நவீனன்

அரசியல் கைதிகள் விவகாரம் – செவ்வாயன்று மற்றொரு கலந்துரையாடல் அரசியல் கைதிகள் விவகாரம் தொடர்பாக, எதிர்வரும் செவ்வாய்க்கிழமை மற்றொரு கலந்துரையாடல் நடத்தப்படவுள்ளதாக தகவல்கள் தெரிவிக்கின்றன. அரசியல் கைதிகளின் விவகாரம் தொடர்பாக அலரி மாளிகையில் நேற்றுமுன்தினம் சிறிலங்கா பிரதமர் ரணில் விக்கிரமசிங்க, தமிழ்த் தேசியக் கூட்டமைப்பின் தலைவர் இரா.சம்பந்தன் மற்றும் சுமந்திரன், நீதியமைச்சர் தலதா அத்துகோரள, சட்டமா அதிபர் ஜயந்த ஜயசூரிய ஆகியோருக்கு இடையில் முக்கிய கலந்துரையாடல் ஒன்று இடம்பெற்றது. இதன்போது, பயங்கரவாத தடைச்சட்டத்தின் கீழ் தடுத்து வைக்கப்பட்டுள்ள அரசியல் கைதிகளுக்கு பொதுமன்னிப்பு அளித்து விடுவிக்குமாறு இரா.சம்பந்தன் வலியுறுத்தியிருந்தார். அதேவேளை, அரசியல் கைதிகளுக்கு எதிரான வழக்குகளை விரைவாக விசாரிக்க நடவடிக்கை எடுப்பதாக, சட்டமா அதிபர் உறுதியளித்திருந்தார். இந்தநிலையில், அரசியல் கைதிகள் விவகாரத்துக்கு தீர்வு காண்பது தொடர்பாக மற்றொரு சுற்று கலந்துரையாடல் எதிர்வரும் செவ்வாய்க்கிழமை நடைபெற ஏற்பாடாகியுள்ளது. நீதியமைச்சில் நடக்கவுள்ள இந்தக் கலந்துரையாடலில், கூட்டமைப்பு மற்றும் அரசதரப்பு பிரதிநிதிகள் பங்கேற்பர் என்று தகவல்கள் தெரிவிக்கின்றன. http://www.puthinappalakai.net/2018/09/28/news/33134

உண்ணாவிரதமிருக்கும் அரசியல் கைதிகள் சிறிலங்கா அதிபருக்கு கடிதம் அனுராதபுர சிறைச்சாலையில் உண்ணாவிரதப் போராட்டத்தில் ஈடுபட்டுள்ள 10 தமிழ் அரசியல் கைதிகளும், ஒன்பது ஆண்டுகளுக்கு மேலாக சிறையில் இருக்கும் தம்மை நிபந்தனையின்றி விடுதலை செய்யுமாறு கோரி, சிறிலங்கா அதிபர் மைத்திரிபால சிறிசேனவுக்கு கடிதம் ஒன்றை எழுதியுள்ளனர். சிறைக்கைதிகளின் உரிமைகளைப் பாதுகாப்பதற்கான குழுவின் உறுப்பினர்கள் இன்று இந்தக் கடிதத்தை, சிறிலங்கா அதிபர் செயலகத்தில் கையளிக்கவுள்ளனர். சிறைக்கைதிகளின் உரிமைகளைப் பாதுகாப்பதற்கான குழுவின் உறுப்பினர்கள் நேற்று உண்ணாவிரதப் போராட்டத்தில் ஈடுபட்டுள்ள அரசியல் கைதிகளான, சுலக்சன், திருவருள், தபரூபன்,சிவசீலன், ஜெயச்சந்திரன், ஜெகன், நிர்மலன், தில்லைராஜ் உள்ளிட்ட 10 அரசியல் கைதிகளையும் பார்வையிட்டனர். இதன்போதே, 10 அரசியல் கைதிகளும் கையெழுத்திட்ட, சிறிலங்கா அதிபருக்கான கடிதம், சிறைக்கைதிகளின் உரிமைகளைப் பாதுகாப்பதற்கான குழுவின் தலைவரான சேனக பெரேராவிடம் கையளிக்கப்பட்டது. இதுகுறித்து கருத்து தெரிவித்த சிறைக்கைதிகளின் உரிமைகளைப் பாதுகாப்பதற்கான குழுவின் தலைவரான சேனக பெரேரா, ”தற்போது பயங்கரவாத தடைச்சட்டத்தின் கீழ் தடுத்து வைக்கப்பட்டுள்ள 107 அரசியல் கைதிகளில், பெரும்பாலானவர்களுக்கு எதிராக வழக்கு நடந்து கொண்டிருக்கிறது. சிலருக்கு தண்டனை விதிக்கப்பட்டுள்ளது, சிலர், வழக்கு தாக்கல் செய்யப்படாமல் ஒன்பது ஆண்டுகளுக்கு மேலாக, தடுத்து வைக்கப்பட்டுள்ளார்கள். பெரும்பாலான வழக்குகளில் அரசியல் கைதிகளின் குற்ற ஒப்புதல் வாக்குமூலமே, ஒரே சான்றாக முன்வைக்கப்பட்டுள்ளது. அரசியல்வாதிகள் தம்மை ஏமாற்றி வருவதாகவும், அதனால் அரசியல் வாக்குறுதிகளில் நம்பிக்கையிழந்து போயிருப்பதாகவும் அவர்கள் எம்மிடம் தெரிவித்தனர். அரசியல் கைதிகளில் பெரும்பாலானவர்களுக்கு இன்னமும் சிறைத்தண்டனை வழங்கப்படாத போதும், நீண்டகாலம் சிறையில் இருப்பதால் பெரும் தண்டனையை அனுபவித்திருக்கிறார்கள். அவர்கள் அரசியல் கைதிகளாக இருக்கிறார்கள். அவர்கள் பெற்றோரை இழந்திருக்கிறார்கள்.சில சந்தர்ப்பங்களில் அவர்கள் குழந்தைகளைக் கூட இழந்திருக்கிறார்கள். அடிப்படையில், அவர்கள் அனைத்தையும் இழந்து போயுள்ளனர் என்று கூறினார். http://www.puthinappalakai.net/2018/09/28/news/33138

தலைமன்னார் – இராமேஸ்வரம் பயணிகள் கப்பல் சேவையை ஆரம்பிக்க சிறிலங்கா அரசாங்கம் திட்டம் தலைமன்னார் – இராமேஸ்வரம் பயணிகள் கப்பல் சேவையை மீண்டும் ஆரம்பிப்பதற்கான வாய்ப்புகள் குறித்து சிறிலங்கா அரசாங்கம் ஆராய்ந்து வருவதாக, சிறிலங்காவின் சுற்றுலா அபிவிருத்தி மற்றும் கிறிஸ்தவ விவகார அமைச்சர் ஜோன் அமரதுங்க தெரிவித்துள்ளார். யாழ். பல்கலைக்கழகத்தில் நேற்று நடந்த உலக சுற்றுலா நாள் நிகழ்வில் கலந்து கொண்டு உரையாற்றிய போதே அவர் இதனைத் தெரிவித்தார். ”வடக்கு மாகாணத்துக்குப் பயனளிக்கும் என்பதால், இந்தத் திட்டம் குறித்து அரசாங்கம் அக்கறை கொண்டுள்ளது. பலாலியில் இருந்து கட்டுநாயக்கவுக்கு உள்நாட்டு விமான சேவை ஆரம்பிக்கப்பட்டால், யாழ்ப்பாணத்துக்கு அதிகளவு சுற்றுலாப் பயணிகளை ஈர்க்க முடியும். வடக்கு மாகாணத்தில் சுற்றுலாத் துறைறை அபிவிருத்தி செய்வதற்காக, சிறிலங்கா சுற்றுலா அபிவிருத்தி அதிகார சபையின், உப பணியகம் ஒன்று விரைவில் யாழ்ப்பாணத்தில் திறக்கப்படும். வெளிநாடுகளில் வாழும் தமிழர்கள், நாட்டுக்குத் திரும்பி, வடக்கின் சுற்றுலாத் துறையில் முதலீடு செய்ய வேண்டும். வெளிநாடுகளுக்குப் பயணம் மேற்கொள்ளும் போது, புலம்பெயர் தமிழர்களைச் சந்திக்கும் போது, அவர்களைத் திரும்பி வருமாறு அழைப்பு விடுக்கிறேன். அது அவர்களுக்கும், அவர்களின் சமூகத்துக்கும்அ உதவியாக இருக்கும். வடக்கு மாகாணத்துக்கு சுற்றுலாத்துறை ஒரு முக்கிய வாய்ப்பாக இருக்கிறது.” என்றும் அவர் தெரிவித்துள்ளார். இந்த நிகழ்வில் வடக்கு மாகாண முதலமைச்சர் சி.வி.விக்னேஸ்வரனும் கலந்து கொண்டார். http://www.puthinappalakai.net/2018/09/28/news/33125

தமி­ழர்­கள் நம்பி ஏமாந்த கடைசி சிங்­க­ளத் தலை­வர் மைத்­தி­ரியே – சிவா­ஜி­லிங்­கம் !! தமிழ் பேசும் மக்­கள் நம்பி ஏமாந்த கடை­சிச் சிங்­க­ளத் தலை­வ­ராக மைத்­தி­ரி­பா­லவே இருப்­பார் என்­பதை வர­லாறு சுட்­டிக்காட்­டும். இவ்­வாறு வடக்கு மாகாண சபை உறுப்­பி­னர் எம்.கே.சிவா­ஜி­லிங் கம் தெரி­வித்­துள்­ளார். ஐக்­கிய நாடு­கள் சபை­யில் அரச தலை­வர் மைத்­தி­ரி­பால சிறி­சேன ஆற்­றிய உரை தொட­ரில் அவர் அனுப்­பி­யுள்ள ஊடக அறிக்­கை­யி­லேயே அவர் இவ்­வாறு தெரி­வித்­தார். அதில் உள்­ள­தா­வது, – இலங்­கை­யில் வலிந்து காணா­மல் ஆக்­கப்­பட்­டோர் விவ­கா­ரம், பயங்­க­ர­வா­தத் தடைச் சட்­டத்தை நீக்­கு­தல் தொடர்­பாக மைத்­திரி தனது உரை­யில் மூச்­சுக் கூட விட­வில்லை. அவர் தனது உரை­யில் புத்த பக­வா­னின் போதனை ஒன்­றைச் சுட்­டிக் காட்டி ஒரு­வ­ரின் உட­லில் ஒரு முள் பாய்ந்­தி­ருப்­பின் அத­னால் ஏற்­ப­டும் வேத­னை­யைப் போலவே அந்த முள் பாய்ந்­த­தால் வேதனை ஏற்­பட்­டது என்ற சிந்­த­னை­யும் ஞாப­க­மும் கூட வேத­னை­யை­யும் ஏற்­ப­டுத்­தும் எனக் குறிப்­பிட்­டி­ருந்­தார். தமிழ் மக்­க­ளின் பல்­லா­யி­ரக் கணக்­கான உயி­ரி­ழப்­புக்­கள் அவய இழப்­புக்­கள், உற­வு­களை இழந்­தமை, சொத்­துக்­களை இழந்­தமை பற்றி வேத­னை­ய­டைந்­தது மட்­டு­மல்­லா­மல், சிந்­த­னை­யும், ஞாப­க­மும் வேத­னை­ய­டைந்து தரும் என எமது மக்­க­ளின் வேத­னையை ஐக்­கிய நாடு­கள் சபை­யில் சுட்­டிக் காட்­டி­ய­மைக்கு தமிழ் மக்­க­ளின் சார்­பில் நன்றி கூறக் கட­மைப்­பட்­டுள்­ளேன். ஆனால் தமிழ் பேசும் மக்­கள் நம்பி ஏமாந்த கடை­சிச் சிங்­க­ளத் தலை­வ­ராக நீங்­கள் மட்­டுமே இருப்­பீர்­கள் என்­பதை வர­லாறு சுட்­டிக் காட்­டும் என நம்­பு­கின்­றேன். ஏனெ­னில் இலங்­கை­யில் இனி­மேல் போர் வேண்­டாம் என்று கூறி­யி­ருக்­கி­றார். போருக்­காக கார­ணி­யாக தமிழ்த் தேசிய இனப் பிரச்­சி­னைக்­கான ஆணி வேர் எது என்­பதை ஏற்­றுக் கொள்­ளா­மல் தேசிய நல்­லி­ணக்­கம் ஏற்­ப­டாது என்­பதை அரச தலை­வர் தெரிந்­து­கொள்ள வேண்­டும். பலஸ்­தீன மக்­க­ளின் பிரச்­சினை பற்­றிக் குறிப்­பிட்டு அந்த மக்­க­ளுக்கு இலங்­கை­யில் ஆத­ரவு என்­றும் உள்­ளது போல் தொட­ரும் என­வும் தெரி­வித்­தி­ருந்­தார். பலஸ்­தீன மக்­க­ளின் பிரச்­சி­னை­யைப் போலவே தமிழ் பேசும் மக்­க­ளின் பிரச்­சி­னை­க­ளும் உள்­ளதை ஏன் மறந்து போகி­றார் எனத் தெரி­ய­வில்லை. வௌிநாட்­டுத் தலை­யீடு தேவை­யில்லை. எமது பிரச்­சி­னை­களை நாமே தீர்த்­துக் கொள்­வோம் என்று அரச தலைர் கூறி­யி­ருக்­கின்­றார். இந்த உரை நியூ­யோர் நக­ரில் இருந்து இலங்கை சிங்­கள மக்­க­ளுக்­கான, சிங்­கள வாக்­க­ளர்­க­ளுக்­கான உரை­யா­கவே பார்க்­கப்­பட முடி­யும். அப்­ப­டி­யென்­றால் தமிழ்த் தேசிய இனம் தனது தலை­வி­தி­யைத் தாமே தீர்­மா­னிக்க இடம்­கொ­டுக்க அரச தலை­வர் தயாரா?. எமது தலை­வி­தியை நாமே தீர்­மா­னிக்க ஐக்­கிய நாடு­கள் சபை­யின் ஆத­ரவை நாம் கோரு­வது தவ­றல்ல என்­பது அரச தலை­வர் உரை மூலம் நாம் உணர்ந்து கொள்­ளக் கூடி­ய­தாக உள்­ளது. 2015ஆம் ஆண்டு செப்­ரெம்­பர் மாத கூட்­டத் தொட­ரில் ஐக்­கிய நாட­கள் மனித உரி­மைப் பேர­வை­யில் போர்க் குற்­றங்­க­ளுக்­கா­க­வும், ஏனைய குற்­றங்­க­ளுக்­கு­மான விசா­ர­ணையை இலங்கை அரசே வௌிநாட்டு நீதி­பதி (பொது­ந­ல­வாய நாடு­க­ளின் நீதி­கள் உட்­பட) வழக்­குத் தொடு­நர்­கள், விசா­ணை­யா­ளர்­கள், வழக்­க­றி­ஞர்­கள் அடங்­கிய விசா­ர­ணையை நடத்­து­வ­தற்கு 30/1 தீர்­மா­னம் மூலம் ஏற்­றுக் கொண்­டி­ருந்­தது. பின்­னர் அவற்­றைச் செயற்­ப­டுத்­த­மாட்­டோம் என அரச தலை­வர், தலைமை அமைச்­சர், மூத்த அமைச்­சர்­கள் பகி­ரங்­க­மாக இலங்­கைக்கு தெரி­வித்­தி­ருக்­கி­றார்­கள். அர­ச­த­லை­வ­ருக்கு துணிச்­சல் இருந்­தி­ருந்­தால் முது­கெ­லும்பு இருந்­தி­ருந்­தால் ஐக்­கிய நாடு­கள் பொதுச்­ச­பை­யில் உரை­யாற்­றி­ய­போது போர்க்­குற்­றங்­களை நாங்­கள் விசா­ரிக்­க­மாட்­டோம் என்று கூறி­யி­ருக்க வேண்­டும். இலங்­கை­யில் நடை­பெற்ற போர்க்­குற்­றங்­கள், இனப் படு­கொ­லை­கள், விசா­ர­ணை­களை ஐக்­கிய நாடு­கள் மனித உரி­மை­கள் சபை தமது வேண்­டு­கோளை ஐக்­கிய நாடு­கள் பொதுச்­சபை ஊடாக ஐக்­கிய நாடு­கள் பாது­காப்­புச் சபைக்கு அனுப்­பி­வைத்து பன்­னாட்டு குற்­ற­வி­யல் நீதி­மன்­றத்­துக்கு அல்­லது பன்­னாட்டு குற்­ற­வி­யல் தீர்ப்­பா­யத்­துக்கு (ict) பாரப்­ப­டுத்­த­பட வேண்­டும் எனக் கோரப்­பட வேண்­டும் என்­பதே பாதிக்­கப்­பட்ட தமிழ் பேசும் மக்­க­ளின் சார்­பில் எமது நிலைப்­பா­டா­கும். இலங்­கைக்­குள் அர­சி­யல் தீர்வு கிடைக்­காது என்­பதை சொல்­லா­மல் அரச தலை­வர் சொல்­லி­யுள்­ளார். அத­னால் தமிழ் பேசும் மக்­க­ளின் அர­சி­யல் அபி­லா­சை­கைளை நிறை­வேற்­று­வ­தற்­காக வடக்கு கிழக்­குப் பிராந்­தி­யத்­தில்­பொ­து­சன வாக்­கெ­டுப்பு ஒன்றை ஐக்­கிய நாடு­கள் சபை தமது மேற்­பார்­வை­யில் நடத்த வேண்­டும் எனக் கோரு­கின்­றோம். இந்த நிலைப்­பாட்­டின் நியா­யத் தன்­மையை பன்­னா­டு­கள் புரிந்து கொள்­ளும் என நம்­பு­கி­றோம். – என்­றுள்­ளது. https://newuthayan.com/story/09/தமி­ழர்­கள்-நம்பி-ஏமாந்த-கடைசி-சிங்­க­ளத்-தலை­வர்-மைத்­தி­ரியே-சிவா­ஜி­லிங்­கம்.html

