அவுஸ்திரேலிய அனைத்து மத குழுவின் ஏற்பாட்டில் 'விடியலிற்கான நம்பிக்கை' எனும் அனைத்து மத பிரார்த்தனைக் கூட்டம் நாளை மெல்பேர்ணில் நடைபெற ஏற்பாடாகியுள்ளது.

மெல்பேர்ண் சென். பற்றிக்ஸ் கதற்ரல் தேவாலயத்தில் நாளை சனிக்கிழமை பிற்பகல் 1:45 நிமிடமளவில் இந்நகழ்வு நடைபெறும் என்று அவுஸ்திரேலிய அனைத்து மத குழு விடுத்துள்ள அறிக்கையில் தெரிவிக்கப்பட்டுள்ளது.

இது தொடர்பாக அதில் மேலும் தெரிவிக்கப்பட்டுள்ளதாவது:

வரலாற்றின் இருண்டகாலப் பகுதியின் ஊடாகப் பயணிக்கும் தமிழ் இனத்தின் ஒற்றுமைக்காகவும், சுபீட்சத்துக்காகவும் இடம்பெறும் இந்த நிகழ்வில் இந்து சமய மற்றும் கிறிஸ்தவ சமயப் பிரார்த்தனைகள் இடம்பெறவுள்ளன.

நிகழ்வில் அவுஸ்திரேலிய மதத்தலைவர்களும் அரசியல் பிரமுகர்களும் மற்றும் அரச சார்பற்ற நிறுவனப் பிரதிநிதிகளும் கலந்துகொள்ளவுள்ளனர்.

எனவே அனைத்து தமிழ் உறவுகளையும் இந்த அனைத்து மத பிரார்த்தனையில் கலந்துகொள்ளும் வண்ணம் ஏற்பாட்டாளர்கள் அழைப்பு விடுக்கின்றனர்.

ஜூலை மாதம் என்பது ஈழத் தமிழர்களின் வரலாற்றில் ஒரு 'துயரமான மாதம்'. எனவே இந்த மாதத்தில் நிகழும் இந்த நிகழ்வானது தமிழ் மக்களின் 'விடியலுக்கான நம்பிக்கை'யை துளிர்விட வைக்கும்.

ஆயிரம் ஆயிரம் மனங்களின் உணர்வுகளும் ஆத்மார்த்தமான வேண்டுதல்களும் ஒரே நேரத்தில் ஒன்றாய் குவியும்போது, அதன் ஆன்மீக ரீதியான சக்தி நிச்சயம் பலனைப் பெற்றுத்தரும் என்பது நம்பிக்கை என அதில் தெரிவிக்கப்பட்டுள்ளது.

புதினம்

ஆயிரம் ஆயிரம் மனங்களின் உணர்வுகளும் ஆத்மார்த்தமான வேண்டுதல்களும் ஒரே நேரத்தில் ஒன்றாய் குவியும்போது, அதன் ஆன்மீக ரீதியான சக்தி நிச்சயம் பலனைப் பெற்றுத்தரும் என்பது நம்பிக்கை என அதில் தெரிவிக்கப்பட்டுள்ளது.

நல்லாத்தான் ரீல்ரீல்ரீல் விடுகிறாங்கள்.முள்ளிவாய்க்க