சிறிலங்காவின் தாக்குதலில் படுகாயமடைந்த நோயாளர்களுக்கான போக்குவரத்துக்களை ஒழுங்கு செய்ய ஐ.நா. உள்ளிட்ட அனைத்துலக அமைப்புக்கள் உடனடியாக ஏற்பாடு செய்ய வேண்டும் என்று தமிழீழ விடுதலைப் புலிகளின் அரசியல்துறைப் பொறுப்பாளர் பா.நடேசன் வேண்டுகோள் விடுத்துள்ளார்.

இது தொடர்பில் பா.நடேசன் மேலும் கூறியுள்ளதாவது:

மேலும்...

http://www.paristamil.com/tamilnews/?p=25534

போர் பகுதியிலிருந்து காயமடைந்த சிலர் வெளியே கொண்டுவரப்பட்டனர்

இலங்கையின் வடக்கே விடுதலைப் புலிகளுக்கும் இராணுவத்துக்கும் இடையே நடைபெறும் கடும் மோதல்களில் காயமடைந்த பொதுமக்களை போர் முனை முன்னரங்கப் பகுதிகளிலிருந்து தமது ஒரு வாகனத் தொடரணி வெளியே கொண்டுவந்துள்ளதாக இலங்கையிலுள்ள ஐக்கிய நாடுகள் அமைப்பின் பேச்சாளரான கார்டன் வெய்ஸ் பிபிசியிடம் தெரிவித்தார்.

இதில் மிகவும் காயமடைந்த 50 சிறார்களும் அடங்குவர். அவர்கள் மருத்துவ உதவிகளுக்காக விடுதலைப் புலிகளின் கட்டுப்பாட்டு பகுதியில் இருக்கும் ஒரு சிற்றூரில் காத்திருந்தனர் என்றும். அவர்களை அங்கிருந்து வெளியே கொண்டு வருவதற்கு விடுதலைப் புலிகள் தங்களுக்கு முதலில் அனுமதியளிக்கவில்லை என்றும் ஐ நா வின் பேச்சாளர் கூறினார்.

ஆனாலும் வியாழக்கிழமை விடுதலைப் புலிகள் அதற்கு இணங்கியதை அடுத்து நோய்வாய்பட்டும் மற்றும் காயங்களுக்கு உள்ளான 226 பேர் மருத்துவ சிகிச்சைக்காக வவுனியாவுக்கு சர்வதேச செஞ்சிலுவை சங்கத்தின் அனுசரணையுடன் கொண்டுவரப்பட்டுள்ளனர்.

நன்றி பிபிசி தமிழோசை

Thursday, 29 January 2009, 23:23 [ வன்னி நிருபர் செந்தமிழ் ]

நோயாளர்களை கொண்டு செல்ல போக்குவரத்து ஒழுங்கு செய்ய ஐ.நாவுக்கு வேண்டுகோள் - பா.நடேசன்

சிறிலங்காப் படையினர் எறிகணை மற்றும் விமானத் தாக்குதலில் படுகாயமடைந்த பொதுமக்களுக்கு மேலதிக சிகிச்சையளிப்பதற்கு போக்குவரத்து வசதிகளை ஏற்படுத்திக் கொடுக்குமாறு தமிழீழ விடுதலைப் புலிகளின் அரசியல்துறைப் பொறுப்பாளர் பா.நடேசன் வேண்டுகோள் விடுத்துள்ளார்.

இது தொடர்பாக அவர் விடுத்துள்ள அறிக்கையில் தெரிவிக்கப்பட்டுள்ளதாவது:

சிறிலங்கா அரசாங்கம் அறிவித்திருக்கும் பாதுகாப்பு வலயங்களுக்கு ஐ.நா. மற்றும் இதர அனைத்துலக நிறுவனங்களின் பிரநிதிகள் உடனடியாக நேரில் சென்று பார்வையிட்டு அங்குள்ள மக்களின் கருத்துக்களை சுயாதீனமாக கேட்டறிய வேண்டும்.

வவுனியாவுக்கு செல்லும் நோயாளிகளை தமிழீழ விடுதலைப் புலிகள் தடுத்து வைத்திருக்கவில்லை. இன்று வியாழக்கிழமை மாத்திரம் 200க்கு மேற்பட்ட நோயாளர்கள் அனுப்பி வைக்கப்பட்டுள்ளனர்.

மருத்துவ போக்குவரத்து வசதிகள் இல்லாமையால் பல பொதுமக்கள் உயிரிழந்துள்ளனர். படுகாயமடைந்தவர்களுக்கான மருத்துவ தேவைகளுக்கான போக்குவரத்துக்களுக்கு அனைத்துலக செஞ்சிலுவைச் சங்கம் மற்றும் ஐ.நா உள்ளிட்ட அனைத்துலக அமைப்புக்களும் ஏற்பாடு செய்ய வேண்டும்.

அனைத்துலக மற்றும் ஐ.நா விதிகளின் படி படுகாயமடைந்த பொதுமக்களுக்கான சிகிச்சைகளுக்குரிய போக்குவரத்துக்களை அனுமதிக்காமல் சிறிலங்கா அரசு இருப்பது பாரிய மீறலாகும்.

தங்களது குடும்பத்தாருடன் இணைந்து கொள்ள விரும்புவோரையும் கூட சிறிலங்கா படைத்தரப்பு அனுமதிக்க மறுத்துவருகின்றது. மோதல் பகுதியிலிருந்து வெளியேற விரும்புவது தனிநபரின் உரிமை என்பதில் நாம் உறுதியாக உள்ளோம். எந்த ஒரு தனிநபருக்கும் எதிராகவும் எந்த தடையும் விதிக்கவில்லை.

அனைத்துலக சமூகத்தினர் இதனையும் பொதுகமக்களின் உரிமையையும் புரிந்து கொள்ள வேண்டும். சிறிங்கா படையினரின் இனப்படுகொலை கரங்களில் சிக்கிக் கொள்ளவிரும்பாத தமிழ் மக்களை தமிழீழ விடுதலைப் புலிகள் பாதுகாப்பார்கள். பொதுமக்களை படுகொலை செய்யும் நடவடிக்கைகள் தொடர்பாக சர்வதேச சமூகத்தின் செயற்பாடுகள் குறித்து மக்கள் அதிருப்தியடைந்துள்ளனர் என அவர் தெரிவித்துள்ளார்.

பதிவு