இலங்கைத் தமிழர்களை கொன்று குவித்த இலங்கைத் தலைவர்களை போர்க் குற்றவாளிகளாக நிறுத்த வேண்டும் என முன்னாள் மலேசிய பிரதமர் துன் மகதீர் முகமட் தெரிவித்துள்ளார். போரின் மூலம் மனித படுகொலைகளை செய்தவர்கள் நீதி விசாரணைக்கு கொண்டு வரப்பட வேண்டும். பயங்கரவாததிற்கு எதிரான போர் என ஈராக் மீது அமெரிக்க படையெடுத்த போது, ஒரு லட்சத்திற்கும் மேற்பட்ட அப்பாவி மக்கள் பலியாகினர். ஆப்கானிஸ்தானில் 50 ஆயிரத்திற்கும் மேற்பட்டோர் பலியாகினர். இந்த படுகொலைக்கு காரணமானவர்கள் குறிப்பாக அந்த நாட்டுத் தலைவர்கள் நீதியின் முன் நிறுத்தப்படவில்லை எனவும் மகதீர் முகமட் கூறியுள்ளார்.

அதேவேளை இவ்வாறான அட்டூழியம் புரிந்த தலைவர்களின் வரிசையில் இலங்கைத் தமிழர்களுக்கு எதிராக மனித தர்மத்தை மீறி போர் நடத்தி ஆயிரக்கணக்கான தமிழர்களை கொன்ற இலங்கை ஜனாதிபதி மகிந்த ராஜபக்ஷ, கோத்தபாய ராஜபக்ஷ, முன்னாள் இராணுவத் தளபதி சரத் பொன்சேக்கா சர்வதேச நீதிமன்றத்தில் போர்க் குற்றவாளிகளாக நிறுத்த வேண்டும் என மலேசிய பிரபல அரசியல்வாதியான டத்தோ சுப்ரமணியம் தெரிவித்துள்ளார்.

விடுதலைப்புலிகளை அழிக்க போவதாக கூறி, அப்பாவி தமிழ் மக்களை கொன்று குவித்து, ஈவிரக்கமற்ற மனித வேட்டையை இலங்கை ஜனாதிபதியும் அவரது சகாக்களும் நடத்தியுள்ளனர். அடிப்படை மனித உரிமைகள் மீறப்பட்ட நிலையில் நடத்தப்பட்ட இந்த தாக்குதலில் சுமார் ஒரு லட்சம் பேர் மாண்டதாக ஊடகங்கள் கூறுகின்றன.ஆயிரக்கணக்கான மக்கள் ரண காயங்களுடன் பெரும் அல்லகளுக்கு உள்ளாகியுள்ளனர். குழந்தைகள் தாய்மார்கள், முதியவர்கள், என ஒரு அடிப்படைக் கருணையுமின்றி, ஒரு மனித படுகொலை இலங்கையில் அரங்கேறியதாகவும் டத்தோ சுப்ரமணியம் கூறியுள்ளார்.

இணைய இணைப்பு http://www.globaltamilnews.net/tamil_news1.php?nid=16468&cat=1

நல்ல செய்தி..!