Jump to content

uthayakumar

கருத்துக்கள உறவுகள்
  • Posts

    476
  • Joined

  • Last visited

Everything posted by uthayakumar

  1. தமிழ்த் தேசிகன்,குமாரசுவாமி,சுவே,விளங்க நினைப்பவன் அனைவரின் கருத்துக்கும் நன்றிகள்.
  2. மாறி மாறி உருவெடுத்து வருகுதடா கொரோனா- ஊசி அடித்து உவத்திரவ கொரோனாவை துரத்தி விடுவம் என்றால் ஊசியார் கூட அவர் வாழும் காலம் வலுவிழக்க சண்டை போட முடியாமல் கொண்டு போன ஆயுதமும் முடிஞ்சு போக ஒளித்திருந்த கொரோனா ஓடி வந்து திரும்பக் குந்துது அட பாடுபட்டு ஒன்றுக்கு இரண்டு ஊசி போட்டும் தேடித் தேடி வருகுது திரும்பத் திரும்பத் கொரோனா மாறி மாறி உருவெடுத்து வருகுதடா கொரோனா போன கதையைக் காணோம் இன்னும் இனி ஆளுக்கு ஒரு ஊசி என்று அடுத்தடுத்து போட்டு வாழும் வரை இது தானோ ஆருக்குத் தெரியும். பா.உதயன்
  3. கட்டியிருக்கும் கோவணமும் களவாடப்படும்-பா.உதயன் அதிகாரம், அடக்குமுறை, நாடுகளுக்கு இடையிலான அதிகார ஏகாதிபத்திய அரசியல் பொருளாதார சுயநலன்களுக்கு இடையிலான போட்டிகள் இவை தவிர இயற்கை அழிவுகளாலும் நோய் நொடிகளாலும் இந்த உலகு பல அழிவுகளை சந்தித்து வருகின்றது. பல கோடி மக்கள் இதனால் இறந்திருக்கிறார்கள் இன்னும் இறந்து கொண்டே இருக்கிறார்கள். மனிதத் தவறுகளினாலும் இயற்கை அனர்த்தங்களினாலும் இந்த உலகு மிகக் கொடிய மனித அவலங்களை சந்தித்து வருகின்றது. தர்மமும் நீதியும் சார்ந்து இந்த உலகம் சுழலுவதில்லை. மனித அவலம் மனிதக் கொடுமைகள் நடந்த பொழுதெல்லாம் பலர் கண்ணை மூடி இறந்தவர்கள் போல் தங்கள் சுய நலன் கருதி பார்த்துக் கொண்டிருந்தார்கள் பல ஜனநாயகத்தின் காவலர்கள். எங்கு தான் என்ன மனித அழிவுகளும் மானிடத் துயரம் நடந்தாலும் மானிடம் கொண்ட மக்கள் இரங்காமல் இருக்க முடியாது. இன்று உலகையும் அதன் மனித வாழ்வையும் பெரும் அழிவையும் அவலத்தையும் மனித இறப்புக்களையும் உண்டாக்கி வரும் கொரோனா என்ற பெரும் தொற்றால் மனிதனின் அவலக் குரல் எங்கும் கேக்கிறது. இந்த அடிப்படையிலே ஸ்ரீ லங்காவையும் இந்த கொடிய கோவிட் வாட்டி வதைக்கிறது. இதை கட்டுப்படுத்த முடியாமல் திண்டாடிக்கொண்டு இருக்கிறது தேசம். இந்த நோய் மாத்திரம் இன்றி அந்த நாட்டின் அரசியல் ஸ்திரத்தின்மை பொருளாதார நிலைமை என்பன மேலும் பல சுமையை இந்த மக்கள் சுமந்து கொண்டிருக்கிறார்கள். வறுமைக்கும்,சமூகச் சீர் கேடுகளுக்கும், இன ஐக்கியமின்மைக்கும், பெண்கள் சமத்துவமின்மை, மற்றும் பாலியல் துஷ்பிரயோகங்களுக்கும், ஊழலும் லஞ்சமும் ஆனதொரு ஆட்சி உருவாகுவதற்கும், வன்முறையும் வன்மவும் மிக்கதொரு நீதி நியாயம் இல்லாத சமுதாயம் உருவாக முழுக்க முழுக்க காரணமானவர்கள் யார்? சிறி லங்காவின் இன்றைய பொருளாதார நெருக்கடிக்கு காரணமானவர்கள் யார் How did Sri Lanka become bankrupt? இராஜதந்திரங்களில் வல்லவர்கள் என்று பலர் புகழும் பொழுது ஏன் இந்தத் தேசத்தை இந்த நிலைக்கு கொண்டு வந்தார்கள். இந்த சிறிய தீவை எப்படி பொருளாதாரா சுரண்டல் காரர்களுக்கு விற்றுக் கொண்டிருக்கிறார்கள். இவ்வளவு இராஜதந்திரமும் அறிவும் ஆற்றலும் கொண்ட சிங்கள தலைவர்கள் இலங்கை சுதந்திரம் அடைந்த காலத்தில் இருந்து மாற்றங்களோடு கூடிய எல்லா மக்களும் சுதந்திரத்தோடும் கௌரவத்தோடும் கூடிய பொருளாதார வளச்சி கொண்ட தேசமாக ஏன் இந்த சிறிய தேசத்தை மாற்றாமல் இன்றும் பேரினவாதம் அளித்துக்கொண்ட இருக்கிறதே இந்த சிறிய தீவை. இன்னும் ஆழமாக சிந்திக்கும் அறிவை இச் சிறிய தீவில் எம் தலைவர்கள் இன்னும் கற்றுக்கொள்ளவில்லையா? எத்தனை துயர வரலாறுகளை இந்த தீவு கடந்தும் கடக்காமல் செல்கிறது. பல இனங்களும் வாழக் கூடிய தேசமாக இன்னும் ஏன் ஒருவரின் மனங்களை ஒருவர் வெல்ல முடியாமல் இருக்கிறது. படித்த குழாம்(educated elites) என்று இருந்த தலைவர்கள் பிரிவினையையும் வெறுப்புகளையும் ஏன் சம்பாதித்தார்கள்? எங்கிருந்து இந்த இராஜதந்திரங்களை கற்றுக்கொண்டார்கள். இந்த நாட்டை ஆட்சி செய்த தலைமைகளும் அந்த நாட்டின் புத்த மதத்தை பிழையான பாதையில் கொண்டு சென்று இனங்களுக்கு இடையில் பகைமையை உண்டாக்கி இந்த மக்களை சிந்திக்க விடாமல் தவறான பாதையில் கொண்டு போய் இனவாதம் என்றதொரு பெரும் பூதத்தை வளர்த்து விட்ட பெளத்த துறவிகளுமே காரணம். நீதி, நிர்வாகம், சட்டம் இவை அனைத்து துறைகளும் இன்று சுயமாக இயங்கவில்லை. separation of power என்று சொல்லக் கூடிய அதிகாரப் பிரிவுகள் இங்கு சுயமாக இயங்கவில்லை. எல்லாவற்றிலும் அரசியலும் அதிகார ஆதிக்கமுமே தலையீடு செய்கின்றன. ஜனாதிபதியின் அதி கூடிய அதிகாரத்தின் மூலம் அவரே எல்லாவற்றையும் கட்டுப்படுத்துகிறார். இன்று ஈழத் தமிழர் நிலைமை என்றும் இல்லாத அளவுக்கு பின் நோக்கி போய்க்கொண்டிருகிறது ஒரு காலம் ஒற்றுமையோடு பயணித்த இனம் இன்று ஒற்றுமை குலைந்து ஒரு வித இலக்கும் இன்றி நிலத்திலும் புலத்திலும் மாறி மாறி ஒருவரை ஒருவர் சண்டை போட்டு எதிரிக்கு சாதகமான நிலையை உண்டு பண்ணி பட்டு வேட்டி கட்டும் கனவோடு இருந்து இன்று நாம் கட்டிய கோவணம் களவாடப் பட்ட நிலையில் உள்ளோம். எதிர் காலம் இனி சரியான தலைமையின் கீழ் ஒன்று பட்டு பயணிக்காவிடில் மீண்டும் இருள் சூழ்ந்த காலமாகவே ஈழத் தமிழர் காலம் அமையலாம். புலம் பெயர்ந்த தமிழர் போல் ஏதிலிகளாக அகதி வாழ்வாக எந்தத் தேசமும் இல்லாதவனாக இன்னும் இந்த இனம் அலையுமோ. இன்று கொரோனாவின் திரிபுபடுத்தப்பட்ட (Mutation ) அலை நாடு முழுவதும் பரவி இதை கட்டுப்படுத்த முடியாத அளவுக்கு நாளாந்தம் பெருமளவு மக்கள் இறந்து கொண்டிருக்கிறார்கள். சுகாதார வசதி இன்மை பொருளாதாரப் பிரச்சினை கொரோனா தடுப்பூசிக்காக இன்னும் ஒரு நாட்டை நம்பி இருத்தல் இப்படி பல பிரச்சினைகளுக்கு முகம் கொடுக்க வேண்டிய துர்ப்பாக்கிய நிலைமை ஏற்பட்டுள்ளது. இப்படியே நிலைமை தொடர்ந்தால் நாடு பெரும் பொருளாதர பிரச்சினையை எதிர் நோக்க வேண்டிய நிலைமை வரும். இன்று அன்றன்றாடு கூலி வேலை செய்து பிழைக்கும் மக்கள் ஒரு வேளை உணவுக்கே கஸ்ரப்படும் நிலைமையை