குடி தண்­ணீர் விவ­கா­ரத்­தில் வடக்­கில் அர­சி­யல்- யாழ். மாந­கர முதல்­வர்!! வடக்கு மாகா­ணத்­தின் குடி தண்­ணீர் பிரச்­சி­னை­யில் அர­சி­யலே ஓடு­கின்­றது. இதை நான் பகி­ரங்­க­மா­கத் தெரி­விக்­கின்­றேன் என்று கூறி­னார் யாழ்ப்­பா­ணம் மாந­கர முத­ல­்வர் இம்­மா­னு­வேல் ஆர்னோல்ட் தெரி­வித்­தார். பொதுப் பயன்­பா­டு­கள் ஆணைக்­கு­ழு­வின் மக்­கள் கருத்­துக்­க­ளை­யும் கேட்­ட­றி­யும் கலந்­து­ரை­யா­டல் நேற்று யாழ்ப்­பா­ணத்­தில் நடை­பெற்­றது. அதில் கலந்து கொண்டு கருத்­துத் தெரி­வித்­த­போதே அவர் இவ்­வாறு தெரி­வித்­தார்.அவர் தெரி­வித்­தா­வது-, எங்­க­ளுக்கு இருக்­கக் கூடிய பிரச்­சி­னை­களை நாங்­கள் எவ்­வாறு தீர்ப்­பது என்­பது பற்­றியே சிந்த வேண்­டுமே தவிர பிரச்­சி­னையை தொடந்­தும் பிரச்­சி­னை­யாக்­கிக் கொண்­டி­ருப்­ப­தில் பய­னில்லை. பிரச்­சி­னை­யைக் கூறு­கின்­ற­வர்­கள் அதைத் தடுப்­ப­தற்­கான வழி­மு­றை­க­ளை­யும் கூற­வேண்­டும். மாற்­றுத் திட்­டங்­களை முன்­வைக்க வேண்­டும். அப்­போ­து­தான் நாங்­கள் அதை நோக்­கிச் செல்ல முடி­யும். யாழ்ப்­பா­ணத்­தில் நிலத்­தடி நீர் மாசு­ப­டு­கி­றது என்­றால் அதற்கு என்ன கார­ணம், இன்று சட்ட அனு­ம­தி­யற்ற குழாய்க் கிண­று­கள் உரு­வாக்­கப்­ப­டு­கின்­றது என்­றால் அதற்­கான அனு­ம­தி­களை யார் கொடு­கி­றார்­கள். இர­வோடு இர­வா­கச் சட்­ட­வி­ரோ­த­மா­கக் குழாய்க் கிணறு அமைக்­கி­றார்­கள். அத­னால் எமது நிலத்­தடி நன்­னீர் ஊற்­றுக்­கள் எல்­லாம் பாதிக்­கப்­பட்டு நன்­னீர்க் கிண­று­கள் எல்­லாம் உவர் நீராக மாறு­கின்­றன. இவற்றை யார் அனு­ம­திக்­கின்­ற­னர்?. மக்­க­ளும், தனி­யா­ரும் இணைந்து பணி­யாற்­று­வ­தன் மூலமே இப்­ப­டி­யான விட­யங்­ளைப் பாது­காக்க முடி­யும். இப்­போது எங்­க­ளு­டைய வாய்க்­கால்­க­ளிலே கழிவு நீர், மனி­தக் கழிவு நீர் என இரண்­டுமே கலந்து ஓடு­கின்­றது. ஒரு மாந­கர முதல்­வ­ராக நான் கூறக்­கூ­டி­யது எந்­திரி பார­தி­தா­சன் இங்கே இருக்­கி­றார் அவ­ரி­டம் பல திட்­டங்­கள் உள்­ளன. உட­ன­டி­யாக கழிவு நீரை வெளி­யேற்­றும் திட்­டம் ஒன்றை அறி­மு­கப்­ப­டுத்­து­வ­தன் மூல­மா­கத்­தான் எமது நிலத்­தடி நரைப் பாது­காக்க முடி­யும். மழை­நீர் இப்­போது உள்ள வடி­கா­லிலே வழிது ஓட முடி­யும். மழை­நீ­ரைக் கட­லுக்­குள் செல்­ல­வி­டாது தடுத்து நிலத்­துக்­குள் செலுத்­தும் ஷபோது ஒரு ஐந்து ஆண்­டு­க­ளுக்­குப் பின்­னர் நாம் ஐம்­பது ஆண்­டு­க­ளக்கு முன்­னர் எங்­க­ளு­டைய நிலத்­தடி நீரை எவ்­வாறு பயன்­ப­டுத்­த­னோமோ அவ்­வாறு பயன்­ப­டுத்த முடி­யும். இர­ணை­மடு நீரை இங்கே கொண்டு வரு­வ­தாக இருந்­தால் ஒரு தேசி­யக் கொள்­கையை, ஒரு மாகா­ணத்­துக்­கு­ரிய கொள்­கையை உரு­வாக்க வேண்­டும். வெறு­மனே பேசிக்­கொண்­டி­ருப்­ப­தில் அர்த்­மில்லை. அங்கு இருப்­ப­வர்­க­ளைக் கொன்று இங்கு தண்­ணீர் குடிப்­ப­தற்கு யாரும் தயா­ரில்லை. அந்­தத் திட்­டத்தை மறு­து்­தால் அதற்­கான மாற்று வழி என்ன வென்று கூற­வேண்­டும். னோல் அதைக்­கூட அர­சி­ய­லாக்கி இப்­போது பல வேலை­கள் நடக்­கின்­றன. இது ஒரு நீண்­ட­கா­லப் பிரச்­சினை. அனை­வ­ரும் ஒற்­று­மை­யாக பணி­யாற்­று­வ­தன் மூலமே எமது எதிர்­கா­லச் சந்­த­தி­யைக் கொல்­லா­மல், நலி­வுற்ற சந்­த­தி­க­ளாக மாற்­றாது இருக்­க­மு­டி­யும். இதற்கு அனை­வ­ரும் முன்­வர வேண்­டும்.-என்­றார். https://newuthayan.com/story/09/குடி-தண்­ணீர்-விவ­கா­ரத்­தில்-வடக்­கில்-அர­சி­யல்-யாழ்-மாந­கர-முதல்­வர்.html

நெதர்லாந்தில் தீவிரவாத தாக்குதல் மேற்கொள்ள திட்டம் – எழுவர் கைது நெதர்லாந்தில் தீவிரவாத தாக்குதல் மேற்கொள்ளத் திட்டமிட்டனர் என்னும் சந்தேகத்தின் பேரில் ஏழு பேரைக் கைது செய்துள்ளதாக கைது செய்துள்ளதாக அந்நாட்டு காவல்துறையினர் தெரிவித்துள்ளனர்.துப்பாக்கிகள் மற்றும் வெடிப்பொருட்களை கொண்டு பெரியளவிலான தாக்குதல் முயறிச்யை மேற்கொள்ள இவர் திட்டமிட்டுள்ளதாக சந்தேகம் ஏற்பட்டுள்ளது எனவும் காவல்துறையினர் தெரிவித்துள்ளனர். கைது செய்யப்பட்டுள்ளவர்கள் ஏகே47 ரக துப்பாக்கிகள், எறிகுண்டுகள் மற்றும் வெடி பொருட்களை வாங்குவதற்கு முயற்சி செய்ததாக காவல்துறையினர் தெரிவித்துள்ளனர். கைது செய்யப்பட்டவர்கள் 21 முதல் 34 வயதுக்குட்பட்ட ஆண்கள் எனவும் தெரிவிக்கப்பட்டுள்ளது. http://globaltamilnews.net/2018/97454/

அறிவுடன் ஞானம் என்றுதான் அழிந்தது? ஓர் அறிஞரை மட்டுமல்ல, பல அறிஞர்களின் முகம் எதுவெனப் பலருக்கும் தெரியாது. அவர் ஊர், அவர் குடும்பம் எங்கே உள்ளது? எப்படி அவர் சிருஷ்டிகளை உற்பத்தி செய்தார் என்பதையே அறியாது, முகம் அறியாது, அவர் சொன்னவற்றை மட்டும் உள்வாங்கி இரசிக்கிறார்கள். அறிவாளிகள் தாம் இறந்த பின்னரும், பேசிய வண்ணம் இருக்கின்றனர். இந்த ஞான உற்பத்தி இயந்திரம் பழுதடைவதேயில்லை.பெருமையுடன் பேச மட்டும் அவர்கள் வாய் மௌனிக்கிறது. மெழுகென உருகித் தேய்ந்தாலும், அவள் தந்த ஒளி மட்டும், அணையாமல் இருப்பது விந்தையல்ல. காலம் என்றும் கரைவதில்லை. ஏனெனில், அது வாழ்வாங்கு வாழ்வோரைத் தொடர்ந்து உருவாக்குகின்றது. எனவே, காலம் தீர்க்காயுசுதான். சுற்றிக் கொண்டே ஓடியபடி சடங்கள் தான் அழியும். அறிவுடன் ஞானம் என்றுதான் அழிந்தது? அது பலராலும் எமக்கு வழங்கப்பட்டதால்த்தான், இன்று சாதாரணமானவர்கள் கூட, உண்மை தேடும் ஆராய்ச்சியில் தீவிரமாக ஈடுபட்டு வருகின்றார்கள். இவர்கள் கூட அருவம்போல்த்தான் இயங்குகின்றார்கள்.

மெடிட்டரேனியன் உணவுமுறை பற்றி உங்களுக்குத் தெரியுமா? இதை பகிர ஃபேஸ்புக்கில் இதை பகிர Messenger இதை பகிர டுவிட்டரில் இதை பகிர மின்னஞ்சல் பகிர்க படத்தின் காப்புரிமைGETTY IMAGES Image captionவழக்கமான மெடிட்டரேனியன் டயட்டில், அதிகளவிலான காய்கறிகள், பழங்கள், பீன்ஸ், தானியங்கள் மற்றும் தானிய பொருட்கள் அடங்கியிருக்கும் மெடிட்டரேனியன் டயட் (Mediterranean diet) உடல்நலத்திற்கு நல்லது என கேள்விப்பட்டிருப்பீர்கள். சமீபத்திய ஆய்வுகளின்படி, மனச்சோர்வை குறைக்க இந்த டயட் உதவும் என்று கண்டுபிடிக்கப்பட்டுள்ளது. ஆனால், மெடிட்டரேனியன் டயட் என்றால் என்ன? அது எப்படி உங்களுக்கு உதவும் என்பது தெரியுமா? மெடிட்டரேனியன் டயட் என்றால் என்ன? வழக்கமான மெடிட்டரேனியன் டயட்டில், அதிகளவிலான காய்கறிகள், பழங்கள், பீன்ஸ், தானியங்கள் மற்றும் தானிய பொருட்கள் அடங்கியிருக்கும். உதாரணமாக முழு தானிய பிரட், பாஸ்தா, கைக்குத்தல் அரிசி ஆகியவற்றை கூறலாம். மிதமான அளவிலான மீன், வெள்ளை இறைச்சி மற்றும் சில பால் பொருட்களும் இதில் அடங்கும். படத்தின் காப்புரிமைGETTY IMAGES Image captionமிதமான அளவிலான மீன், வெள்ளை இறைச்சி மற்றும் சில பால் பொருட்களும் இதில் அடங்கும். இந்த உணவு பொருட்கள் எல்லாம் ஒன்று சேர, உடல்நலனுக்கு இது நல்லது என்கிறார், பிரிட்டன் இதய அறக்கட்டளையின் மூத்த உணவு ஆலோசகரான விக்டோரியா டெய்லர். இந்த டயட் தரும் உடல்நலன்கள் என்னென்ன? மெடிட்டரேனியன் டயட் உணவுமுறைபடி உணவு உட்கொள்வதால் இதய நோய்க்கு வழிவகுக்கும் சர்க்கரை நோய், உயர் ரத்த அழுத்தம், கொழுப்பு ஆகியவற்றின் அபாயத்தை குறைக்கலாம் என ஆய்வுகள் கூறுகின்றன. மேலும், இந்த உணவுமுறையை பின்பற்றினால், நீண்ட ஆயுளுடன், உடல் எடை கூடாமல் இருக்கும் என்றும் கண்டுபிடிக்கப்பட்டுள்ளது. இது எப்படி சாத்தியம்? ஒரே ஒரு முழு உணவை விட, இப்படி பலவகையான உணவுகளை சேர்த்து சாப்பிடுவது ஆரோக்கியமானது என்கிறார் விக்டோரியா டெய்லர். ஆரோக்கியமான கொழுப்புகளை உட்கொள்வது ஒரு முக்கியமான விஷயம் என்றும் அவர் தெரிவிக்கிறார். படத்தின் காப்புரிமைGETTY IMAGES Image captionஆரோக்கியமான கொழுப்புகளை உட்கொள்வது ஒரு முக்கியமான விஷயம் ஆலிவ் எண்ணெய்க்கு பதிலாக வெண்ணெய் சேர்த்துக் கொள்ளலாம். வெண்ணெய் ஒற்றை நிறைசெறிவிலி கொழுப்பு (monounsaturated fat) வகையை சேரும். இது, கொழுப்பை கட்டுக்குள் வைக்க உதவும் என்கிறது அமெரிக்க மருத்துவ மேயோ கிளினிக். கொட்டைகள், விதைகள் மற்றும் எண்ணெய் மீன்களில் பல நிறைசெறிவிலி கொழுப்பு (polyunsaturated fats) இருக்கிறது. மேலும் சில உணவு தேர்வுகளால் ஏற்படக்கூடிய பலன்களையும் மேயோ கிளினிக் விவரிக்கிறது: உப்பு உட்கொள்வதை குறைத்துக் கொள்ள வேண்டும். உப்புக்கு பதிலாக மூலிகைகள் அல்லது மசாலா பொருட்களை பயன்படுத்தி ருசியை கொண்டு வரலாம். ஆட்டுக்கறி, பன்றிக்கறி, மாட்டுக்கறி போன்ற சிவப்பு இறைச்சிகள் உட்கொள்வதை குறைத்துக் கொள்ள வேண்டும். வாரத்திற்கு இருமுறையாவது மீன் மற்றும் கோழிக்கறி ஆகியவற்றை எடுத்துக்கொள்ள வேண்டும். மிதமான அளவு சிவப்பு வைன் குடிக்கலாம் நல்ல உடற்பயிற்சி செய்வது அவசியம். இப்படியாக பல நாடுகளில் மெடிட்டரேனியன் டயட் பின்பற்றப்படுகிறது. படத்தின் காப்புரிமைGETTY IMAGES உதாரணமாக கிரேக்க நாட்டில், மிகக் குறைந்தளவிலான சிவப்பு இறைச்சியோடு, தினமும் சுமார் 9 முறை நல்ல காய்கறிப் பழங்களை மக்கள் உட்கொள்வர். மெடிட்டரேனியன் முறையில் எப்படி உணவு எடுத்துக் கொள்வது? நீங்கள் உட்கொள்ளும் உணவுமுறையில் சில மாற்றங்களை கொண்டு வந்தால், இதன் முழு பயன்களை பெறலாம். "இறைச்சி உண்ணுவதை குறைத்துக் கொண்டு, அதிக மீன் மற்றும் சத்தான கொழுப்புகளோடு, நிறைய காய்கறிகள் மற்றும் பழங்கள் உட்கொண்டால் உங்கள் உடல் நலத்தில் நல்ல மாற்றத்தை நீங்கள் காணலாம்" என்று டெய்லர் குறிப்பிடுகிறார். படத்தின் காப்புரிமைGETTY IMAGES தற்கால உணவுமுறையில் நாம் தவிர்க்க வேண்டியது கொழுப்பா அல்லது சர்க்கரையா என்ற விவாதம் வலுத்து வருகிறது. ஒவ்வொரு உணவும், அதன் சத்துக்களும் உங்கள் உடலை எப்படி பாதிக்கிறது என்பதை நீங்கள் புரிந்து கொள்ள வேண்டும். மத்தியத் தரைக்கடல் பகுதியில் நீங்கள் வாழவில்லை என்றாலும் - கடலுக்கு அருகில், நல்ல சூரிய வெளிச்சத்தோடு, சுவையான உணவுகள் உங்களுக்கு நல்ல உடல் நலத்தை தரும் - மத்தியத் தரைக்கடலில் இல்லையென்றாலும், இந்த உணவுகளின் பயன்களை நீங்கள் பெறலாம். https://www.bbc.com/tamil/global-45668060

ரோஹிஞ்சா: ஆங் சான் சூச்சிக்கு வழங்கிய கௌரவ குடியுரிமையை திரும்பப் பெறுகிறது கனடா இதை பகிர ஃபேஸ்புக்கில் இதை பகிர Messenger இதை பகிர டுவிட்டரில் இதை பகிர மின்னஞ்சல் பகிர்க படத்தின் காப்புரிமைREUTERS மியான்மர் தலைவர் ஆங் சான் சூச்சிக்கு வழங்கப்பட்ட கௌரவ குடியுரிமையை திரும்பப்பெற கனட நாடாளுமன்றம் ஒருமனதாக வாக்களித்துள்ளது. மியான்மரில் ரோஹிஞ்சா சிறுபான்மை இஸ்லாமியர்களுக்கு எதிராக நடக்கும் வன்முறைகளைக் கட்டுப்படுத்த தவறியதால் அவருக்கு எதிராக இந்தத் தீர்மானம் கொண்டுவரப்பட்டது. ராணுவ ஆட்சியின் கீழ் இருந்த, முன்பு பர்மா என்று அழைக்கப்பட்ட மியான்மரில் மக்களாட்சியை நிறுவ மேற்கொண்ட முயற்சிகளுக்காக ஆங் சான் சூச்சிக்கு 1991இல் அமைதிக்கான நோபல் பரிசு வழங்கப்பட்டது. ரோஹிஞ்சா இன மக்களுக்கு எதிராக நடந்த இனப்படுகொலைகள் தொடர்பாக மியான்மர் ராணுவ அதிகாரிகளை விசாரணை செய்ய வேண்டும் என்று ஐ.நா கடந்த மாதம் வெளியிட்ட அறிக்கை ஒன்றில் வலியுறுத்தப்பட்டுள்ளது. கடந்த ஓராண்டு காலமாக மியான்மரில் நடக்கும் வன்முறைச் சம்பவங்களால் இதுவரை சுமார் ஏழு லட்சம் ரோஹிஞ்சா முஸ்லிம்கள் மியான்மரை விட்டே வெளியேறியுள்ளனர். சூச்சி இன்னும் கௌரவ குடியுரிமைக்குத் தகுதியானவராக உள்ளாரா என்று கனேடிய பிரதமர் ஜஸ்டின் ட்ரூடோ கேள்வி எழுப்பிய மறு நாளே ஹவுஸ் ஆஃப் காமன்ஸ் அவையின் இந்த நடவடிக்கை அமைந்துள்ளது. படத்தின் காப்புரிமைAFP Image captionஜஸ்டின் ட்ரூடோ புத்த மதத்தினர் பெரும்பான்மையாக வாழும் மியான்மரில், நாடற்ற ரோஹிஞ்சா இஸ்லாமியர்களுக்கு எதிரான வன்முறைகள் சூச்சிக்கு வழங்கப்பட்டுள்ள கௌரவ குடியுரிமையை ரத்து செய்வதால் நிற்கப்போவதில்லை என்றும் ட்ரூடோ கூறியிருந்தார். 2007இல் ஆங் சான் சூச்சிக்கு கனடா கௌரவ குடியுரிமை வழங்கியது. இவ்வாறு கௌரவிக்கப்பட்ட ஆறு பேரில் சூச்சியும் ஒருவராக இருந்தார். கனடா நாடாளுமன்றத்தின் இரு அவைகளின் கூட்டுத் தீர்மானம் மூலமே கௌரவக் குடியுரிமை வழங்கப்படுகிறது. அதே போன்றதொரு கூட்டுத் தீர்மானம் மூலம் மட்டுமே அதை திரும்பப்பெற முடியும் என்று கனேடிய அதிகாரிகள் ராய்ட்டர்ஸ் செய்தி முகமையிடம் கூறியுள்ளனர். அடுத்த கட்ட நடவடிக்கைகள் என்னவென்று தெளிவாகத் தெரியவில்லை என்று லிபரல் கட்சி நாடாளுமன்ற உறுப்பினர் ஆண்ட்ரூ லெஸ்லி, வியாழன்று நடந்த வாக்கெடுப்புக்கு பிறகு செய்தியாளர்களிடம் தெரிவித்தார். படத்தின் காப்புரிமைGETTY IMAGES இந்த மாதத் தொடக்கத்தில் ரோஹிஞ்சாக்களுக்கு எதிராக நடந்த வன்முறைகளை இனப்படுகொலையாக அங்கீகரிக்கும் தீர்மானத்தை ஹவுஸ் ஆஃப் காமன்ஸ் ஒரு மனதாக நிறைவேற்றியது. மியான்மரில் மக்களாட்சி மீண்டும் நிறுவப்பட்டபின் அந்நாட்டு நிர்வாகத்தின் செயல்முறைத் தலைவராக 2015இல் ஆங் சான் சூச்சி பொறுப்பேற்றார். மியான்மர் ராணுவம் கொடூரமான வன்முறையில் ஈடுபடுவதாக குற்றம் சுமத்தப்படும் செயல்களைக் கட்டுப்படுத்த வேண்டும் சூச்சிக்கு தொடர்ந்து சர்வதேச அழுத்தம் இருந்தாலும், வன்முறைகள் நடக்கவில்லை என்று அவர் மறுத்து வருகிறார். https://www.bbc.com/tamil/global-45674713

