பில்லியனர் இராஜ் இராஜரட்னம் அவர்கள் பங்குசந்தை வியாபார விதிகளை மீறியதாக கைது

வடமராட்சியினை பிறப்பிடமாக கொண்டவரும் தற்pோொ்து அமெரிக்காவில் வதியும் பிரபல பங்கு வர்த்தக அதிபரான இராஜ் இராஜரட்னம் அவர்கள் பங்கு வர்த்தகத்தில் உள்ளக வியாபாரம் செய்து பெருமளவு இலாபம் ஈட்டியதற்காக இவர் நேற்று கைது செய்யப்பட்டுள்ளார். இலண்டன் கேம்பிரிட்ஜ் பட்டதாரியான இவர் 1989 ம் ஆண்டு பங்கு வர்த்தக செயற்பாட்டில் ஈடுபட்டு பின்னர் தானே கலியோன் குழுமம் என்ற முதலீட்டு கம்பனியினை ஸ்தாபித்து பெரும் தொழில் அதிபர் ஆனார். இவர் உலகின் மிகப்பெரும் வணிக நிறுவனக்களான சுவிஸ் வங்கி,கூக்கிள் வலையமைப்பு, மைக்ரோ சொஃப்ற் உட்பட்ட கம்பனிகளின் முதலீடுகளையும் பகுதியளவு முகாமைத்துவம் செய்து வந்தார்.

இலங்கையிலும்,கார்கில்ஸ்,உட்பட்ட பல பங்குகளில் முதலீடு செய்து வந்தார்.இலங்கை பங்கு வர்த்தகத்தில் சிலகாலம் அதனை கட்டுப்பாட்டுக்குள் வைத்திருக்கும் அளவிற்கு தொழில்பட்டு வந்தார்.பங்கு வாணிபத்தில் நிறுவனங்களில் நிதி நிலைமைகளை முன்கூட்டியே அறிந்து அல்லது தகவல்களை வழங்கி அதற்கேற்ப பங்கு வர்த்தகங்களை செய்வதுவழமையானதொன்று எனினும் இவை திட்டமிட்டு மேற்கொள்ளப்பட்டால் அது அமெரிக்காவில் குற்றமாக கருதப்படுகின்றது.

இதன்படி இவர் பங்கு வர்த்தகத்தின் போது பலவழிகளில் இரகசியமாக தகவல்களை பெற்றார் எனவும் அந்த தகவல்களை அடிப்படையாக வைத்து 20.5 மில்லியன் இலாபமீட்டினார் எனவும் குற்றம் சாட்டப்பட்டுள்ளது. அமெரிக்க வரலாற்றிலேயே முதற் தடவையாக பங்கு வர்த்தக சம்பாசணைகளை ஒட்டு கேட்டு நடவடிக்கை எடுக்கும் முதல் வழக்கு இதுவென தெரிவிக்கப்பட்டுள்ளது.

http://www.eelanatham.net/news/important