பார்க்கிறோம். ஒரு காலம் தன்னிறைவுப் பொருளாதார நாடாக வளர்ச்சி அடைந்து வந்த நாட்டை இந்த நிலைக்கு கொண்டு வர காரணமானவர்கள் இவர்கள் தான். ஸ்ரீ லங்காவில் பிறக்கும் ஒவ்வொரு குழந்தையும் இன்று பல லட்ஷம் கடனோடே பிறக்கின்றனர். வளர்ச்சி அடைந்து வரும் சில வறிய நாடுகள் கூட கொரோனாவின் தாக்கம் இருந்தும் ஓரளவுக்கு பொருளாதாரத்தில் தாக்குப் பிடிக்கின்றனர். ஆனால் இலங்கையில் கொரோனா மட்டும் இப்போ இருக்கும் நிலைக்கு காரணம் என கூற முடியாது சுற்றுலா பயணிகளின் வருகை குறைந்து இது பெரும் பொருளாதார முடக்கத்தை உண்டு பண்ணி இருந்தாலும் இவர்களது பிழையான பொருளாதார கொள்கைகள் மேலும் நாட்டை ஒரு பெரும் பொருளாதார அவசரகாலா (Economic emergency ) நிலைமைக்கு தள்ள வைத்திருக்கிறது. இனங்களுக்கிடையிலானா ஆயுதப் போராட்டம் முடிவுக்கு வந்தும் இன்னும் கூட பொருளாதார அபிவிருத்தியோ இனப்பிரச்சினைக்கான தீர்வோ இன்னும் ஏற்படவில்லை. இது தீர்க்கப்பட்டிருந்தால் இன்று புலம் பெயர் தமிழ் மக்கள் கூட முதலீடு அபிவிருத்தி என்று செய்ய முன் வந்திருப்பார்கள். அமைதி சமாதானம் எதுகும் இன்றி கடன் சுமைகளை காவிக் கொண்டு இன்றும் வெளி நாட்டுக் கடனுக்காக எப்போதும் கை ஏந்தும் நிலையில் உள்ளது. போலியான வாக்குறுதிகளை சர்வதேசத்துக்கும் தம் மக்களுக்கும் வழங்காமல் இனியும் இந்த சிங்கள ஆட்சியாளர்களும் இந்த மக்களும் தம் நாடு பற்றி சிந்திப்பார்களா. இனங்களுக்கிடையே சமாதானத்தை உண்டு பண்ணி ஐக்கியத்தை வளர்ப்பார்களா ஒரு மாற்றங்களோடு வளர்ச்சிப் பாதையில் செல்வார்களா. இல்லை இந்த மக்களின் கட்டி இருக்கும் கோவணமும் களவாடப்படுமா. பா.உதயன்
  4. -பண்டோரா பேப்பேர்ஸ்- -திறக்கப்பட்ட பெட்டகமும் அவிழ்க்கப்பட்ட முடிச்சுகளும்-பா.உதயன் ————————————————————————————————————— ஆசை இல்லாத மனிதன் எவரும் இல்லை.ஆனால் அளவு கடந்த பணத்தின் மேல் இவ்வளவு ஆசை ஒரு மனிதனுக்கு ஏற்படுமா ஆசை கொண்ட மனிதர்கள் இத்தனை பில்லியன் டாலர் பணத்தை எப்படிச் சேர்த்தார்கள். வரி ஏற்பு, ஊழல், கருப்பு பணம் என்று மக்களின் பணத்தை ஏமாத்த எப்படி அந்த நாட்டின் தலைவர்களால் கூட முடிகிறது.சட்டத்தின் கண்களை எல்லாம் குருடாக்கிவிட்டு மக்களின் பணங்களை கொள்ளை அடித்து வெளி நாடுகளில் சொகுசு மாளிகைகள், சொகுசு வாகனங்கள், நட்ச்சத்திர விடுதிகள், பெரும் மாடி வீடுகள் இப்படிப் பல சொத்துக்களை சேர்த்த மோசடிக்காரர்களின் அதிசய பண்டோரா பெட்டகத்தின் கதவை (the International Consortium of Investigative Journalists) சர்வதேச புலனாய்வுப் பத்திரிகையாளர் கூட்டமைப்பு உடைத்துத் திறந்துதிருக்கிறது. பண்டோரா என்பது கிரேக்க மொழியில் பெண் கடவுளைக் குறிக்கும் இவளின் கையில் கொடுக்கப்பட்டதே பண்டோரா என்னும் ஒரு அலாவுதீன் விளக்குப் போன்றதோர் புதையல் பெட்டகம் .இது ஓர் அதிசயப் பெட்டகம் யாரும் இதை இலகுவில் திறந்து விட முடியாதா ஒரு அதிசயக் கதவு. இந்த அதிசய பெட்டகத்தை திறந்தால் பெரும் அதிசயமும் அழிவும் துன்பமும் வெளி வரும் . இந்த பண்டோரா பேப்பர்ஸ் ஆவணக்களை சுமார் 500 புலணாய்வுப் பத்திரிகையாளர்கள் புலனாய்வு செய்து சுமார் 190 கோடி இரகசிய ஆவணங்களை வெளியுட்டுள்ளனர். ஏங்கிப்போய் நிற்கிறார்கள் மோசடிக்காரர்கள். உலக மூலதனத்தில் முக்கால் வாசிக்கு மேற்பட்ட சொத்துக்களை இப்படியான முதலாளித்துவ உலக தனி உடைமை முதலாளிகளிடம் போய் சேர்ந்திருக்கிறது. முக்கியமாக அமெரிக்கா, பெரிய பிரித்தானிய, பிரான்ஸ் போன்ற நாடுகளாகும். அதே போல் முன்பு ஒரு காலம் சோஷலிச கம்யூனிச சித்தாந்தக்களை கொண்ட நாடுகளும் அதன் அதிபர்களும் எவ்வளவு பெரிய மோசடிகளை செய்திருக்கிறார்கள் என்பதும் தெரிய வந்திருக்கிறது ரசிய அதிபர் பூட்டின் உட்பட. பசி, பஞ்சம், நோய் இப்படி எத்தனையோ கோடி மக்கள் உலகில் ஒரு வேளை உணவுக்கே தின்றாடும் போது எந்த மனித நேயமும் இன்றி இவ்வளவு பெரிய பணத்தை கொள்ளை அடித்த இந்த பெரிச்சாளிகளை என்னவென்று சொல்லுவது. சுமார் 91 நாடுகளின் நிகழ்கால கடந்த கால தலைவர்கள், அதிபர்கள், அரசியல் வாதிகள் , அமைச்சர்கள், தனி நப வியாபாரிகள், கோடீஸ்வரர்கள், நடிகர்கள்,யோர்தான் மன்னர், ரஷ்ய அதிபர், பிருத்தானியாவின் முன்னை நாள் பிரதமர் ரொனி பிளேயர் இப்டியே பட்டியல் நீண்டு கொண்டே போகிறது. இந்த நீண்டதொரு பட்டியலை வெளியிட்டு பண்டோரா பேப்பேர்ஸ் பெரும் பரபரப்பை உலகில் ஏற்படுத்தி உள்ளது. இலங்கையைப் பொறுத்த வரையில் இலங்கை நடப்பு ஆட்ச்சியாளர் ராஜபக்ச குடும்பத்தின் உறவினர்களான நிருபமா ராஜபக்ச மற்றும் அவரது கணவர் உட்பட பெரும் பில்லியன் டொலர் பெறுமதியிலான சொத்துக்களை வெளி நாடுகளில் வேண்டிக் குவித்துள்ளனர். இனி வரும் காலங்களில் இன்னும் பல மோசடி முதலைகளின் பெயர்கள் வெளி வரலாம். இந்தியாவின் தமிழ் நாட்டு நடிகர்கள் அரசியல் தலைவர்கள் என்று பட்டியல் நீண்டு கொண்டே சென்றாலும் ஆச்சரியப்படுவதற்கு இல்லை. பொறுத்திருந்து பார்ப்போம் இன்னும் எத்தனை கொள்ளையர்கள் மக்களின் பணத்தை திருடியிருக்கிறார்கள் என்று. ஜனநாயக நாடுகள் என்றும் சட்டம் ஒழுங்கை பேணுபவர்கள் என்றும் அடுத்தவருக்கு ஜனநாயகப் பாடம் எடுக்கும் நாடுகள் எப்படி இந்த மோசடியை பார்த்தும் பார்க்காமலும் இருந்திருக்கிறார்கள் . எல்லாமே சட்டதிற்கு அப்பால் சில ஒப்பந்தங்களுடன் தான் நடந்தேறுகின்றன. இது ஒரு முடிந்த கதை இல்லை இன்னும் தொடர் கதையாக தொடரவே உள்ளன. நாட்டின் சொத்துக்களை திருடும் இந்த நாட்டின் தலைவர்கள் ஆட்சியாளர்களை அரசியல் வியாபாரிகளை தனி நபர் கொள்ளையர்களை மக்கள் இனம் கண்டு கொள்ள வேண்டும். நாட்டையும் மக்களையும் ஏமாற்றுபவர்களை தூக்கி வீச வேண்டும்.சட்டத்தின் பிடியில் இவர்களை தண்டிக்க வேண்டும். சில நாடுகளில் சட்டமே நீதியின் கையில் இல்லாதபோது யாரை யார் தண்டிப்பது. குற்றவாளியே தண்டனையில் இருந்து தப்பி பின் கதவுகளால் வெளியெ வருகிறான். இங்குதான் அதிகாரப் பிரிவு என்று சொல்லக்கூடிய(Separation of Power) அதிகாரங்களைப் பிரிப்பதற்கான நவீன கோட்பாட்டின் பிரான்ஸ் தேசத்தின் அரசியல் சிந்தனையாளரின் மான்டெஸ்கியூ வரையறை செய்த நீதி, நிர்வாகம், சட்டம் தனித்து இயங்க முடியாமல் உள்ள போது ஜனநாயக்கத்தோடு சேர்ந்த ஒரு நீதியை நாம் பெற்றுக் கொள்வது சந்தேகமே.இதனால் தப்பு செய்தவர்கள் தண்டிக்கப்படாமல் தப்பிக்கொள்கிறார்கள். ‘’Its a big club,you are not in it” பா.உதயன்