பன்னாட்டுப் பங்களிப்பை – அரசு நிராகரிக்க முடியாது!! இலங்கை விவ­கா­ரத்­தில் பன்­னாட்­டுச் சமூ­கத்­தின் தலை­யீடு தேவை­யில்லை என்று அரச தலை­வர் மைத்­தி­ரி­பால சிறி­சேன தெரி­விக்க முடி­யாது. பொறுப்­புக் கூறல் விவ­கா­ரத்­தில் பன்­னாட்­டுச் சமூ­கத்­தின் பங்கு எப்­ப­டி­யி­ருக்­க­வேண்­டும் என்று இலங்கை அரசே இணை அனு­ச­ரணை வழங்கி இரண்டு தீர்­மா­னங்­களை ஐ.நா. மன்­றத்­தில் நிறை­வேற்­றி­யி­ருக்­கின்­றது. அது பன்­னாட்­டுச் சமூ­கத்­துக்கு கொடுக்­கப்­பட்ட வாக்­கு­றுதி. அதி­லி­ருந்து இலங்கை அரசு ஒரு­போ­தும் பின்­வாங்க முடி­யாது. இவ்­வாறு தமிழ்த் தேசி­யக் கூட்­ட­மைப்­புத் தெரி­வித்­துள்­ளது. ஐ.நா. பொதுச் சபை­யின் 73ஆவது கூட்­டத் தொட­ரில் உரை­யாற்­றிய அரச தலை­வர் மைத்­தி­ரி­பால சிறி­சேன, எமது பிரச்­சி­னை­களை நாங்­களே பார்த்­துக் கொள்­கின்­றோம். வெளி­நா­டு­கள் தலை­யி­டத் தேவை­யில்லை என்று கூறி­யி­ருந்­தார். இது தொடர்­பில் தமிழ்த் தேசி­யக் கூட்­ட­மைப்­பின் நிலைப்­பாடு பற்றி அந்­தக் கட்­சி­யின் பேச்­சா­ள­ரும், நாடா­ளு­மன்ற உறுப்­பி­ன­ரு­மான எம்.ஏ.சுமந்­தி­ரன் தெரி­வித்­த­தா­வது-, ஐ.நா. பொதுச் சபை­யில் உரை­யாற்­று­வ­தற்கு முன்­னர் இலங்கை இரா­ணு­வத்­துக்கு பொது­மன்­னிப்பு வழங்­கு­வ­தற்­கான யோசனை முன்­வைக்­க­வுள்­ள­தாக அரச தலை­வர் மைத்­தி­ரி­பால சிறி­சேன தெரி­வித்­தி­ருந்­தார். அதற்கு உட­ன­டி­யா­கவே நாங்­கள் எதிர்ப்பு வெளி­யிட்­டி­ருந்­தோம். இலங்­கைக்­கான ஐ.நா. வதி­வி­டப் பிர­தி­நிதி ஊடாக ஐ.நா. பொதுச் செய­ல­ருக்­கும் எங்­கள் எதிர்ப்பை பதிவு செய்­தி­ருந்­தோம். அரச தலை­வர் ஐ.நா. பொதுச் சபை­யில் நிகழ்த்­திய உரை­யில் இந்த விட­யத்தை முன்­வைக்­க­வில்லை என்­பதை அவ­தா­னிக்­கக் கூடி­ய­தாக இருந்­தது. அவர் தன­து­ரை­யில் வெளி­நாட்­டுத் தலை­யீடு தேவை­யில்லை என்று குறிப்­பிட்­டி­ருந்­தார். வெளி­நாட்­டுத் தலை­யீட்டை நிரா­க­ரித்­தி­ருந்­தார். அதை தமிழ்த் தேசி­யக் கூட்­ட­மைப்பு ஒரு­போ­தும் ஏற்­றுக் கொள்­ளாது. பொறுப்­புக்­கூ­றல் விவ­கா­ரத்­தில் பன்­னாட்­டுச் சமூ­கத்­தின் தலை­யீடு எப்­படி இருக்­க­வேண்­டும் என்று ஐ.நா. மனித உரி­மை­கள் சபை­யில் 2015ஆம் ஆண்டு தீர்­மா­னம் நிறை­வேற்­றப்­பட்­டது. 2017ஆம் ஆண்டு மீண்­டும் நிறை­வேற்­றப்­பட்­டது. இந்த இரண்டு தீர்­மா­னங்­க­ளுக்­கும் இலங்கை அரசு இணை­அ­னு­ச­ரணை வழங்­கி­யுள்­ளது. இது பன்­னாட்­டுச் சமூ­கத்­துக்கு கொடுக்­கப்­பட்ட வாக்­கு­றுதி. அதை மீறு­வதை ஏற்­றுக் கொள்ள முடி­யாது. அரச தலை­வர் மைத்­தி­ரி­பால சிறி­சே­ன­வுக்கு உள்­ளூர் அழுத்­தம் இருக்­கக் கூடும். அதற்­காக பன்­னாட்­டுச் சமூ­கத்­துக்கு கொடுத்த வாக்­கு­று­தி­யி­லி­ருந்து விலக முடி­யாது. அர­ச­மைப்பு உரு­வாக்க முயற்சி தொடர்­பில் அவர் வழங்­கிய வாக்­கு­றுதி நிறை­வேற்­றப்­பட்­டி­ருந்­தால் 2016ஆம் ஆண்­டுக்­குள் அந்­தக் கரு­மம் முடி­வ­டைந்­தி­ருக்­கும். அது இந்­த­ளவு தூரத்­துக்கு இழுத்­த­டிக்­கப்­பட்­டி­ருக்க வேண்­டி­ய­தில்லை. கொடுத்த வாக்­கு­று­தி­களை நிறை­வேற்­று­வ­தற்கு போதிய அர­சி­யல் துணிவு வேண்­டும். அர­சி­யல் தலை­மைத்­து­வத்தை அரச தலை­வர் மைத்­தி­ரி­பால சிறி­சேன கொடுத்­தி­ருக்­க­வேண்­டும். இன்­னும் ஓராண்டு அவ­ருக்கு இருக்­கின்­றது. விட­யங்­களை இழுத்­த­டிக்­கா­மல் வழங்­கிய வாக்­கு­று­தி­களை அவர் நிறை­வேற்­ற­வேண்­டும் – என்­றார். https://newuthayan.com/story/09/பன்னாட்டுப்-பங்களிப்பை-அரசு-நிராகரிக்க-முடியாது.html

லசந்த – பிரகீத் – கீத் நொயார் தவிர – தமிழ் ஊடகவியலாளர்கள் பற்றி பேசப்படாமை வெட்கத்திற்கு உரியது… ஊடகவியலாளர்கள் மீதான தாக்குதல்கள் தொடர்பில் பேசுகையில் லசந்த விக்ரமதுங்க, கீத் நொயார், பிரகீத் எக்னெலிகொட ஆகியோர் பற்றியே பேசப்படுகின்றது. அவர்களுடன் தொடர்புடைய சம்பவங்கள் தொடர்பிலேயே விசாரணைகளும் மேற்கொள்ளப்பட்டு வருகின்றன. எனினும் கடந்த 20 வருட காலப்பகுதியில் அதிக ஊடகவியலாளர்கள் யாழ் மாவட்டத்திலேயே கொள்ளப்பட்டுள்ளனர். ஒரு ஊடக நிறுவனம் மீது 33 தடவைகள் தாக்குதல் நடத்தப்பட்டுள்ளது. அதே போல் 14 தமிழ் ஊடகவியலாளர்கள் கொள்ளப்பட்டுள்ளனர். இவை தொடர்பில் எதுவித விசாரணைகளும் இடம்பெறாமை வெட்கப்பட வேண்டிய விடயமாக உள்ளது என பாராளுமன்ற உறுப்பினரும் தமிழ் தேசிய கூட்டமைப்பின் ஊடகப் பேச்சாளருமான எம்.ஏ.சுமந்திரன் தெரிவித்துள்ளார். ஊடக சுதந்திரமும் சமூகப் பொறுப்பும் பற்றிய கொழும்பு பிரகடனத்தின் 20 ஆவது ஆண்டு நிறைவை முன்னிட்டு இலங்கை பத்திரிகை ஸ்தாபனத்தினால் ஏற்பாடு செய்யப்பட்டிருந்த நிகழ்வில் கலந்து கொண்டு உரையாற்றுகையிலேயே அவர் மேற்கண்டவாறு தெரிவித்தார். தொடர்ந்தும் அவர் குறிப்பிடுகையில்,ஊடக சுதந்திரத்தின் மைல்கல்லாக இக் கொழும்பு பிரகடனம் அமைந்துள்ளது. கடந்த சில வருடங்களாக நாட்டில் ஊடகவியலாளர்கள் மீதான தாக்குதல் சம்பவங்கள் குறைவடைந்துள்ளன. கடந்த காலத்தில் இடம்பெற்ற லசந்த விக்ரமதுங்க, கீத் நொயார், பிரகீத் எக்னெலிகொட ஆகியோர் மீதான தாக்குதல் சம்பவங்கள் தொடர்பில் விசாரணைகள் இடம்பெற்று வருகின்றன. எனினும் யாழில் கொல்லப்பட்ட தமிழ் ஊடகவியலாளர்கள் தொடர்பில் எவ்வித விசாரணைகளும் இடம்பெறவில்லை. கொழும்பு பிரகடனம் ஊடக சுதந்திரம், சமூகப் பொறுப்புணர்வு ஆகிய இரு விடயங்களை உள்ளடக்கியுள்ளது. செய்தியை வாசிக்கின்ற வாசகனுக்கென்று பொறுப்புணர்வு உண்டு. அதே வேளை ஊடக சுதந்திரம் என்பது உண்மையை அறிக்கைப்படுத்துவதாகும். ஊடக சுதந்திரத்தை நோக்கிய போராட்டங்கள் இடம்பெறும் அதே வேளை பொய்யான செய்திகளை வெளியிடுகின்ற ஊடகங்களும் தற்போது பெருகி வருகின்றன. இது ஊடகங்களின் பொறுப்புணர்வற்ற தன்மையினையே காட்டுகின்றது. ஊடக சுதந்திரத்தைப் பயன்படுத்தி உண்மையான செய்திகளை வெளியிடுவதன் மூலம் சிறந்த ஊடக கலாசாரத்தை கட்டியெழுப்ப முடியும். நாட்டில் அதிகரித்து வருகின்ற ஊடகங்களின் பொறுப்புணர்வற்ற தன்மை கவலையளித்தாலும் ஊடக சுதந்திரத்தினை வினைத்திறனாகப் பயன்படுத்தி நாட்டில் மாற்றத்தை ஏற்படுத்த முடியும் எனத் தெரிவித்துள்ளார். நாட்டில் ஜனநாயகம் நிலைநாட்டப்படுவதற்கு ஊடக சுதந்திரம் இன்றியமையாததாகும் – பிரதமர் ரணில் விக்ரமசிங்க …. நாட்டில் ஜனநாயகம் நிலைநாட்டப்படுவதற்கு ஊடக சுதந்திரம் இன்றியமையாததாகும். ஊடக சுதந்திரத்தினைப் பயன்படுத்தி ஊடகங்கள் சுயாதீனமாக சரியான செய்திகளை வெளியிடுவதன் மூலம் நாட்டில் ஜனநாயகத்தை உறுதிப்படுத்த முடியும் என பிரதமர் ரணில் விக்ரமசிங்க தெரிவித்தார். ஊடகங்களால் மிக அதிகமாக விமர்சிக்கப்பட்ட நபர் நான் என்பதை அறிவேன். எம்முடைய அரசாங்கம் புதிய வீட்டுத்திட்டம், மாணவர் புலமை பரிசில் திட்டம், வீதி அபிவிருத்தி, சுகாதார விருத்தி உள்ளிட்ட பல்வேறு முன்னேற்றகரமான செயற்பாடுகளை மேற்கொண்டுள்ள போதிலும் எதிர்மறையான விடயங்களை மாத்திரமே ஊடகங்கள் தெரிவிக்கின்றன. அரசாங்கத்தினால் மேற்கொள்ளப்பட்ட சிறந்த செயற்திட்டங்களை வெளிகாட்டாதது ஏன்? எனவும் கேள்வி எழுப்பினார். ஊடக சுதந்திரமும் சமூகப் பொறுப்புணர்வும் பற்றிய கொழும்பு பிரகடனத்தின் 20 ஆவது வருட பூர்த்தியினை முன்னிட்டு இலங்கை பத்திரிகை ஸ்தாபனத்தினால் ஏற்பாடு செய்யப்பட்டிருந்த நான்கு நாட்கள் இடம்பெறவுள்ள மாநாடு நேற்று வியாழக்கிழமை சினமன் கிரான்ட் ஹோட்டலில் ஆரம்பமாகியது. இந்நிகழ்வில் கலந்து கொண்டு உரையாற்றிய அவர்ஊடக சுதந்திரமும் சமூகப் பொறுப்புணர்வும் பற்றிய கொழும்பு பிரகடனத்திற்காக பல ஊடகவியளாலர்கள் தொடர்ந்து போராட்டங்களை மேற்கொண்டனர். பல துன்பங்களை அனுபவிக்க நேர்ந்தது. பல உயிர்கள் பறி போனது. அவ்வாறு போராடி பெற்ற கொழும்பு பிரகடனம் 20 வருடங்களை அடைந்துள்ளது. ஊடக சுதந்திரத்திற்காக போராடிய லசந்த விக்ரமதுங்க , பிரகீத் எக்னலிகொட, கீத் நொயார் மற்றும் உதயன் பத்திரிகையின் சில ஊடகவியலாளர்கள் இன்று இல்லை. முன்பை விட இப்போது ஊடக சுதந்திரம் உயர் நிலையில் உள்ளது. ஊடக சுதந்திரத்தின் ஓர் அங்கமாகவே எமது அரசாங்கத்தினால் தகவல் அறியும் உரிமைச் சட்டம் கொண்டு வரப்பட்டது. கடந்த அரசாங்கத்தினைப் போலன்றி இந்த அரசாங்கத்தில் ஊடகவியலாளர்களால் சுயாதீனமாக செயற்பட முடிகின்றது. எனினும் இன்றளவில் ஊடகங்கள் உண்மையான செய்திகளை வெளியிடுகின்றனவா என சிந்திக்க வேண்டியுள்ளது. நாட்டில் ஜனநாயகம் உறுதியாக நிலைநாட்டப்பட வேண்டும் எனில் அங்கு ஊடக சுதந்திரம் உருவாக வேண்டும். உண்மையான செய்திகள் மக்களைச் சென்று சேரும் போது ஜனநாயகம் வலுவடையும். ஆனால் தற்போது ஊடகங்கள் அரசாங்கம் மேற்கொண்டுள்ள சிறந்த செயற்திட்டங்களை வெளிக்கொணர்வதில்லை. எதிர்மறையான விடடயங்களை மாத்திரமே மக்களிடம் கொண்டு சேர்க்கின்றன. இரு வகையான செய்திகளையும் மக்களிடம் சேர்ப்பதே ஊடக சுதந்திரம் ஆகும். ஊடகவியலாளர்கள் மீதான தாக்குதல்கள் தொடர்பில் விசாரணைகளை மேற்கொள்ளவில்லை என குற்றம் சாட்டுகின்றனர். லசந்த விக்ரமதுங்க, பிரகீத் எக்னலிகொட, கீத் நொயார் தொடர்பில் பேசியவர்களும் விசாரணைகளை ஆரம்பித்தவர்களும் யார் என சிந்தித்து பார்க்க வேண்டும். ஊடகவியளார்கள் மீதான வன்முறை தொடர்பில் விசாரணைகளை மேற்கொள்ள எமது அரசாங்கமே நடவடிக்கை எடுத்துள்ளது. அதேபோல் ஊடகங்களால் மிக அதிகமாக விமர்சிக்கப்பட்ட நபராக நான் இருக்கின்றேன். அதற்கான சுதந்திரம் ஊடகங்களிடம் உண்டு. ஊடகவியலாளர்கள் போராடி பெற்ற சுதந்திரத்தை அவர்களால் மாத்திரமே இல்லாமல் செய்ய இயலும். எனவே ஊடக சுதந்திரத்தின் ஊடாக சரியான செய்திகளை வழங்கி சுயாதீனமான முறையில் ஊடகங்கள் செயற்பட வேண்டும் எனக் குறிப்பிட்டுள்ளார். நாட்டின் அரசாங்கத்தையும் ஏனைய தனியார் துறையினரையும் நேர்மையாக செயற்பட வைக்கும் ஆற்றல் ஊடகங்களிடம் உள்ளது – அமைச்சர் மங்கள சமரவீர… நாட்டின் அரசாங்கத்தையும் ஏனைய தனியார் துறையினரையும் நேர்மையாக செயற்பட வைக்கும் ஆற்றல் ஊடகங்களிடம் உள்ளது. ஊடகத்துறை என்பது மாற்றத்தை ஏற்படுத்தக் கூடிய வலுமிக்க சக்தியாகும். ஜனநாயகத்தை நிலைநாட்டுவதிலும் அதற்கு பங்குண்டு என நிதி மற்றும் வெகுசன ஊடக அமைச்சர் மங்கள சமரவீர தெரிவித்தார். இலங்கை பத்திரிகை ஸ்தாபனத்தினால் ஊடக சுதந்திரமும் சமூகப் பொறுப்பும் பற்றிய கொழும்பு பிரகடனத்தின் 20 ஆவது ஆண்டு நிறைவை முன்னிட்டு நிகழ்வொன்று நேற்று வியாழக்கிழமை ஏற்பாடு செய்யப்பட்டிருந்தது.அந் நிகழ்வில் கலந்து கொண்டு உரையாற்றுகையில் கருத்து சுதந்திரம், ஊடக சுதந்திரம் ஆகிய இரண்டும் அடிப்படை மனித உரிமைகள் என்பதே எமது கொள்ளையாகும். 2016 ஆம் ஆண்டில் அரசாங்கத்தினால் கொண்டு வரப்பட்ட தகவலறியும் உரிமைச்சட்டத்தின் மூலம் அரச தலையீடு இன்றி ஊடகவியலாளர்களால் செயற்பட முடியும் எனும் விடயம் உறுதி செய்யப்பட்டது. அதே போல் கடந்த காலங்களில் வீழ்ச்சி கண்டிருந்த ஊடக சுதந்திரம் 2015 இற்கு பின்னர் மேம்பட்டுள்ளது. உலகலாவிய ரீதியில் ஊடக சுதந்திர குறிகாட்டியில் 138 ஆவது நிலையிலிருந்த எமது நாடு 2018 இல் வெளியிடப்பட்ட அறிக்கையின் படி 131 ஆவது இடத்திற்கு முன்னேறியுள்ளது. இதில் முதல் நிலையினை அடைவதற்கு பல வருடங்கள் தேவைப்படும் எனினும் தற்போது முன்னேற்றகரமான நிலையினை நோக்கியே நகர்ந்து வருகின்றோம். எனினும் ஊடகங்கள் சரியான செய்தியினை வழங்குவதிலும் பார்க்க பரபரப்பு செய்திகளை வழங்குவதிலேயே கவனம் செலுத்தி வருகின்றன. சிங்கப்பூர் உடனான சுதந்திர வர்த்தக ஒப்பந்தம் கைசாத்திடப்பட்ட போது அவ்விடயம் தொடர்பில் வெளிவந்த தவறான பரப்புரைகளை இதற்கு உதாரணமாக குறிப்பிடலாம். சரியான தகவல்களை மக்களுக்கு வழங்குவதன் மூலம் ஊடக சுதந்திரம் மேலும் வலுவடையும். சுயதணிக்கைபடுத்தலுடனான தகவல்களை அடிப்படையாகக் கொண்ட செய்திகளே மக்களுக்கு தேவையாகும். அதனையே நாங்களும் எதிர்பார்க்கின்றோம் என்றார். http://globaltamilnews.net/2018/97441/

