நவீனன்

பீர்க்கங்ககாய் பச்சடி தேவையானவை: பீர்க்கங்காய் - 150 கிராம் புளி - சிறிது மஞ்சள்தூள் - கால் டீஸ்பூன் மிளகாய்த்தூள் - அரை டேபிள்ஸ்பூன் மல்லித்தூள் - அரை டேபிள்ஸ்பூன் உப்பு - தே.அளவு அரைக்க: தே.துருவல் - 25 கிராம் பச்சை மிளகாய் - 1 சின்ன வெங்காயம் - 10 சீரகம் - 1 தேக்கரண்டி தாளிக்க: எண்ணெய் - 3 டேபிள்ஸ்பூன் கடுகு - அரை தேக்கரண்டி உ.பருப்பு - அரை தேக்கரண்டி சின்ன வெங்காயம் நறுக்கியது - 4 கறிவேப்பிலை - சிறிது செய்முறை: முதலில் ஒரு வாணலியை அடுப்பில் வைத்து அதில் எண்ணெய் ஊற்றி காய்ந்ததும் கடுகு, உ.பருப்பு, சீரகம், கறிவேப்பிலை, சின்ன வெங்காயம் சேர்த்து தாளிக்கவும். அதில் பூண்டு மற்றும் வெங்காயத்தை சேர்த்து பொன்னிறமாக வதக்கவும். அதில் பீர்க்கங்காயை சேர்த்து நன்கு வதக்கி உப்பு, மஞ்சள்தூள், மல்லித்தூள், மிளகாய்த்தூள் சேர்த்து நன்கு பிரட்டி விடவும். அரைக்க வேண்டியதை அரைத்து சேர்த்து நன்கு பிரட்டி 15 நிமிட மூடி வைத்து இறக்கினால் பச்சடி ரெடி.

கோதுமை அப்பம் தேவையானவை: கோதுமை மாவு - 250 கிராம் நாட்டுச் சர்க்கரை - 200 கிராம் ஏலக்காய்- 5 தே.துருவல் - 1 மூடி தண்ணீர் - 100 மில்லி எண்ணெய் - 250 மில்லி செய்முறை: கோதுமை மாவுடன் பொடித்த நாட்டுச் சர்க்கரை சேர்க்கவும். இத்துடன் ஏலக்காய்த்தூள், தே.துருவல் சேர்த்து நன்கு கரைக்கவும். அந்த மாவை ஒரு மணி நேரம் ஊற வைக்கவும். க்டாயில் எண்ணெய் விட்டு சூடானதும் ஒரு குழிக்கரண்டி மாவு எடுத்து எண்ணெயில் விட்டு சேர்த்து பொரித்தெடுக்கவும்.

மணிக்கூடு

· பூண்டுச் சட்னி தேவையானவை: பூண்டு - 150 கிராம் வரமிளகாய் - காரத்திற்கு ஏற்ப புளி - சின்ன நெல்லிக்காய் உப்பு - தேவையான அளவு கடுகு - அரை டீஸ்பூன் உளுத்தம்பருப்பு - அரை டீஸ்பூன் பெருங்காயம் - கால் டீஸ்பூன் நல்லெண்ணெய் - 3 டீஸ்பூன் செய்முறை : பூண்டை தோலுரித்து எடுத்துக்கொள்ளவும். மற்றவற்றை தயாராக வைத்துக் கொள்ளவும்.கடாயில் எண்ணெய் விட்டு மிளகாயை நிறம் மாறாமல் வறுத்து தனியே எடுத்து வைக்கவும்.அடுத்து பூண்டை சேர்த்து நன்றாக வதக்கவும்.மிக்ஸியில் மிளகாய், உப்பு, புளி மூன்றையும் நன்றாக பொடிக்கவும். பின் வதக்கிய பூண்டை சேர்த்து அரைத்தெடுக்கவும். நல்லெண்ணெயில் கடுகு, உளுத்தம்பருப்பு, பெருங்காயம் தாளித்து சட்னியில் சேர்க்கவும். சுவையான பூண்டு சட்னி ரெடி. இட்லி, தோசைக்கு சூப்பர் காமினேசன்