  5. அற்புதமான கவிஞருக்கு ஆழ்ந்த இரங்கல்கள்
  6. எவரை எவர் ஏமாத்துகின்றனர் வளமை போலவே இந்த முறையும் இந்திய அதிகாரி அதே 13 க் கதையை சொல்லிப் போனார் எத்தனை முறை சொன்னார்கள் என்று எனக்கு ஞாபகம் இல்லை ஆனால் முப்பது வருட கதை இது இத்தனை வருடமாக இந்தியாவை ஏமாத்த இலங்கைக்கு மட்டும் தெரியும் இது சிங்கள இராஜதந்திரம் முப்பது வருடமாய் ஈழத் தமிழனை ஏமாத்த இந்தியாவுக்கும் இலங்கைக்கும் மட்டும் தெரியும் இது இன்னும் ஒரு இராஜதந்திரம் இனி வரும் காலமும் இன்னும் ஒரு பொருளாதார ஓப்பந்தம் எழுத இந்திய அதிகாரிகள் மீண்டும் வருவார்கள் அப்பவும் இன்னும் ஒரு முறை நினைவூட்டுவர் அந்த 13 க் கதையை சற்றும் மனம் தளராத விக்கிரமாதித்தன் கதை போலே மீண்டும் வேதாளம் 13 ஐ சுமந்தபடி முருங்கை மரத்தில் தொங்கி நின்று ஏளனமாய் எம்மை பார்த்து சிரித்தபடி சொல்கிறது கையில் இப்போ எந்தப் பலமும் இல்லாத நீங்கள் காத்திருங்கள் காத்திருங்கள் பொன் முட்டைகள் போடும் வரை காத்திருங்கள் என்றபடியே மீண்டும் வேதாளம் 13 ஐ சுமந்தபடி முருங்கை மரத்தில் தொங்கி நிற்கும். பா.உதயன் கீழ் காணும் கவிதை இன்னும் ஒரு முறை நினைவூட்ட பல மாதங்களுக்கு முன் இந்திய வெளி விவகார அமைச்சர் வந்து 13 ம் தீர்வை வலியுறுத்திய போது நான் எழுதிய கவிதை. இம் முறையும் இவர் போலவே கூறிச் சென்றிருக்கிறார் வெளி விவகார அமைச்சின் செயலாளர் இலங்கை வந்து. வருவதும் போவதுமாய் 13 ம் சரத்து தமிழர் தீர்வை வலியுறுத்துவதுமாய் இந்தியா ஆனால் எந்தத் தீர்வும் இலங்கை கொடுத்ததாய் இல்லை. இந்தியாவுக்கு ஏதாவதை கொடுத்து எங்களுக்கானதை கொடுக்க மறுக்கிறது இலங்கை. கொடுத்ததை பெற்றுச் சென்றிருக்கிறது இந்தியா. ஏதாவது தமிழருக்கு கொடுங்கள் என்றே சொல்லிவிட்டு விக்கிரமாதித்தனும் 13ம் கதையும்-பா.உதயன் எந்தத் தீர்வையும் ஈழத் தமிழனிடம் கேட்க்காமல் இந்தியா போட்ட பிச்சை இது இன்னும் கிடந்து இழுக்குது சேடம் ஆயிரம் தடவை இந்தியா சொல்லியும் இலங்கை இதுக்கு மசிவதாய் இல்லை ஏதோ புலி தான் மறுத்தினம் என்றால் இப்பவும் ஏன் தான் மறுக்கினம் கொடுக்க 13 ம் பெட்டியோடு வந்த பெரியண்ணை தலையில் பிறத்தாலே நின்று துவக்கால அடிச்சும் சிங்களம் சொன்னது இந்தத் தீவில் எந்தத் தீர்வும் எப்பவும் இல்லை என்று அப்பவே சொன்னது விக்கிரமாதித்தன் கதையைப் போல சற்றும் மனம் தளராத இந்தியா சந்திக்கும் பொழுதெல்லாம் 13 ம் கதையை பல தடவை சொல்லும் இழுத்து வந்து வேதாளத்தை தலையில் சுமக்கும் கதையைப்போலே இதுக்கு மேலாய் கொடுப்போம் என்று இந்தியாவை மடக்கும் இலங்கை இராஜதந்திரம் இப்ப இன்னும் கடினம் கொஞ்சம் இந்தியா நினைச்சது போல் இந்து சமுத்திரம் இல்லை இனி வரும் காலம் சீனா காலமாம் இலங்கை இப்போ இவன் பக்கம் சாயல் இந்தியா நினைப்பது போல எதுகும் இல்லை எல்லா பக்கமும் றகன் வந்து குந்துது இத்தனை ஆண்டாய் கடத்திய இலங்கை அவிபிருத்தி ஒன்றே காணும் தமிழனுக்கு என்று ஆளுக்கு ஒரு அமைச்சு கொடுத்து அதிகாரப் பகிர்வை அடக்கியே வைத்தது ஆன இன்றும் கூட இதுகும் இல்லை அதுகும் இல்லை எதுகும் நடந்ததாய் இல்லை இன்னும் ஒரு முறை இந்தியா வரும் அப்பவும் அந்த 13க் கதை வரும் இப்பவும் ஒன்றும் தெரியாது போல சீனா பார்வையோட சிங்கம் உறுமும். பா.உதயன் “You have to learn the rules of the game. And then you have to play better than anyone else.” ― Albert Einstein
  7. இருட்டு அறையில் கருப்பு பூனையை தேடிக்கொண்டிருக்கிறார்-பா.உதயன் அனைவருக்குமான அரசு தாம் என்று சொல்பவர்கள் எந்த அபிவிருத்தியும் முதலீடும் செய்ய வேண்டுமானால் முதலில் தமிழ் மக்களின் மனங்களை வெல்ல வேண்டும். ( winning the hearts and minds of tamil people ) யுத்த வடுக்கள், காயங்கள், காணாமல் போனோருக்கான நீதிகள் இப்படி அடிப்படை உரிமைகளையாவது கொடுக்க முன்வர வேண்டும். அரசியல் ஸ்திரத்தன்மையை (Political Stability) அன் நாட்டில் முதலில் கட்டி எழுப்பவேண்டும். இவை ஒன்றும் இல்லாமல் எவரையும் பேச்சுக்கு அழைப்பதும் அபிவிருத்தி செய்ய வாருங்கள் என்பதும் இலங்கையில் முதலீடு செய்யுங்கள் என்பதும் வெறும் கண்துடைப்பாகும். சர்வதேச சமூகத்தையும் அத்தோடு அப்பாவித் தமிழரை ஏமாற்றும் செயலுமாகும். சிங்கள மக்களின் மனங்களை நாமும் வென்றாக வேண்டும் என்றால் இரு இனங்களுக்கு இடையிலான பாலத்தை ஆளும் வர்க்கம் நல்லிணக்கத்தின் ஊடாக அமைக்க வேண்டும். இவை இல்லாமல் எதுகும் இலங்கையில் நகராது. அந்த மக்களுக்கான நீதியை வழங்காமல் எந்த ஒரு நல்லிணக்கத்தையும் ஏற்படுத்த முடியாது.( without justice, there is no reconciliation ) என்ற உண்மையை உண்மையாகவே ஆழமாக சிந்தித்து சமாதானத்தை விரும்பும் அந்த மக்களும் உள்நாட்டு வெளி நாட்டு அரசியல் வாதிகளும் உணர வேண்டும். பொய்யான கோட்பாடுகளை பிரச்சாரங்களை வாக்குறுதிகளை சிங்கள மக்களுக்கு வழங்கி இரு இனங்களுக்கு இடையிலான குரோதத்தை வளர்த்து பேரினவாதம் என்ற பெரும் பூதத்தை வளர்த்து விட்ட ஆளும் வர்க்க அரசியல் தலைவர்களும் இவர்களுக்கு முண்டு கொடுத்து நிற்கும் போலி இடது சாரிகளும் இனி மேலும் சரியான பாதையில் நடப்பார்களா என்பது இனியும் சந்தேகமே. ஒரே நாடு ஒரே சட்டம் என்று சொல்லிக்கொண்டு யுத்த வெற்றி என்று சொல்லிக்கொண்டு கொண்டாடுவதும் அதே தேசத்தில் வாழும் இன்னும் ஒரு இனத்தை கண்ணீரொடு அவல வாழ்வு வாழ பார்த்திருப்பதும் மாக இருந்ததன் பலனை இன்று இந்த தேசம் பெரும் பொருளாதார நெருக்கடிக்கு உள்ளாகி அனுபவித்துக் கொண்டிரு ப்பதை பார்க்கிறோம். எமது விடுதலைப் போராடத்தில் நாம் கூட