வடக்குக்கு வந்துள்ள ஆபத்து கே. சஞ்சயன் / காலநிலை மாற்றங்களால், அடுத்த 30 ஆண்டுகளில் இலங்கையின் பொருளாதாரம், வாழ்க்கைத் தரம் என்பன மோசமான நிலையை எட்டும் என்று, உலக வங்கியின் அண்மைய அறிக்கைகள் சுட்டிக் காட்டுகின்றன. “வெப்பநிலை, மழைவீழ்ச்சி மாற்றங்கள் வாழ்க்கைத் தரத்தில் ஏற்படுத்தப் போகும் தாக்கங்கள்” என்ற தலைப்பில், அண்மையில் உலக வங்கி, ஓர் அறிக்கையை வெளியிட்டிருந்தது. தெற்காசியாவில், இந்தியா, இலங்கை, பங்களாதேஷ் ஆகிய நாடுகள் குறித்து, தனித்தனியான அறிக்கைகளாக வெளியிடப்பட்டன. இந்த அறிக்கையில், 2050ஆம் ஆண்டில், இலங்கை எதிர்கொள்ளப் போகின்ற மிகப்பெரிய அச்சுறுத்தல்கள் தெளிவாகவே சுட்டிக்காட்டப்பட்டுள்ளன. ஒட்டுமொத்த இலங்கைத் தீவிலும், வடக்கு மாகாணமே அதிக பாதிப்பைச் சந்திக்கப் போகின்றது என்ற திடுக்கிடும் தகவலையும் அந்த அறிக்கை தாங்கியிருக்கிறது. பொருளாதார நிலை, பொருளாதாரக் கொள்கைகள் தொடர்பாக, உலக வங்கி அவ்வப்போது எச்சரிக்கைகளை விடுப்பது வழக்கம். ஆனால், அதுபற்றி யாரும் பெரிதாக அலட்டிக் கொள்வதில்லை. ஏதாவது உதவியை வழங்குவதற்காக, உலக வங்கி நிபந்தனையை விதிக்கும் போது மாத்திரமே, பொருளாதாரக் கொள்கைகளை வகுக்கும் அரசாங்கம் கூட, உலக வங்கியின் அறிக்கையைப் படித்துப் பார்ப்பது தான் வழக்கம். அதற்கு மாறாக, காலநிலை மாற்றமும் அதனால் ஏற்படக்கூடிய தாக்கங்கள் தொடர்பாகவும், உலக வங்கி இப்போது வெளியிட்டுள்ள அறிக்கை, இலங்கையை, குறிப்பாக வடக்கு மாகாணத்தை அச்சத்துடன் நோக்க வைத்திருக்கிறது. இன்னும் 30 ஆண்டுகளில் 1.5 தொடக்கம் 2 பாகை செல்சியஸ் அளவுக்கு, இலங்கையில் சராசரி வெப்பநிலை அதிகரிக்கும் என்று எச்சரிக்கப்பட்டுள்ளதானது, அதிர்ச்சியூட்டுவதாக உள்ளது. பொதுவாகவே, வடக்கில் முன்னரை விட சராசரி வெப்பநிலை அதிகரித்து விட்டது. வடக்கில் வாழுகின்ற இரண்டு பேர் சந்தித்துக் கொள்ளும் போது, இந்த வெயில் வெப்பத்தின் அதிகரிப்புக் குறித்து, பேசிக் கொள்வது சாதாரணமாக இருக்கிறது. இப்போது, வடக்கில் முல்லைத்தீவு, கிளிநொச்சி, மன்னார், வவுனியா மாவட்டங்களில் வரட்சியும் வாட்டிக் கொண்டிருக்கிறது. அதனால், விவசாயம் பாதிக்கப்பட்டுள்ளதுடன், கால்நடைகளும் மடியத் தொடங்கி இருக்கின்றன. யாழ்ப்பாணக் குடாநாட்டில் வரட்சி இருந்தாலும், நிலத்தடி நீர் அதைப் பாதுகாத்து வருகிறது. ஆனால், நிலத்தடி நீர்மட்டமும் வேகமாக குறைந்து கொண்டிருக்கிறது. இப்போதுள்ள நிலையே இப்படியென்றால், இன்னும் 30 ஆண்டுகளில் ஏற்படப் போகின்ற மாற்றம், எத்தனை கொடியதாக இருக்கும் என்பதைக் கற்பனை செய்வது கடினமாக உள்ளது. அடுத்த 30 ஆண்டுகளில், சராசரி வெப்பநிலை இரண்டு பாகை செல்சியஸால் அதிகரிக்கப் போகிறது என்ற செய்தி, சாதாரணமாக எடுத்துக் கொள்ளக் கூடியதல்ல. வரட்சி, மழைவீழ்ச்சியின் போக்கில் ஏற்படக்கூடிய மாற்றங்களால், இலங்கையரின் சராசரி வாழ்க்கைத் தரத்தில், ஏழு சதவீத வீழ்ச்சி ஏற்படும் என்று கணித்திருக்கிறது உலக வங்கி. தமது வருமானத்தில் 20 சதவீதம், குறைவடைந்தால், ஒட்டுமொத்த இலங்கையிலும் 5.7 சதவீதமானோர் வறுமை நிலைக்குள் தள்ளப்படும் சூழல் இருக்கின்ற நிலையில், அடுத்த 30 ஆண்டுகளில் பெருமளவானோர் வறுமைக்குள் தள்ளப்படும் அபாயம் காத்திருக்கிறது. மாகாண மட்டத்தில், வடக்கு மாகாணத்தில், 11.2 சதவீத வாழ்க்கைத் தர வீழ்ச்சி எதிர்வு கூறப்பட்டிருக்கிறது. ஒட்டுமொத்த இலங்கையிலும், நீர்வளம் கிடைக்கும் வாய்ப்பு 0.4 ஆக இருக்கும் நிலையில், வடக்கு மாகாணத்தில், அது வெறுமனே 0.1 ஆக மாத்திரமே உள்ளது. இந்தக் காலநிலை மாற்றங்களால், பொருளாதார நிலை மோசமாகப் பாதிக்கப்படும் என்று அடையாளம் செய்யப்பட்டுள்ள 10 மாவட்டங்களில், வடக்கிலுள்ள ஐந்து மாவட்டங்களும் இடம்பெற்றிருக்கின்றன. மிகமோசமாகப் பாதிக்கப்படக் கூடிய மாவட்டமாக, யாழ்ப்பாணம் முதலிடத்தில் இருக்கிறது. இங்கு, 12.7சதவீத வாழ்க்கைத் தர வீழ்ச்சி எதிர்பார்க்கப்படுகிறது. மூன்றாமிடத்தில் உள்ள மன்னாரில், 10.3 சதவீதமும், நான்காமிடத்தில் உள்ள கிளிநொச்சியில், 10 சதவீதமும், ஒன்பதாம், பத்தாமிடங்களில் உள்ள முல்லைத்தீவு, வவுனியா மாவட்டங்களில், 8.7 சதவீத வாழ்க்கைத்தர வீழ்ச்சியும் எதிர்வு கூறப்பட்டுள்ளது. வடக்கிலுள்ள எல்லா மாவட்டங்களிலுமே, கிடைக்கக்கூடிய நீரின் அளவு 0.1 ஆகத் தான் இருக்கப் போகிறது. இடப்பெயர்வு, போர் என்பனவற்றால் பாதிக்கப்பட்ட வடக்கு மாகாணத்தில், காலநிலை மாற்றத்தால், ஏற்படக்கூடிய பொருளாதார வீழ்ச்சி, பாரிய தாக்கத்தை ஏற்படுத்தும் என்பது உலக வங்கியின் கணிப்பு. மூன்று தசாப்த காலப் போரால், வடக்கு மாகாணம், பெரிதும் பாதிக்கப்பட்டது என்பதும், அந்தப் பாதிப்பில் இருந்து இன்று வரை பொருளாதார ரீதியாகவும், வாழ்க்கைத் தர ரீதியாகவும் முன்னேற முடியாத நிலையில் முடங்கிப் போயிருக்கிறது என்பதும் அப்பட்டமான உண்மை. இலங்கை மத்திய வங்கி வெளியிடும் ஆண்டறிக்கையைப் பார்த்தால், ஒன்பது மாகாணங்களிலும், வளர்ச்சி வேகத்தில், மொத்த தேசிய உற்பத்திக்கான பங்களிப்பில், வாழ்க்கைத் தரத்தில் என்று எல்லாக் காரணிகளிலும், கடைசி ஒன்பதாவது இடத்தைத் தான், வடக்கு மாகாணம் இருந்து கொண்டிருக்கிறது. போர் முடிந்து கிட்டத்தட்ட 10 ஆண்டுகளாகப் போகின்ற நிலையிலும், வடக்கின் பொருளார நிலையை விருத்தி செய்வதற்கான உரிய திட்டங்கள் வகுக்கப்படவில்லை. முதலீடுகள், மேற்கொள்ளப்படவில்லை. போதுமான நிதியுதவிகள் வழங்கப்படவில்லை. அதைவிட சில திட்டங்களை முன்னெடுக்கும் போது, மனித காரணிகளாலும் தடங்கல்கள் ஏற்படுகின்றன; ஏற்படுத்தப்படுகின்றன. இவற்றால், பொருளாதார ரீதியாக, வடக்கு மாகாணத்தின் நிலை படுமோசமான கட்டத்திலேயே இருக்கிறது. வடக்கில் பொருளாதார வீழ்ச்சி நிலைக்கு எல்லோரும் போரைக் காரணம் காட்டித் தப்பித்துக் கொள்வதே வழக்கமாக உள்ளது. இடப்பெயர்வு, இராணுவ நெருக்கடிகள், காணிகள் விடுவிக்கப்படாமை, போதிய நிதி வழங்கப்படாமை என்று பல்வேறு காரணிகளைத் துணைக்கு அழைத்து, தப்பித்துக் கொள்வதில் அரசியல்வாதிகள் வல்லவர்கள். இந்தக் காரணிகளை முற்றாக நிராகரித்து விட முடியாது என்ற போதும், பொறுப்புகளை நிறைவேற்றுவதில் இருந்து தப்பிப்பதற்கான ஓர் உத்தியாகவும் இவை பயன்படுத்தப்படுகின்றன என்பதில் சந்தேகமில்லை. போரால் பாதிக்கப்பட்ட பொருளாதார நிலை, வாழ்க்கைத் தர நிலை உள்ளிட்ட பெரும்பாலான விடயங்களின், பின்னால் நிற்கின்ற வடக்கு மாகாணத்துக்கு, இப்போது வரப் போகின்ற சவால் மிகப் பெரியது. அடுத்த 30 ஆண்டுகளில் வடக்கின் நீர் வளத்தை பாதுகாப்பது, பெருக்குவது, பொருளாதார வீழ்ச்சியில் இருந்து தப்பிப்பது போன்ற விடயங்களில் கூடுதல் கவனம் செலுத்த வேண்டிய சூழல் ஏற்பட்டுள்ளது. இதைப் போர்க்கால அடிப்படையில் முன்னெடுத்தால் தான், நிறைவேற்ற முடியும். ஏனென்றால், இந்த நெருக்கடியை எதிர்கொள்ளப் போகின்ற காலம் நெருங்கி வந்து விட்டது. தற்போதைய வடக்கு மாகாண சபையின் பதவிக்காலம் முடிவுக் கட்டத்தை எட்டியுள்ள நிலையில் தான், உலக வங்கியின் இந்த எச்சரிக்கை அறிக்கை வந்திருக்கிறது. எனவே, வடக்கு மாகாணசபை இந்த விடயத்தில் அவசரமாக எந்த நடவடிக்கையையும் எடுக்கும் என்று எதிர்பார்க்க முடியாது. ஆனால், உடனடியாகச் செயற்பட வேண்டிய கட்டாயத்தை உலக வங்கியின் இந்த அறிக்கை உணர்த்தியிருக்கிறது. மத்திய அரசாங்கம் இந்தப் பிரச்சினையைத் தீர்க்கும் என்றோ, தீர்வைத் தரும் என்றோ பொறுத்திருப்பது, காலத்தை வீணடிக்கும் செயலாகவே தெரிகிறது. இது வடக்குக்கு வந்துள்ள மிகப்பெரிய பிரச்சினை; இதைத் தீர்ப்பதற்கு வடக்கிலுள்ளவர்களால்தான், எதைச் செய்ய முடியுமோ, அதற்கான சூழலை ஏற்படுத்திக் கொள்வதே புத்திசாலித்தனமானது. கிடைக்கக் கூடிய வழிகள், வசதிகள், வாய்ப்புகளை ஒன்றிணைத்து, திட்டங்களை வகுக்க வேண்டிய தேவை, வடக்கிலுள்ள தமிழ்மக்கள் அனைவருக்கும் இருக்கிறது. இத்தகைய கட்டத்தில் அபிவிருத்தியா, உரிமைகளா என்று பட்டிமன்றம் நடத்திக் கொண்டிருப்பது அர்த்தமற்றது. முதலில் மண்ணையும் மக்களையும் காப்பாற்றுவதற்கான திட்டங்கள் வகுக்கப்படுவது அவசியம். இவையிரண்டும் பாதுகாக்கப்படாவிடின், 2009இல் ஏற்பட்ட நிர்க்கதி நிலையில் தான், 2050இலும் நிற்க வேண்டியிருக்கும். அதற்குள்ளாக, இந்தச் சந்ததியையும் அடுத்த சந்ததியையும் இயற்கையிடம் இருந்து காப்பாற்றுவதற்கு முடியுமானவரை முயற்சிக்க வேண்டிய பொறுப்பு நிலைக்கு வருவது, அனைவரதும் கடப்பாடு ஆகும். துறைசார் வல்லுநர்களுடன் கூடி ஆராய்ந்து, பொருத்தமான திட்டங்களை உருவாக்கத் தவறினால், உலக வங்கி எச்சரித்தது போன்ற நிலைக்கு இன்னும் முப்பது ஆண்டுகளில், வடக்கு மாகாணம் முகம் கொடுக்க நேரிடலாம். அத்தகைய பேரழிவு ஒன்றில் இருந்து தமிழர் தாயகத்தைப் பாதுகாப்பதற்கான திட்டங்களை வகுப்பதே, இன்றைய அவசியத் தேவை. இதைச் செய்யத் தவறினால், வரலாற்றுப் பழிக்கு நாமெல்லாம் இலக்காக வேண்டியிருக்கும். http://www.tamilmirror.lk/சிறப்பு-கட்டுரைகள்/வடக்குக்கு-வந்துள்ள-ஆபத்து/91-222715

நிசாம்தீன் பிணையில் விடுதலை அவுஸ்திரேலியாவில் கைது செய்யப்பட்ட இலங்கை பிரஜையான 25 வயதுடைய மொஹமட் நிசாம்தீன் பிணையில் விடுதலை செய்யப்பட்டுள்ளார். சிட்னி பல்கலைக்கழகத்தில் கல்வி பயிலும் இவர், ஐ.எஸ். தீவிரவாத அமைப்பின் சார்பாக சிட்னி நகரை குண்டு வைத்துத் தகர்த்தல் மற்றும் அவுஸ்திரேலியாவின் முன்னணி ஆளுமைகளைப் படுகொலை செய்தல் ஆகிய குற்றச்செயல்களுக்கான திட்டங்களை தீட்டிய குற்றச்சாட்டின் கடந்த ஆகஸ்ட் மாதம் 30 ஆம் திகதி கைதுசெய்யப்பட்டமை குறிப்பிடத்தக்கது. http://www.virakesari.lk/article/41313

