இந்தோனேஷியாவுடன் பாதுகாப்பு ஒப்பந்தம் மேற்கொள்வது தொடர்பில் தீவிர ஆராய்வு- அமைச்சர் ரோஹித்த போகொல்லாகம

இந்தோனேஷியாவுடன் பாதுகாப்பு ஒப்பந்தம் மேற்கொள்வது தொடர்பில் தீவிர ஆராய்வு- அமைச்சர் ரோஹித்த போகொல்லாகம

வீரகேசரி நாளேடு 3/30/2009 8:40:51 AM -

பயங்கரவாதத்தை ஒழிக்கும் இலங்கை அரசாங்கத்தின் செயற்பாடுகளுக்கு இந்தோனேஷியா முழுமையான ஆதரவினை வழங்கிவருகின்றது. இரு நாடுகளுக்கு இடையிலும் பாதுகாப்பு மற்றும் புலனாய்வு தகவல்களை பரிமாறிக்கொள்ளும் உடன்படிக்கை ஒன்றை கைச்சாத்திடுவது குறித்து தீவிரமாக ஆராய்ந்துவருகின்றோம். இது தொடர்பான மேலதிக நடவடிக்கைகள் எதிர்வரும் காலங்களில் மேற்கொள்ளப்படும் என்று வெளிவிவகார அமைச்சர் ரோஹித்த போகொல்லாகம தெரிவித்தார்.

விடுதலை புலி பயங்கரவாதிகளை தோற்கடிக்கும் செயற்பாட்டில் அரசாங்கம் முன்னேற்றம் கண்டுள்ளது. இந்நிலையில் இந்தோனேஷியா இலங்கையின் பயங்கரவாதத்தை ஒழிக்கும் செயற்பாட்டுக்கு வழங்கும் ஒத்துழைப்புக்கு இலங்கை அரசாங்கம் சார்பில் நன்றி தெரிவிக்கின்றோம். இரண்டு நாடுகளுக்கும் இடையில் விரைவில் விசா இலகுபடுத்தல் மற்றும் விமான சேவையை ஆரம்பித்தல் போன்றன விடயங்கள் இடம்பெறவுள்ளன என்றும் அமைச்சர் குறிப்பிட்டார்.

இலங்கைக்கு விஜயம் மேற்கொண்டுள்ள இந்தோனேஷிய வெளிவிவகார அமைச்சர் ஹஸ்ஸன் விராஜுடாவை வெளிவிவகார அமைச்சர் ரோஹித்த போகொல்லாகம நேற்று ஞாயிற்றுக்கிழமை அமைச்சில் சந்தித்து பேச்சுவார்த்தை நடத்தினார். அதனையடுத்து இரண்டு அமைச்சர்களும் கூட்டாக செய்தியாளர் மாநாட்டை நடத்தினர். அங்கு கருத்து தெரிவிக்கும்போதே வெளிவிவகார அமைச்சர் ரோஹித்த போகொல்லாகம மேற்கண்டவாறு கூறினார். அவர் அங்கு மேலும் கூறியதாவது:

எனது அழைப்பை ஏற்று இந்தோனேஷிய வெளிவிவகார அமைச்சர் ரோஹித்த போகொல்லாகம இலங்கைக்கு விஜயம் மேற்கொண்டுள்ளார். அந்தவகையில் நாங்கள் இருவரும் இரண்டு நாடுகளுக்கு இடையிலான பொருளாதார மற்றும் அரசியல் விவகாரங்கள் குறித்து விரிவாக கலந்துரையாடினோம்.

ஒத்துழைப்பு வழங்குகின்றது முக்கியமாக அரசியல் விடயத்தில் சில அம்சங்களை ஆராய்ந்தோம். இந்தோனேஷியா இலங்கையின் பயங்கரவாதத்தை ஒழிக்கும் செயற்பாட்டுக்கு ஒத்துழைப்பு வழங்கிவருகின்றது. அந்நாடு இலங்கைக்கு பல்வேறு வழிகளில் ஒத்துழைப்புக்களை வழங்கிவருகின்றது. தற்போதைய நிலையில் விடுதலை புலிகள் தோல்வியை சந்தித்துக்கொண்டிருக்கின்ற