எல்லாம் சரியாகத் தான் கொண்டு சென்றவர்கள் அல்ல எம்மிலும் பல பிழைகள் இருந்தன. இதில் இருந்து நாம் பாடம் கற்றுக் கொள்ள வேண்டும். கருத்துச் சுதந்திரம் அனைவருக்கும் உரியது என்றபோதும் நாம் செய்யும் விமர்சனம் கூட சரியாக செய்ய வேண்டும். நாம் செய்யும் விமர்சனங்கள் எதிரிக்கு பலமாக இருக்கக் கூடாது. சில தமிழர்கள் அரசியல் வாதிகள் கூட தாயகத்திலும் வெளியிலும் எதிரிக்கு சாதகமாகவே தமது விமர்சனங்களை கருத்துக்களை வைப்பதை பார்க்கிறோம். இது எம்மையே நாம் காட்டிக் கொடுப்பது போல் ஆகிவிடும். எவ்வளவு தூரம் தமிழர் ஒற்றுமை தமிழர் வாழும் உள் நாட்டிலும் வெளி நாட்டிலும் சிதைக்கப்படுகிறதோ அவ்வளவு தூரம் சிங்கள தென் இலங்கை ஆளும் வர்க்கத்திற்கு வெற்றியே. இதை தமிழர் உணராது போனால் மீண்டும் மீண்டும் தோல்விகளையே சந்திக்க நேரிடும். இன்று இலங்கையில் உள்ள நிர்வாக நீதிமன்றங்களில் கூட மொத்த ஊழல் மற்றும் நேர்மை இல்லாமை மற்றும் சுதந்திரம் பெற்ற காலத்தில் இருந்து உயர்கல்வி அறிவு சார்ந்த சரியான பொருளாதாரக் கொள்கை அமைக்க தவறியதும் இன்றைய நிலைமைக்கு காரணமாகும். உண்மையான சமாதானத்தை விரும்பும் தலைவர்கள் இலங்கையில் இருந்திருந்தால் எந்த வித வெளி உலகத் தலையீடும் இன்றி நாமாகவே பேசி நமது பிரச்சினைகளுக்கு தீர்வு கண்டிருக்க முடியும். உள் நாட்டிலேயே அந்த தமிழ் மக்களால் தெரிவு செய்யப்பட்ட பிரதிநிதிகளுடன் பேசி எல்லாத் தீர்வையும் கண்டிருக்க முடியும். எத்தனையே கொடுத்த வாக்குறுதிகளை கடந்த காலங்களில் எந்த சிங்கள தலைவர்களும் நிறைவேற்றவில்லை.13ம் சரத்து கூட முழுமையாக நிறைவேற்றப்படவில்லை. இலங்கை தற்போது பெரும் பொருளாதார நெருக்கடியை எதிர் நோக்கியுளது இதனால் சில தளர்வுகளை ஏற்படுத்தி மேற்குலத்தை தனத பக்கம் திருப்பி இதில் இருந்து மீள்வதற்காக புலம் பெயர் தமிழருடனும் பேசத் தயார் என்ற அறிவிப்பானதில் உண்மை தன்மை இருக்குமா என்பது சந்தேகமே. அதே வேளை போர்க்கால நீதி விசாணையில் வெளி உலக தலையீட்டில் இருந்து தப்பிக்க உதவும் ஒரு யுத்தியாகவும் இதை பயன்படுத்த காய்களை கட்சிதமாக நகர்த்தப் பார்க்கிறது. இதை சரியான முறையில் புலம் பெயர் தமிழர்களும் அரசியல் வாதிகளும் புரிந்து விளங்கி அதில் உள்ள சூட்சுமம் அறிந்து காய்களை நகர்த்த வேண்டும் அணுக வேண்டும். ஒரு காலம் புலிகள் தான் பேச்சுவார்த்தைக்கும் தீர்வுக்கும் தடையாக இருக்கிறார் என்றவர்கள் இன்று எதையுமே வழங்க தயார் இல்லை. எவரினது அழுத்தமும் பலம் உள்ள நாடுகளின் மத்தியஸ்தமும் இல்லாமல் எந்த ஒரு காயையும் இலங்கையோடு நகர்த்த முடியாது எந்தக் கொம்பனாலும். இலங்கையின் இனப்பிரச்சினைக் கான இந்தப் 13 ம் சரத்துத் தீர்வும் இந்தியாவின் அழுத்தத்தினால் இரு இனங்களுக்கிடையிலான திணிப்பினால் வந்ததே தவிர இலங்கை தானாக தந்ததல்ல. அதுகும் வந்தது அப்போ தமிழர் பேரம் பேசக்கூடிய பலத்ததோடு இருந்ததனால் தான். இப்போ இருந்த ஒற்றுமையையும் தொலைத்து விட்டு உடைந்து சிதறி உள் நாட்டிலும் வெளி நாட்டிலும் இப்போ எதுகும் தமிழரிடம் இல்லை என்றாகியபின் எதைத் தான் தானாகத் தருவார்கள். எல்லாமே அவர் அவர் நலனுக்குகேற்ப உலகம் என்றாகிய பின் எங்கே அறமும் தர்மமும் மனிதாபிமானமும் இருக்கப் போகிறது. அதிகாரத்தை கையில் வைத்துக் கொண்டு இன்னும் இருட்டு அறையில் கருப்பு பூனையை தேடிக் கொண்டிருக்கிறார்கள். பா.உதயன்
  8. வானும் மண்ணும் எமக்கானால் மலையும் காற்றும் ஒன்றானால் மனிதன் பேசும் மொழி ஒன்றே நீயும் நானும் ஒரு சாதி.
  9. உடைந்து போய் கிடக்கிறது தமிழர் தலைமை- உடைந்து போய் கிடக்கிறது தமிழர் தலைமை ஒட்டவும் முடியாமல் உயர்த்தவும் முடியாமல் கட்சிக்கு ஒரு கொள்கை இல்லை ஆளுக்கு ஒரு கொள்கை அவர் அவரே தனித் தனியே ஆனால் வீட்டுக் கட்சி என்று மட்டும் பெயராம் வீணாய்த் தான் முடிஞ்சுபோச்சு கதையாம் ஈழம் கேட்டு வந்தவர்கள் எல்லாம் தாளம் மாறிப் பாடுறாங்கள் இப்போ உள்நாட்டிலும் வெளிநாட்டிலும் புலிக் காச்சல் பூனைக் காச்சல் இன்னும் விட்டுப் போகல்ல புதுசு புதுசாய் கதையை மட்டும் அளந்து தள்ளுறான் ஐயா சம்மந்தர் தம்பி சுமந்திரனோடு தனி வழியாம் அடுத்தவரின் சொல்லு ஒன்றும் கேட்பதில்லையாம் ஆங்கிலமும் சட்டமும் அவர்கள் மட்டும் படித்தவராம் அதனால் கொஞ்சம் தலைக்கனமாம் படித்தவனுக்கு இருப்பது இது பிழை இல்லை ஆனால் அடுத்தவனையும் மதிக்கவெல்லா தெரியவேண்டும் அவர்கள் சொல்லுவதையும் கேட்கவெல்லா வேண்டும் எல்லா முடிவும் இவர்கள் மட்டும் எடுப்பது தானம் கட்சிக்குள்ளே கலந்து பேசி எதுகும் இல்லையாம் ஆனா ஜனநாயகம் கதைக்க மட்டும் குறைச்சல் இல்லையாம் மக்கள் நம்பி தெரிந்து விட மாறி மாறி குத்துச் சண்டை என்ன செய்யப் போகிறார்கள் இனி உடைஞ்சு விளப்போகிறார்கள் அட ஒற்றுமையை தொலைத்து போட்ட தமிழன் ஆகிட்டான் உள்நாட்டிலும் வெளிநாட்டிலும் உடைஞ்சு கிடக்கிறான் கோவில் குளம் பள்ளி என்று கட்டி வைக்கிறான் பின்பு குடும்பச் சண்டை போல அதை போட்டுடைக்கிறான் மாறி மாறி தனி மனித வசை பாடுறான் ஆனா தாங்க மட்டும் பெரியார் போல் தலையை நிமிர்த்துறான் நடந்த பாதை தெரியாமல் கணக்குப் பண்ணுறான் அடுத்தவரின் பிழையை மட்டும் சொல்லிக் காட்டுறான் ஆனால் தன் பிழையை பூசிக் கீசீ புதைச்சு வைக்கிறான் தனக்கு மட்டும் தெரியும் என்று புளுகித் தள்ளுறான் ஆளுக்கு ஒரு அட்வைஸ் என்று சொல்லித் திரிகிறான் அந்த இஸ்ரேல்காரன் போல தன்னை நினைத்துக் கொள்கிறான் ஆனால் இவனைப்போல ஒன்று பட்டு நடக்கத் தெரியல்ல இவனுக்குள்ள இன்னும் கூட தெளிவு தெரியல்ல இனியும் கூட ஒற்றுமையாய் இருக்கத் தெரியல்ல இனி இறைவன் தான் காக்க வேண்டும் ஈழத் தமிழனை என்று அந்த தந்தை செல்வா சொன்ன கதை நினைவில் வருகுது. பா.உதயன்
  10. அற்புத ஈழத்து கலைஞன் வர்ணாராமேஸ்வரனுக்கு அஞ்சலிகள். தாயகக் கனவோடு சாவினை தழுவிய சங்கீத சுரமே ஒரு தரம் உனது விழியினைக் காட்டியே மறுபடி உறங்காயே உயிர்விடும் வேளையில் உன்னது வாயது உரைத்ததோ சங்கீதம் இங்கு கூவிடும் எங்களின் குரல்மொழி கேட்கிதா.