வாழைப்பூ வடை தேவையானவை: கடலைப்பருப்பு - 1 கப் சோம்பு - 1 டீஸ்பூன் பூண்டு - 10 பல் காய்ந்த மிளகாய் - 3 பொடியாக நறுக்கிய கறிவேப்பிலை - 2 டேபிள்ஸ்பூன் மாவில் கலக்க: வாழைப்பூ - 1 கப் பெரிய வெங்காயம் - கால் கப் கறிவேப்பிலை, புதினா - தலா 1 டீஸ்பூன் கொத்தமல்லித்தழை , உப்பு - தே.அளவு பெருங்காயத்தூள் - கால் டீஸ்பூன் எண்ணெய் - பொரிக்கத் தேவையான அளவு செய்முறை: வடைக்கு கொடுத்துள்ள பொருட்களை இரண்டு மணி நேரம் ஊற வைத்து கொள்ளவும். வாழைப்பூவை அதன் நடுவில் உள்ள நரம்பை நீக்கிவிட்டு கழுவி பொடியாக நறுக்கவும். வெங்காயம், புதினா, கறிவேப்பிலை மற்றும் கொத்தமல்லித்தழை பொடியாக நறுக்கவும். இனி அரைத்த மாவுடன் இவற்றை சேர்த்து கலந்து பிசையவும். மாவை சிறு சிறு உருண்டைகளாக்கவும். வாணலியில் எண்ணெய் சேர்த்து சூடானதும் வட்டமாக தட்டி பொரித்தெடுக்கவும்.

பாலக்கீரை பக்கோடா தேவையானவை: பாலக்கீரை - 1 கப் பெரிய வெங்காயம் - அரை கப் சோம்பு - அரை டீஸ்பூன் பூண்டு - 10 பல் கறிவேப்பிலை, புதினா, கொத்தமல்லித்தழை - தலா 1 டீஸ்பூன் கடலைமாவு - ஒன்னரை கப் அரிசி மாவு - 2 டேபிள்ஸ்பூன் பெருங்காயத்தூள் - கால் டீஸ்பூன் மிளகாய்த்தூள் - 1 டீஸ்பூன் உப்பு - தே.அளவு எண்ணெய் - பொரிக்கத் தேவையான அளவு செய்முறை: பாலக்கீரையின் பின்புறம் உள்ள தண்டை நீக்கிவிட்டு இலையை மட்டும் பொடியாக நறுக்கவும். வெங்காயம், புதினா, கொத்தமல்லித்தழை மற்றும் கறிவேப்பிலையை பொடியாக நறுக்கவும். பூண்டு சோம்பு இரண்டையும் இடிக்கவும். ஒரு பாத்திரத்தில் கடலை மாவு, அரிசி மாவு, பாலக்கீரை, பெரிய வெங்காயம், புதினா, மல்லித்தழை, பெருங்காயத்தூள், மிளகாய்த்தூள், உப்பு, இடித்த பூண்டு கலவையை சேர்த்து பிசையவும். இதில் தண்ணீர் சேர்க்க கூடாது. வாணலியில் எண்ணெய் சேர்த்து சூடானதும் கலவையை பொரித்தெடுக்கவும்.

