பயங்கரவாதம் என்னும் அரசின் இலக்கணத்தை ஏற்றுக் கொள்ள முடியாது. - மாவை

ஓர் இனததிற்கான விடுதலைக்காக பல தசாப்த காலமாக முன்னெடுக்கப்பட்டுக் கொண்டிருக்கின்ற விடுதலைப் போராட்டத்திற்கு பயங்கரவாதம் என்ற இலக்கணத்தை கற்பிப்பதற்கு மஹிந்தவும், கூட்டமைப்பு அரசும் முயற்சி மேற்கொண்டு வருகின்றனர். என்று த.தே.கூபின் பா.உ. மாவை சேனாதிராஜா தெரிவித்தார்.

தமிழர்களின் விடுதலைப் போரட்டத்தை பயங்கரவாதம் எனும் இலக்கணத்திற்குள் கொண்டு வந்து பயங்கரவாதத்தை அழிப்பதாகவும் அதற்கு சாவதேசத்தின் ஆதரவை பெற்றறுக் கொள்வதற்கும் முயற்சிகள் மேற்கொள்ளப்படுகின்றன என்றும் அவர் மேலும் சொன்னார்.

ஐ.நா சபையின் 63ம் கூட்டத் தொடரில் மஹிந்த ஆற்றிய உரை தொடர்பாக த.தே.கூட்டமைப்பின் கருத்தைக் கேட்ட போதே அவர் மேற்கண்டவாறு தெரிவித்தார்.

மேலும் : இலங்கையில் தமிழர்களுக்கான உரிமைகளை பெற்றுக் கொடுப்பதற்காகவும் ஓர் இனத்தின் விடுதலைக்காகவுமே பல தசாப்த காலமாக விடுதலைப் போராட்டம் நடத்தப்படுகின்றது. இந்த விடுதலைப் போரட்டம் நியாயமானது என்று கடந்த காலங்களில் ஏற்றுக் கொள்ளப்பட்டு அதனடிப்படையில் ஒப்பந்தங்களை செய்து கொண்டு பேச்சுவார்ததைகளும் நடத்தப்பட்டன.

கடந்த கால வரலாறுகளைப் பார்க்கின்ற போது விடுதலைப் போராட்டமாக சி;த்திரிக்கப்பட்ட, ஏற்றுக் கொள்ளப்பட்ட தமிழர்களின் போராட்டத்தை அரசு பயங்கரவாதமாக சித்திரிபதற்கும் அந்த பயங்கரவாதத்தை அழிப்பதற்காக சர்வதேசத்தின் ஆதரவைப் பெற்றுக் கொள்வதற்கும் பல்வேறு முயற்சிகளை மேற்கொண்டு வருகிறது.

ஐ.நா. சபையின் பொதுக் கூட்டத்தில் மஹிந்தவின் உரை ஓர் இனத்தின் விடுதலைப் போராட்டத்திற்கு பயஙகரவாதம் எனும் இலக்கணத்தை கற்பித்து அதற்கு சர்வதேச ஆதரவையும் பெற்றுக் கொள்வதற்கு முயற்சிகளை மேற்கொள்ளும் வகையில் அமைந்துள்ளது.

அமெரிக்கா உள்ளிட்ட சர்வதேச ரீதியில் பயங்கரவாதம் என்ற பதத்திற்கு பலவேறு அர்த்தங்கள் கற்பிக்கப்பட்டுள்ளன. எனினும், அரசு விடுதலைப் போராட்டத்தையே பயங்கரவாதம் என்ற இலக்கணத்திற்குள் கொண்டு வருவதற்கு முயற்சிகளை மேற்கொண்டுள்ளது.

இலங்கையில் பல தசாப்பதகாலமாக முன்னேடுக்கப்பட்டு வருகின்ற ஆயுதப் போராட்டம் ஓர் இனத்தின் விடுதலைக்கான போராட்டம் என்பதை யாருமே மறுக்கமுடியாது.

நன்றி : வீரகேசரி