கபட நாடகமாடுகிறார் கலைஞர்; ம. தி. மு. க பிரமுகர் நாஞ்சில் சம்பத்

இலங்கையில் ராணுவத்திற்கும்இ விடுதலைப்புலிகளுக்குமிடையே உச்சகட்டப் போர் நடந்து கொண்டிருக்கஇ இங்கே பிரிவினைவாதம் பேசியதாக ம.தி.மு.க. பொதுச்செயலாளர் கைது செய்யப்படுகிறார்! தொடர்ந்து இயக்குநர்கள் சீமான்இ அமீர். சென்னையில் தி.மு.க.வின் மனிதச் சங்கிலி. ஈழத்தமிழர்களின் பிரச்னையில் நமது மத்திய மாநில அரசுகளின் அணுகுமுறையைப் பற்றி தனக்கேயுரிய அதிரடி ஸ்டைலில் ஆவேசப்படுகிறார் ம.தி.மு.க.வின் கொள்கை பரப்புச் செயலாளர் நாஞ்சில் சம்பத்.

ஹஹஉலகத்தமிழர் களின் இதயங்களில் ஒரு காலத்தில் ஓஹோவென்றிருந்த கலைஞர் கருணாநிதி இன்றைக்கு அவர்களால் நிராகரிக்கப்பட்டுள்ளார். அவர் தலை யிலிருந்த தமிழினத் தலைவர்இ என்ற தங்க மகுடம் கழன்று கீழே விழுந்துவிட்டது! தன் வயதான காலத்தில் சரிந்து போன செல்வாக்கை சரிப்படுத்துவதற்கு இலங்கைத் தமிழர்களுக்கு தான் இன்றும் ஆதரவாகக் குரல் கொடுப்பது மாதிரி ஒரு நாடகத்தை நடத்தும் நிர்ப்பந்தம் கருணாநிதிக்கு ஏற்பட்டது. வரலாறு காணாத வகையில் இலங்கை ராணுவம் தமிழர்களை இன்றைக்கு தாக்கத் தொடங்கியிருக்கிற நேரத்தில் அதற்கு எதிராக தமிழக மக்கள் கொந்தளித்தவுடனே தானும் அதில் பங்கு கொள்ளத் துடிக்கிறார்!

தன் வாழ்நாள் முழுவதும் ஈழத்தமிழர்களின் உரிமைக்காக கறுப்புச் சட்டங்களையும்இ சிறைவாசத்தையும் ஏற்ற வைகோவை பட்டப் பகலில் தேசத்துரோக வழக்கில் கைது செய்கிறார். சென்னை அண்ணாமலை மன்றத்தில் மத்திய அரசுக்கு எதிராக கடுமையான புகார்களை எங்கள் தலைவர் பதிவு செய்தவுடன்இ காங்கிரஸ்காரர்களை திருப்திப்படுத்துவதற்காக இந்த நடவடிக்கையை மேற்கொள்கிறார்.

திடீரென்று பிரணாப் முகர்ஜி சென்னைக்கு வருகிறார். பேச்சுவார்த்தை நடத்தினோம் என்கிறார் கருணாநிதி. உணவுப் பொருள் வழங்குவோம் என்கிறார்கள். என்னய்யா கேலிக் கூத்து இதெல்லாம்? தமிழர்களுக்கு எதிரான ராணுவ நடவடிக்கைகளை இனி தொடரமாட்டோம் என்று இலங்கை சர்க்கார் உத்தரவாதம் தந்ததா? இல்லையே! இலங்கை ராணுவத்திற்கு எந்த உதவியும் செய்ய மாட்டோம் என்று இந்திய அரசு சொன்னதா? அதுவும் இல்லையே! இதற்கு ராணுவத் தீர்வு சரியாக வராது என்கிற பிரணாப் முகர்ஜிஇ அப்புறம் ஏன் ஓசைப்படாமல் ராணுவ உதவி செய்ய வேண்டும்?

இப்படி அடிப்படையான விஷயங்களுக்கு முற்றுப்புள்ளி வைக்காமல் உணவு அனுப்புகிறோம் என்று பிரணாப் முகர்ஜி முன்பு அறிவித்துவிட்டுஇ பிரச்னைகள் அவ்வளவும் தீர்ந்துவிட்டது மாதிரி கருணாநிதி இன்று பேசத் தொடங்கியிருப்பது தன் சர்க்காரை தக்க வைத்துக்கொள்ளத்தான். திடுதிப்பென்று ஒரு நாள் தமிழ்நாட்டு எம்.பி.க்கள் ராஜினாமா செய்வார்கள் என்று அறிவித்ததும் ஊரை ஏமாற்றுவதற்கு கருணாநிதி திட்டமிட்டு நடத்திய கபட நாடகம். இப்போது எல்லாமே அம்பலமாகிவிட்டது.

விலைவாசி உயர்வுஇ மின்தட்டுப்பாடுஇ தொழில்கள் முடக்கம்இ சட்டம் ஒழுங்கு சீர்குலைவு ஆகியவற்றால் கருணாநிதிக்கு எதிராக ஒட்டுமொத்தமாக திரும்பியிருக்கிற உணர்வை திசை திருப்புவதற்குத்தான் ஈழத்தமிழனின் ரத்தமும்இ சதையும் கலைஞருக்கு உதவியிருக்கிறது.

இயக்குநர்கள் சீமான்இ அமீர் ஆகியோர் அன்றைக்கு மனிதச் சங்கிலியில் கலந்து கொண்டார்கள். அவர்களையே அன்று இரவு கைது செய்கிறார் இவர். அப்படியென்றால் கருணாநிதிக்கும்இ மனசாட்சிக்கும் இட்டு நிரப்ப முடியாத தூரம் இருக்கிறது. மத்திய சர்க்கார் கடந்த நான்காண்டு காலத்தில் ஈழத்தமிழர்களுக்கு எதிராகச் செய்துள்ள எல்லா துரோகங்களையும் கண்டும் காணாமல் இருந்தவர் கருணாநிதி. இப்போது அவசரமாக அந்த அப்பாவி ஜீவன்களை நினைத்துக்கொண்டு நீலிக் கண்ணீர் வடிக்கிறார். தன் சுயநலத்திற்காக கோபாலபுரத்தார் போடுகிற இரட்டை வேடத்தை நாட்டு மக்கள் மத்தியில் ம.தி.மு.க. அம்பலப்படுத்தும்!''.

குமுதம்