  11. சமத்துவம்- நோர்வே பாரளுமன்ற தேர்தல் “All men and women are born equal in the human sense” மூன்றாம் உலக நாடுகளில் முக்கிய பதவிகளிலும் பாராளுமன்ற அங்கத்துவ பங்கீடுகளிலும் ஏனைய அதிகாரம் மிக்க துறைகளிலும் பெண்களின் சமத்துவ உரிமையானது புறக்கணிக்கப்படுகின்ற போதும் Rousseau என்ற தத்துவவியலாளரின் கோட்பாட்டுக்கு இணங்க பிறக்கும் போதே மனிதன் சகல சமத்துவமான உரிமையோடு தான் பிறக்கிறான் என்ற அடிப்படையில் நோர்வே நாட்டில் பெண்களின் சமத்துவ உரிமையானது அங்கீகரிக்கப்பட்டு மதிப்பளிக்கப்படுவது அனைவரும் அறிந்ததே. ஸ்ரீ லங்காவை பொறுத்த வகையில் சிங்கள தமிழ் பிரதேசங்கள் அனைத்திலும் ஆண்களின் பிரதிநிதித்துவமே அதிகமாக இருக்கிறது. அமைச்சு பதவிகளிலும் பெண்கள் புறக்கணிகப்படுகிறார்கள். அதி தீவிர மத வாதத்தை அடிப்படையாக கொண்ட நாடுகளில் பெண்கள் மனிதரில்லை என்றும் குழந்தை மட்டும் பெற்று தரும் ஒரு உற்பத்தி பொருள் போன்று பார்க்கப்படுகிறார்கள்.(The only job of women is to give birth). இந்த அபத்தமான அநாகரிகமான செயல்களை அடியோடு நொருக்க வேண்டுமானால் அந்த பெண்கள் முன் வந்து போராட வேண்டும். இது இவர்களுக்கு உயிர் அச்சுறுத்தலுக்கு மத்தியில் தான் போராட வேண்டும் இதனால் பயத்தின் காரணமாக பலர் முன் வருவதில்லை. வெள்ளை இனத்தவர்கள் ஆக்கிரமிப்பின் பேரில் வந்து அரேபிய ஆசிய ஆப்பிரிக்க பெண்களுக்கு அந்த நாட்டு ஆண்களிடம் இருந்து விடுதலை பெற்றுத்தர முடியாது. எந்த ஆண் ஆதிக்க சமூகத்தில் இருந்து விடுதலை அடைவதற்கு அந்த பெண்களே முன் வந்து போராட வேண்டும். பெரும்பாலான ஐரோப்பிய நாடுகளில் பெண்களின் சமத்தும் பாதுகாக்கப்படுகிறது. நோர்வேயை பொறுத்த வரையில் இன் நாடு எல்லா வழிகளிலும் பெண் சமத்துவத்தை முன்னிலைப் படுத்துகிறது. அமைச்சு உயர் பதவி உட்பட பெண்களின் விகுதாசாரம் சமத்தும் கொண்டதாகவே இருக்கிறது. வெளிநாட்டுத்துறை உள்நாட்டு பாதுகாப்பு அமைச்சு உட்பட பல பெண்கள் முக்கிய அமைச்சு பதவிகளில் இருக்கிறார்கள். அண்மையில் நோர்வே பாரளுமன்ற தேர்தலில் பல கட்சிகளை பிரதிநிதுத்துவம் படுத்தும் பெண் வேட்பாளர்கள் வெற்றி அடைந்துள்ளனர். புலம் பெயர்ந்து இங்கு வாழும் வெளிநாட்டவர்கள் நோர்வே பிரஜாவுருமையை பெற்றவர்களும் வெற்றி அடைந்துள்ளனர். இது வரவேற்கத் தக்க ஒரு வரலாற்று நிகழ்வாகும். அந்த அடிப்படையில் ஈழத்து பெண்மணி ஒருவரும் தொழிற் கட்சியின் சார்பில் போட்டியிட்டு வெற்றியடைந்துள்ளார். இவரைப் போலவே இன்னும் பல வெளி நாட்டுப் பின்னணியைக் கொண்ட பெண்கள் வெற்றி பெற்று பாராளுமன்றத்திற்கு தெரிவாகியுள்ளனர். இவருக்கும் இவரைப் போல் வெற்றி பெற்று பாராளுமன்றம் செல்லும் பெண் உறுப்பினர்களுக்கும் பலர் வாழ்த்து தெரிவிப்பது மகிழ்ச்சியே. ஒடுக்கப்பட்ட உரிமை மறுக்கப்பட்ட நாட்டின் பின்னணியில் இருந்த வந்த பிணைப்புகளோடு பல சிறு பான்மை இன வேட்ப்பாளட்கள் இந்த கடினமான பாதைகளின் ஊடாகவே அவர்களின் அடையாள கலாச்சார நம்பிக்கைகளோடும் மேலும் வாழும் இந்த நாடு கொடுத்த சக்தியோடும் கடந்து வந்திருக்கிறார்கள். இவர்களில் பலர் தம் தாய் நாடுகளில் முகம் கொடுத்த யுத்தம், அடக்கு முறை, ஒடுக்கு முறை, ஆண் ஆதிக்கம்,பேரினவாதம், இனவாத மோதல், இனவெறி, சமத்துவமின்மை போன்ற ஒடுக்கு முறைகளினாலும் மேலும் சிலர் தொழில் நிமிர்த்தம் கருதியும் புலம் பெயர்ந்த பின்னணியைக் கொண்டவர்கள். ஆதலால் இவர்கள் பணி தனியவே அன் நாட்டின் தேசிய அரசியலை மட்டும் பிரதிநிதிதுவது மட்டும் போல் அமையாது அறம் சார்ந்த அரசியலாக தம் மொழி தம் இனம் பெண் ஒடுக்கு முறை சார்ந்தும் இவர்கள் குரல் கொடுக்க வேண்டும். இந்த ஒடுக்கு முறைகளால் பாதிக்கப்பட்டவர்களின் வாக்குகளினாலும் இவர்களின் வெற்றி தீர்மானிக்கப்பட்டது என்பதை மறந்து விடக் கூடாது. உங்களுக்கு வாக்களித்த எல்லா மக்களின் உரிமை சார்ந்து நீங்கள் பேச வேண்டும். முன்பு இருந்த உலகை விட இன்று இந்த உலகு அரசியல் பொருளாதார சுய நல சுரண்டல்களும், உலகு வன்முறையும் , ஒடுக்கு முறையும் , அதி தீவிரவாத மதத்தை முன்னிலைப்படுத்திய வன்முறைகளும் பயங்கரவாதமும், கலவரங்களும், பெண் ஒடுக்கு முறையுமாக தர்மத்தின் அச்சில் உலகம் சுளரவில்லை ஆதலால் உலக சமாதானம் அமைதி வேண்டி குரல் கொடுப்பீர். நோர்வே சிறிய நாடக இருந்த போதிலும் சமாதானத்துக்கான நோபல் பரிசு உட்பட பல நாடுகளிடையே சமாதானத்தை ஏற்படுத்தக் கூடிய தீர்வு முயற்சியில் குறிப்பாக பாலைதீன போராட்டம் உட்பட தமிழர் தீர்வு உட்பட முக்கிய பாத்திரத்தை வகித்த அல்லது எதிர் காலத்தில் வகிக்கக் கூடிய நாடும் கூட இருந்த போதிலும் இன்னும் பல மிகவும் சக்தி வல்லமை மிக்க நாடுகளான பிரித்தானிய பிரான்ஸ் ஜெர்மனி போன்ற நாடுகளிலும் அந்த அரசியலிலும் நாம் சொல்வாக்கு செலுத்துவர்களாக புலம் பெயர் தமிழர்கள் மாற வேண்டும். உனக்கான விடுதலையை நீயே தேட வேண்டும் ஊக்கிவிக்க வேண்டும். அறிவுசார் ( Intellectual) புலமை சார் மனிதர் போல் அடிக்கடி பெண் விடுதலை என்றும் அரசியல் கருத்தரங்கு என்றும் இலக்கியச் சந்திப்பு என்றும் கதைத்தும் எழுதியும் வந்தால் மாத்திரம் போதாது அதன் படி நடக்க வேண்டும். சுய நலன்களோடும் சந்தர்பவாதங்களோடும் கூடிய சமரசங்களோடு பெயருக்கும் புகழுக்கும் அங்கீகாரத்துக்கும் மாத்திரம் இன்றி பொய் முகங்களை கழட்டி உண்மை மனிதராக நாம் எல்லாம் மாறவேண்டும். பா.உதயன்
