யாழில் தனிமையில் தங்கியிருந்த இளம் சகோதரிகள் இருவர் கிணறொன்றிலிருந்து சடலமாக மீட்பு!

[தமிழரசு]

யாழ் - பலாலி 2ஆம் குறுக்குத் தெருவிலுள்ள வீட்டுக் கிணறொன்றிலிருந்து சகோதரிகள் இருவரின் சடலங்களை பொலிஸார் இன்று சனிக்கிழமை காலை 9.30 மணியளவில் மீட்டுள்ளனர். கிடைக்கப்பெற்ற தகவலொன்றுக்கமைய சம்பவ இடத்துக்கு விரைந்த பொலிஸார், ஷாலினி (வயது 20) மற்றும் தனூஜா (வயது 22) என்ற இரு சகோதரிகளது சடலங்களையும் மீட்டுள்ளனர்.

புத்தாண்டை முன்னிட்டு குறித்த சகோதரிகளின் பெற்றோர் வெளியில் சென்றிருந்த நிலையில், அவர்கள் இருவரும் நேற்றையதினம் இரவு தனிமையிலேயே வீட்டில் இருந்ததாக பொலிஸாரின் முதற்கட்ட விசாரணைகளிலிருந்து தெரியவந்துள்ளதாக தெரிவிக்கப்படுகிறது.

இவர்களது மரணம் எவ்வாறு இடம்பெற்றுள்ளது என்பது இதுவரையில் கண்டறியப்படாத நிலையில் பொலிஸார் தீவிர விசாரணைகளை மேற்கொண்டு வருகின்றனர். நீதிவானின் மரண விசாரணைகளை அடுத்து அவ்விருவரின் சடலங்களையும் பிரேத பரிசோதனைகளுக்காக வைத்தியசாலையில் ஒப்படைக்கப்பட்டுள்ளது. இம் மர்ம மரணங்கள் தொடாபில் மக்கள் சோகத்திலும் பீதியிலும் ஆழ்ந்துள்ளனர்.

http://www.seithy.co...&language=tamil

[துளசி]

வடக்கு கிழக்கில் இன்றைய சூழ்நிலையில் ஆண்களின் பாதுகாப்பிற்கே உத்தரவாதமில்லாத போது பெண்கள் நிச்சயம் தனிமையில் தங்குவதை தவிர்க்க வேண்டும்.

பெற்றோர்களே ! , உங்கள் பிள்ளைகளை முடிந்தவரை மாலை 6,7 மணிக்கு பிறகாவது தனிமையில் விடாதீர்கள்.

இன்றைய பெண்கள் அனைவரும் பாலியல் வல்லுறவுக்குள்ளாக்கப்பட்ட பின்னரே கொலை செய்யப்படுகின்றனர். இதுவும் அவ்வாறே நிகழ்ந்திருக்கலாம் என நினைக்கிறேன்.

[தமிழரசு]

வடக்கு கிழக்கில் இன்றைய சூழ்நிலையில் ஆண்களின் பாதுகாப்பிற்கே உத்தரவாதமில்லாத போது பெண்கள் நிச்சயம் தனிமையில் தங்குவதை தவிர்க்க வேண்டும்.

நிச்சயமாக தவிர்க்க வேண்டும்.

இனியாவது தனிமையில் தங்குவதோ நடமாடுவதையோ பெண்கள் தவித்து கொள்ள வேண்டும்.

[வாத்தியார்]

சிங்கள இராணுவத்தினதும் அதனுடன் சேர்ந்தியங்கும் ஒட்டுக்குழுக்களினதும்

செயலாக இருக்கவே சாத்தியக்கூறுகள் இருக்கின்றன.

வேலிக்கு வேலி ராணுவத்தினர் இருக்கும் போது வேறு யாரால் இப்படியான

இழிவான வேலைகளைச் செய்யமுடியும்