தமிழக யுத்த எதிர்ப்புக்கள் - இராணுவ நடவடிக்கைகளைப் பாதிக்கவில்லை – படைத்துறைப் பேச்சாளர்கள்:

தமிழக யுத்த எதிர்ப்புக்கள் - இராணுவ நடவடிக்கைகளைப் பாதிக்கவில்லை – படைத்துறைப் பேச்சாளர்கள்:

இந்தியாவில் விசேடமாக தமிழகத்தில் ஏற்பட்டுள்ள யுத்த எதிர்ப்பு நடவடிக்கைள் தமது இராணுவ நடவடிக்கைகளைப் பாதிக்கவில்லை என விமானப் படையின் பேச்சாளர் வின்கமாண்டர் ஜனக்க நாணயக்கார மற்றும் கடற்படையின் பேச்சாளர் டி.கே.பி.தசநாயக்க ஆகியோர் தெரிவித்துள்ளனர்.

புலனாய்வுத் தகவல்களின் அடிப்படையிலேயே புலிகளின் இலக்குகள் மீது வான் தாக்குதல் நடத்தப்பட்டன. இவற்றில் எந்த மாற்றமும் இதுவரை மேற்கொள்ளப்படவில்லை, தொடர்ந்தும் தாக்குதல்கள் இடம்பெறுவதாகவும் விமானப் படையின் பேச்சாளர் கூறியுள்ளார்.

அதேவேளை ஒரு விமானத் தாக்குதல் கூட நடத்தாமல் இருந்த வாராங்களும் உண்டு, இந்த நிலையில் ஓரிரு நாள் வான் தாக்குதல் நடத்தாமல் இருப்பதை பெரிய விடயமாக தாம் கருதவில்லை எனவும் ஜனக்க நாணயக்கார குறிப்பிட்டுள்ளார்.

இதனிடையே கடந்த வார ஆரம்பித்தில் இருந்து, விமான தாக்குதல்கள் குறைவடைந்துள்ளன. கடந்த 4 நாட்களில் 4 வான் தாக்குதல்களே நடத்தப்பட்டுள்ளன. இந்த மாத ஆரம்பித்தில் இருந்து நாளந்தம் 4 முதல் 5 விமான தாக்குதல்கள் நடத்தப்பட்டன. எனினும் தற்போது விமான தாக்குதலை நடத்துவதில் தமக்கு எந்தத் தடையும் விதிக்கப்படவில்லை எனவும் விமானப்படையின் பேச்சாளர் தெரிவித்துள்ளார்.

இதேவேளை கடற்படையினர் தமது நடவடிக்கைகளை தொடர்ந்தும் முன்னெடுத்து வருவதாகவும், ரோந்து பணிகள் மற்றும், கடற்புலிகள் மீதான தாக்குதல்களை தாம் தொடர்ந்தும் நடத்தி வருவதாகவும் கடற்படையினர் பேச்சாளர் டி.கே.பி.தசநாயக்க குறிப்பிட்டுள்ளார்.