இராணுவ வெற்றிகளைப் பொறுத்து கொள்ள முடியாத பிரபாகரனின் ஆதரவாளர்கள் பலமுனைகளில் இருந்து எழக்கூடும் என ஜாதிக ஹெல உறுமயவின் தலைவர் எல்லாவள மேதானந்த தேரர் தெரிவித்துள்ளார்.

பிரபாகரனின் ஈழ கனவுக்கு ஆதரவு வழங்கியவர்கள் தமது நோக்கத்தை நிறைவேற்றிக் கொள்ள பல வழிகளை கையாள இடமிருப்பதாகவும் இது குறித்து கவனத்துடன் இருப்பது முக்கியமானது எனவும் அவர் கூறியுள்ளார்.

ஊடகவியலாளர்கள் மற்றும் ஊடக நிறுவனங்கள் மீதான தாக்குதல்களின் பின்னணியில் அரசாங்கத்திற்கு சர்வதேச ரீதியில் அவப்பெயரை ஏற்படுத்தும் சூழ்ச்சிகள் இருப்பதாக தெரியவருகிறது. படையினர் உரிய தலைமைத்துவத்தின் கீழ் பல வெற்றிகளை பெற்றுள்ளனர்.வெற்றிகளை பெற்று வரும் வேளை அந்த வெற்றிகளை பின்நோக்கி நகர்த்தும் சூழ்;ச்சிகள் வரலாற்றில் இடம்பெற்றே வந்துள்ளது.

தற்போதும் அவ்வாறே இடம்பெற்று வருகிறது. பிரபாகரனின் தோல்வியைப் பொறுத்து கொள்ள முடியாதவர்கள் பல்வேறு தோற்றத்தில் முன்னோக்கி வர முடியும் எனவே அரசாங்கம் இது குறித்து கவனத்துடன் இருக்க வேண்டும். எந்த சக்திகளுக்கும் அடிப்பணியாது செயற்பட வேண்டியது தலைவர்களின் பொறுப்பாகும்.

தற்போதைய அரசாங்கம் அந்தப் பொறுப்பை நிறைவேற்றி வருவது மகிழ்ச்சிக்குரியது எனவும் ஜாதிக ஹெல உறுமயவின் தலைவர் குறிப்பிட்டுள்ளார். அதேவேளை ரிவிர பத்திரிகை ஆசிரியர் உபாலி தென்னகோன் தாக்கப்பட்ட சம்பவத்தை தாம் வன்மையாக கண்டிப்பதாகவும் இந்த தாக்குதலுடன் தொடர்புடையவர்களை கைதுசெய்து உரிய தண்டணை வழங்குமாறு அரசாங்கத்தை கேட்டுக்கொள்வதாகவும் மேதானந்த தேரர் கூறியுள்ளார்.

http://www.globaltamilnews.net/tamil_news....d=5193&cat=

போடா மொட்டை எல்லாவெல தேரரரை சொன்னேன்