செக்கச் சிவந்த வானம் - சினிமா விமர்சனம் முரளிதரன் காசிவிஸ்வநாதன்பிபிசி தமிழ் இதை பகிர ஃபேஸ்புக்கில் இதை பகிர Messenger இதை பகிர டுவிட்டரில் இதை பகிர மின்னஞ்சல் பகிர்க படத்தின் காப்புரிமைTWITTER திரைப்படம் செக்கச் சிவந்த வானம் நடிகர்கள் அரவிந்த் சாமி, அருண் விஜய், சிம்பு, விஜய் சேதுபதி, பிரகாஷ் ராஜ், ஜோதிகா, ஜெயசுதா, ஐஸ்வர்யா ராஜேஷ், அதிதி ராவ், தியாகராஜன், டயானா எரப்பா, மன்சூர் அலிகான் ஒளிப்பதிவு சந்தோஷ் சிவன் இசை ஏ.ஆர்.ரஹ்மான் இயக்கம் மணிரத்னம் காற்று வெளியிடை படத்திற்குப் பிறகு மணிரத்னம் இயக்கத்தில் வெளியாகியிருக்கும் படம். கடல், ஓ.. காதல் கண்மணி, காற்று வெளியிடை படங்களால் சோர்ந்து போயிருக்கும் அவரது ரசிகர்களுக்கு இந்தப் படம் சற்று உற்சாகமளிக்கக்கூடும். தாதாவான சேனாதிபதிக்கு (பிரகாஷ் ராஜ்) மூன்று மகன்கள். சேனாதிபதியும் அவரது மனைவியும் (ஜெயசுதா) காரில் போய்க்கொண்டிருக்கும்போது அவரைக் கொல்ல சிலர் முயல்கிறார்கள். சேனாதிபதியின் மகன்களான வரதன் (அரவிந்த் சாமி), எத்தி (சிம்பு), தியாகு (அருண் விஜய்) ஆகிய மூவரும் தந்தையைக் குறிவைத்தவனைப் பழிவாங்க விரும்புகிறார்கள். போட்டி தாதாவான சின்னப்பதாஸ் (தியாகராஜன்), மனைவியின் தம்பியான செழியன் (சிவா ஆனந்த்), மருமகள் (ஜோதிகா), மகன்கள் என பலர் மீதும் கோபம் திரும்புகிறது. படத்தின் காப்புரிமைTWITTER இதற்கு நடுவில் சேனாதிபதி இறந்துவிட, தந்தையின் இடத்திற்கு மகன்கள் மூவருமே போட்டிபோடுகிறார்கள். வரதனின் நண்பனும் காவல் துறையிலிருந்து இடைநீக்கம் செய்யப்பட்டவருமான ரசூல் (விஜய் சேதுபதி) தனியாக ஒரு விளையாட்டை ஆரம்பிக்கிறார். ஒரு சிறிய திருப்பத்தோடு படம் முடிகிறது. உறவுச் சிக்கல்களை விட்டுவிட்டு ஒரு தாதா கதைக்கு மணிரத்னம் திரும்பியிருப்பதே ரசிகர்களுக்கு உற்சாகமளிக்கக்கூடும். துவக்கத்தில் சேனாதிபதி தாக்கப்பட்டவுடன் அதை 'யார் செய்திருக்கக்கூடும்' என்பது மாதிரியான கதையாக துவங்கி, இடைவேளை தருணத்தில் தாதா குடும்பத்திற்குள் நடக்கும் போட்டியாக மாறுகிறது. முதல் பாதியில் இயக்குநர் வைத்திருக்கும் திருப்பம் சீக்கிரமே பார்வையாளர்களுக்கு புரிந்துவிட்டாலும் அதனை முழுமையாக அவிழ்க்காமல் படம் நெடுக்க எடுத்துச் செல்வது சுவாரஸ்யம். அதே போல படத்தின் இறுதியில் வரும் திருப்பமும் நன்றாகவே இருக்கிறது. படத்தின் காப்புரிமைTWITTER தந்தையின் இடத்தைப் பிடிக்க மூன்று மகன்களும் நடத்தும் நரவேட்டைதான் படத்தின் மையப்புள்ளி. அந்தக் கட்டத்திற்கு படம் வந்து சேர்ந்தவுடன் படம் விறுவிறுப்பானாலும், அதுவரை படத்தில் தென்படும் பிரச்சனைகள் ரொம்பவுமே சோதிக்கின்றன. தாதாக்கள் சுட்டுக்கொண்டேயிருக்கிறார்கள், ராணுவத்தில் பயன்படுத்தும் வெடிகுண்டை காருக்குள் வீசுகிறார்கள், பாலியல் விடுதியில் துப்பாக்கிச் சூடு நடக்கிறது - ஆனால், காவல்துறை கண்டுகொள்வதேயில்லை. அவ்வப்போது காவல்துறை அதிகாரி ஒருவர் கூப்பிட்டு சமாதானம் பேசுவதோடு சரி. சேனாதிபதியின் மகன்கள் மூவரும் எந்த நாட்டிலும் எதை வேண்டுமானாலும் செய்யும் சக்தி படைத்தவர்களாக வேறு இருக்கிறார்கள். அதனால், சேனாதிபதி என்ன தாதா வேலை பார்க்கிறார், வெளிநாட்டில் இருக்கும் இரண்டாவது மகன் என்ன செய்கிறார் போன்ற கேள்விகளும் அவ்வப்போது தோன்றி மறைகின்றன. தவிர, மணிரத்னம் படங்களில் எல்லாமே, ஒருவருக்கொருவர் பேசுவது மிக செயற்கையாகவே இருக்கும். அந்தப் பிரச்சனை இந்தப் படத்திலும் இருக்கிறது. படத்தின் காப்புரிமைTWITTER அதனால், ஒரு குடும்பத்திற்குள் நடக்கும் மோதல் என்பதாக பல சமயங்களில் மனதில் பதியாமல் போகிறது இந்தக்கதை. புதுச்சேரியில் ஒரு பாலியல் விடுதில் நடக்கும் துப்பாக்கிச் சண்டை சுத்தமாகப் பொருந்தவில்லை. நூற்றுக்கணக்கான பெண்கள் உள்ள பாலியல் விடுதியில், துப்பாகிச் சண்டை நடந்து ஆட்கள் விழுந்துகொண்டிருக்கும்போது அங்கேயிருக்கும் பெண்கள் அப்போதும் வாடிக்கையாளர்களைப் பிடிக்கப்பார்க்கிறார்கள்! அதேபோல துபாயில் இருக்கும் தியாகுவின் வீட்டிற்கு நான்கு தடியர்கள் புகுந்து போதைப் பொருளை வைத்துவிட்டுச் செல்கிறார்கள். தியாகுவின் மனைவி போலீசுக்கு போன் செய்தால், அவர்கள் வந்து தியாகுவின் மனைவியைக் கைதுசெய்கிறார்கள். துபாய் போலீஸ் அவ்வளவு சிறுவர்களா? சிசிடிவி காட்சிகளைப் பார்க்க மாட்டார்களா? வரதனின் காதலியாக வரும் அதிதி ராவின் பாத்திரம் படத்திற்கு தேவையில்லாத ஓர் ஆணி. தாதாவாக நடிப்பது பிரகாஷ் ராஜிற்கு அல்வா சாப்பிடுவதைப் போல. மனிதர் பின்னுகிறார். அவரை விட்டுவிட்டால் சிம்புவும், விஜய் சேதுபதியும் ஜொலிக்கிறார்கள். சந்தோஷ் சிவனின் ஒளிப்பதிவும் ஏ.ஆர்.ரஹ்மானின் இசையும் சந்தேகமில்லாமல் படத்தின் பலங்களில் ஒன்று. பாடல்கள் எதுவும் தனியாக வராமல் பின்னணியில் ஒலிப்பது, ஆசுவாசமளிக்கிறது. வசனங்களில் இருக்கும் ரசிக்க முடியாத செயற்கைத்தன்மை படத்தின் முக்கியமான பலவீனம். மணிரத்னத்தின் ரசிகர்களைப் பொறுத்தவரை, அவர் மீண்டும் தலையெடுக்கும் வகையிலான ஓர் உற்சாகமான படம்தான் இது. ஆனால், ஒட்டுமொத்த தமிழ் சினிமாவுக்குள் பொருத்திப்பார்த்தால், மோசமில்லாத ஒரு படம். அவ்வளவுதான். https://www.bbc.com/tamil/arts-and-culture-45668090 நெட்டிசன் நோட்ஸ்: செக்க சிவந்த வானம் - விசில் சத்தங்களோட மணிரத்னம் படம் பார்த்து எவ்ளோ வருஷமாச்சு! மணிரத்னம் இயக்கத்தில் பிரகாஷ் ராஜ், அரவிந்த் சாமி, விஜய் சேதுபதி, அருண் விஜய், சிம்பு, ஜோதிகா,ஐஸ்வர்யா ராஜேஷ், அதிதி ராவ் ஆகியோர் நடித்துள்ள செக்கச் சிவந்த வானம்' இன்று வெளியாகியுள்ளது. இந்த படம் குறித்து நெட்டிசன்கள் தங்கள் கருத்தை பதிவிட்டு வருகிறார்கள் அவற்றின் தொகுப்பு இன்றைய நெட்டிசன் நோட்ஸில்... Maathevan ‏விசில் சத்தங்களோட மணிரத்னம் படம் பார்த்து எவ்ளோ வருஷமாச்சு! கடைசியா ராவணன் ரிலீஸ் அப்போ கேட்டது ஷ்ஷார்ப் ‏விஜய் சேதுபதிக்கு படம் ஃபுல்லா வெயிட் கொடுக்கல... கடைசியா இன்ஸ்பெக்டர் ரஸூல் இப்ராஹீம்னு சொல்லும்போது மொத்த வெயிட்டும் கொடுத்துட்டாரு மணிரத்னம் செந்தில் வேல் ‏விக்ரம் வேதா படத்திற்கு பிறகு Public review நல்லா வந்திருக்கிறது என்றால் மணிரத்தனம் உழைப்பு தான்..... Gautham ‏மணி மறுபடியும் ஒரு இருவர் எடுத்திருக்கார் பிரகாஷ் ராஜ்- ஜெயலலிதா அரவிந்த்சாமி- தினகரன் அருண்விஜய்-ஓபிஎஸ் சிலம்பரசன்-இபிஎஸ் விஜய் சேதுபதி-ஸ்டாலின் பிரகாஷ் ‏படம் செம - முக்கியமா க்ளைமேக்ஸ் கவின்தமிழ் ‏மணிரத்னம் பேன்ஸ், சிம்பு பேன்ஸ்க்கு இந்த படம் பிடிக்கலாம்.. ஏன்னா அவங்க முந்தைய படங்களோடு ஒப்பிடு பண்றப்ப இது கொஞ்சம் பரவாயில்லனு தோணும்.. PRAKA ‏செக்க சிவந்த வானம் மினி விமர்சனம் மணிரத்னம் பக்கா மாஸ் கதையை தன்னோட பாணில எடுத்து மறுபடி வெற்றிக்கொடி நாட்டிட்டார். ஒரு தளபதி நாயகன், குரு வரிசைல மணிரத்னதிற்கு இந்த படம் ஒரு மைல்கல்.. Timepass ‏ புடிச்சிருக்கு . . ரெம்ப புடிச்சிருக்கு . #ManiRatnam is back with bang . . . #CCV Aanthaiyar ‏#பொன்னியின்செல்வன் படித்த, படிக்காத எல்லோருக்கும் பிடித்த படமாக இருக்கும் #chekkachivandhavaanam அதற்காக அடேங்கப்பா என்று பிரமிக்கவும் முடியாது.. அடச்சே என்று சலிப்பாகவும் முடியாது. ஜஸ்ட் #ManiRatnam மேஜிக் PSKK ‏இது தான வேணும், எடுத்துக்கோங்க - மணிரத்னம் kanna ‏"வந்தா ராஜாவா தான் வருவேன்" - மணிரத்னம் சி.பி.செந்தில்குமார் ‏தளபதி ,திருடா திருடா படங்களுக்குப்பின் வேகமான திரைக்கதை,மணிரத்னம் ஈஸ் பேக் ராஜி ‏படத்துல விஜய் சேதுபதி பிண்ணிருக்காப்ள... அவர் கேரக்டர் தான் பெரிய ட்விஸ்ட்டே படத்துல.. அவருக்கு அப்பரம் அருண்விஜய் கேரக்டர் செம்மயா டிசைன் பண்ணிருக்காரு மணிரத்னம்.. ஜோதிகா STR அரவிந்தசாமினு படத்துல எல்லாருக்குமே equal scope.. மணிரத்னத்தோட தரமான இன்னொரு சக்ஸஸ் திருச்சி மன்னாரு! ‏செக்கச்சிவந்த வானம் செம மாஸ்... முக்கியமா சிம்பு, விஜய் சேதுபதி வர சீன்ஸ் எல்லாம் விசில் பறக்குது தியேட்டர்ல... வேற லெவல் மணிரத்னம் படம்!!! ஏ ஆர் ரஹ்மான் இசை ஒரு ப்ளஸ்.. கன்ஃபார்ம் ப்ளாக்பஸ்டர்!! https://tamil.thehindu.com/opinion/blogs/article25057846.ece

அரசியல் கைதிகளின் விடுதலை விவகாரம்: திட்டமிட்ட அரசியல் பழிவாங்கல்களே என்கின்றார் சட்டத்தரணி! தமிழ் அரசியல் கைதிகளின் வழக்கில் அதிகாரம் இருந்தும் சட்டமா திபர் திணைக்களத்தின் அசமந்தப் போக்கு மற்றும் அவர்களின் திட்டமிட்ட கால தாமதம் என்பன ஒரு அரசியல் பழிவாங்கல்களே என சட்டத்தரணி கே.வி. தவராசா தெரிவித்துள்ளார். அரசியல் கைதிகளின் விடுதலை தொடர்பிலும், அதில் இருக்கும் உள்நோக்கம் தொடர்பிலும் எமது ஆதவன் தொலைக்காட்சியின் நிலவரம் நிகழ்ச்சியில் கலந்துகொண்டு கருத்து தெரிவிக்கும் போதே அவர் இவ்வாறு கூறினார். அவர் மேலும் கூறுகையில், ” அரசியல் கைதிகள் மீது குற்றச்சாட்டினை சுமத்தியவர்கள் என்ற அடிப்படையில், சட்டமா அதிபர் திணைக்களத்தின் முடிவு தான் இங்கு அவசியம். அந்தவகையில் சட்ட மா அதிபர் திணைக்களம் அவர்களுக்கான தண்டனைகளை குறைத்து அல்லது சிறிய தண்டனையை வழங்கியாவது அவர்களுக்கான புனர்வாழ்வினை ஏற்படுத்த வேண்டும். ஆனால், குறித்த குற்றச்சாட்டுக்களுக்கு புனர்வாழ்வளித்து விடுதலை நடைமுறையில் சாத்தியமில்லை. மேலும் சட்ட மா அதிபருக்கு அவர்களுக்கன பிணை வழங்கும் அதிகாரம் உள்ளது. இருப்பினும் அந்த அதிகாரத்தை அவர்கள் துஸ்பிரயோகம் செய்கின்றார்கள் என்பதே எனது கருத்து. அத்துடன் இவ்வாறு பல வருடமாக சிறையில் அவர்கள் அடைத்து வைத்திருப்பதானது ஒரு அரசியல் பழிவாங்கலே” என அவர் கூறினார். http://athavannews.com/அரசியல்-கைதிகளின்-விடுத-17/

பாகிஸ்தானை விட அபாயகரமான வங்கதேசத்துடன் பைனலில் நாளை இந்தியா மோதல்: வரலாறு யார் பக்கம்; இதுவரை வங்கத்துடன் நடந்த போட்டிகள் ஒரு பார்வை ரோஹித் சர்மா, ஷிகர் தவண்: கோப்புப்படம் ஆசியக் கோப்பையை இந்திய அணி 7-வது முறையாக வெல்ல வேண்டும் என்ற முனைப்புடன் ரோஹித் சர்மா தலைமையிலான இந்தியஅணி வங்கதேசத்தை நாளை எதிர்கொள்கிறது. பாகிஸ்தானைக் காட்டிலும் அபாயகரமான அணியான வங்கதேசம் எதிர்பாராத நேரத்தில் வலுவான அணிகளுக்கே அதிர்ச்சித் தோல்வி அளிக்கும் வல்லமை படைத்தது. சூப்பர்-4 சுற்றில் பாகிஸ்தானை வீழ்த்தி பைனலுக்கு வங்கதேசம் முன்னேறியதே சிறந்த சான்றாகும். ஆனால், வரலாற்றை சற்றுப்புரட்டிப் பார்த்தால், இதுவரை பலமுறை பல்வேறு இறுதிப்போட்டிகளில் வங்கதேசத்தை இந்திய அணி சந்தித்து அதில் வெற்றி பெற்றுள்ளது. அதிலும் ஆசியக் கோப்பையில் இரு அணிகளும் இதுவரை 10 முறை மோதியுள்ள அதில் 9 முறை இந்திய அணி வென்றுள்ளது, வங்கதேசம் ஒருமுறை மட்டுமே வென்றுள்ளது. ஆசியக் கோப்பையில் இதுவரை 6 முறை சாம்பியன் பட்டத்தை இந்திய அணி கைப்பற்றி இருக்கிறது, இந்தப் போட்டியில் வென்றால் 7-வது முறையாக வென்ற அணி என்ற பெருமையைப் பெறும். அதேசமயம், வங்கதேசம் 3-வது முறையாக பைனலுக்கு முன்னேறுகிறது. இந்த முறையாவது கோப்பையை வெல்ல வேண்டும் என்று வெறியுடன் இருக்கிறது. அந்த அணியின் முக்கிய வீரர்கள் தமிம் இக்பால், சஹிப் அல் ஹசன் இருவர் காயத்தால் விலகியுள்ளபோதிலும் வங்கதேசம் சிறப்பாகச் செயல்பட்டு வருகிறது. இவர்கள் இல்லாததும் ஒருவிதத்தில் அந்த அணிக்கு பலவீனம் என்பதையும் மறந்துவிட முடியாது. இந்தியஅணியைப் பொருத்தவரை விராட் கோலி இல்லாமல் ரோஹித் சர்மா தலையில் இந்திய அணி கோப்பையை கைப்பற்றத் தீவிரமாக இருக்கிறது. இங்கிலாந்தில் டெஸ்ட், ஒருநாள் தொடரையும் இழந்து வந்த இந்திய அணிக்கு ஆசியக்கோப்பை கிடைத்தால், காயங்களுக்கு இதமான மருந்திட்டதாக அமையும். அடுத்துவரும் மேற்கிந்தியத் தீவுகளுக்கு எதிரான தொடரை கூடுதல் உற்சாகத்துடன் எதிர்கொள்ளும். ஹாங்காங் அணிக்கு எதிராக முதல் போட்டியில் மோசமாக விளையாடிய இந்திய அணி அடுத்தடுத்த போட்டிகளில் பேட்டிங்கிலும், பந்துவீச்சிலும் சிறப்பாகச் செயல்பட்டனர். குறிப்பாக ரோஹித் சர்மா, ஷிகர் தவண் ஆகியோர் தொடக்க வீரர்களாகக் களமிறங்கி வெற்றிகளுக்குக் காரணமாக இருந்து வந்துள்ளனர். இருவரும் தலா ஒருசதம் அடித்து, நல்ல ஃபார்மில் உள்ளனர். ரோஹித் சர்மா 269 ரன்கள் எடுக்க தவண் 327 ரன்களில் முதலிடத்தில் உள்ளார். ஆனால், நடுவரிசை பேட்டிங்தான் மிகுந்த கவலைக்கிடமாக இருக்கிறது. பாகிஸ்தான், வங்கதேசம் அணிகளுக்கு எதிரான ஆட்டங்களில் தொடக்கம் சிறப்பாக இருந்த நிலையில் நடுவரிசை சிறப்பாக விளையாடவில்லை. தோனி, ராயுடு,மணிஷ் பாண்டே, ஜாதவ், தினேஷ் கார்த்திக் ஆகியோர் இருந்து இன்னும் எதிர்பார்த்த அளவுக்கு விளையாடவில்லை. அதிலும் வலுவான வீரர் தோனி இருக்கிறார் என்ற ஆறுதல் மட்டுமே பட்டுக்கொள்ள வேண்டியதுதான் ஆனால் இதுவரை ரன்சேர்க்கவில்லை. ஆதலால், பைனலிலும் நடுவரிசை வீரர்கள் சொதப்பிவிடாமல் விளையாட வேண்டியது அவசியம். பந்துவீச்சில் புவனேஷ்வர் குமார், பும்ரா, யஜூவேந்திர சாஹல் ஆகியோர் சிறப்பாகவே பணியைச் செய்கின்றனர். வங்கதேச அணியைப் பொருத்தவரை முஸ்தாபிஜுர் ரஹ்மான், ருபெல் ஹூசைன், மெஹதி ஹசன் மிராஸ் ஆகியோர் பந்துவீச்சில இன்னும் மோர்தசா,, மகமத்துல்லா ஆகியோர் இருக்கிறார்கள், மிதுன் அன்று பாகிஸ்தானுக்கு எதிராக 12/3 என்ற நிலையில் முஷ்பிகுருடன் இணைந்து இருவரும் 144 ரன்கள் கூட்டணி அமைத்தனர் மிதுன் 60 ரன்களுக்கு மிகச்சிறப்பாக ஆடினார். 2015-லிருந்து கோபம் கடந்த 2015-ம் ஆண்டு உலகக்கோப்பையில் இந்தியாவுக்கு எதிரான போட்டியில் வங்கதேசத்துக்கு எதிராக நோபால் கொடுக்கப்பட்டதில் இருந்தே அந்த அணியினர் ஆறாத ரணத்துடனே இருக்கிறார்கள். அதை ஒவ்வொரு முறையும் உலக அரங்கில் இந்திய அணி முக்கிய ஆட்டங்களில் தோற்கும் போது கிண்டல் செய்துதங்கள் மகிழ்ச்சியைத் தீர்த்துக்கொண்டனர். குறிப்பாக, 2016-ம் ஆண்டு டி20 உலகக்கோப்பையில் வங்கதேசத்தை ஒரு ரன்னில் இந்திய அணி வீழ்த்தியது. ஆனால், மேற்கிந்தியத் தீவுகளிடம் இந்திய அணி தோற்றபோது, வங்கதேச வீரர் முஷ்பிகுர் ரஹிம் மகிழ்ச்சி தெரிவித்து சமூக ஊடகங்களில் கொண்டாடினார். இலங்கையில் நடந்த நிடாஹாஸ் கோப்பையிலும் இந்திய அணியை பழிதீர்க்கக் காத்திருந்தனர் வங்கதேச அணியினர். ஆனால், கடைசி நேரத்தில் தினேஷ் கார்த்திக்கின் அதிரடியால் இந்தியாவுக்கு எதிராக நாகின்டான்ஸ் ஆட முடியாமல் போனது. ஒரு நாள், டி20, டெஸ்ட் ஆகிய அனைத்து விதமான போட்டிகளிலும் கடந்த 2015-ம் ஆண்டிலிருந்து இந்திய அணியை வங்கதேசத்தால் வீழ்த்த முடியவில்லை. 2016-ஆசியக்கோப்பை 2016-ம் ஆண்டு வங்கதேசத்தில் நடந்த ஆசியக்கோப்பை இறுதிப் போட்டியில் மழை பெய்தகாரணத்தால் போட்டி 15 ஓவர்களாகக் குறைக்கப்பட்டது. 15 ஓவர்களில் வங்கதேச அணி 5 விக்கெட் இழப்புக்கு 120 ரன்கள் சேர்த்தது. 121 ரன்கள் சேர்த்தால் வெற்றி எனும் இலக்குடன் களமிறங்கிய இந்திய அணி 13.5 ஓவர்களில் 2 விக்கெட்டுகளை இழந்து வெற்றி பெற்றது. தவண் 60ரன்களும், கோலி 41 நாட்அவுட், தோனி 20 ரன்களுடன் வெற்றிக்கு வித்திட்டனர். இந்த போட்டியிலும் கைக்கு எட்டியது வாய்க்கு எட்டவில்லை என்ற கணக்கில் கோப்பையை வெல்ல முடியாமல் வங்கதேசம் புழுங்கியது. நிடாஹாஸ் கோப்பை டி20 இலங்கையில் நடந்த நிடாஹ்ஸ் கோப்பை டி20 போட்டியில் தொடக்கம் முதலே வங்கதேச அணி எதிரணிகளை கிண்டல் செய்வதும், ஜெயித்து விட்டால் பாம்பு நடனம் ஆடுவதையும் வழக்கமாக வைத்திருந்தனர். இதனால், ஒரு போட்டியில் இலங்கை அணியினருக்கும், வங்கதேச அணியினருக்கும் இடையே கைகலப்பு ஏற்பட்டது. இந்தச் சம்பவத்துக்கும் பின்பும் வங்கதேச வீரர்கள் மாறவில்லை. இந்தியாவையும் வென்று பாம்பு நடனம் ஆட வேண்டும் என்ற தீர்மானத்தோடு இருந்தனர், ஆனால், இறுதிப்போட்டியில் நடந்ததே வேறு. முதலில் பேட் செய்த வங்கதேச அணி 20 ஓவர்களில் 8 விக்கெட் இழப்புக்கு 168 ரன்கள் சேர்த்தது. 169 ரன்கள் சேர்த்தால் வெற்றி எனும் இலக்குடன் களமிறங்கிய இந்திய அணி 4 விக்கெட் வித்தியாசத்தில் வென்றது. தினேஷ் கார்த்திக் 26 ரன்கள் சேர்த்து வெற்றிக்கு முக்கியக் காரணமாக இருந்தார். ஆக இதற்கு முன் நடந்த ஆசியக் கோப்பை, நிடாஹாஸ் பைனலில் இந்திய அணியே வென்றுள்ளது சாதகமான அம்சம். ஆசியக் கோப்பையிலும் இந்தியஅணி 9 முறையும், வங்கதேசம் ஒருமுறையும் மட்டுமே வென்றுள்ளது. வரலாற்றை மாற்ற வங்கதேசம் கடுமையாக முயற்சிக்கும், அதன் ஜம்பம் பலிக்குமாஎன்பது நாளைத் தெரியும். இந்திய நேரப்படி மாலை 5 மணிக்குப் போட்டி தொடங்கும். https://tamil.thehindu.com/sports/article25060254.ece

