறு இயக்குனர் வாசுவுக்கு ரஜினி உத்தரவிட்டுள்ளார். குசேலன் படத்தில் இடம்பெறும் ஒரு காட்சியில் சுந்தர்ராஜன் ரஜினியிடம் கேள்விகள் கேட்பார். அதற்கு பதில் கூறும் ரஜினி, ஒரு படத்துல டைரக்டர் எழுதி தந்த வசனத்தை பேசினேன். அதை வச்சு நான் அரசியலுக்கு வருவேன்னு சொன்னா என்ன நியாயம்? உங்க வேலையை பாருங்க என கூறுவார். அதே போல சிவாஜி படத்தில் ஸ்ரேயாவிடம் வாங்க பழகலாம் என ரஜினி கூறுவது போல வசனம் இடம்பெறும். இதை சுட்டிக்காட்டும் சுந்தர்ராஜன், இளைஞர்களை ஏன் சார் கெடுக்குறீங்க? என கேட்பார்.

இந்த வசனங்கள் ரஜினி ரசிகர்களுக்கு அதிர்ச்சியை ஏற்படுத்தியது. ரஜினியை அவமானப்படுத்தும் விதத்தில் உள்ள இந்த காட்சியை நீக்க வேண்டும் என அவர்கள் முடிவு செய்தனர். இதையடுத்து இக்காட்சியை நீகக் கோரி ரஜினி ரசிகர் மன்றம் சார்பில் கடிதம் எழுதினர். அதில் தமிழகம் முழுவதிலிருந்தும் ரஜினி ரசிகர்கள் சார்பில் கையெழுத்து வாங்கினர். இது தவிர ரஜினி ரசிகர் மன்றத் தலைவர் சத்யநாராயணாவுக்கும் கடிதங்கள் அனுப்பினர். அதில் இக்காட்சியை நீக்குமாறு கேட்டிருந்தனர்.

இந்நிலையில் ரோபோ படப்பிடிப்புக்காக அமெரிக்கா சென்றிருந்த ரஜினி, நேற்று முன்தினம் திடீரென சென்னை வந்தார். ரசிகர்களின் கோரிக்கையை ஏற்று அக்காட்சிகளை நீக்க இயக்குனர் வாசுவுக்கு உத்தரவிட்டுள்ளார். இதுகுறித்து சென்னை மாவட்ட ரஜினி ரசிகர் மன்ற தலைமை நிர்வாகிகள் ஓம் சேகர், என்.எஸ்.ரமேஷ், என்.ராம்தாஸ், ஆர்.சூர்யாரவி ஆகியோர் விடுத்துள்ள அறிக்கையில் கூறியிருப்பதாவது:

குசேலன் படத்தில் சுந்தர்ராஜன் கேரக்டர் கேட்கும் கேள்விகளுக்கு ரஜினி அளிக்கும் பதில்கள் மனதுக்கு வேதனையாகவும் மற்றவர்களின் கேலி பேச்சுக்கு இடமளிப்பதாகவும் உள்ளது. இது ரசிகர்களுக்கு மனவேதனையை தந்துள்ளது. ரசிகர்களின் இந்த கருத்தை இயக்குனர் பி.வாசு கவனத்துக்கு கொண்டு சென்றோம். அந்த காட்சிகளை நீக்கும்படி ரஜினி கூறினார். அதை ஏற்று அக்காட்சிகளை வாசு உடனடியாக நீக்கிவிட்டார்.இவ்வாறு அந்த அறிக்கையில் கூறியுள்ளனர்.

http://kisukisucinema.net/index.php?mod=ar...amp;article=274