  12. ஆட்டம் காண்கிறதா சிறி லங்கா-பா.உதயன் அன்னியச் செலாவணி கையில இல்லையாம் அத்தியாவசிய பொருளும் வாங்கவும் முடியாதாம் எல்லாப் பொருளும் இப்போ தங்கத்தின் விலையாம் பண வீக்கம் கூடி பாணுக்கும் பாலுக்கும் பஞ்சமாம் நாட்டில ரோட்டில நிற்கினம் சனங்கள் இப்போ சரியான பொருளாதாரக் கொள்கையும் இல்லை நாட்டில இப்போ கால் ஊண்டிப் போட்டான் சீனாக் காரான் சிறி லங்காவில அரைவாசியை வேண்டியும் போட்டான் இவன் வட்டிகள் எல்லாம் குட்டி போட்டு கடனைக் கட்டவும் காசும் இல்லை லங்காவிடம் எடுத்த கடனும் இப்போ கூடிப் போச்சு இனி எடுக்கவும் முடியாது கொடுக்கவும் முடியாது மத்திய வங்கியும் சொல்லியும் போட்டுது கையில இப்போ காசும் இல்லயாம் கவுனரும் இப்போ மெல்லமா நழுவுறேர் அபிவிருத்தி கதைச்சவையும் ஆடித்தான் போச்சினம் அரசின் சூத்திரம் அறியாத மனிதரோ இல்லை அறிந்து தான் தாமும் தம் பைகளை நிரப்பவோ கொரோனாவால் மட்டும் கொழும்பு சரியவில்லை உங்கள் கொள்கையிலும் பிழைகள் உண்டு எத்தனையோ ஏழை நாடு உங்களைப் போல் தான் இருந்தாலும் இலங்கை போல் தாளாமல் நடக்குது இனி உங்கள் யுத்தத்தின் வெற்றியை தள்ளி வையுங்கள் பேரினவாதம் பேசுவதை நிறுத்துங்கள் தர்மத்தின் வழி நின்று உண்மையை பேசுங்கள் சமாதானக் கதவை திறந்து விடுங்கள் தமிழரின் உரிமையை கொடுத்து விடுங்கள் தானாக வந்து முதலீடு செய்ய தமிழன் கூட காத்துக் கிடக்கிறான் மாற்றம் ஒன்று மட்டும் மாறாதது மக்களும் இனி மாறாத்தான் வேணும் நாட்டுக்காய் உழைக்கும் தலைவரை தெரியத்தான் வேண்டும் இல்லையேல் இப்படிதான் இந்த நாட்டின் எதிர்காலம் பிழையாகும். பா.உதயன்
  13. தங்கள் சுய நலன் கருதியும் சந்தர்ப்பங்களுக்கு ஏற்ப சிலர் மாறுவார்கள் இவர்களை எனக்கும்பிடிப்பதில்லை.கருத்துக்கு நன்றிகள் ஐயா. பலதும் பத்தும் சேர்ந்தது தான் சமூகம் சுவே நீங்கள் சொல்வதில் உண்மை இருக்கிறதும்.இருவரின்கருத்துக்கும் நன்றிகள்.
  14. ஆதிக்க சக்திகளினது நலனும் ஆப்கானிஸ்தான் விடுதலையும்-பா.உதயன் தலிபான்கள் ஆப்கானிஸ்தானையும் அந்த மக்களையும் விடுதலை செய்தார்கள் என்றால் ஏன் அந்த மக்கள் அவர்களை வரவேற்று வீதியில் இறங்கி கொண்டாடுவதற்கு பதிலாக அந்த மக்கள் தங்கள் நாட்டை விட்டு ஓடிக்கொண்டிருக்கிறார்கள். பல பெண் ஊடகவியலா ளர்கள், கலைஞர்கள், புத்தியீவிகள் பலர் அழுதபடியே தங்கள் இருத்தல் பற்றியும் அடிப்படை மதவாதிகளால் நடைமுறைக்கு கொண்டு வர இருக்கும் சரியா சட்டங்கள் பற்றியும் பயத்துடன் பேசுவதை ஊடகங்கள் ஊடக அறிகிறோம். அந்த மக்கள் வெறுக்கும் இந்த பஸ்தூன் தலிபான்களோடு எப்படி சமரசம் செய்து கொண்டிருக்கிறார்கள் சுய நலனோடு பல நாடுகள். இந்திய முன்னை நாள் நிதி அமைச்சரும் மூத்த அரசியல் வாதியுமாக இருந்து பல பயங்கரவாதத்தை பார்த்தவராகவும் இருந்த Yaswant Singa இந்திய Times என்ற தொலைக் காட்சிக்கு வழங்கிய பேட்டியிலே பின் வருமாறு கூறுகிறார் நோர்வேயின் அணுசரணையோடு நடந்து விடுதலைப் புலிகளுடனான பேச்சு வார்த்தையில் பார்வையாளராகக் கூட இந்தியா பங்கு கொள்ளாத போதும் வரலாற்றில் நடந்த பல துன்பகர நிகழ்வுகளை எல்லாம் மறந்து பெரும் பயங்கரவாத கொலைகள் கடத்தல்கள் மிகவும் பழமையும் தொன்மையும் பிரச்சித்தியும் வாய்ந்த பாமியான் பள்ளத்தாக்கில் அடையாளமாக அமைந்திருந்த புத்தரின் சிலை உடைப்பு உட்பட காரணமானவர்களோடு டோகாவில் நடந்த அமெரிக்கா தாலிபான்களுக்கிடை யிலான சமாதான உடன்படிக்கை போச்சுவார்த்தையில் இந்தியா கலந்து கொண்டது எப்படி என்று கேட்க்கிறார். தமிழ் இனத்துக்கு எதிராக நடந்தேறிய இனப் படுகொலைகளை இவர்கள் ஏன் கண்டிக்கவில்லை. இருந்த போதும் இந்தியா எந்த முடிவையும் இப்போதைக்கு எடுக்காமல் (Strategic waiting ) மூலோபாய காத்திருப்பு போல் தலிபான்களின் மாற்றத்திற்காக காத்திருப்பது போல் தெரிகிறது. சீனா மட்டும் ஆரம்ப காலங்களில் தாலிபானை ஆதரிக்காது போதும் இன்று அதன் பல சுய நலன்கள் கருதி தலிபானின் ஆட்சியை அங்கீகரிக்கவுள்ளது. அமெரிக்கா கொடுத்த அதி நவீன ஆயுதங்களோடு கூடிய ஆப்கானிய தேசிய இராணுவத்தை விட அரைவாசி அளவு கூட இல்லாத தாலிபான்களால் எப்படி எந்தவித எதிர் தாக்குதலும் இன்றி நடந்தே காபூலுக்குள் நுழைய முடிந்தது. இரண்டு பெரிய சக்தி மிக்க எதிரிகளான சீனாவையும் அமெரிக்காவையும் தனது நிகழ்ச்சி நிரலில் கொண்டு வந்து இருவரையும் தனது நண்பன் போல் ஆக்கிக் கொண்டு அருகில் பாகிஸ்தானோடும் உறவை வளர்த்து இந்தியாவை பெரும் சிக்கலுக்குள் மாட்டி விட்டு ஆட்சிக்கு வர இருக்கும் தாலிபான்களால் இன்னும் எத்தனை காலம் ஆப்கானிஸ்தானை தொடர்ந்து ஆள முடியும். மத அடிப்படை வாதிகளால் ஒரு சமூக மாற்றத்தை கொண்டு வர முடியுமா. இன்னும் எத்தனை ஆக்கிரமிப்பு படைகள் திரும்பவும் ஆப்கானிஸ்தானுக்குள் நுழைவார்கள். அமெரிக்க படைகளால் விட்டுச் செல்லப்பட்ட ஆயுதங்களும் மற்றும் ஆப்கானிஸ்தான் படைகளிடம் இருந்து தலிபான்களுக்கு கிடைத்த பெருமளவு ஆயுதங்களையும் எதிர் காலத்தில் யாருக்கு எதிராக திருப்பப் போகிறார்கள். சோவியத் அமெரிக்கா பனிப் போரோடு தொடங்கிய ஆப்கானிஸ்தானின் ஆடுகளமும் அவர்களால் உருவாக்கிய குழுக்களும் இன்னும் எத்தனை களங்களை காணவிருக்கிறது. எப்படியான ஆட்சியை ஆப்கானிஸ்தாலில் கொண்டு வர முயல்கிறார்கள் . பயங்கரவாதத்தோடு கூடிய ஆட்சியா அல்லது ஜனநாயகத்தோடு எல்லோரும் சம உரிமையோடு வாழும் ஆட்சியை எதிர் காலத்தில் ஒரு மாற்றங்களோடு தாலிபான்களால் ஆட்சி நடத்த முடியுமா. அல்லது இவர்களுக்கு எதிரான குழுக்களுக்கும் இவர்களுக்கும் இடையில் ஒரு மோதலை அதிகாரம் மிக்க நாடுகள் மீண்டும் ஏற்படுத்துவார்களா. இந்தியா, பாகிஸ்தான், சீனா, ரசியா அமெரிக்கா போன்ற நாடுகளுக்கு இடையிலானா உறவுகளில் இனி எப்படியான