அனுஷ்கா உடுத்தும் பனாரஸ் சில்க் புடவைகளின் பின்னிருக்கும் சமூக அக்கறை! பச்சை நிற பனாரஸ் சந்தேரி சில்க் புடவையில் அசத்தும் அனுஷ்கா ஷர்மா! பாலிவுட் பிரபல நடிகையும், இந்திய கிரிக்கெட் அணித்தலைவர் விராட் கோலியின் மனைவியுமான அனுஷ்கா ஷர்மா சமீபத்தில் ப்ரியதர்ஷினி குளோபல் அகாதெமி விருது விழாவில் கலந்து கொண்டார். அவ்விழாவில் அனுஷ்கா ஷர்மாவிற்கு ஸ்மிதா பட்டீல் விருது வழங்கப்பட்டது. உள்துறை அமைச்சர் நிதின் கட்கரி மற்றும் அமைச்சர் பியூஷ் கோயலிடமிருந்து விருதைப் பெற்றுக் கொண்டார் அனுஷ்கா. விழாவின் ஹைலைட் அனுஷ்கா விருது பெறுவது அல்ல. விருது பெற்றுக் கொள்வதற்காக அவர் அணிந்து வந்த புடவை தான். அன்றைய தினம் அடர் பச்சை நிற பனாரஸ் சந்தேரி சில்க் புடவையில் அசத்தினார் அனுஷ்கா. பச்சை நிற பனாரஸில் உடல் முழுவதும் தங்கப் பொட்டு சரிகை வேலைப்பாடுகள் அள்ளித் தெளிக்கப்பட்டிருந்தன. பனாரஸ் நெசவே கொள்ளை அழகென்றால் இதில் பனாரஸ் நெசவுடன் சந்தேரி ஸ்டைலையும் கலந்திருந்தார்கள் நெசவாளர்கள். எனவே புடவை லைட் வெயிட்டுடன் கண்களுக்கு விருந்தானது. அழகான ராயல் பச்சை நிற பனாரஸ் சந்தேரி சில்க் புடவைக்குத் தோதாக கிளாஸிக் ஸ்டைலில் தலைமுடியை வகிடெடுத்துப் படிய வாரிக் கொண்டையிட்டு பொருத்தமான ஒப்பனைகளும் பச்சை நிற பிந்தியுமாக அனுஷ்கா உள்ளம் கவர்ந்தார். அன்று அவரது ஒப்பனை மொத்தமும் புடவையின் அழகுக்கு மேலும் மெருகூட்டுவதாகவே இருந்தது. அழகான பச்சை நிற குந்தன் கற்கள் பதிக்கப்பட்ட கைவளைகள், கழுத்தை ஒட்டினாற் போல பச்சை நிறக் கற்கள் பதித்த சோக்கர் (நெக்லஸ்), புடவை கிராண்டாக இருப்பதால் காதுகளுக்கு ஒற்றை மரகதக்கல் தோடு என்று ஆடம்பரத்தில் எளிமை என அசத்தினர் அனுஷ்கா ஷர்மா. விருது விழாவிற்கு மட்டுமில்லை. அனுஷ்கா, விராட் தம்பதியினர் இத்தாலியில் திருமணம் முடிந்து இந்தியாவில் தங்கள் மும்பை நண்பர்கள் மற்றும் உறவினர்களுக்கு அளித்த ரிஷப்சனிலும் கூட அனுஷ்கா அழகான சிவப்பு நிற பனாரஸ் கைத்தறி சில்க் புடவையே உடுத்தி வந்து பாந்தமாக தரிசனம் தந்தார். முன்பெல்லாம் வட இந்திய ஸ்டைலில் வெஸ்டர்ன் உடைகளிலும், காக்ரா சோளி, லெஹங்காவிலும் மட்டுமே பார்க்க வாய்த்த அனுஷ்கா ஷர்மா தற்போது இந்தியப் பாரம்பரிய உடையான புடவைகளில் வலம் வருவது அவரது ரசிகர்களுக்கு இனிய சர்ப்ரைஸ். அதற்கேற்றார் போல அடுத்து வரவிருக்கும் அவரது புதிய திரைப்படமான ‘சுய் தாஹியின்’ தீம் மேட் இன் இந்தியா என்பதாகவே இருப்பதால் அதற்குப் பொருத்தமாக இப்போதெல்லாம் அடிக்கடி இந்திய கைத்தறிப் பட்டுப் புடவைகளை உடுத்திக் கொண்டு வலம் வரத் தொடங்கி இருக்கிறார் அனுஷ்கா. http://www.dinamani.com/lifestyle

அமெரிக்க உச்ச நீதிமன்ற நீதிபதியாக முன்மொழிந்த ப்ரெட் கெவன்னாவிடம் விசாரணை, லிபியாவில் ஆயுக்குழுவினரிடம் சிக்கி அலைகழிக்கப்படும் ஆஃப்ரிக்க குடியேறிகள் உள்ளிட்ட செய்திகளை இங்கே காணலாம்.

இலங்கையில் அதிகரிக்கும் யானை-மனித மோதல்: அரசே கிராமங்களில் யானைகளை விடுகிறதா? இதை பகிர ஃபேஸ்புக்கில் இதை பகிர Messenger இதை பகிர டுவிட்டரில் இதை பகிர மின்னஞ்சல் பகிர்க இலங்கையில் இவ்வருடத்தில் இதுவரை மட்டும் யானைகள் தாக்கி 75 பேர் கொல்லப்பட்டுள்ளதாக வனவிலங்குத்துறை அமைச்சர் பீல்ட் மார்ஷல் சரத் பொன்சேகா தெரிவித்திருக்கிறார். அதேவேளை, 150 யானைகள் இதுவரை இறந்துள்ளதாகவும் அவர் கூறியுள்ளார். யானை - மனித மோதல் இலங்கையில் தற்போது அதிகரித்துள்ளதாகத் தெரியவருகிறது. யானை - மனித மோதலின்போது, பல்வேறு வழிகளில் யானைகள் கொல்லப்படுகின்றன. துப்பாக்கியால் சுடுதல், மின்சார தாக்குதல், உணவுப் பொருட்களுக்குள் வெடிகுண்டினை மறைத்து வைத்தல், நஞ்சூட்டப்பட்ட உணவை வைத்தல் மற்றும் பாரிய குழிகளுக்குள் விழ வைத்தல் போன்ற செயற்பாடுகள் மூலம், யானைகள் கொல்லப்படுவதாக, வனவிலங்கு பாதுகாப்பு திணைக்களத்தின் மட்டக்களப்பு மாவட்டம் - வெல்லாவெளி காரியாலய பொறுப்பாளர் ஏ. அப்துல் ஹலீம் கூறினார். யானையொன்றினை சட்டவிரோதமாக கொல்வது இலங்கையில் தண்டனைக்குரிய குற்றமாகும். அவ்வாறான குற்றம் புரிகிறவர்களுக்கு 2 முதல் 5 ஆண்டுகள் வரையிலான சிறைத்தண்டனை அல்லது 1 லட்சம் முதல் 5 லட்சம் ரூபாய் வரையிலான தண்டம் ஆகிய இரண்டில் ஒன்றினை, அல்லது இரண்டினையும் நீதிமன்றம் விதிக்க முடியும். இலங்கையில் சுமார் 6 ஆயிரம் யானைகள் உள்ளதாகத் தெரிவிக்கப்படுகிறது. இந்த நிலையில் மட்டக்களப்பு, அம்பாறை, பொலநறுவை, அனுராதபுரம் மற்றும் திருகோணமலை மாவட்டங்களில், யானை - மனித மோதல் அதிகம் காணப்படுகிறது. பொதுமக்களின் வீடுகள், பயிர்களுக்கு சேதங்களை விளைவிக்கும் யானைகள், சில சமயங்களில் மனிதர்களையும் தாக்கி கொன்று விடுகின்றன. இந்த ஆண்டு பிப்ரவரி மாதம் அம்பாறை மாவட்டம் கோமாரி பகுதியில் 4 பிள்ளைகளின் தந்தையான இளையதம்பி நல்லையா என்பவர், யானை தாக்கியதால் உயிரிழந்தார். வயலில் காவல் புரிவதற்காகச் சென்றிருந்த போது, மறைந்து நின்ற யானை தாக்கியதில், சம்பவ இடத்திலேயே அவர் பலியானார். இவ்வாறு யானை தாக்கி உயிரிழப்பவர்களுக்கு இழப்பீடாக 5 லட்சம் ரூபாயினை அரசாங்கம் வழங்கி வருகிறது. மரணச் சடங்கினை மேற்கொள்ளும் செலவுகளுக்காக மேற்படி தொகையில் 50 ஆயிரம் ரூபாய் உடனடியாக வழங்கப்படுகிறது. இதேபோன்று, யானைகளால் வீடுகள் சேதமாக்கப்படும் போது, பாதிக்கப்பட்டவருக்கு அதிகபட்சமாக 2 லட்சம் ரூபாயினை மாவட்ட செயலகம் ஊடாக, வனவிலங்கு பாதுகாப்புத் திணைக்களம் வழங்குகிறது. மறுபுறம், யானைகள் கொல்லப்படும் போது, அது தொடர்பில் போலீஸ் மற்றும் நீதிமன்றங்கள் மூலமாக வனவிலங்குத் திணைக்களம் நடவடிக்கை எடுக்கிறது. யானை ஒன்று கொல்லப்பட்டதாக சந்தேகம் எழும்போது, குறித்த யானையின் உடல், நீதிமன்ற உத்தரவுப்படி பிரேத பரிசோதனைக்கு உட்படுத்தப்படுவது நடைமுறை. இவ்வாறு உயிரிழக்கும் யானைகளின் உடல்களை அடக்கம் செய்யும் செலவுகளுக்கு, பிரதேச செயலகங்களுக்கு வனவிலங்கு பாதுகாப்புத் திணைக்களம் 10 ஆயிரம் ரூபாய் வழங்குகிறது. இதேவேளை, யானைகள் கிராமங்களுக்குள் நுழைவதைத் தடுக்கும் பொருட்டு, இதுவரை 4,500 கிலோமீட்டர் தூரத்துக்கு மின்சார வேலிகள் அமைக்கப்பட்டுள்ளதாகவும் வனவிலங்குத் துறை அமைச்சர் சரத் பொன்சேகா தெரிவித்துள்ளார். மேலும், 2,500 கி.மீ. நீளமுள்ள மின்சார வேலி அமைக்கப்பட இருப்பதாகவும் அவர் கூறினார். மின்சார வேலிகளை அமைத்துப் பராமரிப்பதற்காக, 5 பில்லியன் ரூபாய் நிதி தேவைப்படுவதாகவும் அமைச்சர் தெரிவித்துள்ளார். கிராமங்களுக்குள் அரசே யானைகளை விடுகிறதா? இதேவேளை, தமது கிராமங்களுக்குள் யானைகளை அரசாங்கமே கொண்டு வந்து விடுவதாக, அம்பாறை மற்றும் மட்டக்களப்பு மாவட்டத்திலுள்ள கிராம மக்கள் புகார் தெரிவிக்கின்றனர். இது குறித்து, வனவிலங்கு பாதுகாப்புத் திணைக்களத்தின் வெல்லாவெளி காரியாலய பொறுப்பதிகாரி ஹலீமிடம் கேட்டபோது; "அந்தக் குற்றச்சாட்டு தவறானது" என்றார். "சில பிரதேசங்களில் கடுமையான பாதிப்புகளை ஏற்படுத்தும் சில யானைகளை நாம் அடையாளம் கண்டால், அவற்றைப்பிடித்து, அனுராதபுரம் - ஹொரவப்பொத்தானை பிரதேசத்தில் அவ்வாறான யானைகளை விடுவதற்கென அமைக்கப்பட்டுள்ள இடத்துக்குக் கொண்டு செல்வோம். இவ்வாறான யானைகளை இரவு வேளைகளில் வாகனங்களிலேயே கொண்டு செல்வது வழமையாகும். அதனைக் காணும் மக்கள், அவர்களின் கிராமங்களில் விடுவதற்காகவே யானைகளை நாம் கொண்டு வருவதாக நினைத்துக் கொள்கின்றனர். ஆனால், அதில் எவ்வித உண்மையும் இல்லை" எனக் கூறினார். "சிலவேளைகளில், ஒரு சரணாலயத்திலுள்ள யானைகளை, இன்னொரு சரணாலயத்தில் விடுவதற்காகவும் கொண்டுசெல்வோம். இதனைக் காணும்போதும், அவற்றை ஏதோவொரு கிராமத்துக்குள் நாங்கள் கொண்டு விடப்போகிறோம் என, சிலர் தவறாக புரிந்து கொள்ளக் கூடும்" என்று அவர் விவரித்தார். https://www.bbc.com/tamil/sri-lanka-45656285

