அரச கட்டுப்பாட்டுப் பிரதேசத்திற்கு இதுவரை ஒரு லட்சத்து 75 ஆயிரத்து 714 பொதுமக்கள் பிரிகேடியர் உதய நாணயக்கார

அரச கட்டுப்பாட்டுப் பிரதேசத்திற்கு இதுவரை ஒரு லட்சத்து 75 ஆயிரத்து 714 பொதுமக்கள் பிரிகேடியர் உதய நாணயக்கார:

கட்டுப்பாடற்ற பிரதேசத்திலிருந்து அரச கட்டுப்பாட்டுப் பிரதேசத்திற்கு இதுவரை ஒரு லட்சத்து 75 ஆயிரத்து 714 பொதுமக்கள் வந்தடைந்துள்ளதாக இராணுவ ஊடகப் பேச்சாளர் பிரிகேடியர் உதய நாணயக்கார தெரிவித்துள்ளார்.

இவர்களில் கடந்த 90 மணித்தியாலயங்களில் 1 லட்சத்து 3 ஆயிரத்து 143 பேர் கட்டுப்பாட்டு பிரதேசத்திற்கு வந்தடைந்துள்ளதாகவும் அவர் கூறினார்;.

இதில், கடந்த 20ம் திகதியில் மாத்திரம் 42 ஆயிரத்து 316 பேரும், 21 ஆம் 22 ஆம் திகதிகளில் 20 ஆயிரத்து 123 பேரும், ஏனையவர்கள் நேற்றைய தினத்திலும் கட்டுப்பாட்டு பிரதேசத்திற்கு வந்தடைந்துள்ளதாக இராணுவ ஊடகப் பேச்சாளர் பிரிகேடியர் உதய நாணயக்கார குறிப்பிட்டார்.

இதேவேளை, இவ்வாறு கட்டுப்பாட்டு பிரதேசத்திற்கு வந்தடைந்தவர்களுக்கு தேவையான மருத்துவ சுகாதார வசதிகள் வழங்கப்பட்டுவருவதாக மீள் குடியேற்ற மற்றும் அனர்த்த நிவாரண சேவைகள் அமைச்சு தெரிவித்துள்ளது.

கட்டுப்பாட்டு பிரதேசத்திற்கு வந்தடைந்துள்ள பொதுமக்களுக்கு தங்குமிட வசதிகளை வழங்க வவுனியாவில் புதியதோர் நிவாரண கிராமம் ஒன்று அமைக்கப்பட்டுவருவதாகவும் அமைச்சு குறிப்பிட்டுள்ளது.

http://www.globaltamilnews.net/tamil_news....=8774&cat=1

வன்னியில் 77 ஆயிரம் மக்கள் தான் வாழ்கிறார்கள் என கணக்கு கொடுத்த கெகலிய போன வாரம் தெரிவித்து இருந்தார். அவரின் கணக்கின் படி மிகுதி பேர் இந்த வாரம் தான் பிறந்துள்ளார்கள் போலும்.