மாற்றங்கள் எதிர் விளைவுகள் ஏற்படலாம். எனவே இந்தப் பெரிய பேரரசுக ளுக்கு இடையிலான அதிகார நலன் சார் ஆட்டம் 18 ம் நூறாண்டில் இருந்து தொடங்கிய Angelo Afghan யுத்தத்தில் இருந்து பெரிய காய் நகர்தல் விளையாட்டு (Great Game) எப்போ முடிவுக்கு வரும். மத தீவிரவாத்தையும் பயங்கரவாதத்தையும் தாண்டி ஆப்கான் மக்கள் தங்கள் ஜனநாயக உரிமைக்காக போராடி தங்கள் தேசத்தை தாங்களாகவே மீட்டெடுப்பார்களா. இவைகள் எல்லாம் மில்லியன் டொலருக்கான கேள்வியாகவே இன்று இருக்கின்றன. பயங்கரவாதத்தை கையில் எடுத்தும் இவ்வளவு இராஜதந்திர ரீதியாக காய் நகர்த்திய தாலிபான்களுக் தாங்கள் ஒரு மாற்றத்துக்கு வராது போனால் தொடந்து ஆட்சியை கொண்டு நடத்த முடியாது என்றும் உலக அங்கீகாரத்தை பெற முடியாது என்றும் தெரிந்திருக்கும் என்றும் எண்ணத் தோன்றுகிறது. அமெரிக்கா சோவியத் யூனியனோடு தொடங்கிய இந்த பூகோள ஆதிக்க நலன் சார் அரசியல் பனிப் போர் வரலாறு இன்று சீனா அமெரிக்க பாகிஸ்தான் இந்தியா என்று பரந்து இன்னும் ஒரு ஒழுங்கோடு பயணிக்கவிருக்கிறது. எல்லாமே ஆதிக்க சக்திகளினதும் நலனிலும் அவர்களால் உண்டாக்கப் பட்ட உலக ஒழுங்கிலும் அதன் நிகழ்ச்சி நிரலிலும் எல்லாமே நடந்தேறுகின்றன. பா.உதயன்
  15. தமிழ் சிறி,புரட்சிகர தமிழ் தேசிகன் தங்கள் கருத்துக்களுக்கு நன்றிகள்.
  16. கதையைக் கேட்டியேடி கமலா மாமி கந்தையற்ற பொடியன் கணக்கில பெயிலாம் பொன்னையா வாத்தியின் கடைசிப் பொட்டை பொடியனைப் பிடிச்செண்டு ஓடிற்றாளாம் யாருக்குத் தெரியும் இவ்வளவு காசு எப்படி வந்ததெண்று இந்தப் பெரிய வீடு கட்டுகினம் மல்லிகா டீச்சரின் மகள் இத்தினை வயசாப் போச்சு இன்னும் இருக்கிற கட்டாமல் ஏழிலை செவ்வாயாம் என்னமோ நடக்குது ஒன்றும் சொல்லுகினம் இல்லை கன பேர் வந்து போகினம் அவளுக்கு வாய் கூட விட்டிட்டு இருக்கிறாளாம் வெளியில தெரியாமல் ஏதோ பெரிசா கதைக்கினம் எப்ப வந்தது இவைக்கு எல்லாம் இவை எந்த ஊர் எந்தப் பேர் வழி என்று எங்க போய் விழுந்தவை எங்களுக்கு தெரியாதா அடுத்த வீட்டு அம்பிகா அக்காவின் பிள்ளை ஆட்ஸ்சாம் ஏதோ அரசியல் படிக்கப் போறாவாம் என்ர மகள் மருத்துவம் படிக்கப் போறாள் அடுத்த வீட்டுக்காரன் கதை என்றால் அலுவா தின்னும் உருசி போல எம்மவர் பலருக்கு ஏனோ தெரியவில்லை அவர்கள் அப்படித் தான் இவர்கள் இப்படித் தான் என்பார்கள் ஆனால் தங்கள் பிழைகளை மறைத்து புத்தர் போல போதனை செய்வார்கள் இன்னும் சிலர் இருக்கிறார்கள் தம்மை மட்டும் அறிவாளிகள் போல் காட்டிக் கொள்வார்கள் என்ன இவருக்கு தெரியும் என்று தன்னை பெரியார் போல பேசிக்கொள்வார்கள் இதை விடக் கொடுமை ஒரே வயிற்றில் கிடந்த உறவுகள் நடத்தும் பாகப்பிரிவினை அதை விடக் கொடுமை அண்ணன் தம்பி அக்கா தங்கை ஆளுக்கு ஆள் திட்டித் தீர்த்து அவர் ஒரு கதை இவர் ஒரு கதையாய் எதுகுமே புரியாத கதையாய் வன்மமும் வக்கிரமாய் மாற்றம் இல்லாமல் மனிதன் வாழ்ந்தால் அவன் வாழும் வாழ்வில் அர்த்தம் ஏது. பா.உதயன் காலங்கள் மாறும்போது மனிதர்களும் மாறித்தான் ஆக வேண்டும் -எழுத்தாளர் ஜெயகாந்தன்
  17. உங்கள் கருத்துக்கு நன்றிகள் சுவே.
  18. எழுத்தும் வாசிப்பும் இசையும் தேடலும் இல்லாமல் போனால் மனிதர் என்ன இந்த பூமி கூட அமைதியாய் அடங்கிவிடும்.அழகான செய்தியை சொல்லி இருக்கிறார் நெரூடா.நன்றிகள் பகிர்வுக்கு
  19. ஐரோப்பிய ஆதிக்கக் கப்பல் ஆட்டம் காண்கிறதா-பா.உதயன் சீனாவின் பெரும் அலையோடு மோதி மூழ்கிக்கொண்டிருகிறதா இருநூறு வருட கால ஐரோப்பிய அதிகார ஏகாதிபத்தியம். முழித்து விட்டது ஆசியாவில் படுத்திருந்த சிங்கம் ஒன்று. இப்போ வேட்டை ஆட ஆரம்பித்து விட்டது . கொஞ்சம் ஆடித்தான் போய் இருக்கிறார்கள் ஐரோப்பியரும் அமெரிக்கரும். ஆசியாவில் இருந்து புறப்பட்ட றகன் ஒன்று அனைத்து உலக வேலிகளையும் அறுத்துக் கொட்டி கொழுத்து பெருத்து இருக்கிறது பொருளாதார பெருச்சாளி ஒன்று. நெப்போலியன் சீனாவை பார்த்து சொன்னது போலவே ஆசியாவில் சிங்கம் ஒன்று உறங்கிக்கொண்டிருக்கிறது. அது முழிக்கும் போது உலகம் தாங்காது “என்றான் Let China Sleep, for when she wakes, she will shake the world,” அதே போல் கொழுத்த பணக்கா ரர்கள் கூடும் G7 கூட்டத் தொடரிலே சீனாவின் றகனை எப்படி அடக்கலாம் என்றும் மூழ்கிக் கொண்டிருக்கும் தங்கள் கப்பலை எப்படி மீட்காலம் என்றே எல்லா அண்ணமாருக்கும் தலை இடி. எங்கள் பக்கத்து நாடு அண்ணன் இந்தியாவுக்குக் கூட. சீனாவின் பட்டுப் பாதை (Belt and Road) திட்டம் இப்போ எட்டுத் திக்கும் சுத்தி வளைக்குது. எங்கு பார்த்தாலும் மண்டரின் மெல்ல முளைக்குது. என்ன செய்யப் போகிறது ஐரோப்பாவும் அமெரிக்காவும் இந்தியாவும். சீனாவால் அமைதியாகவும் சமாதானமாகவும் முன்னேற முடியுமா என்ற கேள்வியும் பல அரசியல் ஆய்வாளர்களால் பேசப்படுகிறது. சீனாவின் பட்டிப் பாதை அபிவிருத்தியை அதிகாரதின் ஆதிக்கம்( Authoritarian threats) என்று தலைமை நாடுகள் விமரிசித்து இருக்கிறது. அதே தலை இடி இப்போ இந்தியாவுக்கும். அதன் அருகில் இருக்கும் ஆசிய நாடுகள் பல சீனாவின் வலையில் அகப்பட்டுப் போயினர். அரசியல் பொருளாதார நலன்களிலே ஆடும் ஆட்டத்தில் யார் காயை சரியாக நகர்த்துகிறார்களோ அவர்களே வெற்றி பெறுவார்கள் என்பது போல் (Geo politics like a chess game the player that make a right move wins). சீன இராஜதந்திரம் ஆட்டம் காண வைத்திருக்கிறது உலகை. அதிகாரத்தில் இருந்தவர்கள் எல்லாம் இப்போ ஆடிப்போய் இருக்கிறார்கள். அருகில் உள்ள நாடு ஸ்ரீ லங்காவிலும் சீனாவின் ஆதிக்கத்தினால் ஆசியாவின் சக்கி மிக்க நாடு இந்தியா