இலங்கை தலைவர்களை கொல்ல சதி செய்ததாக வழக்கு: இந்தியரை 3 மாதம் விசாரிக்க அனுமதி இதை பகிர ஃபேஸ்புக்கில் இதை பகிர Messenger இதை பகிர டுவிட்டரில் இதை பகிர மின்னஞ்சல் பகிர்க இலங்கை அரச தலைவர்களைக் கொலை செய்வதற்கான சூழ்ச்சி இருப்பதாக வெளியான தகவல் குறித்த விசாரணையின்போது கைது செய்யப்பட்ட இந்தியரை மூன்று மாதங்கள் வரை தடுத்து வைத்து விசாரிக்க இலங்கை பாதுகாப்பு அமைச்சு அனுமதி வழங்கியுள்ளது. Image captionகைதான இந்தியர். கைது செய்யப்பட்ட இந்தியர், கொழும்பு கோட்டை நீதவான் லங்கா ஜயரத்ன முன்னிலையில் இன்று வியாழக்கிழமை ஆஜர்படுத்தப்பட்டார். அவரை அக்டோபர் 23ஆம் தேதி மீண்டும் ஆஜர்படுத்துமாறு நீதவான் உத்தரவிட்டார். மனநல, உடல் ரீதியான நோய்கள் தொடர்பான மருத்துவப் பரிசோதனைக்கு அவரை முன்னிலைப்படுத்துமாறு நீதவான் உத்தரவிட்டார். அரச தலைவர்களை கொலை செய்வதற்கான சூழ்ச்சி இருப்பதாக வெளியிடப்பட்ட ஒலிப்பதிவில் பிரதி போலீஸ் மா அதிபர் நாலக்க டி சில்வா பேசியிருப்பதாக குற்றஞ்சாட்டப்பட்டுள்ளது. இது குறித்து விசாரிக்க, போலீஸ் அதிகாரி நாலக்க டி சில்வாவை இரசாயனப் பகுப்பாய்வுத் திணைக்களத்தில் குரல் மாதிரியொன்றை வழங்குமாறு நீதவான் உத்தரவிட்டார். இந்த உத்தரவை நாலக்க டி சில்வாவிற்கும், இரசாயனப் பகுப்பாய்வுத் திணைக்கள அதிகாரிகளுக்கும் அறிவிக்குமாறு குற்றப் புலனாய்வுப் பிரிவினருக்கு நீதவான் அறிவித்தார். படத்தின் காப்புரிமைPMD யார் இந்த இந்தியர்? பெயர் மார்சிலி தாமஸ். இந்தியாவின் கேரளா, திருவனந்தாபுரம் என்ற முகவரியை கைதான இந்தியர் போலீசாருக்கு வழங்கியுள்ளார். இவர் 2017 ஆம் ஆண்டு ஜனவரி மாதம் சுற்றுலா விசாவில் இலங்கை வந்துள்ளார். இவரது சுற்றுலா விசா காலாவதியானதாக தகவல் வெளியாகியுள்ளது. இதுகுறித்து சரியான தகவல்கள் இல்லையென போலீஸ் பேச்சாளர் கூறினார். கைதான இந்தியர் குறித்து விசாரணை இலங்கையின் ஜனாதிபதி, முன்னாள் ஜனாதிபதி உள்ளிட்ட தலைவர்களுக்கு இருக்கும் உயிர் அச்சுறுத்தல் தொடர்பான தகவல் தன்னிடம் இருப்பதாகக் கூறும் இந்தியர், இலங்கை போலீசாரால் தடுத்து வைக்கப்பட்டிருப்பது தொடர்பாக வெளியாகும் ஊடகச் செய்திகள் பற்றி தமக்கும் தகவல் கிடைத்துள்ளதாக கொழும்பிலுள்ள இந்திய உயர் ஸ்தானிகராலயம் தெரிவித்தது. இந்த விவகாரத்தை மிகவும் பாரதூரமானதாக கருதி, இலங்கை அதிகாரிகள் வழங்கிய குறைந்தபட்ச தகவல்களை அடிப்படையாகக் கொண்டு, சம்பந்தப்பட்ட நபரின் பின்னணி பற்றி விசாரணை நடத்துமாறு இந்திய அதிகாரிகளுக்கு அறிவித்துள்ளதாகவும், உயர் ஸ்தானிகராலயத்தின் பேச்சாளர் ஒருவர் தெரிவித்தார். படத்தின் காப்புரிமைPMD கைது செய்யப்பட்டுள்ள இந்தியப் பிரஜை 2000ஆம் ஆண்டு முதல் மனநிலை பாதிக்கப்பட்டவர் என முதற்கட்ட விசாரணைகளில் தெரியவந்துள்ளதாகவும் அந்த அதிகாரி குறிப்பிட்டார். இந்தத் தகவலை இலங்கை அதிகாரிகளுக்கு தெரியப்படுத்தியுள்ளதாகவும், அது சம்பந்தமாக முழு விசாரணையை நடத்த இந்திய உயர் ஸ்தானிகராலயம் உதவிகளையும், ஒத்துழைப்புக்களையும் வழங்கும் என்றும் அந்த அதிகாரி குறிப்பிட்டார். கைதான இந்தியர் குறித்த போலீஸ் செய்தி தொடர்பாளரின் கருத்து ''ஜனாதிபதி, முன்னாள் ஜனாதிபதி உள்ளிட்டவர்களை கொலை செய்ய சூழ்ச்சி நடப்பதாக வெளியான தகவல்கள் குறித்து விசாரித்து வருகிறோம். இந்த விசாரணைகளில் இந்தியர் ஒருவரும் கைதுசெயப்பட்டுள்ளார். இந்த நபர் 2017ஆம ஆண்டு ஜனவரி மாதம் இலங்கைக்கு வந்துள்ளார். குற்றப் புலனாய்வுப் பிரிவினர் அவரை விசாரிக்கின்றனர். அவருக்கு எங்கிருந்து பணம் கிடைக்கிறது என்பதை அவர் தெளிவாக குறிப்பிடவில்லை. இது குறித்து விரிவாக விசாரணை செய்ய வேண்டியுள்ளது. கொலை சதி தொடர்பில் எவ்வித முக்கியமான தகவல்களும் இந்தியப் பிரஜையிடமிருந்து இதுவரை கிடைக்கவில்லை. படத்தின் காப்புரிமைLAHIRU HARSHANA Image captionநாமல் குமார நாமல் குமார என்ற நபரே ஊடகங்களில் அரச தலைவர்களுக்கு அச்சுறுத்தல் இருப்பதாக தகவல் வெளியிட்டிருந்தார். இதனை அவதானித்துள்ள இந்தியப் பிரஜை, இதுகுறித்து கேட்கவே நாமல் குமாரவின் வீட்டிற்கு பலமுறை சென்றுள்ளதாக தகவல் கிடைத்துள்ளது.'' என்றார் போலீஸ் பேச்சாளர். குற்றப் புலனாய்வுப் பிரிவினர் விசாரணை கைது செய்யப்பட்டுள்ள இந்தியர், ஜனாதிபதி மைத்திரிபால சிறிசேன, முன்னாள் ஜனாதிபதி மகிந்த ராஜபக்ச, அவரது குடும்ப உறுப்பினர்களின் பாதுகாப்புக்கு அச்சுறுத்தல் ஏற்படலாம் என்று சந்தேகிக்கக் கூடிய பல தகவல்களை வெளியிட்டுள்ளதாக நீதிமன்றத்தில் கடந்த செவ்வாய்க்கிழமை தெரிவித்திருந்தனர். கைதுசெய்யப்பட்ட இந்தியரை மூன்று மாதம் தடுத்து வைத்து விசாரிக்க பாதுகாப்பு அமைச்சு அனுமதி வழங்கியுள்ளதாக குற்றப் புலனாய்வுப் பிரிவினர் நீதிமன்றத்தில் வியாழக்கிழமை அறிவித்தனர். https://www.bbc.com/tamil/sri-lanka-45669210

நான் தூங்கி 6 நாட்களாகின்றன என்றால் நம்பவா போகிறார்கள்?: பாக். கேப்டன் சர்பராஸ் வேதனை சர்பராஸ் அகமட். | ஏ.எஃப்.பி. ஆசியக் கோப்பை பலிவாங்கியதில் இலங்கை கேப்டன் மேத்யூஸ் முன்னிலை வகிக்க, அடுத்ததாக வரிசையில் பாகிஸ்தான் கேப்டன் சர்பராஸ் அகமட் இருப்பதாக தகவல்கள் வெளியாகியுள்ளன. ஆசியக் கோப்பை கிரிக்கெட் ஆப்கன் அணிக்கு இனிய நினைவுகளை அளிக்க மாறாக பாகிஸ்தானுக்கு மறக்க வேண்டிய துர்சொப்பனமாகியுள்ளது. தோல்வி, வெற்றி பிரச்சனையல்ல, ஆனால் விளையாடிய விதம் சுத்த மோசமாக இருந்தது, போர்க்குணத்துக்குப் பெயர் பெற்ற பாகிஸ்தான் அது எதுவுமற்று சரணடைந்தது கடும் விமர்சனங்களை எதிர்கொண்டு வருகிறது. குறிப்பாக சர்பராஸ் அகமடின் கேப்டன்சி கோளாறுகள் கடுமையாக விவாதிக்கப்பட்டு வருவதால் அவர் தலை (மை)யின் மேல் கத்தித் தொங்கிக் கொண்டிருக்கிறது. அவரது பேட்டிங் பார்ம் குறித்தும் கடும் கேள்விகள் எழுந்தன, காரணம் சாம்பியன்ஸ் டிராபியில் இலங்கைக்கு எதிராக அரைசதம் கண்ட பிறகு அவரது சராசரி 17.2. அன்று தீப்பொறி பறக்கும் செய்தியாளர்கள் கேள்விகளுக்கிடையே சர்பராஸ் சிக்கிய போது அவர் கூறியதாவது: “இதோ பாருங்கள், கேப்டன்சி அழுத்தம் என்பது சாதாரணமல்ல. பாகிஸ்தான் கேப்டன்கள் யாராக இருந்தாலும் நிச்சயம் அழுத்தம் உண்டு. இதில் பேட்டிங்கிலும் ஆடாமல் அணியும் தோல்வி தழுவும்போது அழுத்தம் அதிகரிக்கவே செய்யும். உள்ளபடியே கூற வேண்டுமெனில் கடந்த 6 இரவுகளாக நான் உறங்கவில்லை என்றால் யாராவது நம்பவா போகிறார்கள்? ஆனால் இதுதான் வாழ்க்கையின் ஓர் அங்கம். இது தொடரவே செய்யும். ஆனால் இதற்காக உடனே பதற்றப் பொத்தானை எச்சரிக்கை மணியை ஒலிக்க வேண்டிய அவசியமில்லை” என்றார். விராட் கோலி, ஜோ ரூட்டுக்கு அடுத்தபடியாக 3 வடிவங்களிலும் அதிகப்போட்டிகளில் ஆடுபவராக இருக்கிறார் சர்பராஸ் இதனால் பணிச்சுமை அதிகமா என்று கேட்ட போது, “எனக்கு ஓய்வு அளிப்பது பற்றி நான் முடிவெடுக்க முடியாது, அணித்தேர்வுக்குழுதான் முடிவெடுக்க வேண்டும். அது என் வேலையல்ல. என் கடன் பணி செய்து கிடப்பதே. நான் விளையாடுவேன், விளையாடிக் கொண்டேயிருப்பேன்” என்றார் சர்பராஸ் அகமட். https://tamil.thehindu.com/sports/article25060479.ece நெஞ்சங்களை வென்றெடுத்த ஆப்கன் அணி: தோனியை அடுத்து சேவாக் உள்ளிட்டோர் ‘ட்வீட்டாரம்’ படம்.| ஏ.எப்.பி. ஆசியக் கோப்பை கிரிக்கெட்டில் தோனி கூறியது போல் உண்மையில் ஆப்கானிஸ்தான் அணிதான் சிறப்பாக ஆடியது. ஆடிய 5 போட்டிகளிலுமே வென்றிருக்க வேண்டியது, நாளை இந்திய அணிக்கு எதிராக இறுதிப் போட்டியில் கதிகலக்க களமிறங்கியிருக்க வேண்டிய அணி அது. பாகிஸ்தான் அகதிகள் முகாமில் வளர்ந்தவர்கள் ஆப்கான் வீரர்கள், தாலிபனியம், அமெரிக்க ஆக்ரமிப்பு, கண்டதே காட்சி கொண்டதே கோலம் ஆட்சி என்று பயங்கரமான் ஒரு சூழலில் வந்து ஒரு அணி மற்ற அணிகளை கதிகலக்கியது பெரிய பாராட்டுகளையும் கவனக்குவிப்பையும் பெற்றுள்ளது. இந்நிலையில் அந்த அணியின் ஆசியக் கோப்பை ஆட்டம் குறித்து முன்னாள் வீரர்கள், சிலர் ட்வீட்டாராம் தந்துள்ளனர்: டாம் மூடி: ஆப்கன் கிரிக்கெட் சங்க அதிகாரிகள் இன்னொரு முறை தங்கள் அணி ஆட்கொள்ள வேண்டிய சக்தி என்பதை நிரூபித்துள்ளனர். 3 போட்டிகளில் சுலபமாக வென்றிருப்பார்கள். உலகக்கோப்பையில் எவ்வளவு அணிகள் ஆடப்போகிறது. என்பதை ஆவலுடன் எதிர்நோக்குகிறேன். சஞ்சய் மஞ்சுரேக்கர்: அவர்கள் ஆடிய 5 போட்டிகளிலுமே வென்றிருக்க வேண்டியது. யார் ஆசியக் கோப்பையை வென்றாலும் இந்த ஆசியக் கோப்பை ஆப்கான் அணியின் ஆட்டத்துக்காகவே நினைவில் தக்கவைக்கப்படும். சேவாக்: நம்ப முடியாத போட்டி, நினைவில் கொள்ள வேண்டிய டை. அவர்கள் நெஞ்சங்களைக் கொள்ளை கொண்டார்கள். அவர்கள் கிரிக்கெட் வரலாற்றில் பெருமைக்குரிய ஒரு தருணம். ஷாகித் அப்ரீடி: ஆப்கான் அணியிடமிருந்து தனித்துவமான ஆட்டம். என்ன மாதிரியான கிரிக்கெட்! அதுவும் உலகத்தரம் வாய்ந்த இந்திய அணிக்கு எதிராக! ரஸல் ஆர்னால்ட்: டீம் ஆஃப் தி ஏஷியா கப். வாழ்த்துக்கள் ஏசிபி, இவர்களை நிறைய பிடித்திருக்கிறது. லஷ்மண்: இது சிறப்பான நாளாகும் ஆப்கன் கிரிக்கெட் அணிக்கு. இது நினைவுச்சின்னத்துக்கு உகந்த ஆட்டம், தொடர், ஒவ்வொரு ஆப்கான் வீரரும் தங்கள் உறுதி மற்றும் போர்க்குணத்துக்காக பெருமைப்பட வேண்டிய ஆட்டம். இந்த ஆப்கான் அணியில் ஏதோ ஒன்று ஸ்பெஷலாக உள்ளது. ஆசியக் கோப்பையில் கவர்ந்திழுத்த அணி. தீப்தாஸ்குப்தா: ஆப்கான் கிரிக்கெட் ரசிகராக இருப்பதென்றால் அதற்கு உறுதியான நரம்புகள் வேண்டும் என்று நான் கருதுகிறேன். ஆனால் அந்தநாள் ஷஜாத்துக்குச் சொந்தமானது. ஹேமங் பதானி: ஆப்கானிஸ்தான் இறுதிக்குச் செல்லாதது எவ்வளவு பெரிய ஏமாற்றம். இந்தத் தொடரின் 2 சிறந்த அணிகள் சுவாரசியமான, விறுவிறுப்பான ஆட்டத்தைக் கொடுத்துள்ளனர். மொகமத் கயீஃப்: ஆப்கானிஸ்தான் இந்தப் புகழ்ச்சிக்குத் தகுதியான அணியே. டைதான், ஆனால் நம்ப முடியாத அளவுக்கு அவர்கள் சிறப்பாக ஆடினார்கள். அவர்கள் அணியில் ரியல் வின்னர்கள் உள்ளனர். https://tamil.thehindu.com/sports/article25058903.ece இந்திய அணியிடம் இருந்து கற்றுக்கொள்ள வேண்டும்: பாகிஸ்தான் வீரர் ஷோயிப் மாலிக் கருத்து துபாயில் நடைபெற்று வரும் ஆசிய கோப்பை கிரிக்கெட் தொடரில் லீக் மற்றும் சூப்பர் 4 சுற்றில் இந்தியாவிடம், பாகிஸ்தான் அணி படுதோல்விகளை சந்தித்தது. ஆப்கானிஸ்தானுக்கு எதிராக கூட அந்த அணி போராடியே வெற்றி பெற்றது. இந்தத் தொடரில் பாகிஸ் தான் அணியின் பேட்டிங்கை விட பந்து வீச்சு கடும் பின்னடைவை சந்தித்துள்ளளது. இந்நிலையில் அந்த அணியின் மூத்த வீரரான ஷோயிப் மாலிக் கூறியதாவது: அணியை கட்டமைப்பதற்கு நேரம் தேவை. ஆனால் பயம் கொள்வதற்கோ, வீரர்களை மாற்று வதற்கோ இது நேரம் இல்லை. அதிக அளவிலான வீரர்களை மாற்றினால், புதிய வீரர்கள் செட்டில் ஆவதற்கும் நேரம் தேவை. இந்திய கிரிக்கெட் அமைப்பு முறைகளை நாம் பார்க்க வேண்டும், அவர்கள் எந்த முறையில் வீரர்களை முன்னேற்றுகிறார்கள் என்பதையும் காண வேண்டும். அணி நிர்வாகம், கேப்டன், தேர்வுக் குழுவினர் தேர்வு செய்த வீரர் களுக்கு நம்பிக்கையை கொடுக்க வேண்டும். போட்டி முடிவடைந்த பிறகு எங்களது அறைக்கு வாரிய தலைவர் வருகை தந்து, எங்களுக்கு நம்பிக்கையை கொடுத் தார். சிறந்த ஆட்டத்தை கொடுக்க வேண்டும் என அவர், எங்களிடம் கேட்டுக் கொண்டார். இத்தகைய விஷயங்கள் விளையாட்டில் நடை பெறும். அணியில் வீரர்களிடம் நம்பிக்கை குறைந்துள்ளது என் பதை மறுக்கவில்லை. இந்திய அணியுடன் ஒப்பிடும் போது நமது வீரர்களுக்கு உள்ள அனுபவத்தின் வித்தியாசத்தை யாரும் புறக்கணிக்க முடியாது. ஜஸ்பிரித் பும்ரா, புவனேஷ்வர் குமார் எந்த வகையில் பந்து வீசுகிறார்கள் என்பதை நாம் கற்றுக்கொள்ள வேண்டும். இந்திய அணியில் அனுபவம் வாய்ந்த வீரர்கள் பலர் உள்ளனர். பல போட்டிகளில் விளையாடிய வீரர் கள் மற்றும் தங்களுடன் விளை யாடும் இளம் வீரர்களிடம் இருந்து மட்டுமே எங்களது வீரர்களால் கற்றுக் கொள்ள முடியும். 200 போட்டிகளில் விளையாடியவர்கள் 5 முதல் 10 ஆட்டங்களில் விளை யாடியவர்களிடம் இருந்து கற்றுக் கொள்ள முடியாது என்பது இல்லை. யாரும் யாரிடம் இருந்து வேண்டுமானாலும் கற்றுக் கொள்ளலாம். அணியில் நீங்கள் மூத்த வீரராக இருந்தால், உங்களது பணி சிறந்த செயல்திறனை வெளிப்படுத்துவது மட்டும் கிடையாது. இளம் வீரர் களுக்கு உதவ வேண்டும், அவர் களுக்கு நம்பிக்கையை கொடுக்க வேண்டும். வெற்றி தேடிக்கொடுப் பது எப்படி கடமையோ, அதே போன்று இளம் வீரர்களுக்கு உதவி செய்வதும் கடமைதான். இது நிகழ்ந்தால் அதன் பின்னர் அணி சரியான பாதையில் பயணிக்கும். இவ்வாறு ஷோயிப் மாலிக் கூறினார். https://tamil.thehindu.com/sports/article25054902.ece

