வடமராட்சி மாணவி சிங்களவர்களால் கடத்தப்பட்டு மிகிந்தலையில் வல்லுறவுக்கு உட்படுத்தப்பட்டார்!

வடமராட்சி மாணவி சிங்களவர்களால் கடத்தப்பட்டு மிகிந்தலையில் வல்லுறவுக்கு உட்படுத்தப்பட்டார்!

Posted by admin On May 12th, 2011 at 11:07 am /

தென்னிலங்கையைச் சேர்ந்த சிங்களவர்களால் வெள்ளை வானில் கடத்தப்பட்டு பாலியல் வல்லுறவுக்குட்படுத்தப்பட்ட யாழ்.வடமாட்சி கிழக்கைச் சேர்ந்த மாணவி ஒருவர் மதவாச்சியில் பொலிஸாரிடம் சரணடைந்துள்ளார்.

கடந்த 9ஆம் திகதி வடமராட்சி கிழக்கு கற்கோவளப் பகுதியில் வைத்து கடத்தப்பட்ட பிரஸ்தாப மாணவி மிகிந்தலைக் காட்டுப்பகுதியில் வைத்து வல்லுறவுக்கு உட்படுத்தப்பட்டதாக முறைப்பாட்டில் தெரிவிக்கப்பட்டுள்ளது.

கடத்தப்பட்ட மாணவி வடமராட்சியில் உள்ள பாடசாலை ஒன்றின் மாணவி என்பது குறிப்பிடத்தக்கது. இச்சம்பவம் தொடர்பாக மேலும் தெரியவருவதாவது,

சம்பவதினத்தன்று வீதியால் சென்ற 19 வயது மாணவியை வெள்ளை வானில் வந்த மூன்று பேர் கொண்ட குழு கடத்திச் சென்றுள்ளது.

கடத்தி செல்லப்பட்ட மாணவியை மிகிந்தலை காட்டுப்பகுதியில் வல்லுறவுக்குட்படுத்தியதோடு அவரின் தலைமயிரையும் துண்டித்துள்ளனர்.

இவர்களிடமிருந்து தப்பித்த பிரஸ்தாப மாணவி மதவாச்சி பொலிஸ் நிலையத்துக்கு சென்று முறையிட்டதோடு அவர்களிடம் சரணடைந்துள்ளார்.

குறித்த மாணவியை கடத்திச் சென்ற தென்னிலங்கையை சேர்ந்த மூன்று நபர்களையும் பொலிஸார் தேடி வருகின்றனர்.

இச்சம்பவத்தில் பாதிக்கப்பட்ட மாணவி தற்போது யாழ்.போதனா வைத்தியசாலையில் சிகிச்சைக்காக அனுமதிக்கப்பட்டுள்ளார்.

யாழ்ப்பாணம் மற்றும் வன்னியில் இருந்து வவுனியாவிற்குள் செல்லும் வாகனங்கள் ஓமந்தைச் சோதனைச் சாவடியில் சோனைக் கெடுபிடிகளுக்கு உட்படுத்தப்பட்டு அனைவரது அடையாளங்களும் உறுதி செய்யப்பட்டே பயணத்தைத் தொடர இராணுவத்தினரால் அனுமதிக்கப்பட்டு வருகின்றமை குறிப்பிடத்தக்கது.

saritham.com