என்ற வல்லாதிக்கத்தை இழப்பதோடு இதன் பாதுகாப்புக்கும் பூகோள அரசியல் மூலோபாய நகர்வுகளுக்கு இது இந்தியாவுக்கு பெரும் தலை இடியாக மாறியுள்ளது. இந்திய வெளி விவகார இராஜதந்திர நகர்வு பெரும் பின்னடைவை சந்தித்ததோடு இனி வரும் காலம் இந்தியா எவ்வாறான உறவை ஸ்ரீ லங்காவோடு பேணப்போகின்றது என்பதே இப்போதுள்ள எதிர்பார்ப்பாகவும் இருக்கிறது. இந்தியாவின் பொருளாதார நலன் சார்ந்தும் ஈழத்தமிழர் இனப் பிரச்சினை சார்ந்தும் இந்தியாவின் இராஜதந்திரமும் சர்வதேச தொடர்பும் சறுக்கி இருப்பது இப்போ தெரிகிறது. அமெரிக்காவின் சிக்காக்கோ பல்கலைக்கழகத்தின் சர்வதேச தொடப்புகளுக்கான கற்கை நெறியின் பேராசிரியரும் ஆன John Mearsheimer தனது நூலிலே பெரும் அதிகார சக்திகளின் அரசியல் சோகம் என ஆதிக்க சக்திகளின் இன்றைய உலக ஒழுங்கு சார்ந்து சீனா என்ற பெரிய சக்தியினால் சமாதானமாய் மீள் எழுச்சி கொள்ள முடியுமா என்று கேட்டிருக்கிறார். Can China rise peacefully? அப்படி சீனாவால் முடியாது என்றே அவரின் வாதம் இருக்கிறது. அயல் நாடு இந்தியாவோடு பகைத்துக் கொண்டு அதன் எல்லையை தாண்டி பல இந்திய பிரதேசங்களை ஆக்கிரமித்துக் கொண்டும் அதே வேளை ஜப்பான் உட்பட பல நாடுகள் சீனாவின் ஆதிக்கத்தை ஒரு பய உணர்வோடே பார்க்கின்றனர் என்கிறார். அதே வேளை சீனாவால் முன்னெடுக்கப்படுகின்ற ஆசிய ஆபிரிக்க நாடுகளுக்கு இடையிலான பாரிய பொருளாதார அவிவிருத்தியானது சீனா இவர்களுக்கு வழங்கும் கடன் அடிப்படையிலானதும் சீனாவுக்கே சொந்தமான ஓப்பந்தங்களின் மூலமாகவே செய்யப்படு கின்றன. இந்தக் கடனை வறிய நாடுகள் திருப்பி பெரும் வட்டியோடு செலுத்துவதில் பெரும் கஸ்ரங்கள் ஏற்படலாம். இது பெரும் பிரச்சினையை சீனாவுக்கும் இந்த நாடுகளுக்கு இடையில் ஏற்படுத்தி விடலாம் என்றும் இப்படி பல காரணங்களை குறிப்பிட்டு கூறும் இவர் அமெரிக்கா பனிப் போர் உட்பட இரண்டாம் உலக மகா யுத்தம் என்றும் பல முக்கிய போர்களை வென்றது என்றும் இதன் இராணுவ பலத்தை குறைத்து மதிப்பிட முடியாது என்றும் வாதாடுகிறார் . இதையே Joseph nye என்ற அமெரிக்க ஹாவ்ர்டு பல்கலைக்கழகத்தின் சர்வதேச தொடர்புகளுக்கான பேராசிரியரும் மென் சக்தி(Soft power) என்ற அரசியல் கேட்பாட்டை கூறியவருமான இவர் அமெரிக்காவை சீனாவால் வெற்றி கொள்ள முடியாது என்றே கூறுகிறார். இது இப்படி இருந்தபோதும் இவரது இந்த (soft power diplomacy) மென்வலு இராஜதந்திரத்தையே சீனா கையாள்கிறது. யுத்தம் செய்யாமலேயே பல நாடுகளை பாரிய அபிவிருத்தி என்ற போர்வையில் தம்வசப் படுத்தியுள்ளது. இவை எல்லாவற்றிக்கும் மாறுபட்ட கருத்தை சிங்கப்பூரின் லீ குவான் பல்கலைக்கழகத்தின் சர்வதேச அரசியலுக்கான பேராசிரியரும் சிங்கப்பூருக்கான ஐ நாவின் முன்னை நாள் நிரந்தர பிரதிநிதியுமான Kishore Mahbubani தனது நூலான சீனா வென்றுவிட்டதா (Has China won) என்று தான் எழுதிய நூலில் ஆம் சீனா வென்றுவிட்டது 200 வருட ஐரோப்பி யர்களின் ஆதிக்க கப்பல் மூள்கிக்கொண்டிருக்கிறது என்றும் சீனாவால் அமைதியாகவும் சமாதானமாகவும் முன்னேற முடியும் என்றும் பல ஆதாரங்களை முன் வைத்து வாதிடுகிறார். எது எப்படி இருந்தாலும் சீனாவின் ஆதிக்கம் இன்று உலகம் பூராகவும் பரவி இருப்பது அமெரிக்க ஐரோப்பிய நாடுகளிடையே ஒரு பயத்தை உண்டு பண்ணி இருப்பதை மறுக்க முடியாது. இதையே இறுதியாக கூடிய G 7 நாடுகளுக்கு இடையே பேசப்பட்ட முக்கிய விடியங்களாகவும் அதே வேளை சீனாவை எதிர்த்து இதன் பாரிய ஆதிக்க சவாலை எப்படி முறியடிக்கலாம் என்ற செயல் திட்டத்தை முன் வைத்துள்ளார்கள். சீனாவின் வலைக்குள் சிக்கிக் கொண்ட நாடுகளை எப்பிடி மீண்டும் தமது மென் வலுவை (Soft power) இராஜதந்திர மூலம் வென்றெடுக்கலாம் என்று சீனாவைப் போன்று இன்னமும் ஒரு பட்டுப் பாதை திட்டத்தை 7 நாடுகள் கூட்டத் தொடரிலில் பரிந்துரைக்கப்பட்டுள்ளது. இன்னும் ஒரு முக்கிய சர்வதேச கற்கை நெறிக்கான அமெரிக்கா பேராசிரியர் Francis Fukuyama வரலாற்றின் முடிவு (End of history) என்ற தனது நூலிலே அமெரிக்காவுக்கும் சோவியத் யூனினியனுக்கும் இடையிலான பனிப் போரின் முடிவின் பின் வரலாறு ஒன்று முடிவுக்கு வந்ததாகவும் இந்த முடிவின் மூலம் ஐரோப்பிய அமெரிக்கா திறந்த பொருளாதார முதலாளித்துவமே இறுதியில் வென்றதாகவும் தன் நூலிலே எழுதினார். ஆனால் இன்று அந்த வரலாற்று முடிவு வேறு ஒரு திசையில் பயணித்து சீனாவின் ஆதிக்கத்தோடு தொடர்கிறது என்று பார்க்கக் கூடியதாக உள்ளதாக அரசியல் ஆய்வாளர்கள் விளக்குகிறார்கள். இனி வரும் காலம் கலாச்சாரங்களுக்கு இடையிலான யுத்தமாக (Clash of Civilizations ) தொடரும் என்று மிகவும் முக்கியம் வாய்ந்த நூலான கலாச்சாரங்களின் யுத்தம் என்ற தனது நூலிலே Samuel Huntington என்ற அமெரிக்க அரசியல் பேராசிரியர் எழுதியிருந்தார். அமெரிக்க ஜனாதிபதியாகவிருந்த நிக்ஸ்சன் காலத்தில் அவருக்கான ஆலோசகர்களில் ஒருவராகவும் இருந்திருக்கிறார். ஐரோப்பிய கலாச்சாரமும் அமெரிக்க கலாச்சாரமும் ஆசியா சீனா கலாச்சாரத்தோடு மோதும் ஒரு நிலையை ஏற்படுத்தி உள்ளது போல் தான் ஆய்வாளர்க ளால் பேசப்போடுகிறது. அமெரிக்க ஐரோப்பிய கைகளில் இருந்து ஆதிக்க அரசியல் சீனாவின் கையில் மாறிப் போகுமா சீனாவின் பெரும் சக்தி வாய்ந்த தலைமையில் புதிய உலக ஒழுங்கில் பூமி சுற்றுமா என்று இனி வரும் காலங்கள் பதில் சொல்லும். -பா.உதயன்
  20. விசுகு,சுவே,புரட்சிகர தமிழன் ,Paanch உங்கள் கருத்துக்கு நன்றிகள் .
×
×
  • Create New...

Important Information

By using this site, you agree to our Terms of Use.