யாழிலேயே அதிக ஊடகவியலாளர்கள் கொல்லப்பட்டுள்ளனர் ; ஏன் விசாரணை இடம்பெறவில்லை - சுமந்திரன் கேள்வி (நா.தனுஜா) ஊடகவியலாளர்கள் மீதான தாக்குதல்கள் தொடர்பில் பேசுகையில் லசந்த விக்ரமதுங்க, கீத் நொயார், பிரகீத் எக்னெலிகொட ஆகியோர் பற்றியே பேசப்படுகின்றது. அவர்களுடன் தொடர்புடைய சம்பவங்கள் தொடர்பிலேயே விசாரணைகளும் மேற்கொள்ளப்பட்டு வருகின்றன. எனினும் கடந்த 20 வருட காலப்பகுதியில் அதிக ஊடகவியலாளர்கள் யாழ் மாவட்டத்திலேயே கொள்ளப்பட்டுள்ளனர். ஒரு ஊடக நிறுவனம் மீது 33 தடவைகள் தாக்குதல் நடத்தப்பட்டுள்ளது. அதே போல் 14 தமிழ் ஊடகவியலாளர்கள் கொள்ளப்பட்டுள்ளனர். இவை தொடர்பில் எதுவித விசாரணைகளும் இடம்பெறாமை வெட்கப்பட வேண்டிய விடயமாக உள்ளது என பாராளுமன்ற உறுப்பினரும் தமிழ் தேசிய கூட்டமைப்பின் ஊடகப் பேச்சாளருமான எம்.ஏ.சுமந்திரன் தெரிவித்தார். ஊடக சுதந்திரமும் சமூகப் பொறுப்பும் பற்றிய கொழும்பு பிரகடனத்தின் 20 ஆவது ஆண்டு நிறைவை முன்னிட்டு இலங்கை பத்திரிகை ஸ்தாபனத்தினால் ஏற்பாடு செய்யப்பட்டிருந்த நிகழ்வில் கலந்து கொண்டு உரையாற்றுகையிலேயே அவர் மேற்கண்டவாறு தெரிவித்தார். தொடர்ந்தும் அவர் குறிப்பிடுகையில், ஊடக சுதந்திரத்தின் மைல்கல்லாக இக் கொழும்பு பிரகடனம் அமைந்துள்ளது. கடந்த சில வருடங்களாக நாட்டில் ஊடகவியலாளர்கள் மீதான தாக்குதல் சம்பவங்கள் குறைவடைந்துள்ளன. கடந்த காலத்தில் இடம்பெற்ற லசந்த விக்ரமதுங்க, கீத் நொயார், பிரகீத் எக்னெலிகொட ஆகியோர் மீதான தாக்குதல் சம்பவங்கள் தொடர்பில் விசாரணைகள் இடம்பெற்று வருகின்றன. எனினும் யாழில் கொல்லப்பட்ட தமிழ் ஊடகவியலாளர்கள் தொடர்பில் எவ்வித விசாரணைகளும் இடம்பெறவில்லை. கொழும்பு பிரகடனம் ஊடக சுதந்திரம், சமூகப் பொறுப்புணர்வு ஆகிய இரு விடயங்களை உள்ளடக்கியுள்ளது. செய்தியை வாசிக்கின்ற வாசகனுக்கென்று பொறுப்புணர்வு உண்டு. அதே வேளை ஊடக சுதந்திரம் என்பது உண்மையை அறிக்கைப்படுத்துவதாகும். ஊடக சுதந்திரத்தை நோக்கிய போராட்டங்கள் இடம்பெறும் அதே வேளை பொய்யான செய்திகளை வெளியிடுகின்ற ஊடகங்களும் தற்போது பெருகி வருகின்றன. இது ஊடகங்களின் பொறுப்புணர்வற்ற தன்மையினையே காட்டுகின்றது. ஊடக சுதந்திரத்தைப் பயன்படுத்தி உண்மையான செய்திகளை வெளியிடுவதன் மூலம் சிறந்த ஊடக கலாசாரத்தை கட்டியெழுப்ப முடியும். நாட்டில் அதிகரித்து வருகின்ற ஊடகங்களின் பொறுப்புணர்வற்ற தன்மை கவலையளித்தாலும் ஊடக சுதந்திரத்தினை வினைத்திறனாகப் பயன்படுத்தி நாட்டில் மாற்றத்தை ஏற்படுத்த முடியும் என்றார். http://www.virakesari.lk/article/41308

``நாகேஷுக்கு மிளகு ரசம்னா உயிர்'' - சச்சு! #HBDNagesh வெடித்துச் சிரிக்க வைப்பார், கசிந்துருக வைப்பார், கண்கள் வலிக்க அழ வைப்பார், எழுந்து நடனம் ஆட வைப்பார்.... அவர்தான் நாகேஷ். தமிழ் சினிமாவில் மறக்க முடியாத, யாராலும் தொட முடியாத நடிப்புக்குச் சொந்தக்காரர். அவருடைய பிறந்ததினம் இன்று. அவருடன் நடித்த மிகப்பெரும் பாக்கியத்தைப் பெற்ற சச்சு பேசினார் ``நாகேஷ் சார், அவரைப் பற்றிய நல்ல நல்ல நினைவுகளை என்கிட்ட கொடுத்துட்டு போயிருக்கார். அவருடைய டைமிங் வாய்ப்பே இல்ல. ஒரு நடிகரா டைரக்டர் பேப்பர்ல காண்பிக்கிற டயலாக்கை மட்டும் பேசாமல், அந்த டயலாக்குக்கு உயிர் கொடுக்குறதுதான் நாகேஷ் சாருடைய பலமே. அவருடைய வேகம் யாருக்கும் வராது. பாடிலேங்குவேஜ், டயலாக் டெலிவரி மூலமா மக்களை ஈர்த்தது நாகேஷ் மட்டும்தான். 'காதலிக்க நேரமில்லை' படத்தில் அவர் அளவுக்கு இல்லைனாலும் ஓரளவுக்கு ஈடு கொடுத்து காமெடியா டயலாக் பேசிட்டு இருந்தேன். நான் பேச ஆரம்பிச்சதும், என் டயலாக்குக்கு கவுன்டர் கொடுத்துக் கிண்டல் பண்ணுவார். அப்போ நான் நடிக்கிறேங்கிறதை மறந்து சட்டுனு சிரிச்சிருக்கேன். இப்ப அதையெல்லாம் நினைச்சா ரொம்ப சந்தோஷமா இருக்கு. அந்தப் படத்துக்குப் பிறகு, நாங்க ரெண்டு பேரும் நண்பர்களாகிட்டோம். அவர் ரொம்ப கெட்டிக்காரர். டைரக்டர் சொல்றதை மட்டும் செய்யாமல், அவருக்குத் தோணுற விஷயங்களையும் நடிக்கும்போது சேர்த்திடுவார். அதுவும் ஸ்பாட்ல தானே ஒரு கவுன்டர் கொடுக்கிறதோ, டயலாக் சொல்றதோ எல்லாம் அத்தனை சுலபமில்லை. தனக்குக் கொடுத்திருக்கிற கேரக்டருக்காக நிறைய ஹோம் ஒர்க் பண்ணுவார். அதனால்தான் இறந்த பிறகும் நம்ம மனசுல தனித்துவமா நிற்கிறார். ஷூட்டிங் ஸ்பாட்டில் கலகலன்னு இருப்பார். எங்க ஃபேமிலியோட ரொம்ப நல்லாப் பழகுவார். அவருக்கு நான் வெஜ் பிடித்தம் கிடையாது. வெஜ்னா உயிர். அதுவும் எங்க அம்மா பண்ற 'மிளகு ரசம்'னா உயிரையே கொடுப்பார். அவருக்காக அடிக்கடி எங்கம்மா மிளகு ரசம் செய்து ஸ்பாட்டுக்குக் கொடுத்து அனுப்புவாங்க. பார்க்கிறதுக்கு காமெடியனா தெரிவார். ஆனா இயல்புல ரொம்ப சீரியஸான மனிதர். இலக்கியத்து மேல அதிக ஈடுபாடு உண்டு. நிறைய புத்தகங்கள் வாசிப்பார். எழுத்தாளர் ஜெயகாந்தன் மீது அளவு கடந்த காதல் உண்டு'' என்று நாகேஷின் நினைவுகளைப் பகிர்ந்துகொள்கிறார் சச்சு. https://www.vikatan.com/news/miscellaneous/138189-nagesh-loves-pepper-rasam-says-actress-sachu.html

தமிழில் ஆக்‌ஷன் சினிமாக்களின் டான்.. மணிரத்னம்! #Verified செக்கச் சிவந்த வானம் விமர்சனம் சென்னையின் செல்வாக்கான மாஃபியா சேனாபதி. அவருக்குப் பின் அவர் அரியாசனத்தில் அமரப்போவது யாரென அவர் மகன்களுக்குள் நடக்கும் வாரிசு யுத்தமே `செக்கச்சிவந்த வானம்'. மாஃபியா சேனாபதிக்கு மூன்று மகன்கள். மூத்த மகன் வரதராஜ், இரண்டாவது மகன் தியாகராஜ், கடைக்குட்டி எத்திராஜ். ஒருநாள், சேனாபதியும் அவர் மனைவியும் செல்லும் காரில் வெடிகுண்டு வீசப்படுகிறது. இருவரும் பலத்த காயங்களுக்குள்ளாகிறார்கள். இந்த கொலை முயற்சி செய்தியைக் கேட்டு பதறி அடித்து ஓடிவருகிறார்கள் மூன்று மகன்களும். `தந்தையைக் கொலை செய்ய முயற்சி செய்து யார்' மற்றும் `அவருக்குப் பின் வாரிசு யார்' என்ற இரு கேள்விகள் மூவரையும் தோட்டாவாகத் துளைத்தெடுத்து பித்துப் பிடிக்க வைக்கிறது. இந்த இருபெரும் கேள்விக்குறிகளின் பதிலறிந்து நிறுத்தற்குறி வைக்கும் பயணத்தில் ரத்தம் தெறிக்கத் தெறிக்க செக்கச்சிவப்பாய் பரபரக்கிறது திரைக்கதை. செக்கச்சிவந்த வானத்தில் அவ்வளவு நட்சத்திரங்கள், அனைத்தும் அக்னி நட்சத்திரங்கள். பதற்றமும் பரபரப்பும் முகமாய்க் கொண்ட வரதனாக அரவிந்த்சாமி. தொழிலதிபருக்கான அளவெடுத்து செய்யப்பட்ட மூளைக்காரன் தியாகுவாக அருண்விஜய். `கூல் லைக் குக்கும்பர்' எத்தியாக சிம்பு. புரியாத புதிர் ரசூலாக விஜய்சேதுபதி. திரைக்கதையில் நால்வருக்கும் சரிசமமான ஏரியாவைப் பிரித்துக்கொடுக்க, நடிப்பில் பிரித்துமேய்ந்திருக்கிறார்கள். அப்பாவுக்கு விபத்து நேர்ந்த செய்திகேட்டு, `நான் வரணுமா' என சிம்பு தரும் எக்ஸ்பிரஷன்...ப்பா. வெல்கம் பேக் சிம்பு. ஆக்‌ஷன் காட்சிகளில்தான் உடல் ஒத்துழைக்க மறுக்கிறது. மணிரத்னம் படத்திலும் விஜய்சேதுபதி விஜய்சேதுபதியாகவே. ஒட்டுமொத்தப் படத்திலும் அவர் துப்பாக்கியைத் தூக்குவது ஒரே ஓர் இடத்தில்தான். படத்தில் அவருக்கு உடல்தான் துப்பாக்கி வார்த்தைகள்தாம் தோட்டா. அசால்டான உடல்மொழியும் நக்கலான வசன உச்சரிப்புமாய்த் தெறிக்கவிட்டிருக்கிறார் மனிதர். எல்லாம் இழந்து எதற்கும் துணிந்து, `நீ சைபர் நான் சைபர்' என மரணத்தின் விளிம்பில் ஒருவன் மிருகமாக உருமாறும் காட்சி, பதறவைக்கிறார் அரவிந்த்சாமி. தியாகு கதாபாத்திரத்துக்கு அருண் விஜய்யைத் தவிர வேறு ஆப்ஷன் இல்லை. இன்னமுமே அவரைப் பயன்படுத்தியிருக்கலாம் என நினைக்க வைத்துவிடுகிறார் அருண்விஜய். இப்படித் தனித்தனியாக வரும் காட்சிகளிலேயே கெத்துக் காட்டுபவர்கள், காம்பினேஷன் காட்சிகளில் ஓவர் ஆக்டிங் செய்யாமல் ஒருவருக்கொருவர் இடம் கொடுத்து படத்தை வேறொரு தளத்துக்குக் கொண்டு சென்றிருக்கிறார்கள். வரதனின் மனைவி சித்ராவாக ஜோதிகா. `நல்லாருப்பியா தம்பி நீ... நல்லாருப்பியா' என சிம்புவிடம் போனில் அழும் காட்சியில்தான் யாரென அழுத்திச் சொல்லியிருக்கிறார் ஜோ. தியாகுவின் மனைவி ரேணுவாக ஐஸ்வர்யா ராஜேஷ். எத்தியின் மனைவி சாயாவாக டயானா எரப்பா மற்றும் வரதனின் காதலி பார்வதியாக அதிதி. மூவருக்கும் பெரிய கதாபாத்திரம் இல்லை. டயானா எரப்பாவுக்கு அவரின் பெயரைவிட சின்ன கதாபாத்திரம்தான். சில நிமிடங்களே வந்தாலும் சிறப்பாக நடித்துக்கொடுத்திருக்கிறார்கள் மூவரும். சேனாபதியாக வரும் பிரகாஷ்ராஜ். சேனாபதியின் மனைவியாக ஜெயசுதா, செழியன் மாமாவாக சிவா ஆனந்த் (படத்தின் இணை எழுத்தாளர்), சின்னப்பதாஸாக வரும் தியாகராஜன் ஆகியோர் கவனம் ஈர்க்கிறார்கள். டிரெய்லரைப் பார்த்தே கணித்துவிடக் கூடிய கதைதான். அதற்குப் பரபரப்பான திரைக்கதை அமைத்து சீட்டில் கட்டிப்போட்டிருக்கிறார்கள். யதார்த்தமில்லாத பேச்சுமொழி, கொஞ்சம் அந்நியப்பட்டு நிற்கும் உடல்மொழியென முதற்பாதி முழுக்கவே வழக்கமான மணிரத்னம் படமாகத்தான் நகர்கிறது. ஆனால், இவை இரண்டையும் இரண்டாம்பாதியில் அடியோடு மாற்றி, `மணிரத்னம் படம்தானா இது' என ஆச்சர்யப்பட வைத்திருக்கிறார். வசனங்களில் தெளிக்கப்பட்டுள்ள நகைச்சுவை அரங்கில் சிரிப்பலைபாய்கிறது. தனது சில க்ளீஷே காட்சிகளை சுயபகடியும் செய்திருக்கிறார் மனிதர். அதில், வீட்டின் உச்சியில் நின்று வெற்றிக்கூச்சல் போடும் அருண்விஜய்யைப் பற்றி `உங்கண்ணன் லூஸு மாதிரி மாடில நின்னு கத்திட்டு இருக்கானாம். செக்யூரிட்டி ஃபோன் பண்ணான்' என சிம்புவிடம் விஜய்சேதுபதி நக்கல் செய்யுமிடம் தாறுமாறு! திரைக்கதையிலிருக்கும் பல லாஜிக் மீறல்களும் இதை மற்ற மணிரத்னத்தின் படங்களிலிருந்து தனித்துக் காட்டுகிறது. இவ்வளவு பெரிய சென்னையையும் ஒரே ஒரு மாஃபியா கும்பல் குத்தகைக்கு எடுத்தாற்போல், சென்னை எங்கும் அவர்கள் மட்டும்தான் இருக்கிறார்கள். ஸ்மார்ட்போனைப் போல கையில் எந்நேரமும் துப்பாக்கியோடு அவ்வளவு அசால்டாக ஊருக்குள் சுற்றுகிறார்கள். போலீஸ் தூங்குகிறதா, பொதுமக்கள் என்ன தக்காளித்தொக்கா. கடைகள், அலுவலகங்கள், பள்ளிவளாகங்கள் என நினைத்த இடங்களில் எல்லாம் நுழைகிறார்கள், சண்டை பிடிக்கிறார்கள், சாமானை உடைக்கிறார்கள். திரைக்கதையில் இருக்கும் முக்கால்வாசி ட்விஸ்ட்களை முன்கூட்டியே கணித்துவிட முடிவது படத்தின் பெரும் மைனஸ். ஏ.ஆர்.ரஹ்மான் இசையில் `பூமி பூமி பாடல்' ஒன்றுபோதும். படத்தின் மொத்த ஆன்மாவும் அதுதான். பல இடங்களில் தடதடக்கும் பின்னணி இசை, சில இடங்களில் மௌனமே ராகமாகப் படபடக்கிறது, பயம் தொற்றுகிறது. சந்தோஷ் சிவனின் ஒளிப்பதிவில் ஆங்கிள்கள் அல்டிமேட். லைட்டிங்கில் விளையாடியிருக்கிறார். குறிப்பாக இந்தக் காட்சியில், குறிப்பாக அந்தக் காட்சியில் என்றெல்லாம் சொல்ல இடம் கொடுக்காமல் எல்லாக் காட்சியையும் ஒரே தரத்தில் கொடுத்திருக்கிறார். ஒவ்வொரு ஃப்ரேமும் ஸ்க்ரீன்ஷாட் அடித்தால் வால்பேப்பர்கள். கலை இயக்கமும் ஆடை வடிவமைப்பும் விஷுவலாக இன்னும் அழகு சேர்த்திருக்கிறது. படத்தின் விறுவிறுப்புக்குப் பெரும்காரணகர்த்தா படத்தொகுப்பாளர் ஶ்ரீகர்பிரசாத். எந்த இடத்திலும் தேங்கி நிற்காதொரு படத்தொகுப்பு. திலீப் சுப்பராயனின் சண்டை வடிவமைப்பு செம நேர்த்தி, ரத்த வாடையை மட்டும் குறைத்திருக்கலாம். ஆக, கீச் கீச் என்றது, கிட்டே வா என்றது, லாஜிக் மீறல்களையும் அதீத வன்முறையையும் தவிர்த்திருந்தால் படம் செம என்றது..! https://cinema.vikatan.com/movie-review/138200-chekka-chivandha-vaanam-movie-review.html

யூரோ 2024!...ஜேர்மனியில் ஐரோப்பிய கால்பந்து சம்மேளனத்தின் 2024 ஆம் ஆண்டுக்கான யூரோகிண்ணச்சுற்றுப்போட்டிகளை நடத்தும் நாடாக ஜேர்மனி தெரிவாகியுள்ளது. இந்த சுற்றுப்போட்டியை நடத்தும் வாய்ப்புக்காக துருக்கியும் ஜேர்மனியும்போட்டிபோட்ட நிலையில் இன்று சுவிற்சலாந்தில் இடம்பெற்ற வாக்கெடுப்பில் ஜேர்மனி வெற்றிபெற்றது. 2006 இல் ஜேர்மனி உலக கிண்ண கால்பந்து போட்டியை நடத்தும் வாய்ப்பைப்பெற்றபின்னர்அதற்கு இந்த வாய்ப்புக்கிட்டியுள்ளது. ஆயினும் துருக்கிக்கு இன்னமும் அனைத்துல கால்பந்துசுற்றுப்போட்டிகள் எதனையும் நடத்தும் வாய்ப்புக்கள்கிட்டவில்லையென்பது குறிப்பிடத்தக்கது. https://www.ibctamil.com/europe/80/106766