சூசையின் குடும்பத்தவர்களையும் தனது குடும்பத்தவர்களையும் விடுவித்து உதவ வேண்டும் ‐ சகோதரர் கோரிக்கை‐GTNசெய்தியாளர்

சூசையின் குடும்பத்தவர்களையும் தனது குடும்பத்தவர்களையும் விடுவித்து உதவ வேண்டும் ‐ சகோதரர் கோரிக்கை‐GTNசெய்தியாளர்

13 November 10 10:13 am (BST)

கடலில் வைத்து கைது செய்யப்பட்ட விடுதலைப்புலிகளின் கடற்படைத் தளபதி சூசையின் குடும்பத்தவர்களையும் தனது குடும்பத்தவர்களையும் விடுவித்து உதவ வேண்டும் என என சூசையின் சகோதரர் இன்று நெல்லயடிப்பகுதியில் வாக்குமூலம் அளித்திருந்தார். நெல்லியடி முருகமூர்த்தி கல்யாண மண்டபத்தில் இடம்பெற்ற வாக்குமூலப் பதிவுகளின் போது அங்கு வாக்குமூலமளித்த சூசையின் சகோதரர், முல்லைத்தீவுப் பகுதியிலிருந்து வெளியேறி பருத்தித்துறை நோக்கி கடல்வழியாக வர முற்பட்ட வேளை தனது மனைவி மற்றும் பிள்ளையுடன் சகோதரரான சூசையின் குடும்பத்தினர் என அனைவரும் கடற்படையினரால் கைது செய்யப்பட்டதாகவும் இவர்கள் திருகோணமலை கடற்படைத்தளத்தில் தடுத்து வைக்கப்பட்டிருப்பதாக தாங்கள் சந்தேகப்படுவதாகவும் ஒரேயொரு தடவை தொலைபேசி மூலம் அவர்களுடன் தொடர்பு கொண்டாதாகவும் பின்னர் அவர்கள் குறித்த எந்தவித தகவல்களையும் அறிய முடியாதுள்ளதாகவும் தெரிவித்தார்.

இலங்கை அரசு மேற்படி கைது செய்யப்பட்ட நபர்கள் தொடர்பாக பல ஊடகங்கள் மூலம் அறிவித்த போதும் தற்போது அவர்களுக்கு என்ன நடந்தது என அறிய முடியாதிருப்பதாகவும் சூசையின் சகோதரர் தெரிவித்தார்.

இதனிடையே நெல்லியடியில் இடம்பெற்ற வாக்குமூலப் பதிவுகளின் போது தலைவர் நீண்ட நேரமாக அங்கு பிரசன்னமாகியிருக்காத நிலை தொடர்பில் அதிருப்தி வெளியிடப்பட்டிருந்தது. தலைவர் ஆரம்ப நிகழ்வில் மட்டும் ஆஜராகி விட்டு அங்கிருந்து வெளியேறி விட்டார். எனினும் இறுதி வரை அங்கு அவர் வந்து சேர்ந்திருக்கவில்லை.

இதனிடையே ராணுவப் புலனாய்வுப் பிரிவினர் எனச் சந்தேகிக்கக் கூடிய பலர் குறித்த சூழலில் உலாவிய வண்ணம் காணப்பட்டதால் மக்களிடையே ஒருவித அச்ச உணர்வும் காணப்பட்டது. முன்னதாக 2மணி வரை நெல்லயடியில்; இடம்பெற்ற நிகழ்வில் பொதுமக்கள் பெருமளவில் ஆஜராகவில்லை. எனினும் நேமாக நேரமாக பொதுமக்கள் பலர் அதாவது யாழ்க்குடாநாட்டில் நெல்லயடியிலேயே அதிகமான மக்கள் பிரசன்னமாகியிருந்தனர் என்று சொல்லுமளவிற்கு மக்கள் வருகை தற்திருந்ததாக எமது ஜீரிஎன் செய்தியாளர் தெரிவித்துள்ளார்.

http://www.globaltamilnews.net/tamil_news1.php?nid=32394&cat=1