இட்லி டிக்கா தேவையானவை: சிறிய துண்டுகளாக நறுக்கிய இட்லி - 1 கப் மூவர்ண குடமிளகாய் - தலா 1 ப்ராசஸ்டு சீஸ் - 200 கிராம் இட்லி மிளகாய்ப்பொடி - 2 டீஸ்பூன் உப்பு, எண்ணெய் - தே.அளவு மிளகுத்தூள் - 1 டீஸ்பூன் டூத்பிக் - தே.அளவு சோள மாவு - 1 டேபிள்ஸ்பூன் செய்முறை: ஒரு பவுலில் இட்லி துண்டுகளை சேர்த்து அதன் மேல் சோள மாவை தூவி கிளறவும். வாணலியில் எண்ணெய் விட்டு சூடாக்கி, இட்லிகளை போட்டு பொன்னிறமாக பொரித்தெடுக்கவும். இதன் மேலே இட்லி மிளகாய்ப்பொடிகளை எல்லா பக்கமும் படுவது போல தூவவும். அடுப்பில் மற்றொரு வாணலியை வைத்து எண்ணெய் விட்டு சூடானதும் கியூப் வடிவத்தில் நறுக்கிய குடமிளகாய் துண்டுகளை சேர்த்து வதக்கவும். இதில் உப்பு, மிளகுத்தூள் சேர்த்து லேசாக வதக்கவும். இனி டூத்பிக்கில் இட்லி, குடமிளகாய், சீஸ் என ஒன்றன் பின் ஒன்றாக சொருகி பரிமாறவும்

மோர்க்குழம்பு தேவையானவை: மோர் - 200 மில்லி தேங்காய் - 30 கிராம் கடலைப்பருப்பு - 1 டீஸ்பூன் துவரம்பருப்பு - 1 டீஸ்பூன் மல்லி - 1 டீஸ்பூன் சீரகம் - 1 டீஸ்பூன் மஞ்சள்தூள் - கால் டீஸ்பூன் பூண்டு - 2 பல் இ ஞ்சி - சிறிதளவு காய்ந்த மிளகாய் - தே.அளவு சின்ன வெங்காயம் - 50 கிராம் வெள்ளை பூசணி - 50 கிராம் எண்ணெய் - தே.அளவு செய்முறை: ஊறவைத்த கடலைப்பருப்பு மற்றும் துவரம்பருப்புடன் மல்லி தேங்காய் இஞ்சி பூண்டு காய்ந்த மிளகாயைச் சேர்ந்து நன்கு அரைக்கவும். வாணலியில் எண்ணெய் சேர்த்து நறுக்கிய வெங்காயம் வெள்ளை பூசணி சேர்த்து வதக்கவும். இத்துடன் சீரகம், மஞ்சள்தூள் சேர்த்து நன்கு வதக்கவும். அரைத்த கலவையைச் சேர்த்து வதக்கி பச்சை வாசனை போன பிறகு மோர் சேர்த்து ஒரு கொதி வந்ததும் இறக்கிப் பரிமாறவும்.

தக்காளி சட்னி தேவையானவை: தக்காளி - 5 சின்ன வெங்காயம் - 10 காய்ந்த மிளகாய் - 8 உப்பு - தே.அளவு கடுகு - அரை டீஸ்பூன் உளுந்து - கால் டீஸ்பூன் கறிவேப்பிலை - சிறிதளவு பெருங்காயம் - 1 சிட்டிகை எண்ணெய் - 2 டேபிள்ஸ்பூன் செய்முறை: காய்ந்த மிளகாயுடன் உப்பு சேர்த்து மிக்ஸியில் நன்றாக அரைக்கவும். தக்காளியுடன் மிளகாயை அரைத்தால் திப்பி திப்பியாக வரும். இத்துடன் தக்காளியை சேர்த்து அரைத்து பிறகு சின்ன வெங்காயத்தை சேர்த்து அரைக்கவும். வாணலியில் எண்ணெய் சேர்த்து சூடானதும் கடுகு, உளுந்து, கறிவேப்பிலை சேர்த்து தாளித்து அரைத்து வைத்திருக்கும் தக்காளி கலவையை சேர்த்து பச்சை வாசனை போக லேசாக வதக்கவும். கொதி வந்தது, பெருங்காயத்தை சேர்த்து சிறிது நேரம் கிளறி இறக்கி பரிமாறவும்.